home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

Weissenbacher-Zweymuller syndrome (ဝိုင်ဆန်ဘက်ခါဇွိုင်မူလာ စင်ဒရုန်း)

အဓိပ္ပါယ်ဖွင့်ဆိုချက်|ရောဂါလက္ခဏာများ|ဖြစ်ပွားမှုအကြောင်းရင်းများ|ဖြစ်ပွားစေနိုင်ချေကို မြင့်စေသည့် အကြောင်းရင်းများ|ရောဂါအဖြေရှာခြင်းနှင့် ကုသခြင်း|လူနေမှုပုံစံပြောင်းလဲခြင်းနှင့် အိမ်သုံးကုထုံးများ

အဓိပ္ပါယ်ဖွင့်ဆိုချက်

ဝိုင်ဆန်ဘက်ခါဇွိုင်မူလာ စင်ဒရုန်း ဆိုတာဘာလဲ။

ဝိုင်ဆန်ဘက်ခါဇွိုင်မူလာ စင်ဒရုန်းဆိုတာ အရိုးတွေပုံသဏ္ဍန်ပျက်ပြီး ခြေတွေလက်တွေတိုကာ အရပ်ပုစေပြီး လူပုပုံပေါက်စေသော ရှားပါမျိုးရိုးဗီဇရောဂါတစ်မျိုးဖြစ်ပါတယ်။

ဝိုင်ဆန်ဘက်ခါဇွိုင်မူလာ စင်ဒရုန်းဟာ ဘယ်လောက်ထိ အဖြစ်များသလဲ။

ဝိုင်ဆန်ဘက်ခါဇွိုင်မူလာ စင်ဒရုန်း(WZS) ဟာ အရမ်းရှားပါးတဲ့ရောဂါပါ။ ကမ္ဘာတစ်ဝန်းလုံးအတိုင်းအတာနဲ့တောင် မိသားစုအနည်းငယ်မှာပဲတွေ့ရပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။

ရောဂါလက္ခဏာများ

ဝိုင်ဆန်ဘက်ခါဇွိုင်မူလာ စင်ဒရုန်း ရဲ့ ရောဂါလက္ခဏာတွေက ဘာတွေလဲ။

ဝိုင်ဆန်ဘက်ခါဇွိုင်မူလာ စင်ဒရုန်းရဲ့ အဖြစ်အများဆုံးရောဂါလက္ခဏာတွေကတော့ အောက်ပါတို့ပဲဖြစ်ပါတယ်။

  • အရိုးပုံပျက်ခြင်း
  • အကြားအာရုံမကောင်းခြင်း၊ စိတ်နဲ့လှုပ်ရှားမှုပိုင်းဆိုင်ရာနှေးကွေးခြင်း
  • မျက်လုံး၂လုံးဝေးကွားခြင်း၊ အာခေါင်ကွဲခြင်းတို့လိုမျိုး ထူးခြားတဲ့ မျက်နှာပုံစံများရှိခြင်း
  • ဖွံ့ဖြိုးသင့်တာလောက်မဖွံ့ဖြိုးခြင်း
  • မွေးကင်းစကလေးအရွယ်မှာလုပ်တတ်သင့်သည်များကို မလုပ်တတ်ခဲ့သော စိတ်နဲ့လှုပ်ရှားမှုပိုင်းဆိုင်ရာ မဖွံ့ဖြိုးခြင်း

အရိုးနဲ့ကြွက်သားမူမမှန်ခြင်းတွေက ကလေးအသက်ကြီးလာလေ ပျောက်လာလေဖြစ်ပြီး ကလေးအရွယ်ရောက်တဲ့အခါ အရိုးပုံမကောင်းမှုအများစုက ပုံမှန်ပြန်ဖြစ်သွားတတ်ကြပါတယ်။ ဝိုင်ဆန်ဘက်ခါဇွိုင်မူလာ စင်ဒရုန်းလူနာမှာ အရပ်နဲ့ ကိုယ်အလေးချိန် ထိခိုက်မှုတွေ မရှိနိုင်ပါဘူး။ ဝိုင်ဆန်ဘက်ခါဇွိုင်မူလာ စင်ဒရုန်းကြောင့် စိတ်ပိုင်းဆိုင်ရာဖွံ့ဖြိုးမှုတွေမရှိခြင်းက အသက်၆နှစ်၇နှစ်လောက်ရောက်ရင် ပုံမှန်ပြန်ဖြစ်သွားတတ်ပါတယ်။ အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ သွားရောက်ပြသသင့်ပါသလဲ။

သင့်ဆီမှာ သို့မဟုတ် သင်ချစ်ရသူတစ်ဦးဦးထံမှာ အထက်ဖော်ပြပါ ရောဂါလက္ခဏာတွေထဲက တစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာ မတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နဲ့ တိုင်ပင်တာက အကောင်းဆုံးပါပဲ။

ဖြစ်ပွားမှုအကြောင်းရင်းများ

ဘာတွေက ဝိုင်ဆန်ဘက်ခါဇွိုင်မူလာ စင်ဒရုန်း ဖြစ်ပွားစေသလဲ။

ဝိုင်ဆန်ဘက်ခါဇွိုင်မူလာ စင်ဒရုန်းရဲ့ တရားခံက COL11A2 မျိုးရိုးဗီဇပြောင်းလဲမှုပါပဲ။ ထိုမျိုးရိုးဗီဇက ကလေးဘဝမှာ အရိုးနဲ့တွယ်ဆက်တစ်ရှုးပုံမှန်ဖွံ့ဖြိုးမှုအတွက်လိုအပ်သော X1 ကော်လဂျင်ထုတ်လုပ်မှုအတွက် တာဝန်ယူပါတယ်။

ထိုကော်လဂျင်က အရိုးနဲ့ကြွက်သားစနစ်အလုံးစုံ ဖွံ့ဖြိုးမှုအတွက် အရမ်းအရေးကြီးပြီး ခန္ဓါကိုယ်ကို ထောက်ပံ့မှုပေးအပ်ပါတယ်။ မျိုးရိုးဗီဇချို့ယွင်းမှုကြောင့် X1 အမျိုးအစား ကော်လဂျင်တွေ ကောင်းမွန်စွာမထုတ်နိုင်တော့ဘဲ အရိုးနဲ့တွယ်ဆက်တစ်ရှုးဖွံ့ဖြိုးမှုတွေ နောက်ကျလာပါတယ်။

ဖြစ်ပွားစေနိုင်ချေကို မြင့်စေသည့် အကြောင်းရင်းများ

ဘယ်အရာတွေက ဝိုင်ဆန်ဘက်ခါဇွိုင်မူလာ စင်ဒရုန်း ဖြစ်ပွားနိုင်ချေကိုမြင့်စေပါသလဲ။

မျိုးရိုးဗီဇချို့ယွင်းမှုအများစုက မိဘတွေထံမှ လက်ခံရရှိခြင်းမျိုးမဟုတ်ဘဲ ပြောင်းလဲမှုအသစ်တွေဖြစ်ပေါ်ခြင်းဖြစ်ပါတယ်။ တစ်ခါတစ်လေလည်း လွှမ်းမိုးမျိုးရိုးဗီဆက်ခံမှုမျိုးတော့ ရှိတတ်ပါတယ်။ ဆိုလိုတာက ရောဂါဖြစ်ဖို့အတွက် မိဘတစ်ပါးပါးထံမှ ချို့ယွင်းမျိုးရိုးဗီဇတစ်ခုတည်းသာ လိုအပ်တာဖြစ်ပါတယ်။ နောက်ထပ်သိလိုသည်များအတွက် ဆရာဝန်ဖြင့် ဆွေးနွေးတိုင်ပင်ပေးပါ။

ရောဂါအဖြေရှာခြင်းနှင့် ကုသခြင်း

ယခုဖော်ပြထားသည့် အချက်အလက်များမှာ ဆေးပညာဆိုင်ရာကျွမ်းကျင်သူ၏ အကြံပေးချက်များနေရာတွင် အစားထိုးရန် မသင့်တော်ပါ။ ဆက်လက်သိရှိလိုသောအချက်အလက်များအတွက် သင့်ရဲ့ဆရာဝန်နဲံ အမြဲတိုင်ပင်ဆွေးနွေးပါ။

ဝိုင်ဆန်ဘက်ခါဇွိုင်မူလာ စင်ဒရုန်း ဟုတ်မဟုတ်ကို ဘယ်လိုအဖြေရှာအတည်ပြုသလဲ။

ဝိုင်ဆန်ဘက်ခါဇွိုင်မူလာ စင်ဒရုန်းကို ထိုရောဂါနဲ့ သက်ဆိုင်နိုင်နေမယ့် ထူခြားတဲ့ ရုပ်ပိုင်းဆိုင်ရာ လက္ခဏာတွေနဲ့ အဖြေရှာမှာပါ။ အရိုးပုံသဏ္ဍန်မမှန်ခြင်းကို ဓါတ်မှန်ရိုက်ရင် ရှင်းရှင်းလင်းလင်းမြင်နိုင်ပါတယ်။ ဝိုင်ဆန်ဘက်ခါဇွိုင်မူလာ စင်ဒရုန်းကို COL11A2 မျိုးရိုးဗီဇပြောင်းလဲမှုအား စစ်ဆေးခြင်းဖြင့် အတည်ပြုမှာပါ။

ဝိုင်ဆန်ဘက်ခါဇွိုင်မူလာ စင်ဒရုန်း ကို ဘယ်လိုကုသလဲ။

ဝိုင်ဆန်ဘက်ခါဇွိုင်မူလာ စင်ဒရုန်းဟာ ရောဂါလက္ခဏာပြတတ်ပြီး လူတစ်ယောက်နဲ့ တစ်ယောက်တော့ ကွဲပြားမှာပါ။ ကလေးဆရာဝန်၊ အရိုးဆရာဝန်၊ နား၊နှာခေါင်း၊လည်ချောင်းဆရာဝန်နဲ့ အခြားကျွမ်းကျင်သူတွေလိုမျိုး အထူးကုတွေရဲ့ ပူပေါင်းလုပ်ဆောင်မှုလိုအပ်ပါတယ်။ အကြားအာရုံပျောက်ဆုံးမှုကို ဖြေရှင်းဖို့ အကြားအာရုံအထောက်အကူပြုကိရိယာရှိပါတယ်။ အရိုးပုံသဏ္ဍန်ပျက်မှု အများစုက အသက်ကြီးလာတာနဲ့ အမျှ ပျောက်ကွယ်သွားကြသော်လည်း တချို့သော အရိုးပုံသဏ္ဍန်မမှန်ခြင်းတွေကိုတော့ ခွဲစိတ်ကုသဖို့ လိုနိုင်ပါတယ်။

လူနေမှုပုံစံပြောင်းလဲခြင်းနှင့် အိမ်သုံးကုထုံးများ

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက ဝိုင်ဆန်ဘက်ခါဇွိုင်မူလာ စင်ဒရုန်းကို ကုသရာမှာ ဘယ်လိုအထောက်အကူပြုနိုင်မလဲ။

အကယ်၍သင့်မှာ မေးခွန်းတွေရှိမယ်ဆိုရင် သင့်အတွက်သင့်တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။

Hello Health Group ဆေးပညာအကြံပြုချက်များ၊ ရောဂါစစ်ဆေးအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

What is Weissenbacher-Zweymüller Syndrome & How is it Treated?

https://www.epainassist.com/genetic-disorders/weissenbacher-zweym%C3%BCller-syndrome

Accessed February 7, 2018

Weissenbacher-Zweymuller syndrome

https://rarediseases.info.nih.gov/diseases/4351/weissenbacher-zweymuller-syndrome

Accessed February 7, 2018

စာရေးသူ ဓာတ်ပုံbadge
Phyo Wai Yan မှ ရေးသားသည်။ 6 ရက် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။