ကဖိန်းလွန်ကဲလွန်းရင် တက်တတ်ပြီး သေဆုံးခြင်းထိပါ ဖြစ်စေတယ်လို့လည်း ဆိုထားပါတယ်။ ကဖိန်းလွန်ကဲလွန်းရင် ဖြစ်တတ်ပြီး စွမ်းအားဖြည့်အချိုရည်၊ ဆေးပြားတွေ သုံးစွဲခြင်းကြောင့် ဖြစ်တတ်ပါတယ်။ တနေ့ကို ကဖိန်း ၄၀၀ မီလီဂရမ်ထိတော့ သုံးစွဲနိုင်ပါတယ်။ ဒါဟာ ကော်ဖီလေးခွက်စာလောက်နဲ့ ညီမျှပါတယ်။
ကဖိန်းဟာ အစာအိမ်ထဲက အက်ဆစ်ပမာဏကို မြင့်တက်စေပါတယ်။ အစာမကြေ ရင်ပူခြင်း၊ အစာအိမ်အောင့်ခြင်း စတာတွေ ဖြစ်တတ်ပါတယ်။ ကဖိန်းကို ခန္ဓာကိုယ်ထဲမှာ အပိုဆောင်းတော့ သိုလှောင်ခြင်း မရှိပါဘူး။ အသည်းထဲကို ဝင်ရောက်ပြီး ဆီးကနေပြန်စွန့်ထုတ်ပါတယ်။ ဒါကြောင့် ကော်ဖီသောက်ပြီးချိန်မှာ ဆီးရွှင်တတ်ပါတယ်။ တကယ်လို့ အစာအိမ်အချဉ်ပေါက်ခြင်း၊ အစာအိမ် အနာဖြစ်ခြင်း စတာတွေ ဖြစ်ပွားနေရင်တော့ ကော်ဖီသောက်ခြင်း၊ ကဖိန်းသုံးစွဲခြင်းများ မပြုသင့်ပါဘူး။
ကဖိန်းကို အစာအိမ်ကနေ စုပ်ယူသွားပြီး တနာရီ နှစ်နာရီအတွင်း သွေးကြောထဲမှာ အမြင့်ဆုံးကို ရောက်လာပါတယ်။ ကဖိန်းဟာ သွေးပေါင်ချိန်ကို ခဏတာ မြင့်တက်စေပါတယ်။ ဒါဟာ အဒရီနယ်လင်ကို မြင့်တက်စေခြင်း၊ သွေးကြောကို သဘာဝအလျောက် ကျယ်စေတဲ့ ဟော်မုန်းကို ယာယီပိတ်ဆို့ထားခြင်း စတာတွေကြောင့် ဖြစ်နိုင်ပါတယ်။
လူအများစုမှာတော့ သွေးပေါင်ချိန်အပေါ် ရေရှည်သက်ရောက်မှု မရှိပါဘူး။ ဒါပေမယ့် နှလုံးခုန်တဲ့ စည်းချက်ကိုတော့ သက်ရောက်မှုရှိပါတယ်။ နှလုံးခုန်မြန်စေပါတယ်။ တကယ်လို့ သွေးတိုးခြင်းနဲ့ တခြားနှလုံးပြဿနာတွေ ရှိနေရင် ကဖိန်းသုံးစွဲခြင်း မပြုသင့်ပါဘူး။
ကဖိန်းဓာတ် အလွန်အကျွံသုံးစွဲမိရင် နှလုံးခုန်မြန်ခြင်း၊ စည်းချက်မမှန်ခြင်း၊ အသက်ရှူရခက်ခြင်း စတာတွေ ဖြစ်ပေါ်တတ်ပါတယ်။
ကဖိန်းများများသုံးစွဲရင် ကယ်လ်ဆီယမ်စုပ်ယူမှုနဲ့ ဇီဝဖြစ်ပျက်မှုပေါ် ထိခိုက်စေပါတယ်။ အရိုးပွခြင်းကို ဦးတည်စေနိုင်ပါတယ်။ ဒါ့အပြင် ကြွက်တက်ခြင်းလည်း ဖြစ်စေနိုင်ပါတယ်။ ကြွက်သားများ နာကျင်ကိုက်ခဲစေပါတယ်။
ကဖိန်းဟာ သွေးကြောထဲကတဆင့် အချင်းကို ဖြတ်သန်းသွားနိုင်ပါတယ်။ ကဖိန်းဟာ အာရုံကြောလှုံ့ဆော်တဲ့အရာဖြစ်တာမို့ ကလေးရဲ့ နှလုံးခုန်နှုန်းနဲ့ ဇီဝဖြစ်ပျက်မှုကို မြန်ဆန်စေပါတယ်။ ကဖိန်းဓာတ်လွန်ကဲလွန်းရင် ကလေးရဲ့ ဖွံ့ဖြိုးမှုကို နှေးကွေးစေပြီး ပျက်ကျစေခြင်းလည်း ဖြစ်နိုင်ပါတယ်။
ကိုယ်ဝန်ဆောင်ဖို့ ကြိုးစားနေတဲ့ အမျိုးသမီးတွေအနေနဲ့ ကဖိန်းကို တနေ့တာမှာ ၂၀၀ မီလီဂရမ်နဲ့ ၃၀၀ မီလီဂရမ်ကြားပဲ သုံးစွဲသင့်ကြောင်း သိရပါတယ်။ ကဖိန်းလွန်ကဲရင် အီစထရိုဂျင်ဟော်မုန်း ထုတ်လုပ်ခြင်းကို အနှောက်အယှက်ဖြစ်စေပြီး သန္ဓေအောင်ခြင်းကို အဟန့်အတား ဖြစ်စေနိုင်ပါတယ်။
Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။