backup og meta

ကိုယ်ခန္ဓာကထွက်တဲ့ အသံတွေအကြောင်း

မှ အချက်အလက် စစ်ဆေးထားပါသည်။ Dr. Thurein Hlaing Win


Yun Sandi Nan Mon မှ ရေးသားသည်။ · 09/06/2022 တွင် အသစ်ဖြည့်စွက်ခဲ့သည်။

    ကိုယ်ခန္ဓာကထွက်တဲ့ အသံတွေအကြောင်း

    လေတက်တယ်ဆိုတာ အစာအိမ်ထဲကလေတွေထွက်လာတဲ့အသံပါ။ အံ့သြစရာတော့မရှိဘူး၊လေတွေမျိုချမိလို့ပေါ့ လို့ အစာအိမ်အူလမ်းကြောင်းပညာရှင်တွေကပြောပါတယ်။လေမတက်ချင်ရင်လေလျှော့ပြော(အားရပါးရကြီး စကားသိပ်မများနဲ့)၊ အစာစားရင်ဖြည်းဖြည်းစား၊ ဂက်စ်ပါတဲ့အချိုရည်တွေမသောက်နဲ့ပေါ့။လေတက်တာက ရင်ဘတ်အောင့်တဲ့လက္ခဏာနဲ့တွဲနေတာ၊ လည်ချောင်းနာတာနဲ့တွဲနေတာဆိုရင် အစာအိမ်အက်စစ်ပြန်ဆန်တက်တဲ့ရောဂါရဲ့လက္ခဏာဖြစ်နေနိုင်ပါတယ်။

    လေလည်သံ တဘူဘူဟာ ကြားရသူအတွက်တော့ မင်္ဂလာမရှိလှပေမယ့် (အသက်အောင့်ထားရပေမယ့်)ပေါက်လိုက်တဲ့သူအတွက် အရမ်းကိုပေါ့ပါးသွားစေပါတယ်။လေလည်တယ်ဆိုတာ အမျှင်ဓါတ်များတဲ့အစားအစာတွေကို ဗိုက်ထဲမှာချေဖျက်နေတယ်ဆိုတဲ့ သင်္ကေတဖြစ်ပါတယ်။ မီသိန်း၊နိုက်ထရိုဂျင်နဲ့ ဟိုက်ဒရိုဂျင်ဂက်စ်တွေကို စအိုဝကတဆင့် ခန္ဓါကိုယ်ထဲကစွန့်ထုတ်လိုက်တာပါ။ကောင်းတဲ့အရာတစ်ခုဖြစ်လို့အောင့်မထားသင့်ပါဘူး။

    ဒါပေမယ့် နို့ထွက်ပစ္စည်းေတွစားသုံးပြီးနောက် ဗိုက်ပွတာ(ဗိုက်အောင့်၊ဝမ်းပျက်)ဖြစ်လာတယ်ဆိုlactose intolerance လို့ခေါ်တဲ့ နို့သကြားဓါတ်မစုပ်ယူနိုင်ခြင်းဖြစ်နေနိုင်ပါတယ်။ ဆိုဒါ၊ အသီးဖျော်ရည်တွေသောက်ပြီး ဒီလက္ခဏာတွေဖြစ်လာတယ်ဆို အစာခြေစနစ်ပြဿနာရှိနေနိုင်ပါတယ်။ တချို့အစားအသောက်တွေကလေပွစေနိုင်ပြီး အီးတဘူဘူဖြစ်စေပါတယ်။

    လှုပ်ရှားလိုက်တဲ့အခါ အရိုးအဆစ်တွေက ဂုတ်ခနဲ၊ ဂျွတ်ခနဲမြည်တာကဖြစ်တတ်ပါတယ်။ အဆစ်တွေကြားမှာ မပွတ်တိုက်မိအောင် အရည်နဲ့ထိန်းပေးထားတာကြောင့် ဆောင့်ကြောင့်ထိုင်တဲ့အခါ၊ မတ်တပ်ရပ်တဲ့အခါ အဆစ်မှာဖိအားဖြစ်စေပြီး အဲဒီအရည်တွေက လှုပ်ရှားအသံမြည်ပါတယ်။

    ဒါပေမယ့် အသံတွေမြည်လာတယ်၊ နာကျင်ရတယ်(မျက်ခနဲဖြစ်သွားတာမျိုး)၊ထောက်ရတာမခိုင်တော့ဘူး၊ လှုပ်ရှားမကောင်းတော့ဘူးဆိုရင်တော့ ဆရာဝန်ပြသင့်ပါတယ်။ အရွတ်စုတ်ပြဲတာ၊ အရိုးနုကစတင်ပျက်စီးလာတာတွေဖြစ်နိုင်တာကြောင့် မပေါ့ဆသင့်ပါဘူး။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Thurein Hlaing Win


    Yun Sandi Nan Mon မှ ရေးသားသည်။ · 09/06/2022 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement