ရှိသင့်တဲ့ ပျမ်းမျှနှလုံးခုန်နှုန်း တွက်ချက်ခြင်း (Target Heart Rate Calculator)

လေ့ကျင့်ခန်းလုပ်တဲ့အခါ ရှိသင့်တဲ့ သင့်ရဲ့နှလုံးခုန်နှုန်းကို ဒီကိရိယာမှာ တွက်ချက်လိုက်ပါ
လေ့ကျင့်ခန်းလုပ်နေစဉ်အတွင်း သင့်ရဲ့ပျမ်းမျှနှလုံးခုန်နှုန်းကို သိနိုင်ရန် သင့်အသက်အရွယ်ကိုဖော်ပြပါ။ တစ်မိနစ်မှာ ရှိသင့်တဲ့နှလုံးခုန်နှုန်းအတိုင်းအတာကို ဖော်ပြပေးပါလိမ့်မယ်။
 
အမျိုးသား
အမျိုးသမီး
Please select your gender!
Please enter your age

ကိုယ့်ရဲ့ ပုံမှန်ရှိသင့်တဲ့ နှလုံးခုန်နှုန်း ဘယ်လောက်ဖြစ်နေမလဲဆိုတာ သိချင်စိတ်ဖြစ်မိဖူးလား။ ဒါဆိုရင်တော့ ကျွန်တော်တို့ရဲ့ နှလုံးခုန်နှုန်းတိုင်းစက်နဲ့ တိုင်းပြီးစစ်ကြည့်လို့ရပါတယ်။ ဘယ်လိုအသက်အရွယ်မျိုးအတွက်မဆို ပုံမှန်ရှိသင့်တဲ့ နှလုံးခုန်နှုန်း ကို စစ်ဆေးကြည့်နိုင်တယ်။ လေ့ကျင့်ခန်း လုပ်နေချိန်မှာလည်း ကိုယ့်ပုံမှန်နှလုံးခုန်နှုန်း ကိုသေချာတိုင်းတာကြည့်လို့ရတဲ့အတွက် လုပ်နေတဲ့ လေ့ကျင့်ခန်းကိုလည်း ကိုယ်လိုသလို အားထည့်ပြီး မြှင့်တင်နိုင်တယ်။

ပျမ်းမျှနှလုံးခုန်နှုန်း က ဘယ်လောက်လဲ။

လေ့ကျင့်ခန်းလုပ်နေချိန်ဖြစ်နေတဲ့ နှလုံးခုန်နှုန်းကို မတိုင်းတာခင်မှာ အနားယူနေစဉ် ရှိတဲ့ ပျမ်းမျှနှလုံးခုန်နှုန်း ကို သိထားဖို့လိုအပ်ပါတယ်။ အနားယူနေစဉ်ရှိတဲ့ ပျမ်းမျှနှလုံးခုန်နှုန်းဆိုတာ လှုပ်လှုပ်ရှားရှားမလုပ်နေတဲ့အချိန် တစ်မိနစ်အတွင်းမှာ နှလုံးက ခုန်တဲ့အကြိမ်ရေကို ဆိုလိုခြင်းဖြစ်ပါတယ်။ ဒါကိုတိုင်းတာဖို့အတွက် ညဘက်အိပ်ရေးဝဝအိပ်ပြီး မနက်နိုးလာတာနဲ့ အိပ်ရာပေါ်မှာ တိုင်းကြည့်တာ အကောင်းဆုံးပါပဲ။

ကျန်းမာရေးအဖွဲ့အစည်းမှ ထုတ်ပြန်ထားတဲ့ ပျမ်းမျှနှလုံးခုန်နှုန်းသည်

  • ၁၀ နှစ်နဲ့အထက် ကလေးတွေနဲ့ လူကြီးပိုင်းအရွယ်တွေမှာ တစ်မိနစ်လျှင် အကြိမ် ၆၀ မှ ၁၀၀ဖြစ်ပြီး
  • သေချာလေ့ကျင့်နေတနဲ့ အားကစားသမားတွေမှာ တစ်မိနစ်လျှင် အကြိမ် ၄၀ မှ ၆၀ အထိဖြစ်ပါတယ်။

ပုံမှန်ရှိသင့်တဲ့ နှလုံးခုန်နှုန်းကို ဘယ်လိုအသုံးချမလဲ။

ပုံမှန်ရှိသင့်တဲ့ နှလုံးခုန်နှုန်းတိုင်းခြင်းဖြင့် ကိုယ်က လေ့ကျင့်ခန်းကို ဘယ်လောက်ထိပြင်းပြင်းထန်ထန်လုပ်နေလဲဆိုတာ သိနိုင်ပါတယ်။ လေ့ကျင့်ခန်းလုပ်နေချိန်မှာ ကိုယ့်ရဲ့ နှလုံးခုန်နှုန်းကို သတ်မှတ်ထားတဲ့ ပမာဏတစ်ခုရောက်အောင် ထားနိုင်မယ်ဆိုရင် အရင်ကထက်ပိုပြီးလေ့ကျင့်ခန်းကိုပြင်းပြင်းထန်ထန်လုပ်နိုင်လာပါလိမ့်မယ်။လေ့ကျင့်ခန်း ပုံမှန်မလုပ်သူတွေ၊ သိပ်မကြာသေးမီကမှလေ့ကျင့်ခန်းစလုပ်တဲ့သူတွေဆိုရင် သတ်မှတ်ပမာဏကို အမြန်ဆုံးနှလုံးခုန်နှုန်းရဲ့ ၆၀ရာခိုင်နှုန်းအထိပဲထားဖို့ လိုပါတယ်။ ကိုယ်က ဒီလေ့ကျင့်ခန်းလုပ်တာ အသားကျသွားပြီဆိုမှ ပုံမှန်ရှိသင့်တဲ့ နှလုံးခုန်န်ှုန်းနဲ့ စတင်လေ့ကျင့်နိုင်ပါပြီ။လေ့ကျင့်ခန်းပြင်းပြင်းထန်ထန်လုပ်နေချိန်မှာ စကားပြောဖို့တော့ အဆင်ပြေစေနိုင်ပေမယ့် သီချင်းဆိုလို့တော့ ရမှာမဟုတ်ပါဘူး။

မသက်ဆိုင်ကြောင်း ရှင်းလင်းချက်

ယခုကျန်းမာရေးကိရိယာသည် ဆေးပညာအကြံပေးမှုများပြုလုပ်ရန်အတွက်မဟုတ်ဘဲ သတင်းအချက်အလက်ပေးရုံသာဖြစ်ပါသည်။ ယခုကိရိယာကို ဆေးပညာအကြံပေးမှု၊ ရောဂါရှာဖွေမှုနှင့် ကုသမှုများအတွက် အစားထိုးအသုံးပြု၍မရနိုင်ပါ။ Hello Sayarwon ဝက်ဘ်ဆိုဒ်တွင်ဖတ်ရှုမှုကြောင့် ပရော်ဖက်ရှင်နယ်ကျန်းမာရေးစောင့်ရှောက်မှုပေးသူများ၏ အကြံပေးချက်များနှင့်ကုသမှုများကို လျစ်လျူရှုခြင်းလုံးဝမပြုလုပ်သင့်ပါ။ သင့်အနေဖြင့် ကျန်းမာရေးအရေးပေါ်ကိစ္စတစ်ခုခုဖြစ်ပေါ်သည်ဆိုပါက သင်၏ဆရာဝန် သို့မဟုတ် အရေးပေါ်ဌာနသို့ အမြန်ဆုံးဆက်သွယ်ပြီး ကုသမှုခံယူပါ။