အဆစ်ရောင်သူများ ရှောင်ကြဉ်သင့်သည့် စားသောက်ဖွယ်ရာများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇန်နဝါရီ 12, 2021 . 2 mins read
Share now

အဆစ်အမြစ်ရောင်ခြင်းဟာ တွေ့ရများတဲ့ အခြေအနေတခု ဖြစ်ပါတယ်။ အရိုးအဆစ်တွေဟာ နာတာရှည်ရောင်ရမ်းပြီး နာကျင်ကိုက်ခဲခြင်းကို ဖြစ်ပေါ်စေပါတယ်။ စစ်တမ်းတခုမှာ ဖော်ပြချက်အရ အမျိုးသားများရဲ့ ၄၀ ရာခိုင်နှုန်း၊ အမျိုးသမီးများရဲ့ ၄၇ ရာခိုင်နှုန်းခန့်ဟာ သူတို့ဘဝမှာ အဆစ်ရောင်ခြင်းဝေဒနာကို ခံစားရတယ်လို့ သိရပါတယ်။

သုတေသနတွေအရ အဆစ်ရောင်ခြင်းဟာ နေထိုင်စားသောက်ပုံနဲ့လည်း သက်ဆိုင်ပါတယ်။ အထူးသဖြင့် အစားအသောက်ကို သတိပြုစားသုံးရင် ဝေဒနာခံစားရခြင်းကနေ သက်သာစေပါတယ်။ ယခုဆက်လက်ဖော်ပြမှာကတော့ အဆစ်ရောင်သူတွေအနေနဲ့ ရှောင်ကြဉ်သင့်တဲ့ အစားအသောက်တွေ ဖြစ်ပါတယ်။

သကြား

ဒီနေရာမှာ ထပ်ပေါင်းသကြား (added sugar) ကို ဆိုလိုပါတယ်။ အစားအစာတချို့မှာ စားကောင်းအောင် ပုံမှန်ရှိသင့်တဲ့ပမာဏထက် ကျော်လွန်ပြီး အချိုကဲအောင် သကြားထပ်ဖြည့်ထားတတ်ကြပါတယ်။ ဆိုဒါ၊ ရေခဲမုန့်၊ သကြားလုံး စသဖြင့် သရေစာမျိုးစုံမှာ သကြားဓာတ်ကို ပိုမိုထည့်သွင်းထားကြပါတယ်။ သကြားဓာတ်ဟာ အရိုးအဆစ်ရောင်ခြင်းဝေဒနာကို ပိုဆိုးစေပါတယ်။ ဆိုဒါရည်လို သကြားဓာတ်ကဲတဲ့ အချိုရည်တွေဟာ အဆစ်ရောင်ခြင်းကို ဖြစ်နိုင်ခြေ မြင့်စေပါတယ်။

အဆင့်ဆင့်ပြုပြင်ထားသော အသားများ

အစားအစာတချို့ကို ကြာရှည်ခံအောင် ပြုပြင်ခြင်းဟာ တကယ်တော့ ကျန်းမာရေးနဲ့ မညီညွတ်ပါဘူး။ အထူးသဖြင့် အနီရောင်အသားတွေဖြစ်တဲ့ ဝက်သား၊ အမဲသား၊ သိုးသား၊ ဆိတ်သား စတာတွေ ဖြစ်ပါတယ်။

အဆင့်ဆင့်ပြုပြင်ထားတဲ့ အသားတွေမှာ ရောင်ရမ်းမှုကို ပိုမိုအားပေးတဲ့ IL-5၊ CRP စတဲ့ ဓာတ်ပစ္စည်းတွေ ပါဝင်ပါတယ်။ ဒါကြောင့် အဆစ်ရောင်သူတွေကို ဝေဒနာပိုဆိုးစေနိုင်ပါတယ်။

ဂလူတန် (Gluten) ပါသော အစားအစာများ

ဂလူတန်ဆိုတာဟာ ဂျုံ၊ ဘာလီ စတာတွေမှာပါဝင်တဲ့ ပရိုတိန်းအုပ်စုတမျိုး ဖြစ်ပါတယ်။ သုတေသနတွေအရ ဂလူတန်မြင့်မားတဲ့ အစားအသောက်တွေဟာ အဆစ်ရောင်ခြင်းကို ပိုမိုဆိုးရွားစေတယ်လို့ သိရပါတယ်။

လေးဖက်နာကြောင့် အဆစ်ရောင်ရောဂါ ခံစားနေရသူတချို့ကို ဂလူတန် ပါဝင်ခြင်းမရှိတဲ့ စားသောက်ပုံကို ပြောင်းလဲစေရာမှာ ရောဂါဝေဒနာကို သက်သာစေတယ်လို့ ဖော်ပြထားပါတယ်။

အသင့်စား သရေစာများ

အသင့်စား သရေစာများကို စားချင်စဖွယ်ဖြစ်အောင် အဆင့်ဆင့်ပြုပြင်ထုတ်လုပ်ထားကြပါတယ်။ အဆိုပါ သရေစာတွေမှာ သကြားဓာတ်ကဲတဲ့အပြင် တာရှည်ခံဓာတုပစ္စည်းများနဲ့ ရောင်ရမ်းခြင်းကို အားပေးတဲ့ အခြားပစ္စည်းများ ပါဝင်နေပါတယ်။ ဒါ့အပြင် သရေစာများဟာ အဝလွန်ခြင်းကို အားပေးပါတယ်။ အဝလွန်သူတွေ၊ ကိုယ်အလေးချိန်ထိန်းရခက်သူတွေမှာ အဆစ်ရောင်ခြင်းနဲ့ ပတ်သက်တဲ့ ဝေဒနာတွေ ပိုမိုခံစားရပါတယ်။

အယ်လ်ကိုဟော

အရက်သောက်ခြင်းဟာ အဆစ်ရောင်ခြင်းကို ပိုမိုဆိုးရွားစေနိုင်ပါတယ်။ အထူးသဖြင့် အရက်ကို နှစ်နဲ့ချီပြီး စွဲမြဲစွာ သောက်သုံးခဲ့သူတွေမှာ အရိုးအဆစ်ရောင်နိုင်ခြေ ပိုများပါတယ်။

ဟင်းသီးဟင်းရွက်မှထုတ်လုပ်ထားသော အဆီတချို့

Omega 6 နဲ့ Omega 3 ဟန်ချက်မညီခြင်းဟာ လေးဘက်နာအဆစ်ရောင်ခြင်းကို ပိုမိုဆိုးရွားစေနိုင်ပါတယ်။ အထူးသဖြင့် Omega 6 မြင့်မားခြင်းဟာ အဆစ်ရောင်နိုင်ခြေ ပိုများပါတယ်။ ဒါကြောင့် Omega 6 ပါဝင်မှုများပြားတဲ့ ဟင်းသီးဟင်းရွက်ဆီများကို အဆစ်ရောင်သူများမှာ ရှောင်ကြဉ်သင့်ပါတယ်။

ဆားများသော အစာများ

အဆစ်အမြစ်ရောင်သူတွေဟာ ဆားကိုလျှော့စားသင့်ပါတယ်။ ဆားနယ်ထားတဲ့ အသားတွေ၊ အသားဘူးတွေ၊ အဆင့်ဆင့်ပြုပြင်ထားတဲ့ စားစရာတွေကို ရှောင်ကြဉ်သင့်ပါတယ်။ သုတေသနအချို့အရ ဆားနည်းတဲ့ အစားအသောက်ကို စားသုံးသူတွေဟာ အရိုးနုများပျက်စီးတာ နည်းတယ်လို့ ဆိုပါတယ်။
………………………………………………………
အဆစ်ရောင်သူများအနေနဲ့ ဖော်ပြပြီး အစားအစာများကို ရှောင်ကြဉ်တဲ့အပြင် မိမိအတွက် သင့်တော်မည့် လေ့ကျင့်ခန်းပြုလုပ်ခြင်း၊ ဆေးလိပ်ရှောင်ခြင်း၊ လတ်ဆတ်ပြီး ကျန်းမာရေးနှင့် ညီညွတ်သော အစားအသောက်များ စားသုံးခြင်း စတဲ့ နေထိုင်စားသောက်ပုံတွေနဲ့ နေထိုင်သင့်ပါတယ်။ နေထိုင်စားသောက်မုှပုံစံကို ပြောင်းလဲခြင်းဟာ အဆစ်ရောင်ခြင်းဝေဒနာကို လျော့ပါးစေဖို့ အထောက်အကူပြုပါလိမ့်မယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အဆုတ်ကင်ဆာ ကာကွယ်ပါ

မဖြစ်ခင်က ကြိုတင်ကာကွယ်ပါ။ ဒီလို ကြိုတင်ကာကွယ်ရမယ့်အထဲမှာ အဆုတ်ကင်ဆာကလည်း တစ်ခုအပါအဝင်ပါပဲ။ အဆုတ်ကင်ဆာ သတိပြု ကာကွယ်လို့ ကျန်းမာရေးဂရုပြုပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
အဆုတ်ကင်ဆာ, ကျန်းမာရေးစင်တာ အောက်တိုဘာ 6, 2020 . 2 mins read

အိမ်မှာနေရင်း နှုတ်ခမ်းသားကို ပန်းသွေးကြွအောင် ဘယ်လိုထိန်းသိမ်းမလဲ

နှုတ်ခမ်းသား အရေပြား အလှအပ ရေဓာတ် အဆိပ်အတောက် skin care ရေသောက် နှုတ်ခမ်းခြောက် တံတွေး ဟင်းသီးဟင်းရွက် အသီးအနှံ ဗီတာမင် အမျှင်ဓာတ် နေရောင်ခြည် Mask ပျားရည်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ကိုဗစ်ကာလမှာ စည်သွပ်ဘူးပိတ်အစားအစာတွေကို ပြန်စားနေမိပြီလား

Covid-19 Mask ကိုဗစ် ကပ်ဘေး စည်သွပ်ဘူး တာရှည်ခံ စျေးဝယ် အလုပ်ခွင် မိသားစု စားစရာ အသားငါး ဟင်းသီးဟင်းရွက် အာဟာရ ပဲ ပင်လယ်စာ အချိုမှုန့်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
Corona Virus, COVID-19 စက်တင်ဘာ 30, 2020 . 2 mins read

အစားအစာများမှ ကိုဗစ်ပိုးကူးနိုင်ခြေနည်းကြောင်း ပညာရှင်များပြောကြား

အစားအစာ ကိုဗစ် Covid-19 Mask ကိုရိုနာ အိမ်ထောင်ရှင် မိသားစု စားဝတ်နေရေး ချက်ပြုတ် ကြော်လှော် အသားငါး ဟင်းသီးဟင်းရွက် အသီးအနှံ ဆပ်ပြာ လက်ဆေး ရောဂါပိုး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

နားပေါက်ဖောက်ရာမှ ပိုးဝင်ခြင်း

နားပေါက်ဖောက်ရာမှ ပိုးဝင်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
အရိုးပွနေရင် ဒါတွေရှောင်ပါ။

အရိုးပွနေရင် ဒါတွေရှောင်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 9, 2020 . 2 mins read
စမတ်ဖုန်းတွေပေါ်မှာ တစ်လနီးပါး ရှင်သန်နိုင်တဲ့ COVID-19 ဗိုင်းရပ်စ်ပိုး

စမတ်ဖုန်းတွေပေါ်မှာ တစ်လနီးပါး ရှင်သန်နိုင်တဲ့ COVID-19 ဗိုင်းရပ်စ်ပိုး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 19, 2020 . 2 mins read
သက်သက်လွတ်စားရင်း မှားနေကြသည်များ

သက်သက်လွတ်စားရင်း မှားနေကြသည်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 11, 2020 . 2 mins read