အဆစ်အမြစ်ရောင်ရမ်းတာ ကို ကာကွယ်ကြမယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇန်နဝါရီ 28, 2021 . 2 mins read
Share now

အဆစ်အမြစ်ရောင်ရမ်းတာ ကို ဆေးပညာ ဝေါဟာရနဲ့ osteoarthritis လို့ခေါ်ပြီး အရိုးတစ်ခုနဲ့တစ်ခုကြားက အရိုးနုတွေပွတ်တိုက်ပါများပြီး ပျက်စီးကုန်တဲ့အခါ ခံစားရတဲ့ ဝေဒနာဖြစ်ပါတယ်။ အရိုးနုတွေက အရိုးတစ်ခုခုနဲ့တစ်ခုကြား မှာ အခုအခံ ကူရှင်သဘောမျိုးလုပ်ပေးထားတာကြောင့် သူတို့ပျက်စီးသွားတဲ့အခါ လှုပ်ရှားရင်အဆစ်တွေနာကျင်လာတယ်၊ ရောင်လာတယ်၊ နောက်ပြီး အချိန်ကြာလေ လှုပ်ရှားရတာလည်း မကောင်းတော့ပါဘူး။ ဒါ့ကြောင့် ဒီလိုပြဿနာတွေပေးနိုင်တဲ့ အဆစ်အမြစ်ရောင်ဝေဒနာကို ကာကွယ်နိုင်မယ့် နည်းလမ်းလေးတွေ ပြောပြပေးချင်ပါတယ်။

အဆစ်အမြစ်ရောင်ရမ်းတာ ကို လုံးဝပျောက်ကင်းအောင်ကုသလို့မရဘဲ ခံစားရတဲ့လက္ခဏာတွေသက်သာအောင်နဲ့ မဖြစ်အောင်အနေအထိုင်ဆင်ခြင်လို့ပဲရပါတယ်။ ကံကောင်းစွာပဲ ဝေဒနာဖြစ်ပွားမှုနည်းအောင် လိုက်နာနိုင်တဲ့နည်းလမ်းတချို့ရှိနေပါတယ်။

ဒါတွေကတော့

၁.အဆစ်အမြစ်ရောင်ရမ်းတာ ကို ဂရုစိုက်ပါ

ကိုယ်နေ့စဉ်လုပ်နေရတဲ့အလုပ်တွေကိုပြန်ဆန်းစစ်ကြည့်ပ။ ခဏခဏဒူးထောက်ရတာ၊ အလေးအပင်မတာ၊ လမ်းအကြာကြီးလျှောက်တာ စတာတွေကို အသက်ကြီးလာတာနဲ့ တတ်နိုင်သလောက်လျှော့လုပ်ပါ။ အဆစ်အမြစ်တွေကို အသုံးပြုမှုများလေ ပိုပျက်စီးနိုင်လေပါပဲ။

၂. လေ့ကျင့်အားအစွမ်းကို လျှော့မတွက်ပါနဲ့

ခန္ဓာကိုယ်အတွက် အရမ်းဒဏ်ဖြစ်စေမယ့် လေ့ကျင့်ခန်းမျိုးတွေမဟုတ်ဘဲ အဆစ်အမြစ်တွေသန်စွမ်း စေမယ့် လေ့ကျင့်ခန်းတွေကို ရွေးလုပ်ကြည့်ပါ။ မျက်စိထဲမြင်အောင်ပြောရရင် အေရိုးဗစ်လေ့ကျင့်ခန်းတွေပေါ့။ လေ့ကျင့်ခန်းလုပ်တာက အဆစ်အမြစ်ကျန်းမာရေးအတွက်တင်မဟုတ်ဘဲ စိတ်ဖိစီးမှုလျော့နည်းစေသလို ကြွက်သားနာကျင်မှုကိုလည်း သက်သာစေတာတွေ့ရပါတယ်။ နောက်ပြီး အသက်ကြီးသူတွေခံစားရလေ့ရှိတဲ့ အရိုးကြွက်သားပမာဏလျော့နည်းသွားတာကိုလည်း ကာကွယ်နိုင်ပါတယ်။

၃. ရှိသင့်တဲ့ကိုယ်အလေးချိန်ပဲထားပါ

လေ့ကျင့်ခန်းတော့ လုပ်ချင်ပါရဲ့၊ ခန္ဓာကိုယ်ကအရမ်းဝနေပြန်ရင်လည်း အဆင်မပြေပါဘူး။ နောက်ပြီး ကိုယ်အလေးချိန်အရမ်းများလာရင် အဆစ်အမြစ်တွေပေါ်ဝန်ပိပြီး အရိုးနုတွေမြန်မြန်ပျက်စီးစေနိုင်ပါတယ်။ အဆစ်အမြစ်ရောင်ရမ်းတာ ဟာ အဝလွန်တာ၊ သွေးတိုး၊ ဆီးချိုရောဂါတွေနဲ့လည်း ဆက်စပ်နေတာကြောင့် ကိုယ်အလေးချိန်ထိန်းထားဖို့က အရေးကြီးလှပါတယ်။

၄. အနားယူပါ

လေ့ကျင့်ခန်းလုပ်ရင် အရိုးနဲ့အဆစ်အမြစ်တွေ သန်မာစေတာမှန်ပေမယ့် တန်ဆေးလွန်ဘေးဆိုတာလည်း မမေ့နဲ့နော်။ အသုံးပြုတာများရင်လည်း အဆစ်အမြစ်ရောင်တတ်တာပါပဲ။ အဲ့ဒါကြောင့် လေ့ကျင့်ခန်းလုပ်လိုက်၊ အနားယူလိုက်ပဲလုပ်ပါ။ အဆစ်အမြစ်တွေရောင်ကိုင်းလာတဲ့အထိလည်း ပြင်းပြင်းထန်ထန်မလုပ်ပါနဲ့၊ ဖြစ်ပြီးမှကုသတာထက် မဖြစ်ခင်ကတည်းက ဆင်ခြင်တာပိုကောင်းပါတယ်။ လေ့ကျင့်ခန်းလုပ်ပြီးရင်လည်း ကြွက်သားတွေ ပြည့်ပြည့်၀၀ပြန်ကြီးထွားနိုင်ဖို့ အိပ်ရေး၀၀အိပ်ဖို့လိုအပ်ပါတယ်။

၅. သွေးတွင်းသကြားဓာတ်မျှတအောင်ထိန်းထားပါ

သွေးတွင်းသကြားဓာတ်များလာရင် ဆီးချိုရောဂါဖြစ်ပွားနိုင်ပြီး ဆီးချိုရောဂါက အဆစ်အမြစ်ရောင်ရမ်းစေတဲ့အချက်တွေထဲမှာ တစ်ချက်အပါအဝင်ဖြစ်တာကို သတိပြုရပါမယ်။ သွေးတွင်းမှာများလာတဲ့အဆီဓာတ်တွေကဖွဲ့စည်းပေးလိုက်တဲ့ မော်လီကျူးတွေက အရိုးနုတွေကို မာတောင့်လာစေပြီး ပိုမြန်မြန်ပျက်စီးသွားစေပါတယ်။ ဒါ့ကြောင့် သွေးတွင်းသကြားဓာတ်ကို ထိန်းသိမ်းခြင်းက အဆစ်အမြစ်ရောင်ရောဂါကိုပါ တစ်ခါတည်းကာကွယ်ရာရောက်ပါတယ်။

အဆစ်အမြစ်ရောင်ဝေဒနာက ကုသလို့မရနိုင်သေးပေမယ့် အပေါ်မှာပြောခဲ့တဲ့ နည်းလမ်းတွေကိုလိုက်နာပြီးကျန်းမာတဲ့ စားသောက်နေထိုင်ပုံကို ထိန်းသိမ်းထားရင် ရောဂါဖြစ်နှုန်းကို သိသိသာသာလျှော့ချကာကွယ်နိုင်တာကြောင့် ကျန်းမာပျော်ရွှင်တဲ့ဘဝပိုင်ဆိုင်နိုင်အောင် ယနေ့ပဲ လိုက်နာကျင့်သုံးလိုက်ကြရအောင်နော်။

ရေးသားသူ – Dr. Htoo Tint Ko Ko

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကလေးတွေ တစ်နေ့ကို ဘယ်နှနာရီပဲ ဖုန်းသုံး သင့်သလဲ။

မွေးစကနေ ကျောင်းနေရွယ်ကလေးတွေကို အသက်အရွယ်အလိုက် ဖုန်းသုံး ချိန် ကန့်သတ်သင့်ပါတယ်။ ကလေးအသက်အရွယ်အလိုက် Screen time သတ်မှတ်ချက်ဆိုတာ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win

HIV ပိုးရှိသူတွေ ကိုဗစ် ကာကွယ်ဆေးထိုးလို့ရလား

HIV ပိုးရှိသူတွေ ကိုဗစ် ကာကွယ်ဆေးထိုးလို့ရလား ....... HIV ပိုး ရှိသူတွေလည်း အခြားသူတွေ နည်းတူ ကာကွယ်ဆေးတွေ ထိုးနှံနေကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

ကိုဗစ် ကာကွယ်ဆေးတွေ ကြားက ကွာခြားချက်များ

ကိုဗစ် ကာကွယ်ဆေးတွေ ကြားက ကွာခြားချက်များ ........ ဘယ်ကာကွယ်ဆေးက ပိုကောင်းလဲ ဆိုပြီး ရွေးရမခက်ရအောင် ကာကွယ်ဆေးတွေရဲ့

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

ကလေး ခေါင်းဆောင့် မိတိုင်း စိုးရိမ်စရာလား။

ကလေးတွေ ခေါင်းဆောင့် မိတယ်ဆိုတာ အဖြစ်များတဲ့ ပြဿနာတစ်ခုပါ။ ခေါင်းဆောင့်ပြီးရင် ဘယ်လိုလက္ခဏာတွေ သတိထားသင့်သလဲ။ ဘယ်အချိန်မှာ ဆေးရုံသွားသင့်လဲ။

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ဘိုးဘိုးဘွားဘွားတွေ ဗိုက်အောင့်တာက နှလုံးဖောက် တဲ့ လက္ခဏာဖြစ်နိုင်လား။

ဘိုးဘိုးဘွားဘွားတွေ ဗိုက်အောင့်တာက နှလုံးဖောက် တဲ့ လက္ခဏာဖြစ်နိုင်လား။

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 17, 2021 . 2 mins read
ကိုဗစ်ဖြစ်ပြီး နောက် ထိန်းမရအောင် စားလာခြင်း

ကိုဗစ်ဖြစ်ပြီး နောက် ထိန်းမရအောင် စားလာခြင်း

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 17, 2021 . 3 mins read
COVID-19 အတွက် ကုထုံးတစ်ရပ် sotrovimab

COVID-19 အတွက် ကုထုံးတစ်ရပ် sotrovimab

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 17, 2021 . 2 mins read
ကလေး ခေါင်းဆောင့်မိ ခဲ့ရင် အရေးပေါ်ပြုစုနည်း

ကလေး ခေါင်းဆောင့်မိ ခဲ့ရင် အရေးပေါ်ပြုစုနည်း

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 16, 2021 . 2 mins read