ဗိုင်းရပ်စ်ကြောင့် ဖြစ်တဲ့ တုပ်ကွေးမှာ ဘက်တီးရီးယားတွေကို သေစေတဲ့ ပိုးသတ်ဆေးက အလုပ် မဖြစ်ပါဘူး။ ဒါကြောင့် ပိုးသတ်ဆေးတွေကို မသောက်သင့်ပါဘူး။ ဒါဆို မလိုဘဲ သောက်ရင်ဘာဖြစ်တတ်သလဲ။
တစ်ခွန်းတည်း ပြောရရင် ဆေးယဉ်ပါး ဖြစ်တတ်ပါတယ်။ ဆိုလိုတာက သာမန် နှာစေးချောင်းဆိုး ဖြစ်တိုင်း ပိုးသတ်ဆေး သောက်နေမယ် ဆိုရင် ကြာလာရင် ဒီပိုးတွေက ဒီဆေးကို မတိုးပါဘူး။ ဒါဆို တကယ်တမ်း ရောဂါ အကြီးအကျယ် ဖြစ်လာတဲ့အခါ ကုရခက်လာပါတယ်။ ဒီဆေးယဉ်ပါးပိုး သူများတွေကို အဆင့်ဆင့် ကူးသွားမယ်ဆိုရင် ကုရာနတ္ထိ ဆေးမရှိ ဖြစ်သွားပါလိမ့်မယ်။
နောက်တစ်ခုက မလိုအပ်ဘဲ ပိုးသတ်ဆေးရဲ့ ဘေးထွက်ဆိုးကျိုးတွေကို ခံစားရနိုင်ပါတယ်။ ဥပမာ ဝမ်းလျှောတာ၊ ပျို့တာ၊ နေထိုင်မကောင်းတာပါ။
ဘယ်အခါမျိုးမှာ တုပ်ကွေးဖြစ်တဲ့သူတွေ ပိုးသတ်ဆေးသောက်ရမလဲ။
တုပ်ကွေးရဲ့နောက်ဆက်တွဲတွေ ဖြစ်တဲ့ နားပြည်ယိုတာ၊ ထိပ်ကပ်နာ၊ နမိုးနီးယားတွေ ဖြစ်လာရင်တော့ ပိုးသတ်ဆေး သောက်ဖို့ မဖြစ်မနေလိုလာပါပြီ။ လိုအပ်ရင် ဆေးရုံ တက်ပြီး ကုသ ရပါမယ်။
အိမ်တွင်းကုထုံးများ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။