ညဘက်ကိုယ်က နှစ်နှစ်ခြိုက်ခြိုက်အိပ်နေချိန်မှာ မနားမနေအလုပ်လုပ်နေတဲ့ ခန္ဓါကိုယ်အစိတ်အပိုင်းလေးတစ်ခုရှိနေပါတယ်။ တိတ်တိတ်လေးအလုပ်လုပ်နေပမယ့် ခန္ဓါကိုယ်ကျန်းမာဖို့အတွက် အရေးပါတဲ့ အလုပ်တွေကိုလုပ်နေတာပါ။ သူက ခန္ဓါကိုယ်ထဲမှာ လှည့်ပတ်နေတဲ့သွေးတွေထဲက အဆိပ်အတောက်ေတွကို ဖယ်ရှားပေးပြီး စားသုံးလိုက်တဲ့ထဲမှာပါတဲ့ အဆီတွေကို သိမ်းဆည်းထားပေးပါတယ်။ အစာခြေဖို့လိုအပ်တဲ့ သည်းခြေရည်တွေကိုထုတ်ပေးပါတယ်။ ဒီလောက်ဆိုရင်တော့ ခန္ဓါကိုယ်ရဲ့ အလုပ်အများဆုံးနဲ့ အကြိုးစားဆုံး အင်္ဂါအစိတ်အပိုင်းလေးက ဘာလေးလဲဆိုတာကို သိလောက်ပြီထင်ပါတယ်နော်။ ခန္ဓါကိုယ်ရဲ့ ကိုယ်တွင်းအင်္ဂါတွေထဲမှာ အကြီးဆုံးဖြစ်ပြီး အလုပ်လည်းများတဲ့ အသည်းလေးကျန်းမာနေမှနေ့စဉ်ကျန်းမာပျော်ရွှင်တဲ့ ဘဝနေထိုင်မှုပုံစံကို ပိုင်ဆိုင်နိုင်မှာပါ။
Hello Sayarwon မှ ထွက်မည်။
ထွက်မှာ သေချာပြီလား။
အသည်းကို ချက်ချင်းဂရုစိုက်ဖို့လိုအပ်နေပြီလား
ဒီတော့ အသည်းကျန်းမာဖို့ဘာတွေလုပ်ရမလဲ။ မကြာသေးခင်ကတွေ့ရှိချက်တွေအရတော့ အရက်တွေကပဲ အသည်းကိုထိခိုက်စေတာမဟုတ်ဘဲ အဆီများတဲ့ အစားအစာတွေကလည်း အသည်းကို ထိခိုက်စေနိုင်ပါတယ်။ ဒါကြောင့်နေ့စဉ် လုံလောက်တဲ့ ကိုယ်လက်လှုပ်ရှားမှုကိုလုပ်တာ၊ အာဟာရသင့်တင့်မျှတအောင်စားသုံးတာ၊ အယ်လ်ကိုဟောကိုရှောင်တာ၊ဆေးလိပ်ေရှာင်တာ၊ အိပ်ရေးဝအောင်အိပ်စက်တာမျိုးတွေကို သတိထားလုပ်ပေးဖို့လိုပါမယ်။နောက်တစ်ချက်ကတော့ဆေးတွေကို မလိုအပ်ဘဲမသောက်ဖို့နဲ့ ကိုယ်အလေးချိန်ကို ထိန်းဖို့ပါ။
ဒီအချက်တွေခံစားနေရပြီဆိုရင် အသည်းထိခိုက်နေပါပြီ
ဘယ်သူတွေမှာ ပိုဖြစ်နိုင်လဲ
ဒီအချက်ရှိသူတွေက အသည်းထိခိုက်နိုင်ခြေပိုများပါတယ်။
- ရောဂါအခံတစ်ခုခုရှိတဲ့သူ
- ဆီးချိုရောဂါရှိသူ
- အသည်းရောင်အသားဝါပိုးကူးစက်ခံထားရသူ
- အရက်သောက်တတ်သူ
- ဆေးလိပ်သောက်တတ်သူ
- တစ်ဆင့်ခံဆေးလိပ်ငွေ့ထိတွေ့နေသူတွေ
- အဆိပ်အတောက်ဖြစ်စေနိုင်တဲ့အရာတွေနဲ့ ထိတွေ့သူတွေ
- အဝလွန်နေသူတွေ
- အသည်းရောဂါခံစားရဖူးတဲ့ မျိုးရိုးရှိသူတွေမှာ အသည်းထိခိုက်နိုင်ခြေက အခြားသူတွေထက်ပိုများနေနိုင်ပါတယ်။
အသည်းကျန်းမာစေဖို့
- အရက်သေစာသောက်သုံးမှုကိုလျှော့ပါ။
- နေ့စဉ် အာဟာရမျှတတဲ့ အစားအသောက်တွေစားသုံးပေးပါ။ သစ်သီးတွေ၊ ဟင်းသီးဟင်းရွက်တွေနဲ့ အမျှင်ဓါတ်ပါတဲ့ အစားအစာတွေစားသုံးပေးပါ။
- ကျန်းမာတဲ့ ကိုယ်အလေးချိန်ကို ထိန်းညှိပေးပါ။
- လေ့ကျင့်ခန်းပုံမှန်လုပ်ပေးပါ။
- မူးယစ်ဆေးဝါးသုံးစွဲတာမျိုးမလုပ်ပါနဲ့။
- ဆေးထိုးအပ်တွေမျှမသုံးပါနဲ့။
- သွားပွတ်တံတွေ၊ မုတ်ဆိတ်ရိတ်ဓါးတွေကို သီးသန့်ထားအသုံးပြုပါ။ မျှမသုံးပါနဲ့။
- အကာအကွယ်မပါဘဲ လိင်မဆက်ဆံပါနဲ့။
Verifying...
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ရင်းမြစ်များ
15 Signs That Suggest Your Liver Needs An Urgent Cleansehttps://www.curejoy.com/content/liver-detox-symptoms/?utm_source=Popular&utm_medium=FCM&utm_campaign=Push&fbclid=IwAR3Z8cVvRKw9ZXTYGUzSO3kJr47H19ct2W5rPR3uOx9Bz_sg-j3N4YYDK0Q Accessed Date 22 January 2019
Signs Your Liver Needs A Detoxhttps://www.quicksilverscientific.com/blog/signs-your-liver-needs-a-detox/ Accessed Date 22 January 2019
Share