စားချဉ့်ပြန်ရောဂါကို ဘယ်လိုကုသပါသလဲ
လူအများစုကတော့ ဖြစ်လာရင် သောက်ဆေးလောက်နဲ့ သက်သာသွားတတ်ကြပါတယ်။
- အစာအိမ်အချဉ်ဓာတ်ကို ထိန်းညှိပေးတဲ့ဆေးတွေ
- H-2-receptor blockers အုပ်စုဝင်ဆေးတွေ
- အစာအိမ် အက်ဆစ် မထွက်အောင်တားပြီး အနာကျက်စေနိုင်တဲ့ဆေးတွေ အစရှိသဖြင့်သုံးနိုင်ပါတယ်။

ဒါတွေက လက္ခဏာကိုပဲ သက်သာစေတာဖြစ်လို့ အခြေအနေပိုဆိုးလာတယ်ဆိုရင် (သို့) ဆေးသောက်ပြီး အကျိုးမထူးဘူးဆိုရင် ဆရာဝန်နဲ့ ပြသပြီး ကုသမှု ခံယူသင့်ပါတယ်။
စားချဉ့်ပြန်ရောဂါ အတွက် လူနေမှုပုံစံပြောင်းလဲခြင်းနှင့် အိမ်သုံးကုထုံး
အောက်ဖော်ပြပါ လူနေမှုပုံစံနဲ့ အိမ်သုံးကုထုံးတွေက စားချဉ့်ပြန်ရောဂါကို ကုသရာမှာနဲ့ လက္ခဏာတွေ သက်သာအောင် နေတဲ့နေရာတွေမှာ အကူအညီပေးနိုင်ပါတယ်။
- ကိုယ်အလေးချိန် သင့်တင့်မျှတအောင် ထိန်းထားခြင်း
- အဝတ်အစား ကျပ်ကျပ် မဝတ်ခြင်း
- ဆီကြော်စာ၊ ချောကလက်၊ အပူအစပ်၊ ကြက်သွန်စသည့် ရင်ပူစာများရှောင်ခြင်း
- တစ်ကြိမ်ထဲ အစာအများကြီးမစားဘဲ နည်းနည်းနဲ့ ခဏခဏ စားခြင်း
- အစာစားပြီးပြီးချင်း တန်းမလှဲခြင်း
- ဆေးလိပ်၊ အရက်မသောက်ခြင်း စတာတွေပဲ ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။