သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ဆီးချိုကြောင့်ဖြစ်တဲ့နောက်ဆက်တွဲဝေဒနာတွေကို ကာကွယ်နိုင်စေဖို့ ဘဝနေထိုင်မှုပုံစံ

ဆီးချိုကြောင့်ဖြစ်တဲ့နောက်ဆက်တွဲဝေဒနာတွေကို ကာကွယ်နိုင်စေဖို့ ဘဝနေထိုင်မှုပုံစံ

ဆီးချိုက ကမ္ဘာ့လူဦးရေတော်တော်များများခံစားရတဲ့ရောဂါတစ်ခုပါ။ ဒီရောဂါက စစချင်းမှာ တစ်ယောက်တည်းလာတတ်ပေမယ့် အချိန်ကြာလာနဲ့အမျှတွေ့သမျှရောဂါတွေကို ဖိတ်ခေါ်တော့တာပါပဲ။ အချိန်ကြာလာတာနဲ့အမျှ ဆီးချိုကြောင့် ခန္ဓါကိုယ်မှာ ထိခိုက်မှုတွေများလာပါတယ်။ ဒီတစ်ခေါက်တော့ ဆီးချိုဝေဒနာခံစားနေရတဲ့သူတွေအတွက် ဆီးချိုကြောင့်ဖြစ်လာမယ့်နောက်ဆက်တွဲဝေဒနာတွေကို ကာကွယ်နိုင်စေမယ့် ဘဝနေထိုင်မှုပုံစံကိုပြောပြပေးချင်ပါတယ်။

ဆီးချိုကြောင့်ဖြစ်လာနိုင်တဲ့နောက်ဆက်တွဲရောဂါတွေ

ဆီးချိုသက်တမ်းရင့်လာတဲ့အခါ ဒီရောဂါတွေက မဖိတ်ခေါ်ဘဲ သူ့သဘောနဲ့ သူဝင်လာတတ်ပါတယ်။

ဆီးချိုကြောင့်ဖြစ်လာမယ့်နောက်ဆက်တွဲဝေဒနာတွေကို ဒီလိုကာကွယ်ပါ

ကိုယ်အလေးချိန်ချပါ – ကျန်းမာတဲ့ ကိုယ်အလေးချိန်ကို ထိန်းသိမ်းတာကသွေးတွင်းသကြားဓါတ်ကို ထိန်းညှိဖို့ အထောက်အကူပြုပေးနိုင်ပါတယ်။ ဒါကြောင့် ပုံမှန်ကိုယ်အလေးချိန်ထိန်းဖို့ သတိထားပေးပါ။

တစ်နေ့နှစ်ကြိမ်သွေးချိုတိုင်းပါ -နေ့စဉ်မနက်ခင်းတစ်ကြိမ် ညနေတစ်ကြိမ်လောက်သွေးချိုကို ပုံမှန်တိုင်းတာပေးပါ။ အိမ်မှာသွေးချိုတိုင်းစက်လေးဝယ်ထားပြီး တိုင်းပေးလို့ရသလို နီးစပ်ရာဆေးခန်းတွေဆေးဆိုင်တွေမှာ သွားရောက်ပြီး တိုင်းတာစစ်ဆေးလို့လည်းရပါတယ်။ သွေးချိုအရမ်းမြင့်နေရင် ထိန်းဖို့လိုအပ်ပါမယ်။

ကာဗိုဟိုက်ဒရိတ်ကို စစ်ဆေးပါ – တစ်နေ့တာမှာ ကိုယ်အနေနဲ့ ကာဗိုဟိုက်ဒရိတ်ပမာဏ ဘယ်လောက်ထိစားလိုက်လဲဆိုတာကို သိဖို့လိုအပ်သလို သတိထားဆင်ခြင်ဖို့လည်း လိုအပ်ပါမယ်။ ကာဗိုဟိုက်ဒရိတ်စားသုံးမှုကို ထိန်းနိုင်မှသွေးတွင်းသကြားဓါတ်ကို ထိန်းနိုင်မှာပါ။ အစားစားတဲ့အခါ အဆီနည်းပြီး အမျှင်ဓါတ်များတဲ့ အစားအစာတွေကို အဓိကထားစားပေးပါ။ အသီးအရွက်တွေပဲအမျိုးမျိုးနဲ့ အမျှင်ဓါတ်ပါဝင်မှုများတဲ့ ကာဗိုဟိုက်ဒရိတ်တွေကို စားသုံးပေးပါ။

သွေးပေါင်ချိန်ကိုထိန်းညှိပါ – ဆီးချိုရဲ့နောက်ဆက်တွဲအနေနဲ့ နှလုံးရောဂါဝင်လာနိုင်တယ်ဆိုတာကို သိထားပြီးဖြစ်မှာပါ။ ဒါကြောင့်သွေးပေါင်ချိန်ကိုမေ့ထားလို့မရပါဘူး။ အရိပ်တကြည့်ကြည့်နဲ့ကိုစောင့်ကြည့်သင့်တာပါ။သွေးတိုးရောဂါခံစားနေရမယ်ဆိုရင်လည်း ဆရာဝန်နဲ့သေချာလေးတိုင်ပင်ပြီး လိုအပ်တဲ့ ကုသမှုကိုခံယူဖို့ပြောချင်ပါတယ်။

သွေးတွင်းကိုလက်စထရောစစ်ဆေးပါ -သွေးတွင်းကိုလက်စထရောများတာကရောဂါတွေကို ဖြစ်စေနိုင်တဲ့အကြောင်းရင်းခံတစ်ခုပါ။ ဒါကြောင့် ပုံမှန်သွေးတွင်းကိုလက်စထရောပမာဏကိုစစ်ဆေးဖို့လိုပါမယ်နော်။

ကိုယ်လက်လှုပ်ရှားမှုရှိပါစေ -နေ့စဉ်ကိုယ်လက်လှုပ်ရှားမှုလုပ်တာက ကျန်းမာတဲ့ ကိုယ်အလေးချိန်ကို ထိန်းညှိပေးရာရောက်သလိုသွေးတွင်းသကြားဓါတ်ကိုလည်းထိန်းညှိပေးနိုင်ပါတယ်။သွေးပေါင်ချိန်နဲ့ သွေးတွင်းကိုလက်စထရောပမာဏကိုပါ ထိန်းညှိပေးနိုင်မှာပါ။ ပုံမှန် လမ်းလျှောက်တြာဖစ်ဖြစ် စက်ဘီးစီးတာမျိုးဖြစ်ဖြစ်လုပ်ပေးပါနော်။

အိပ်ရေးဝပါစေ – အိပ်ရေးပျက်တဲ့အခါ ပိုစားမိနိုင်ပါတယ်။ ဒီလိုစားမိတာက ကိုယ်အလေးချိန်တက်လာစေနိုင်သလိုသွေးတွင်းသကြားဓါတ်ကိုပါ တက်လာစေနိုင်ပါတယ်။ ဒီလိုစားသုံးမိမှုကနောက်ဆက်တွဲဖြစ်လာနိုင်တဲ့ပြဿနာတွေတော်တော်လေးများပါတယ်။ ဒါကြောင့် အိပ်ရေးဝဝအိပ်ပါ။ အိပ်ရေးဝတာက ကျန်းမာတဲ့ စားသောက်မှုပုံစံကိုရရှိစေနိုင်သလိုသွေးတွင်းသကြားပမာဏကိုလည်းကောင်းမွန်စေနိုင်ပါတယ်။

စိတ်ဖိစီးမှုကင်းနေအောင်ဂရုစိုက်ပါ – စိတ်ဖိစီးမှု နဲ့ ဆီးချိုက တွဲစပ်မထားသင့်တဲ့အရာတွေပါ။ စိတ်ဖိစီးမှုများလာတဲ့အခါသွေးတွင်းသကြားဓါတ်က အလိုလိုတက်လာတာပါ။ ဒါကြောင့် စိတ်ဖိစီးမှုကင်းစေဖို့ တစ်ယောက်တည်း တိတ်ဆိတ်တဲ့နေရာမှာနေတာမျိုး၊ တရားထိုင်တာမျိုး၊ယောဂ ကစားတာမျိုးလုပ်ပေးပါ။

ဆရာဝန်နဲ့ ပုံမှန်ပြသပေးပါ – တစ်နှစ်ကို တစ်ကြိမ်ဆရာဝန်နဲ့ ပုံမှန်ပြသပေးပါ။ တစ်ခုခုခံစားရတဲ့အခါမျိုးမှာ ဆရာဝန်နဲ့သွားရောက်ဆွေးနွေးပြသတာမျိုးလုပ်ပေးပါ။ တစ်လတစ်ကြိမ်သွေးတိုးစစ်ပေးပါ။ ၃ လတစ်ကြိမ် မျက်လုံးစစ်ဆေးပါ။ကျောက်ကပ်စစ်ဆေးမှု၊ နှလုံးစစ်ဆေးမှု နဲ့ အာရုံကြောထိခိုက်မှုတွေရှိ၊မရှိ စစ်ဆေးပေးပါ။ခြေထောက်တွေကိုသေချာစစ်ဆေးပေးပါ။နောက်ဆက်တွဲရောဂါတစ်ခုခုခံစားနေရတဲ့ လက္ခဏာတွေ့ရပြီဆိုတာနဲ့ ဆရာဝန်ကို ချက်ချင်းသွားပြပေးပါ။

ဆေးပုံမှန်သောက်ပါ – ဆီးချိုအတွက်ပေးထားတဲ့သောက်ဆေးတွေကို အချိန်မှန်မှန်၊ ပမာဏမှန်မှန်နဲ့သေချာလေးသောက်ပေးပါ။

နေ့တိုင်း အစားအသောက်အနေအထိုင်တွေကိုသေချာဂရုစိုက်လို့ ပုံမှန်စစ်ဆေးမှုတွေလုပ်ပြီး ဆီးချိုကြောင့်ဖြစ်လာနိုင်တဲ့နောက်ဆက်တွဲဝေဒနာတွေက ကာကွယ်လိုက်ပါ။

Hello Health Groupသည် ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Verifying...

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ
9 Ways to Avoid Diabetes Complicationshttps://www.webmd.com/diabetes/lifestyle-tips-to-avoid-diabetes-complications Accessed Date 15 January 2019

Diabetes care: 10 ways to avoid complicationshttps://www.mayoclinic.org/diseases-conditions/diabetes/in-depth/diabetes-management/art-20045803 Accessed Date 15 January 2019

How to Avoid Diabetic Complicationshttps://www.diabetes.co.uk/how-to/avoid-diabetes-complications.html Accessed Date 15 January 2019

စာရေးသူ ဓာတ်ပုံbadge
Aye Thi Mon မှ ရေးသားသည်။ 16/03/2022 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။