တစ်ခါတလေမှာနေရောင်လေးနည်းနည်းလောက် ထိတွေ့တာကလည်း ကျန်းမာရေးအတွက် အထောက်အပံ့ဖြစ်ပါတယ်နော်။ မနက်ခင်းနေရောင် ခပ်နွေးနွေးလေးအောက်မှာ စက်ဘီးနင်းတြာဖစ်ဖြစ်၊ လမ်းလျှောက်တြာဖစ်ဖြစ်လုပ်ပေးတာကခန္ဓါကိုယ်အတွက် လိုအပ်တဲ့ ဗီတာမင် D ကိုရရှိစေနိုင်ပါတယ်။ ဗီတာမင် D ကလေဒီတို့ကျန်းမာဖို့အရေးပါတဲ့ အခန်းကဏ္ဍကနေ ပါဝင်နေပါတယ်။

ကာလရှည်ကြာသိလာခဲ့တဲ့ အသိတစ်ခုက ဗီတာမင် D ကအရိုးတွေကို သန်မာစေတယ်ဆိုတာပါ။ ငယ်စဉ်အရွယ် ကတည်းကနေတောက်လျှောက်ကြားလာခဲ့တာက အရိုး နဲ့ သွားတွေ ကြံ့ခိုင်သန်စွမ်းစေဖို့အတွက် ဗီတာမင် D ပါတဲ့နို့တွေကိုသောက်ဖို့ပြောကြတာပါ။ ဒါပေမယ့် မကြာသေးခင်ကပြုလုပ်ခဲ့တဲ့လေ့လာမှုတစ်ရပ်မှာတော့ ဗီတာမင် D က နှလုံးရောဂါ၊ ကင်ဆာ၊ နာကျင်ရောင်ရမ်းမှုဝေဒနာတွေ နဲ့ နာတာရှည်ရောဂါတော်တော်များများကို ကာကွယ်ပေးနိုင်တယ်၊ လို့တွေ့ရှိခဲ့ရပါတယ်။ ဒီဆောင်းပါးလေးထဲမှာ အဓိကပြောချင်တာကတော့ ဗီတာမင် D ကလေဒီတို့အတွက်တော်တော်လေးအထောက်အကူပြုပေးတယ်ဆိုတာကိုပါ။

ဗီတာမင် D နည်းလာတဲ့အခါ အရိုးတွေမှာ ထိခိုက်တာတွေတော်တော်များပါတယ်။နောက်တစ်ချက်က အမျိုးသမီးတွေမှာ ဗီတာမင် D နည်းတဲ့အခါဟော်မုန်းမမျှတတာမျိုးတွေခံစားရနိုင်ပါတယ်။ တကယ်တော့ ဗီတာမင် D ကဘေဘီကနေစလို့ ဘိုးဘိုးဘွားဘွားတွေအထိလိုအပ်တဲ့ ဗီတာမင်တစ်မျိုးပါ။ ခန္ဓါကိုယ်ကို စွမ်းအားတိုးစေသလို ဦးနှောက်ရဲ့လုပ်ဆောင်ရည်ကိုကောင်းမွန်စေနိုင်ပါတယ်။ ကိုယ်ဝန်ဆောင်မေမေတို့အတွက်လည်း လိုအပ်တဲ့ ဗီတာမင် တစ်မျိုးပါ။

လေဒီတို့အတွက် ဗီတာမင် D ကဒီလိုအထောက်အကူပြုပေးပါတယ်

ဗီတာမင်က အမျိုးသမ်းတွေအတွက် အခုလိုမျိုးအထောက်အကူပြုပေးပါတယ်။

သန္ဓေအောင်နိုင်စွမ်းတိုးစေတယ်

ခန္ဓါကိုယ်ထဲမှာ အက်စထရိုဂျင်ဟော်မုန်းများတာက အမျိုးသမီးတွေမှာ သန္ဓေအောင်နိုင်စွမ်းကျဆင်းရခြင်းရဲ့ အဓိကအကြောင်းအရင်းတစ်ရပ်ပါ။ ကိုယ်တါင်းမျာ အက်စထရိုဂျင်ဟော်မုန်းများနေတာကလေဒီတွေမှာဟော်မုန်းနဲ့ ပတ်သက်တဲ့ရောဂါတွေကို ခံစားရနိုင်ပါတယ်။ ဒီပြဿနာတွေကို အကောင်းဆုံးဖြေရှင်းပေးမယ့် ဇာတ်လိုက်က ဗီတာမင် D ပါ။လေ့လာမှုတစ်ရပ်အရ ဗီတာမင် Dလျော့နည်းနေတာက သန္ဓေအောင်နိုင်စွမ်းကို ၇၅ ရာခိုင်နှုန်းအထိကျဆင်းစေနိုင်တယ်၊လို့တွေ့ရှိခဲ့ရပါတယ်။

ရင်သားကင်ဆာ ကာကွယ်ပေးတယ်

ရင်သားကင်ဆာခံစားနေရတဲ့ အမျိုးသမီးတွေရဲ့ ၇၀ ရာခိုင်နှုန်းက ဗီတာမင် Dလျော့နည်းနေတာကြောင့်ပါ။ ဗီတာမင် D က ရင်သားကင်ဆာမဖြစ်အောင်ကာကွယ်ပေးသလို ရင်သားကင်ဆာဆဲလ်တွေ ထပ်ပွားမလာစေဖို့အတွက်လည်း အထောက်အကူပြုပေးပါတယ်။ ဗီတာမင် D က ဆဲလ်တွေထဲကို ဝင်ရောက်ပြီး ကင်ဆာဆဲလ်တွေရဲ့ လုပ်ငန်းစဉ်တွေကိုရပ်ဆိုင်းသွားအောင်လုပ်ဆောင်ပေးပါတယ်။ ဒီလိုလုပ်ဆောင်ဖြင်းဖြင့် ကင်ဆာဆဲလ်တွေကသေဆုံးသွားတာပါ။

အရိုးတွေသန်မာစေနိုင်တယ်

ခန္ဓါကိုယ်မှာ ဗီတာမင် Dပြည့်ဝမှ အရိုးနဲ့သွားတွေကြံ့ခိုင်စေဖို့အတွက် လိုအပ်တဲ့ ကယ်လ်ဆီယမ်ကို စုပ်ယူနိုင်မှာပါ။ တကယ်လို့ ခန္ဓါကိုယ်က ကယ်လ်ဆီယမ်ကို မစုပ်ယူနိုင်ဘူးဆိုရင် အရိုးပွတာ၊ အရိုးပါးတာနဲ့ အရိုးကျိုးလွယ်တာမျိုးတွေ ခံစားရနိုင်ပါတယ်။ ဒါကြောင့် သန္ဓေသားအရိုးတွေကောင်းစွာဖွံ့ဖြိုးစေဖို့ ကိုယ်ဝန်ဆောင်မေမေတွေအနေနဲ့ ဗီတာမင် Dပြည့်ဝနေဖို့လိုအပ်သလို ကလေးတွေ၊ သက်ကြီးရွယ်အိုတွေလည်း ဗီတာမင် Dပြည့်ဝနေဖို့လိုအပ်ပါမယ်။

ကိုယ်ခံအားေကာင်းစေတယ်

ဗီတာမင် D ကပြင်ပရောဂါတွေကို ခုခံတိုက်ထုတ်ပေးတဲ့ ကိုယ်ခံအားစနစ်ကို ကျန်းမာနေစေဖို့ အားဖြည့်ကူညီပေးပါတယ်။ ဒါကြောင့် ဖျားနာမှု နဲ့ရောဂါပိုးတွေအန္တရာယ်ကနေ ကင်းဝေးချင်တယ်ဆိုရင်တော့နေ့စဉ် ဗီတာမင် D ရရှိအောင်လုပ်ဆောင်ဖို့ လိုပါမယ်။

Polycystic Ovarian Syndrome (PCOS) မဖြစ်အောင်ကာကွယ်ပေးတယ်

Polycystic Ovarian Syndrome ဆိုတာက အပျိုဖော်ဝင်တဲ့အရွယ် မိန်းကလေးတွေမှာ အဖြစ်များတဲ့ဟော်မုန်းမမျှတတဲ့ အခြေအနေတစ်ရပ်ပါ။တွေ့ရများတဲ့ လက္ခဏာတွေအနေနဲ့ကတော့ ကိုယ်အလေးချိန်တက်လာတာ၊ ဝက်ခြံတွေထွက်တာ နဲ့ သန္ဓေမအောင်တာမျိုးအဖြစ်များပါတယ်။ များသောအားဖြင့် ဒီဝေဒနာက ကိုယ်တွင်းမှာ ဗီတာမင် D ချို့တဲ့နေတာကြောင့်ဖြစ်ရတာပါ။ ဒီတော့ အခုလိုပြဿနာတွေ ကင်းဝေးစေဖို့ဆိုရင် နေ့စဉ်ပုံမှန် မနက်ခင်းနေရောင်ခြည်နွေးနွေးလေးကို ထိတွေ့ပေးတာ။ ဗီတာမင် D အားဖြည့်ဆေးတွေသောက်သုံးပေးတာဖြစ်ဖြစ် လုပ်ဆောင်ပေးလို့ရပါတယ်။

ကဲလေဒီတို့ရေ ဒီလောက်တောင်အကျိုးများတဲ့ ဗီတာမင် D ကို မနက်ခင်းနေရောင်နွေးနွေးအောက်မှာ ကိုယ်လက်လေ့ကျင့်ခန်းတွေ လုပ်ရင်းရယူလိုက်ပါနော်……

Hello Health Groupသည် ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။