နို့တိုက်မေမေ ကော်ဖီ သောက်လို့ရမလားလေ!
ကော်ဖီကြိုက်တဲ့ မေမေ တစ်ယောက်အနေနဲ့ ကလေးကိုကိုယ်ဝန်ဆောင်ထားချိန်တွေ နို့တိုက်ကျွေးနေရချိန် တွေမှာ ကော်ဖီဖြတ်ထားရမလား! သောက်လို့ ရမလားဆိုတဲ့ အတွေးတွေကြား ဗျာများနေရပြီလား!
ဒါဆိုရင်တော့ သတင်းက ဝမ်းသာစရာပါ ………… ကလေးနို့တိုက်နေလို့ ကောက်ဖီ ကိုဖြတ်ထားစရာ မလိုပါဘူး။ တစ်နေ့ကို ၂ ခွက်ကနေ ၃ ခွက်လောက်အထိသောက်လို့ရပါတယ်။ အကောင်းဆုံးကတော့ တစ်နေ့တစ်ခွက်သောက်တာပဲပေါ့။
ပြောချင်တာ တစ်ခုက ကော်ဖီသောက်ပြီး ၁ နာရီ လောက်အကြာဟာ နို့ထဲမှာ ကဖင်းဓာတ် အမြင့်ဆုံးရှိနေတဲ့အချိန်ပါ။ အမြင့်ဆုံး ရှိနေတယ်ဆိုပေမယ့် နို့ထဲကနေ ကလေးဆီကို ပမာဏ အနည်းငယ်လောက်ကပဲ ဖြတ်သွားနိုင်ပါတယ်။ တစ်ခုသိထားရမှာက ကဖင်းဓာတ်ကို ကော်ဖီဆီကတင်မဟုတ်ဘဲ အခြား လက်ဖက်ရည်၊ ချောကလက်၊ အားဖြည့်အချိုရည်နဲ့ ဆိုဒါတို့ကနေလည်း ရတဲ့အတွက် နို့တိုက်နေတဲ့ မေမေတို့တစ်နေ့တာ ကဖင်းဓာတ်ကို တွက်ရင် အဲဒီ အစားအစာတွေကိုပါထည့်တွက်ဖို့လိုတယ်နော်။
ပုံမှန်သောက်နေကျ ၁ ခွက် ၂ ခွက်လောက်ဆို ကိစ္စ မရှိပေမယ့် ဒီထက်ပိုများမယ်ဆိုရင်တော့ကလေးအပေါ် ကဖင်းဓာတ်ရဲ့ သက်ရောက်မှုတွေ ရှိလာနိုင်ပါတယ်။
တစ်နေ့ကို ကော်ဖီ ၄ ခွက်ထက်ပိုသောက်ခဲ့ရင် ကော်ဖီထဲပါတဲ့ ကဖင်းဓာတ်က ကလေးဆီကို အများကြီးရောက်နိုင်ရုံမက သောက်တဲ့ မိခင်ကိုပါ ထိခိုက်နိုင်သေးတယ်ဆိုတာလေးလည်း သတိပေးလိုက်ပါရစေ။
#HelloMomandBaby #Pregnancy #Momcare #ShortArticle
