သင်နဲ့ သက်ဆိုင်တဲ့ အဖွဲ့အစည်းများကို ရှာဖွေမယ်။

ဒီတစ်ခါတော့ မေမေတို့နဲ့ ပေါ့ပေါ့ပါးပါး ဗဟုသုတလေးတွေ ဆွေးနွေးရအောင်။ ဟိုးအရင်က ခုလိုမျိုး ဆီးစစ်တံတွေ မပေါ်ခင်တုန်းက ကိုယ်ဝန်ဘယ်လိုစစ်တယ် ထင်တုန်း။

အီဂျစ် အမျိုးသမီးတွေက ဂျုံနဲ့ ဘာလီစေ့တွေပေါ် ရှူးပေါက်ချပြီး ဂျုံက အပင်ပေါက်လာရင် မိန်းကလေး၊ ဘာလီက ပေါက်လာရင် ယောကျာ်းလေး မွေးမှာပါတဲ့။ ဘာမှမပေါက်ဘူးဆိုရင် ကိုယ်ဝန်မရှိလို့ပါတဲ့။

ဂရိတွေကျတော့တစ်မျိုး။ ကြက်သွန်နီကို မိန်းမကိုယ်ထဲကို ထည့်ထားလိုက်တယ်တဲ့။ နောက်နေ့ ပါးစပ်က ကြက်သွန်နံ့ထွက်လာရင် ဒါသားအိမ်ထဲမှာ ဘာမှမရှိ (ကိုယ်ဝန်မရှိ)လို့ အနံ့ထွက်တာတဲ့။ ပါးစပ်ကနေ ကြက်သွန်နံ့ မရရင် ဗိုက်ထဲမှာ ကလေးခံနေလို့၊ ကိုယ်ဝန်ရှိလို့ဆိုပဲ။

နောက်ပိုင်းကျတော့ စစ်နည်းတွေက တစ်မျိုးပြောင်းလာပြန်ရော

• ရှာလကာရည်ကို ဆီးခွက်ထဲထည့် အစိမ်းရောင်ပြောင်းသွားရင် ကိုယ်ဝန်ရှိလို့
• သွားတိုက်ဆေးကို ဆီးနဲ့ရောလို့ အမြုပ်ထလာရင် ကိုယ်ဝန်ရှိလို့
• ချွတ်ဆေးထဲကို ဆီးထည့်ကြည့် ဆူပြီး အမြုပ်ထလာရင် ကိုယ်ဝန်ရှိလို့ စသဖြင့် နည်းလမ်းပေါင်းစုံနဲ့ စမ်းသပ်လာကြပါတယ်။

ဒီနည်းတွေကတော့ အရပ်နည်းတွေပဲဖြစ်ပြီး မှန်မှန်မမှန်မှန်

ကလေးလေးဘယ်လိုဖွံ့ဖြိုးလာမှာလဲ

၁၈ပတ်ဆို ကလေးက ငရုပ်ပွအရွယ် ၂၀၀ ဂရမ်၊ ၁၄ စင်တီမီတာလောက်ရှိပါပြီ။ ကလေးလေးက နည်းနည်းစလှုပ်လာပါပြီ။ ကလေးလေးလှိမ့်တာ လည်နေတာ ကန်တာကို သိလာပြီနော်။ ကလေးသန်းတာကအစ ကျို့ထိုးတာအထိကို မေမေတို့သိနေပါပြီ။ သားသားမီးမီးကတော့ မြန်မြန်ဆန်ဆန်ကြီးထွားနေတဲ့ အကြောင်းကို မေမေတို့ကိုသတင်းပေးနေပြီနော်။ နားရွက်လေးကလည်း ဖွံ့ဖြိုးပြီးသားဆိုတော့ မေမေတို့ အသံကိုကောင်းကောင်းကြားနိုင်ပါတယ်နော်။ ကလေးကိုစကားစပြောဖို့ အချိန်ကောင်းပဲနော်။ ကလေးလေးက မေမေတို့အသံ၊ နှလုံးခုန်သံ၊ အချင်းကိုဖြတ်ပြီးသွေးစီးသံကိုကြားရတဲ့အခါ စိတ်သက်သာရာရစေပါတယ်။ ကလေးလေးရဲ့မျက်လုံးလေးတွေက အရင်ကလို ဘေးကိုဆွေမနေတော့ဘဲ အရှေ့တည့်တည့်ကိုကြည့်နိုင်တဲ့အထိကို ကောင်းကောင်းဖွံ့ဖြိုးလာပါပြီ။ ဒီအချိန်မှာ ဗိုက်အရှေ့ကနေပြီး ဓါတ်မီးနဲ့ထိုးရင် ကလေးလေးက သိနိုင်ပါတယ်။

ခန္ဓာကိုယ်နဲ့ အနေအထိုင်အပြောင်းအလဲလေးများ

ကျောနာတာ ပိုဆိုးလာတတ်ပါတယ်။ ဒါကပုံမှန်ပါပဲ။ ဗိုက်က ပိုကားလာလေ ခါးအောက်ပိုင်းက ပိုနာလာလေပါ။ အဓိကအကြောင်းရင်းက ကိုယ်မှာရှိတဲ့ ကမ္ဘာ့ဆွဲအားဗဟိုခ

သားသားမီးမီးလေးက ဘယ်လိုကြီးလာတာပါလိမ့်

ကလေးလေးက ကြီးထွားနှုန်းမြန်လာတာနဲ့အမျှ အခုဆို မုန်လာဥအရွယ် ၁၅၀ ဂရမ်၊ ၁၂ စင်တီမီတာလောက် ရှိနေပါပြီ။ ကလေးလေးက အခုဆို အဆီလေးတွေလည်း စပေါ်လာပါပြီ။ သူလေးရဲ့အဆီတွေက ဆက်ပိုတိုးလာမှာဖြစ်သလို မွေးတဲ့အခါကျ တစ်ကိုယ်လုံး အလေးချိန်ရဲ့ ၃ ပုံ ၂ ပုံ လောက်ရှိလာမှာပါ။ ကိုယ်လးကို နွေးနွေးထွေးထွေးရှိစေဖို့ အဆီတွေက အရေးကြီးပါတယ်။ နှလုံးလေးက ခုန်တာပိုမြန်လာပြီးတော့ တစ်မိနစ်ကို ၁၄၀-၁၅၀ ကြိမ်လောက်ရှိနေပါပြီ။ မေမေတွေရဲ့ ၂ဆလောက် ရှိတယ်နော်။ ဒါက ကလေးလေးကြီးထွားတာ အားကောင်းလာပြီး အာဟာရတွေ အောက်ဆီဂျင်တွေ ပိုလိုလာတယ်လို့ ဆိုလိုတာပါ။ ဒီတော့ အချင်းက ကလေးလေးကို လိုအပ်တာတွေ ထောက်ပံ့ပေးဖို့ မြန်မြန်လေးဖွံ့ဖြိုးလာပါတယ်။

ခန္ဓာကိုယ်မှာရော ဘာတွေဆက်ပြောင်းလဲဦးမှာပါလိမ့်

မေမေတို့ရဲ့ ရင်သားကပိုပြီးကြီးထွားလာမှာမို့ နေရခက်လာမှာပါနော်။ ဟော်မုန်းတွေက ရင်သားဆီ သွေးပိုစီးအောင် လှုံ့ဆော်ပြီး နို့ထွက်ဖို့အတွက်ပြင်နေပါပြီနော်။ ဒါကြောင့်လည်း သွေးကြောတွေကို မြင်လာရနိုင်ပါတယ်။ ရင်သားကြီးလာတာမို့ ဘရာဇီယာကို ဆိုဒ်ပိုကြီးတာ ဝယ်ကြပါနော်။

ကိုယ်ဝန်ရအောင် လိင်ဆက်ဆံတဲ့အခါမှာ နှစ်ပိုင်းရှိပါတယ်။ တစ်ခုက ဆက်ဆံတဲ့ပုံစံရယ်၊ နောက်တစ်ခုက ဆက်ဆံတဲ့ရက်ရယ်ပါ။

ဆက်ဆံတဲ့ ပုံစံကတော့ သိပ္ပံနည်းကျလေ့လာမှု မရှိပေမယ့် အမျိုးသားက အပေါ်ကနေ ဆက်ဆံတာ၊ အနောက်ကနေ ဆက်ဆံတာက ကလေးရဖို့ အထောက်အကူဖြစ်စေတယ်လို့ ဆိုပါတယ်။ အကြောင်းကတော့ သုက်ကောင်တွေက သားအိမ်ခေါင်းနားကို ရောက်သွားတဲ့အတွက် သားဥနဲ့ တွေ့ဖို့ ပိုနီးသွားလို့ပါတဲ့။

တကယ်ကတော့ အမျိုးသမီးရဲ့ မိန်းမကိုယ်ထဲကို သုက်လွှတ်လိုက်တာနဲ့ ကိုယ်ဝန်ရနိုင်ခြေ ရှိပါတယ်။ ဒါကြောင့် ဒါကို သိပ်ပြီး အစွဲအလမ်းမထားဘဲ နှစ်ဦးနှစ်ဖက် အဆင်ပြေတဲ့ ပုံစံနဲ့သာနေကြပါ။

နောက်တစ်ခုက ပိုအရေးကြီးပါတယ်။ ဒါကတော့ ဘယ်နေ့တွေမှာ နေမလဲဆိုတာပါ။

ကိုယ်ဝန်ရဖို့ ကြိုးစားနေတဲ့ စုံတွဲတွေက

• ၂−၃ရက်ခြား တစ်ခါလောက် အတူနေသင့်ပါတယ်။
• သားဥမကြွေခင် ၂−၃ရက်လောက် အလိုမှာလည်း ကြိုနေထားသင့်ပါတယ်။ သုက်ကောင်က မိန်းမကိုယ်ထဲမှာ ၅ရက်လောက် ရှင်နိုင်တော့ ကြိုနေထားရင် သားဥကြွေတာနဲ့ မျိုးအောင်ဖို့အခွင့်အလမ်းများပါတယ်။
• သားဥဘယ်တော့ ကြွေမလဲဆိုတာကိုတော့ ဒီမှာ တွက်ကြည့်ပါ။