စိတ်ဖိစီးလွန်းလို့ ရာသီထိမ် နေတာလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
Share now

ရာသီထိမ် ပြီဆိုရင် စစဉ်းစားတာ ကိုယ်ဝန်ရှိနေတာလားဆိုတာပါ။ အထူးသဖြင့် အိမ်ထောင်သည်တွေ၊ လိင်ဆက်ဆံမှု ရှိတဲ့သူတွေဆိုရင် ပိုပြိး စိုးရိမ်တတ်ပါတယ်။ လိင်ဆက်ဆံမှု မရှိတဲ့သူတွေကျတော့လည်း တခြားရောဂါတစ်ခုခုများလားဆိုပြီး စိုးရိမ်တတ်ကြပါတယ်။ ဒါပေမယ့် အဖြစ်များပြီး အားလုံးမေ့နေတတ်တဲ့ ကိစ္စတစ်ခုက စိတ်ဖိစီးမှုပါ။ စိတ်ဖိစီးလွန်းရင်လည်း ရာသီထိမ်တတ်တယ်ဆိုတာ သိထားဖို့ လိုပါတယ်။

စိတ်ဖိစီးရင် ဘာကြောင့် ရာသီထိမ် တာလဲ။

စိတ်ဖိစီးရင် ခန္ဓာကိုယ်မှာရှိတဲ့  hypothalamic-pituitary-adrenal (HPA) axisဆိုတဲ့ ဟော်မုန်းလမ်းကြောင်းလေး လှုပ်ရှားလာပါတယ်။ ဒါကြောင့် သွေးထဲမှာ cortisolနဲ့ corticotropin-releasing hormone (CRH) ဆိုတဲ့ ဟော်မုန်း နှစ်ခု များလာပါတယ်။ ဒီဟော်မုန်း လမ်းကြောင်းနဲ့ ဟော်မုန်းနှစ်ခုက ခန္ဓာကိုယ်မှာ စိတ်ဖိစီးမှု ဖြစ်တဲ့အခါ တုံ့ပြန်တဲ့အနေနဲ့ ထွက်လာတာပါ။

ထွက်လာတဲ့ ဟော်မုန်းတွေက ရာသီလာတာကို ထိန်းချုပ်ထားတဲ့ အီစထရိုဂျင် ပရိုဂျက်စတုန်း စတဲ့ ဟော်မုန်းတွေကို အပြောင်းအလဲ ဖြစ်စေပါတယ်။ ဒါကြောင့် ရလဒ်အနေနဲ့ သားဥမကြွေပါဘူး။ ရာသီမလာပါဘူး။

ရာသီထိမ် တာက စိုးရိမ်စရာ ကောင်းသလား။

စိတ်ဖိစီးမှုတွေ အလွန်အမင်းခံစားရတဲ့အခါ ရာသီထိမ်တာ သဘာဝပါပဲ။ လူတိုင်း စိတ်ဖိစီးတတ်ပါတယ်။ ဒါပေမယ့် လိုအပ်တာထက် ပိုဖိစီးလာတဲ့အခါ ဟော်မုန်းအပြောင်းအလဲတွေ ဖြစ်ပြီး ရာသီထိမ်သွားတာပါ။ ချစ်ခင်ရတဲ့သူ တစ်ယောက်ယောက်ကို ဆုံးရှုံးလိုက်ရတာ၊ လင်မယားကွဲတာ၊ သဘာတဘေးအန္တရာယ် ခံစားရတာ၊ စီးပွားပျက်တာ၊ နိုင်ငံရေး အခြေအနေ မကောင်းတာ၊ ပြင်းပြင်းထန်ထန် မကျန်းမာတာ စတဲ့ အခြေအနေနဲ့ တွေ့ကြုံရတဲ့အခါ စိတ်ဖိစီးပြီး ရာသီထိမ်တာ ဖြစ်တတ်ပါတယ်။

ရာသီထိမ်သွားတာကတော့ စိုးရိမ်စရာ မရှိပါဘူး။ စိတ်ဖိစီးတာတွေ သက်သာလာရင် ပြန်လာမှာပါ။ ပြဿနာ စိတ်ဖိစီးတဲ့ ဝေဒနာပါ။ စိတ်ဖိစီးတာကို သက်သာအောင် မလုပ်ဘူးဆိုရင် နောက်ဆက်တွဲ ကျန်းမာရေး ပြဿနာတွေ ဖြစ်လာမှာပါ။

စိတ်ဖိစီးလွန်း ရင် ရာသီထိမ် တတ်သလား။

စိတ်ဖိစီးမှုကြောင့် ရာသီထိမ်တာလား၊ တခြားအကြောင်းကြောင့်လား။

စိတ်ဖိစီးတာကြောင့်လား၊ တခြားကြောင့်လား မသေချာဘူးဆိုရင် ဒီနည်းလမ်းကို သုံးလို့ရပါတယ်။ အိမ်ထောင်ရှိတဲ့သူ၊ လိင်ဆက်ဆံထားတဲ့သူက ရာသီထိမ်သွားတယ်။ ကိုယ်ဝန်ရှိတယ်လို့ ယူဆတယ်ဆိုရင် ဆီးစစ်ကြည့်လိုက်ပါ။ တားဆေး သုံးသည် ဖြစ်စေ၊ မသုံးသည် ဖြစ်စေ စစ်လို့ရပါတယ်။ တားဆေးတွေက ကိုယ်ဝန်ကာကွယ်နိုင်စွမ်း မြင့်မားပေမယ့် သူ့မှာလည်း failure rateဆိုတာ ရှိတာကိုး။ စစ်ကြည့်လိုက်လို့ မရှိဘူးဆိုလည်း ပြီးတာပါပဲ။

လိင်ဆက်ဆံထားခြင်း မရှိသူ၊ ကိုယ်ဝန်ရတာ မဖြစ်နိုင်ဘူးဆိုသူတွေကတော့ ဘာမှမလုပ်ပါနဲ့။ ခဏစောင့်လိုက်ပါ။ စိတ်ဖိစီးမှုတွေ သက်သာသွားရင် ပြန်လာမှာပါ။ နောက်လလည်း မလာဘူးဆိုမှ သားဖွားမီးယပ်ဆရာဝန်နဲ့ ပြကြည့်ပါ။

ရာသီထိမ်တာကို ဘာတွေ မလုပ်သင့်ဘူးလဲ။

မြန်မာနိုင်ငံအနေနဲ့ လုပ်လေ့ရှိတာကတော့ ဆေးတွေ သောက်တာပါ။ သောက်ရုံတင်မက ဆရာဝန်တွေကို ဆေးသွားထိုးခိုင်းပါသေးတယ်။ စိတ်ဖိစီးရင် သားဥမကြွေတဲ့အတွက် ဆင်းစရာ ရာသီသွေးလည်း မရှိပါဘူး။ ဒါကြောင့် အတင်း ရာသီလာအောင် မလုပ်ပါနဲ့။ ရာသီထိမ်နေရင် သွေးပုပ်တွေ အောင်းနေတယ်ဆိုတာလည်း မဟုတ်ပါဘူး။ ဆင်းစရာ သွေးမရှိရင် အောင်းစရာ သွေးလည်း မရှိပါဘူး။ ဘာမှမလုပ်တာက အကောင်းဆုံးပါ။

ဘာတွေ လိုက်နာသင့်သလဲ။

စိတ်ဖိစီးမှုကြောင့် ဖြစ်တာဆိုတော့ စိတ်ဖိစီးမှုကို လျှော့ချသင့်ပါတယ်။ လိုက်နာသင့်တဲ့ နည်းလမ်းတွေကတော့

-အရင်ဆုံး ငါစိတ်ဖိစီးနေလို့ ရာသီထိမ်နေတယ်ဆိုတာကို အရင်လက်ခံလိုက်ပါ။ ဘာလို့ ဒီလို ပြောရသလဲဆိုတော့ စိတ်ဖိစီးလို့ ရာသီထိမ်တယ်၊ ရာသီထိမ်တော့ ဘာကြောင့်လဲ၊ ဘာဖြစ်နိုင်လဲဆိုပြီး ထပ်ပြီး စိုးရိမ်တယ်။ ဒီတော့ စိတ်တွေ ပိုဖိစီးပြီး ရာသီထပ်ထိမ်ပါတယ်။ ဒီလိုနဲ့ သံသရာလည်နေမှာစိုးလို့ အရင်ဆုံး စိတ်အေးအေးထားပါလို့ အကြံပေးချင်ပါတယ်။

စိတ်ဖိစီးလွန်း ရင် ရာသီထိမ် တတ်သလား။

-ကိုယ်လက်လေ့ကျင့်ခန်းလုပ်ပါ။ လေ့ကျင့်ခန်းလုပ်လို့ ထွက်လာတဲ့ ဟော်မုန်းတွေက စိတ်ဖိစီးတာကို သက်သာစေပါတယ်။

-ညဘက်တွေ အတွေးမများပါနဲ့။ အိပ်ရေးဝဝ အိပ်ပါ။

-အာဟာရပြည့်အောင် စားပါ။ အလွန်အကျွံ ဝိတ်မချပါနဲ့။

-သူငယ်ချင်းတွေ၊ မိတ်ဆွေတွေနဲ့ အဆက်အသွယ်လုပ်ပါ။

-တရားထိုင်တာ၊ ယောဂကျင့်တာ လုပ်ပါ။

-လိုအပ်ရင် စိတ်ကျန်းမာရေး အထူးကုနဲ့ ဆွေးနွေးတိုင်ပင်ပါ။

စိတ်ဖိစီးမှုက ကိုယ်တွင်းဟော်မုန်း အပြောင်းအလဲကို ဖြစ်စေပါတယ်။ ဒါကြောင့် နောက်ပိုင်းမှာ ရာသီထိမ်တာတင်မက တခြားကျန်းမာရေး ပြဿနာတွေလည်း ဖြစ်လာနိုင်လို့ စိတ်ဖိစီးမှုတွေ သိမ်းမထားဖို့ အကြံပေးလိုပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စိတ်ဖိစီးမှု တွေကြားမှာ ဘယ်လိုပျော်အောင် အိပ်ကြမလဲ။

စိတ်ဖိစီးမှု တွေကြောင့် အိပ်ဖို့ခက်တာက လူတိုင်း ကြုံရတဲ့ ကိစ္စပါ။ ဒါပေမယ့် အားတင်းပြီး အိပ်ပျော်အောင် အိပ်ဖို့၊ ကျန်းမာရေး ဂရုစိုက်ဖို့ အကြံပြုချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

စိတ်ဖိစီးမှု ကြောင့် သွေးတိုးနေတာ အမြန်သက်သာစေဖို့

စိတ်ဖိစီးမှု ကြောင့် သွေးတက်နိုင်ပါသလား။ တကယ်လို့ သွေးတက်ခဲ့ရင် ဘယ်လိုနည်းလမ်းတွေနဲ့ ပြုစုရမလဲ။ သွေးပေါင်မြန်မြန်ချတာက အန္တရာယ်ကင်းရဲ့လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ဆိုရှယ်မီဒီယာ သုံးရတာ ပင်ပန်းလာရင် Digital Detox လုပ်ကြည့်စမ်းပါလား

ခန္ဓာကိုယ်ထဲက အဆိပ်အတောက်တွေကို ဖယ်ရှားဖို့ Detox Water သောက်ရတယ်မဟုတ်လား။ ခုလည်းဆိုရှယ်မီဒီယာကြောင့် စိတ်တွေပင်ပန်းနေချိန်မှာ Digital Detox လုပ်ကြည့်ပါလား

ရေးသားသူ Ye Zon Aung

အသက်ကြီးလာတာနဲ့အမျှ ကိုယ်ခံအားက ကျဆင်းလာသလား

အသက်ကြီးလာတာနဲ့အမျှ ကိုယ်ခံအားက ကျဆင်းလာသလား။ ဒါကဘာကြောင့်လဲဆိုတာကို သေသေချာချာ သိပြီးရဲ့လား မသိသေးဘူးဆိုရင်တော့ ဆောင်းပါးလေး ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

sleep-benefits-health ပင်ပန်းလာရင် အိပ်

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 1, 2021 . 2 mins read
how-this-empath-copes-with-shocking-events မျှဝေခံစားလိုစိတ်

အခက်ခဲဆုံးအချိန်တွေကို မျှဝေခံစားလိုစိတ် နဲ့ ကျော်ဖြတ်ပါ

ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 2 mins read
Psywar တွေ ကြားမှာ စိတ်ကျန်းမာနေစေဖို့

Psywar တွေ ကြားမှာ စိတ်ကျန်းမာနေစေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 11, 2021 . 3 mins read
စိုးရိမ်ပူပန်မှု တွေက ကျန်းမာရေးကို ဘယ်လောက်ထိခိုက်စေနိုင်သလဲ။

စိုးရိမ်ပူပန်မှု တွေက ကျန်းမာရေးကို ဘယ်လောက်ထိခိုက်စေနိုင်သလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 3 mins read