သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

ရာသီလာချိန်မှာ pad ကြောင့် ပွန်းတာတွေ သက်သာစေဖို့

    ရာသီလာချိန်မှာ pad ကြောင့် ပွန်းတာတွေ သက်သာစေဖို့

    ရာသီလာချိန်က လေဒီတိုင်းအတွက် ခက်ခဲပါတယ်။ စိတ်ရှုပ်စရာကောင်းသလို ကိုယ့်ကိုယ့်ကိုယ် ယုံကြည်မှုလည်း အတော်လေးကျနေတဲ့ အခိုက်အတန့်က လစဉ်ပြဿနာ ကြုံနေရချိန်ပါ။ လစဉ်ပြဿနာ ကြုံတွေ့နေချိန်မှာ ရှုပ်နေတဲ့ စိတ်ကို အပိုထပ်ဆောင်း ရှုပ်စေတဲ့အရာလေး တစ်ခုရှိပါသေးတယ်။ ဒါကတော့ ရာသီလာချိန်မှာ pad ကြောင့် အရေပြား ပွန်းတာပါ။ ဒီတစ်ခေါက်တော့ လေဒီလေးတိုင်းလိုလို ခံစားရနိုင်တဲ့ ရာသီလာချိန်မှာ pad ကြောင့် ပွန်းတာတွေ သက်သာစေဖို့ လုပ်ဆောင်နိုင်မယ့် နည်းလမ်းလေးတွေကို ဝေမျှပေးသွားပါမယ်။

    ရာသီလာချိန်မှာ pad ကြောင့် ပွန်းရတဲ့ အကြောင်းအရင်းတွေက ဘာတွေများလဲ …….

    ရာသီလာချိန်မှာ pad ကြောင့် ပွန်းရတဲ့ အကြောင်းအရင်းတွေက တစ်ခုမက ရှိပါတယ်။ ဒီအချက်တွေက ဘာတွေဖြစ်မလဲဆိုတာ အတူတူ ကြည့်လိုက်ရအောင်လား ……

    • ရာသီလာချိန်မှာ အသုံးပြုတဲ့ pad နဲ့ ထိခိုက်ပြီး အရေပြား ပွန်းတာက
    • ချွေးတွေ
    • ဆီးတွေ ပေကျံလို့
    • လစဉ်သုံးမှာပါတဲ့ ကပ်ခွာတွေ
    • နိုင်လွန် အတွင်းခံတွေ
    • လစဉ်သုံးကို မလဲဘဲ အကြာကြီး ခံထားမိတာ
    • လစဉ်သုံးမှာပါတဲ့ အရာတွေနဲ့ ဓာတ်မတည့်တာ
    • အတွင်းခံ ကျပ်ကျပ်ဝတ်တာတွေကြောင့်ပါ။

    ရာသီလာချိန်မှာ pad ကြောင့် ပွန်းတာကို သေချာ ဂရုစိုက်ပါ

    ရာသီလာချိန်မှာ pad ကြောင့် ပွန်းတာကို သေချာ ဂရုစိုက်ပါ

    ရာသီလာချိန်မှာ pad ကြောင့် ပွန်းတာကို သေချာ ဂရုစိုက်ပါ။ ဒီလိုပြောရတာက လစဉ်သုံးကြောင့် ပွန်းတာ၊ ဓာတ်မတည့်တာတွေက အရေပြားမှာ ပွန်းပဲ့တာ၊ နီမြန်းတာတွေကနေတဆင့် စိုထိုင်းမှု၊ အပူဒဏ်တွေကြောင့် ဘက်တီးရီးယားတွေ ပေါက်ပွားပြီး အရေပြားပွန်းတာကနေတဆင့် ပိုးဝင်တာမျိုး ဖြစ်စေနိုင်ပါတယ်။

    ဒါကြောင့် မလိုလားအပ်တဲ့ နောက်ဆက်တွဲ ကျန်းမာရေးပြဿနာတွေ မဖြစ်စေဖို့အတွက် ရာသီလာချိန်မှာ pad ကြောင့် အရေပြားပွန်းတာကို သေချာလေး ဂရုစိုက်ဖို့ လိုပါမယ်။

    ရာသီလာချိန်မှာ pad ကြောင့် ပွန်းတာတွေ သက်သာစေဖို့

    ရာသီလာချိန်မှာ pad ကြောင့် ပွန်းတာတွေ သက်သာစေဖို့ ဆိုရင်တော့ ဒီနည်းလမ်းလေးတွေကို လုပ်ဆောင်ကြည့်လို့ ရပါတယ်။

    အတွင်းခံကို ပွပွချောင်ချောင် ချည်သား ဝတ်ဆင်ပါ

    အတွင်းခံကို ပွပွချောင်ချောင် ဝတ်ဆင်တာက လေဝင်လေထွက်ကောင်းစေပြီး ချွေးစိုတာမျိုး မဖြစ်စေဖို့ ထောက်ကူပေးပါတယ်။ ချွေးစုပ်တာက စိုထိုင်းမှု ကင်းပြီး အရေပြားပွန်းတာမျိုး ဖြစ်နိုင်ခြေ နည်းစေပါတယ်။ ရာသီလာနေချိန်မှာ ချည်သားပွပွချောင်ချောင်လေးတွေ ဝတ်ဆင်ပေးတာက ရာသီလာချိန်မှာ pad ကြောင့် ပွန်းတာတွေကို သက်သာစေနိုင်သလို မဖြစ်အောင်လည်း ကာကွယ်ပေးနိုင်ပါတယ်။

    မှန်ကန်တဲ့ pad ကို ရွေးချယ်ပါ

    Pad အရွေးမှားတာကလည်း ရာသီလာချိန်မှာ ပွန်းတာတွေကို ဖြစ်စေနိုင်ပါတယ်။ ဒါကြောင့် ရာသီလာချိန်မှာ ဂွမ်းသား pad ကို သုံးမလား။ ဘယ်လို pad အမျိုးအစားကို သုံးမလဲဆိုတာကို သေချာလေး ရွေးချယ်ဖို့ လိုပါမယ်။

    ဘာတွေနဲ့ ထုတ်လုပ်ထားလဲဆိုတာကို သေချာ ရွေးချယ်ပါ။ နောက်တစ်ချက် သတိထားရမှာက အရွယ်အစားပါ။

    ခြောက်သွေ့သန့်ရှင်းအောင် ထားပါ

    ရာသီလာချိန်မှာ pad ကြောင့် ပွန်းတာတွေကို သက်သာစေဖို့ဆိုရင် ဆီးသွားပြီးချိန်မှာတင် မဟုတ်ဘဲ အချိန်တိုင်းလိုလိုမှာ ခြောက်သွေ့သန့်ရှင်းအောင် ထားဖို့ လိုပါမယ်။ သေချာလေး သန့်စင်ပေးတာက အရေပြားကို ပွန်းပဲ့တာမျိုး မဖြစ်စေဖို့ ကာကွယ်ပေးနိုင်မှာပါ။ ဒီလိုသန့်စင်တဲ့အခါ ရေကိုပဲ အသုံးပြုပေးလို့ ရပါတယ်။

    ရှားစောင်းလက်ပပ်

    ရှားစောင်းလက်ပပ် ဂျယ်လီသားကို လိမ်းပေးတာကလည်း ရာသီလာချိန်မှာ pad ကြောင့် ပွန်းတာတွေကို သက်သာစေဖို့ ထောက်ကူပေးနိုင်မှာပါ။ တစ်နေ့ကို ၂ ကြိမ်လောက် သုံးပေးလို့ ရပါတယ်။

    pad ကြောင့် ပွန်းတာတွေက ရာသီလာပြီးချိန် ၂ ရက် ကနေ ၁ ပတ်လောက်အတွင်းမှာ သက်သာသွားတတ်တယ်ဆိုပေမယ့် သေချာလေး ဂရုစိုက်တာတော့ အကောင်းဆုံးပါ။

    ရာသီလာချိန်မှာ pad ကြောင့် ပွန်းတာကို သေချာ ဂရုစိုက်ပါ

    ရာသီလာချိန်မှာ pad ကြောင့် ပွန်းတာကို သေချာ ဂရုစိုက်ပါ။ ဒီလိုပြောရတာက လစဉ်သုံးကြောင့် ပွန်းတာ ဓာတ်မတည့်တာတွေက အရေပြားမှာ ပွန်းပဲ့တာ၊ နီမြန်းတာတွေကနေတဆင့် စိုထိုင်းမှု၊ အပူဒဏ်တွေကြောင့် ဘက်တီးရီးယားတွေ ဖြစ်ပြီး အရေပြားပွန်းတာကနေတဆင့် ပိုးဝင်တာမျိုး ဖြစ်စေနိုင်ပါတယ်။

    သားဥကြွေခြင်းကို တွက်ချက်ခြင်း

    ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။

    သားဥကြွေခြင်းကို တွက်ချက်ခြင်း

    သားဥကြွေခြင်းကို တွက်ချက်ခြင်း

    ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။

    သားဥကြွေခြင်းကို တွက်ချက်ခြင်း

    ရာသီစက်ဝန်း ရက်အရေအတွက်

    (days) ရက်

    28

    ရာသီရက်စုစုပေါင်း

    (days) ရက်

    7

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Sanitary pads can cause rashes in summer! Here’s how you can deal with it https://www.healthshots.com/intimate-health/feminine-hygiene/how-to-treat-period-rash-here-are-5-ways-to-deal-with-it/ Accessed Date 22 July 2022

    What causes pad rash, and what does it look like? https://www.medicalnewstoday.com/articles/pad-rash#causes Accessed Date 22 July 2022

    SANITARY PAD DERMATITIS https://www.ncbi.nlm.nih.gov/pmc/articles/PMC2807726/ Accessed Date 22 July 2022

    7 ways to avoid and soothe sanitary napkin rashes https://www.thehealthsite.com/diseases-conditions/ways-to-avoid-and-soothe-sanitary-napkin-rashes-v0616-411444/ Accessed Date 22 July 2022

    Home Remedies for Pad Rash https://www.boldsky.com/health/disorders-cure/2018/home-remedies-for-pad-rash-120836.html Accessed Date 22 July 2022

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 25/07/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: