တုပ်ကွေးဖြစ်ရင် အချိန်ဘယ်လောက်ကြာကြာခံရသလဲ
တုပ်ကွေးလက္ခဏာအများစုက (ကိုယ်ခံအားကောင်းတဲ့သူဆို) တစ်ပတ်လောက်ကြာရင် တဖြည်းဖြည်းပြန်ကောင်းလာတတ်ပေမယ့် ဒီထက်လည်း ပိုကြာကြာခံစားရနိုင်ပါတယ်။ တုပ်ကွေးရောဂါမှာ အဓိကကြောက်ရတာက နမိုနီးယားအဆုတ်ရောင်ရောဂါလို နောက်ဆက်တွဲပြဿနာတွေ ဖြစ်ပါတယ်။ ငယ်ရွယ်ပြီးကျန်းမာတဲ့ လူငယ်တွေဆို သိပ်မကြုံရပေမယ့် ကလေးငယ်ငယ်လေးတွေနဲ့ အသက်ကြီးသူတွေ၊ ရောဂါတစ်ခုခုအခံရှိသူတွေ (နှလုံးရောဂါ၊ အသက်ရှူလမ်းကြောင်းဆိုင်ရာရောဂါ) ဆို ပိုခံစားရနိုင်ပါတယ်။
အအေးမိတာလား၊ တုပ်ကွေးလား ဘယ်လိုသိနိုင်မလဲ
အရင်ဆုံး ကိုယ်အပူချိန်တိုင်းကြည့်သင့်ပါတယ်။ ကိုယ်လက်ကိုက်ခဲတာ၊ နှာရည်ယိုတာတွေက နှစ်မျိုးစလုံးမှာခံစားရနိုင်ပေမယ့် အအေးမိပြီး ကိုယ်အပူချိန် ၁၀၁ ဒီဂရီကျော်အထိ ဖျားတာ အတော်ရှားပါတယ်။ နောက်ပြီး ကိုယ်လက်ကိုက်ခဲပြီး နုံးချိချိခံစားရတာမျိုးက တုပ်ကွေးရောဂါမှာ ပိုဖြစ်တွေ့ရပါတယ်။ အအေးမိတာလိုလို တုပ်ကွေးလိုလို ခံစားရပြီး မခွဲနိုင်ဖြစ်နေရင်တောင် အခုအောက်က လက္ခဏာ ၄ ခုပြလာရင် ပိုဆိုးတဲ့နောက်ဆက်တွဲပြဿနာတွေမဖြစ်အောင် ဆရာဝန်နဲ့ ပြသကြည့်ဖို့ မမေ့ပါနဲ့။
- ဖျားတာ ၃ ရက်ထက် ကျော်လာမယ် (ဘက်တီးရီးယားပိုးဝင်သွားလို့ ဖြစ်နိုင်ပါတယ်)
- လည်ချောင်းက တစ်ခုခုမျိုချလိုက်တိုင်း အရမ်းနာကျင်နေမယ် (ပိုးဝင်ပြီး လည်ချောင်းနာတာ ဖြစ်နိုင်ပါတယ်)
- ချောင်းဆိုးတာ ၃ ပတ်ကျော်တဲ့အထိ မပျောက်ဘူး (အသက်ရှူလမ်းကြောင်းထဲက လေပြွန်ငယ်လေးတွေ ရောင်ရမ်းသွားလို့ဖြစ်နိုင်ပါတယ်)
- နှာရည်တောက်လျှောက်ယိုပြီး ခေါင်းလည်းအရမ်းကိုက်နေတယ် (ထိပ်ကပ်နာလို့ခေါ်တဲ့ ရောဂါတစ်မျိုးခံစားရလို့ ဖြစ်နိုင်ပါတယ်)
ရေးသားသူ – Dr.Htoo Tint
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။