အအေးမိတုပ်ကွေးနှင့် ဗီတာမင် စီဓာတ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဩဂုတ် 31, 2020 . 2 mins read
Share now

ဖျားနာပြီ၊ နေမကောင်းဖြစ်ပြီ၊ အအေးမိလာပြီဆိုရင် လူတွေ အများစု လုပ်တတ်ကြတာက ဗီတာမင်စီ အားဆေးတွေ၊ ဖြည့်စွက်စာတွေကို အလွန်အကျွံသောက်တဲ့ ကိစ္စပါ။ ၁၉၇၀ ခုနှစ်ဝန်းကျင်မှာ အအေးမိတုပ်ကွေး ပျောက်ကင်းအောင် ကုသဖို့ ဗီတာမင် စီ အားဆေးတွေကို တွင်တွင်ကျယ်ကျယ် အသုံးပြုခဲ့ကြပါတယ်။ ဒီဘက်ခေတ်မှာ သိပ္ပံပညာရှင်တွေ လေ့လာဆန်းစစ်ကြည့်တဲ့အခါ ဗီတာမင် စီဓာတ် ဟာ အအေးမိတုပ်ကွေးရောဂါကို ကာကွယ်ပေးရန်အတွက်ရော ကုသတဲ့ နေရာမှာပါ သိပ်ပြီးထိရောက်မှု မရှိနိုင်ဘူးဆိုတာကို တွေ့ရှိခဲ့ပါတယ်။

ဗီတာမင် စီ အကြောင်း တစ်စေ့တစ်စောင်း

ဗီတာမင် စီ ဆိုတာ အလွယ်ပြောရမယ်ဆိုရင် သစ်သီးတွေမှာ တွေ့ရတဲ့ အချဉ်ဓာတ်အက်စစ်ပါပဲ။ ကျွန်တော်တို့ ခန္ဓာကိုယ်ရဲ့ ကိုယ်ခံအားကို ကောင်းမွန်စေပြီး ကျန်းမာစေတဲ့အပြင် သံဓာတ်ကို ကောင်းစွာစုပ်ယူပေးလို့ အရိုးနဲ့ ကြွက်သားကို ကြံ့ခိုင်သန်စွမ်းစေတယ်။ အသားအရရေကိုလည်း လှပစေတယ်။ သဘာ၀ ဟင်းသီးဟင်းရွက်တွေနဲ့ ခရမ်းချဉ်သီး၊ လိမ္မော်သီး၊ ရှောက်သီး၊ သံပုရာသီး၊ စတော်ဘယ်ရီသီးတွေမှာ အများအပြားတွေ့ရတတ်ပါတယ်။ ဆေးဝါး သို့မဟုတ် ဝါးစားလို့ရတဲ့ ဆေးပြားအနေနဲ့လည်း ဗီတာမင် စီ ကို သောက်သုံးကြပါတယ်။

ဗီတာမင် စီ ဟာ အအေးမိတုပ်ကွေးကို ကာကွယ်ပေးနိုင်လား။ ပျောက်ကင်းစေလား။

ဒီမေးခွန်းနဲ့ ပတ်သက်ပြီး ကျွမ်းကျင်ပညာရှင်တွေက နှစ်ပေါင်းများစွာ လေ့လာစမ်းသပ်ကြည့်တဲ့အခါမှာ ဗီတာမင် စီ ဓာတ်ဟာ အအေးမိတုပ်ကွေး မဖြစ်အောင် ကာကွယ်ပေးနိုင်မှု၊ ဖြစ်လာရင်လည်း ရောဂါဝေဒနာကို ပျောက်ကင်းစေမှုအပေါ်မှာ သိပ်ပြီးသက်ရောက်မှု မရှိတာကို တွေ့ရှိခဲ့ပါတယ်။

တိုက်ရိုက်တော့ မဟုတ်ပေမဲ့ သွယ်ဝိုက်ပြီး အာနိသင်သက်ရောက်စေတာမျိုးတော့ ရှိပါတယ်။ ဥပမာ – ဗီတာမင် စီဓာတ်သည် ကျွန်တော်တို့ရဲ့ ကိုယ်ခံအားစနစ်ကို ကောင်းမွန်စေပါတယ်။ ကိုယ်ခံအားစနစ်သည် ပြင်ပကနေ ခန္ဓာကိုယ်ထဲ ဝင်လာတဲ့ ရောဂါပိုးမှန်သမျှ လူတွေကို ဒုက္ခမပေးနိုင်အောင် ခုခံတားဆီးပေးတဲ့ ခံစစ်တစ်မျိုးပါ။ ဒီတော့ ကိုယ်ခံအားကောင်းနေတဲ့အခါ အအေးမိတုပ်ကွေး ဖြစ်နိုင်ခြေကို လျှော့ချပေးတာမျိုး၊ ဖျားနာနေစဉ်မှာ ကိုယ်ခံအားစနစ်ကို ကောင်းစေလို့ ကိုယ်ထဲကရောဂါပိုးတွေကို လျင်မြန်စွာ တိုက်ထုတ်နိုင်တာမျိုးတော့ လုပ်ပေးနိုင်ပါတယ်။ ဗီတာမင် စီကြောင့် အအေးမိတုပ်ကွေး ပျောက်တာမျိုး မဟုတ်ဘဲ၊ ကိုယ်ခံအားစနစ်ကြောင့်သာ အအေးမိတုပ်ကွေး လျင်မြန်စွာ ပျောက်ကင်းနိုင်မှာပါ။

အအေးမိနေစဉ် ဗီတာမင် စီ ကို သောက်ရင် ဆိုးကျိုးတွေရှိလား။

ပုံမှန်အားဖြင့်တော့ ဗီတာမင် စီကို အစာအာဟာရကနေ အများဆုံးရသလို ဆေးဝါး၊ ဖြည့်စွက်စာကနေလည်း ရနိုင်ပါတယ်။ ဗီတာမင် စီ အတွက် ခန္ဓာကိုယ်က သတ်မှတ်ထားတဲ့ စုပ်ယူနိုင်စွမ်းပမာဏသည်လည်း မြင့်တဲ့အတွက် ပုံမှန်ဗီတာမင် စီအားဆေး သောက်ပေးလို့ ကြီးကြီးမားမား ဆိုးကျိုးဖြစ်စေတာမျိုးတော့ မရှိပါဘူး။

အားဆေးထက်စာရင် ဗီတာမင် စီ ပေါကြွယ်ဝတဲ့ ဟင်းသီးဟင်းရွက်နဲ့ သစ်သီးတွေကို အဓိကစားပေးနိုင်ရင်တော့ အကောင်းဆုံးပဲပေါ့ဗျာ။ အမျိုးသားတွေအတွက် တစ်နေ့တာ သောက်သုံးသင့်တဲ့ ဗီတာမင် စီ ပမာဏက 90 mg ဖြစ်ပြီး အမျိုးသမီးတွေအတွက်တော့ 75 mg ပါ။ နေ့စဉ် ဗီတာမင် စီ ကို 2000 mg ထက် ပိုများပြီး သောက်ရင်တော့ ကျောက်ကပ်မှာ ကျောက်တည်တာ၊ မအီမသာဖြစ်ပြီး ပျို့အန်တာ၊ ဝမ်းပျက်ဝမ်းလျှောတွေ ဖြစ်နိုင်ပါတယ်။

အအေးမိ တုပ်ကွေးရောဂါဖြစ်ပြီဆိုရင်တော့ ဗီတာမင် စီ သောက်ဖို့ သင့်၊ မသင့်ကို ဆရာဝန်နဲ့ အရင်ဆုံး တိုင်ပင်ဆွေးနွေးကြည့်သင့်ပါတယ်။ ပုံမှန်အားဖြင့်တော့ လူနာမှာ ကျန်းမာရေးပြဿနာတစ်စုံတစ်ရာမရှိရင် ဆရာဝန်အနေနဲ့ အားဆေးသောက်ရန် ကန့်ကွက်မှာတော့ မဟုတ်ပါဘူး။ အဓိက အကိုက်အခဲပျောက်ဆေး၊ အဖျားပျောက်ဆေးတွေ ပေးတဲ့အခါ ဆရာဝန်ရဲ့ ဆေးညွှန်းအတိုင်း သေချာသောက်ပေးပါ။ အိပ်ချိန်ကို များများအိပ်စက်အနားယူပေးပါ။ အားအင်ကုန်ခမ်းစေမယ့် လေ့ကျင့်ခန်းလုပ်တာမျိုး၊ အလုပ်လုပ်တာကို ရှောင်ပါ။ ရေများများသောက်ပေးပါ။ အရည်ပါတဲ့ အစားအစာတွေကို များများ စားပေးပါ။ အသီးအနှံ၊ ဟင်းသီးဟင်းရွက်တွေကို စားပေးပါ။

Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာကောင်းတဲ့ ဘဝနေ့ရက်မျိုးကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဂျူးဖူးလေး ကပေးတဲ့ ကျန်းမာရေး

ဂျူးဖူးလေး ကပေးတဲ့ ကျန်းမာရေး တွေက ဘာတွေဖြစ်မလဲ......... စားလို့ ကောင်းတဲ့ ဂျူးဖူးလေးက အခုလို ကျန်းမာရေး အကျိုးကျေးဇူးတွေ ရရှိစေနိုင်ပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

နေမကောင်းဖြစ်ပြီးရင် သွားပွတ်တံ လဲသင့်လား

နေထိုင်မကောင်း ဖြစ်ပြီးရင် သွားပွတ်တံ ကို လဲသင့်လား။ သွားပွတ်တံမှာ ပိုးတွေ ကပ်နေပြီး ခုပြန်တိုက်ရင် ပိုးဝင်ပြန်ဝင်သွားနိုင်လား။

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win

စောင်းလျားသီး (Star Fruit) က ကျန်းမာရေးအတွက် ကောင်းသလား…….

စောင်းလျားသီး (Star Fruit) က ကျန်းမာရေးအတွက် ကောင်းသလား....... ဆိုတော့ ကောင်းပါတယ်။ ဘာကြောင့် ဒီလိုပြောရတာလဲဆိုတော့

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

ကိုဗစ်ဖြစ်ပြီး ထွက်တဲ့ antibodies ဘယ်လောက်ခံလဲ…….

ကိုဗစ်ဖြစ်ပြီး ထွက်တဲ့ antibodies ဘယ်လောက်ခံလဲ....... ကိုဗစ်ကနေ ကျန်းမာလာတဲ့အခါ ကိုဗစ်ဗိုင်းရပ်စ်ကို ခုခံနိုင်တဲ့ ကိုယ်ခံအား ထွက်လာပါတယ်။

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

သင့်အတွက် ရွေးချယ်ထားသည်

ကိုဗစ် ကာကွယ်ဆေးတွေ ကြားက ကွာခြားချက်များ

ကိုဗစ် ကာကွယ်ဆေးတွေ ကြားက ကွာခြားချက်များ

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 16, 2021 . 3 mins read
ဆီးချိုရောဂါ ရှိတဲ့သူတွေက ဘာကြောင့် ပိုးဝင်လွယ် ရသလဲ။

ဆီးချိုရောဂါ ရှိတဲ့သူတွေက ဘာကြောင့် ပိုးဝင်လွယ် ရသလဲ။

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 15, 2021 . 3 mins read
Copper က ကျန်းမာရေးကို ဘယ်လို အားဖြည့်ပါသလဲ.........

Copper က ကျန်းမာရေးကို ဘယ်လို အားဖြည့်ပါသလဲ………

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 8, 2021 . 2 mins read
ကိုဗစ်လူနာ ကုသရေးမှာ အရေးပါတဲ့ အာဟာရ

ကိုဗစ်လူနာ ကုသရေးမှာ အရေးပါတဲ့ အာဟာရ

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 7, 2021 . 3 mins read