၂။ အရည်သောက်နည်းလို့
လူက ဖျားပြီဆိုရင် ဘာမှမစားချင်၊ မသောက်ချင် ဖြစ်တတ်တာသိကြမှာပါ။ အထူးသဖြင့် ဖျားတဲ့အခါ ကိုယ်ခန္ဓာတွင်းမှာလည်း ရေဓာတ်က ကုန်ဆုံးသွားတတ်တော့ ဖျားတဲ့အခါ ရေဓာတ်ပိုလိုပါတယ်။ ဖျားတာတင်မကဘဲ နောက်ဆက်တွဲ လည်ချောင်းနာတာ၊ နှာစေးနှာပိတ်၊ နှာရည်ယို၊ ချောင်းဆိုးတာတွေလည်း ရေဓာတ်ဆုံးရှုံးစေပါတယ်။
ဒါကြောင့် ဖျားပြီဆိုရင် အစားဝင်အောင်စားပါ။ ရေများများသောက်ပေးပါ။ ကြက်စွပ်ပြုတ်၊ ဆန်ပြုတ်၊ ချင်းပြုတ်ရည်၊ ဓာတ်ဆားရည် သောက်ပေးပါ။ ကော်ဖီ၊ အရက်၊ ဂက်စ်ပါတဲ့ အအေးတွေကိုတော့ ခဏနားထားပါ။
၃။ စိတ်ဖိစီးမှုများနေလို့
ဖျားနေတာတောင် အိပ်ရာမှာ အေးဆေးမနားဘဲ အလုပ်ကိစ္စ၊ မိသားစုကိစ္စ၊ အချစ်ရေးကိစ္စတွေနဲ့ စိတ်ဖိစီးပြီး ပူလောင်နေတတ်တဲ့အကျင့်ရှိလား။ ဒါဆိုရင်တော့ တော်ရုံအဖျားက ပျောက်နိုင်မှာမဟုတ်ပါဘူး။
စိတ်ဆိုတာလည်း ခန္ဓာကျန်းမာရေးအပေါ် သက်ရောက်မှုရှိစေတာမို့ ကိုယ့်စိတ်က ပြိုလဲနေရင် ခန္ဓာကိုယ်မှာရှိတဲ့ ကိုယ်ခံအားစနစ်ကလည်း ဒီရောဂါဘက်တီးရီးယားတွေကို ကောင်းကောင်းတိုက်ဖျက်နိုင်မှာမဟုတ်ပါဘူး။ ဒါကြောင့် ဖျားနေရင် ဘာအကြောင်းနဲ့မှ စိတ်ညစ်မခံပါနဲ့။ အဖျားအမြန်ပျောက်ဖို့ကိုပဲ ခေါင်းထဲထည့်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။