ဗိုက်အနာမခံဘဲ မီးဖွားလို့ရလား။ ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

မီးဖွားချိန် မိန်းမသားတိုင်း ခံစားရတဲ့ အနာဟာ ဓမ္မတာ လာချိန်ကိုက်ခဲတဲ့ ဝေဒနာ ထက် အဆ ၂၀ ပိုပြင်းထန်ပါတယ်။ ဒီလို ရိုးရိုးမီးဖွားချိန် နာတဲ့ အနာကို လူတိုင်း ကြောက်ကြလို့ ခွဲမွေးတာ ခုနောက်ပိုင်း ခေတ်စားလာတာပါ။ ဒါပေမယ့် ခွဲမွေးတယ်ဆိုတာ မီးဖွားချင်လို့ နာတဲ့အနာကိုသာ ကျော်လွှားနိုင်ပေမယ့် နောက်ပိုင်း ဖြစ်လာမယ့် ဆိုးကျိုးတွေ တစ်ပုံကြီးပါ။ ဒီတော့ ရိုးရိုးပဲမွေးမယ် အရမ်းလည်း မနာဘူးဆိုတဲ့ နည်းတွေ များရှိမလား။ ။

ခုလို တိုးတက်လာပြီး ဘာမဆို ဖြစ်နိုင်တဲ့ ခေတ်ကြီးထဲမှာ ဗိုက်မနာဘဲ မီးဖွားလို့ရတဲ့ နည်းတွေလည်း ရှိနေတယ်ဆို အရမ်းများ အံ့သြသွားမလား။

ဗိုက်အရမ်းမနာစေဘဲ မီးဖွားစေနိုင်တဲ့ နည်းလမ်းတွေ ။ ။

ဆေးပညာနဲ့ မဆိုင်တဲ့ နည်းလမ်းများ

  • Hypnosis ( အိပ်မွေ့ချနည်းပညာ)
  • Hydrotherapy ( ရေထဲတွင် မီးဖွားခြင်း)

ဒီ နည်းလမ်းတွေက မီးဖွားချိန် ဗိုက်နာခြင်းကို သက်သာစေတယ်ဆိုပေမယ့် အရမ်းကြီး တွင်ကျယ်စွာ အသုံးပြုတဲ့ နည်းလမ်းတွေတော့မဟုတ်ပါဘူး။ ၁၀၀ ရာခိုင်နှုန်း အာမခံထားတဲ့ နည်းလမ်းတွေလည်း မဟုတ်ပါဘူး။

ဆေးပညာဆိုင်ရာ နည်းလမ်းတွေ ။ ။

ဆေးပညာဆိုင်ရာဆိုတော့ မီးဖွားချိန်ဗိုက်မနာအောင်ကူညီပေးတဲ့ ဆေးတွေ အကြောင်းပဲ ဖြစ်ပါတယ်။ အပေါ်က နည်းတွေထက်စာရင် ဒီနည်းတွေက ပိုပြီး အာမခံချက်ရှိတဲ့အတွက် အနောက်တိုင်း နိုင်ငံတွေမှာ တွင်တွင်ကျယ်ကျယ် သုံးနေကြပါတယ်။ ဘာနည်းတွေလဲ ဆိုတာ စိတ်ဝင်စားနေကြပြီလား။ ဆက်ကြည့်ရအောင် ။ ။

( ၁ ) Entonox Inhalation

ဒါက 50 percent nitrous oxide နဲ့ oxygen ပေါင်းထားတဲ့ ဓါတ်ငွေ့တစ်မျိုးကို ရှူရှိှုက်ရတဲ့နည်းလမ်းပါ။ ဆေးရုံတွေမှာ သုံးတဲ့ အကြည်ရောင် နှာခေါင်းစည်းလေးက နေ လွှတ်ပေးတဲ့ ဓါတ်ငွေ့တွေကို သားအိမ်စညှစ်ပြီ ဗိုက်နာလာပြီ ဆိုတာနဲ့ ရှူရတာဖြစ်ပါတယ်။ ဒီနည်းက သားအိမ်ညှစ်နိုင်စွမ်း အမြင့်ဆုံးကို နာကျင်မှု အရမ်းမရှိဘဲ ပေးစွမ်းမှာ ဖြစ်ပါတယ်။

ကောင်းကျိုး – လွယ်လွယ်ကူကူရနိုင်တဲ့အပြင် ကိုယ်ထဲမှာလည်း ကျန်မနေခဲ့လို့ ဘေးထွက်ဆိုးကျိုးတွေ မရှိစေပါဘူး။

ဆိုးကျိုး – လူကို နုန်းခွေစေတာ၊ ခေါင်းမူးစေတာနဲ့ ပျို့အန်ချင်တာမျိုးတွေကိုတော့ ဖြစ်စေပါတယ်။

( ၂ ) Opioid Injections

ဒါကတော့ နာကျင်တာကို သက်သာစေတဲ့ ဆေးတစ်မျိုးထိုးပေးတာပဲ ဖြစ်ပါတယ်။ အသုံးအများဆုံး Opioid ဆေးကတော့ pethidine ပါ။ ပေါင်မှာ ထိုးသွင်းရပြီး အာနိသင်ရဖို့အတွက် ၁၅ မိနစ်ကနေ မိနစ် ၃၀ လောက်တောင့် စောင့်ရပါတယ်။

ကောင်းကျိုး – နာကျင်မှု ဝေဒနာကို ၄နာရီကနေ ၆ နာရီကြာထိန်းထားပေးပါတယ်။

ဆိုးကျိုး – early labour လို့ခေါ်တဲ့ မီးစစချင်း ဖွားချင်တဲ့အချိန် ( သားအိမ်ခေါင်း ၅ စင်တီမီတာအထိ မကျယ်ခင် အချိန်) မှာပဲ ပေးလို့ရပါတယ်။ ကလေးထွက်ချိန်နဲ့ အရမ်းကပ်သွားတဲ့အခါ ကလေးကို နုန်းခွေစေတာမျိုးတွေ ဖြစ်စေတတ်ပါတယ်။

( ၃ ) Epidural Analgesia (EA)

သူကတော့ ထုံဆေးတွေကို ခါးဆစ်ရိုးထိုးသွင်းပြီး နာကျင်မှုကို ထိန်းပေးပါတယ်။ အသုံးများပြီး ယုံကြည့်စိတ်အချရဆုံး အထိရောက်ဆုံး နည်းတစ်ခုပါ။

ကောင်းကျိုး – နာကျင်မှုဝေဒနာကို ကောင်းကောင်းထိန်းချုပ်ပေးပြီး သွေးပေါင်ကိုပါ ထိန်းညှိပေးပါတယ်။

ဆိုးကျိုး – ထိုးထိုးချင်းမှာတော့ အောက်ပိုင်းထုံကျင်တာမျိုး ဖြစ်တတ်ပေမယ့် တဖြည်းဖြည်း ပြန်ပျောက်သွားမှာပါ။ ပျို့အန်ချင်တာမျိုးတွေ အဖြစ်များပေမယ့် ဆေးနဲ့ ထိန်းလို့ရပါတယ။် တစ်ချို့အမျိုးသမီးတွေမှာဆို မီးဖွားပြီး ခေါင်းကိုက်တာမျိုး ဖြစ်ကျန်ခဲ့တယ်လည်း ဆိုကြပါတယ်။

တစ်ချို့ Epidural Analgesia (EA)နည်းလမ်းနဲ့ပက်သက်ပြီး မှားနေတဲ့ အယူတစ်ချို့ကိုလည်း ပြောပြချင်ပါသေးတယ်။

  • Epidural Analgesia (EA) နည်းနဲ့ မီးဖွားြပီးရင် ခါးနာကျန်ခဲ့မယ်ဆိုတာ မှားပါတယ်။ တစ်ချို့ (EA) မထိုးဘဲ မီးဖွားပြီး ခါးနာတတ်တာတွေလည်း ရှိတာကြောင့်(EA)ကြောင့် ခါးနာတာ ကျိန်းသေးဖြစ်ရတယ်ဆိုတာတော့ မရှိပါဘူး။
  • ကလေးရဲ့ နှလုံးခုန်နှုန်းအပေါ် သက်ရောက်မှုရှိတတ်တယ်ဆိုပေမယ့် ကလေးကို ထိခိုက်စေတယ်ဆိုတော့ မမှန်ပါဘူး။
  • ခါးဆစ်ရိုးထဲ ဆေးထိုးတာကြောင့် အကြောထိမိသွားရင် အောက်ပိုင်းသေသွားတတ်ဆိုတာ လူတစ်သန်းမှာ ၁ ယောက်လောက်ပဲ ဖြစ်တတ်တာကြောင့် အင်မတန်မှ ရှားတဲ့ အရာတစ်ခုပါ။

ကဲ ခုလို တိုးတက်လာတဲ့ ခေတ်ကြီးမှာ ကလေးမွေးတာတောင်မှ အနာမခံဘဲနဲ့ မီးဖွားလို့ရနေပြီဆိုတော့ သူ့ထက်ကောင်းတာ ရှိဦးမလားနော်။ ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အနံ့ပျောက်ရင် ဘာလုပ်ရမလဲ။

ခုတလော အနံ့ မရတော့ဘူးဆိုရင် ကိုဗစ်ပဲဆိုပြီး စိုးရိမ်မှုတွေ အတော်လေး များနေကြပါတယ်။ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ရခြင်းနှင့်သက်ဆိုင်သော ယုံတမ်းအမှားများ

လူအများစုကတော့ ကိုယ်ဝန်ရခြင်းနဲ့ ပတ်သက်ပြီး ယုံတမ်းအမှားတွေကြောင့် မလိုလားအပ်ပဲ ကိုယ်ဝန်ရတာတွေ ပိုပြီးဖြစ်နိုင်ခြေရှိနေတာကို သိထားဖို့ လိုအပ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အဆုတ်ထဲ ပိုက်ထည့်ထားရင် ဘာတွေ ဂရုစိုက်ရမလဲ။

အဆုတ်ထဲပိုက်ထည့် အဆုတ် အဆုတ်အမြှေးပါး အဆုတ်ထဲရေဝင် အဆုတ်ထိခိုက်ဒဏ်ရာ ရင်ဘတ်ဓာတ်မှန် ထုံဆေး ပိုးဝင် အသက်ရှူလေ့ကျင့်ခန်း အသက်ရှူရခက်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ခေါင်းကိုက်တာကြောင့် ပျော်ရွှင်စရာ အချိန်တွေကို မထိခိုက်ပါစေနဲ့။

ခေါင်းကိုက်တာကဆေးခန်းပြလောက်အောင်မပြင်းထန်ပေမယ့်နေ့စဉ်ဘဝကိုအတော်လေးထိခိုက်စေတယ်။ ခေါင်းကိုက်ရင် အတော်ခံရခက်ပါတယ်။ အာရုံစိုက်ဖို့ ခက်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ခေါင်းတွေကိုက်

နေပူထဲသွားပြီး ခေါင်းတွေကိုက် နေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 17, 2021 . 2 mins read
ကလေးမွေးဖို့ပြင်ဆင် ထားရမယ့် အချက်များ

ကလေးမွေးဖို့ပြင်ဆင် ထားရမယ့် အချက်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 22, 2021 . 2 mins read
သွေးတိုးရောဂါ (Hypertension)

သွေးတိုးရောဂါ (Hypertension)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 30, 2020 . 2 mins read

အရက်သောက်ချင်ပေမယ့် အရက်နာကျတာတော့ မကြိုက်ဘူးဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 30, 2020 . 2 mins read