မုတ်သုံမှာ ကိုယ်ဝန်ဆောင်မေမေတို့ ကျန်းမာစေဖို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

မုတ်သုံရာသီရဲ့ မိုးရွာသွန်းမှုက အငြိုးတကြီးပူထားတဲ့နွေရဲ့ အပူချိန်ကိုလျော့ပါးစေတာကြောင့် မပေါ့မပါးဖြစ်နေရတဲ့ မမဗိုက်ကိုနွေမှာလောက် မပင်ပန်းစေတာတော့အမှန်ပါ။ ဒါပေမယ့်မိုးရာသီက စိုထိုင်းဆများမှုကြောင့် ပတ်ဝန်းကျင်မှာ သာမန်မျက်စိနဲ့မမြင်ရတဲ့ ဘက်တီးရီးယားတွေ အများကြီးရှိနေနိုင်ပါတ်ယ။ ဒီအခြေအနေက ပုံမှန်ထက် ကျန်းမာရေးပိုဂရုစိုက်ဖို့ လိုအပ်နေတဲ့ မမဗိုက်တို့အတွက် အကောင်းကြီးပဲတော့မဟုတ်ပါဘူး။

ဒီတော့ မိုးလေးဖွဲဖွဲမှာ ကျန်းမာနေဖို့ မိခင်လောင်းတွေအနေနဲ့ ဒီအချက်လေးတွေကို ဂရုစိုက်ပါ

မိုးရာသီမှာ မျက်စိနဲ့မမြင်ရတဲ့ ဘက်တီးရီးယားတွေက အခွင့်ကောင်းကိုစောင့်နေကြတာပါ။ ဒီအခြေအနေမှာသေချာလေးဂရုစိုက်နိုင်မှမေမေရောဘေဘီလေးပါ ကျန်းမာစေနိုင်မှာပါ။ မုတ်သု့ကိုအကောင်းဆုံးကျော်ဖြတ်ဖို့ မိခင်လောင်းတို့အနေနဲ့ ဒီအချက်လေးတွေကို ဂရုစိုက်ဖို့လိုပါမယ်။

အာဟာရြပည့်ဝအောင်စားပါ

မုတ်သုံရာသီက ဘက်တီးရီးယား အန္တရာယ်များတာကြောင့် ခုခံနိုင်ဖို့အတွက် ကိုယ်ခံအားကောင်းနေဖို့လိုမှာပါ။ ဒါကြောင့်နေ့စဉ်စားသုံးတဲ့အစားအစာတွေကို လတ်ဆတ်ပြီး အာဟာရပြည့်ဝစေဖို့ သတိထားပေးပါ။ တစ်နေ့ကို အနည်းဆုံး ၃ ကြိမ်စားဖြစ်အောင်လည်း ဂရုစိုက်ပါ။ ဒါမှ ခန္ဓါကိုယ်က လိုအပ်တဲ့ အာဟာရတွေပြည့်ဝပြီး ကိုယ်ခံအားလည်းကောင်းနေမှာပါ။ ခံတပ်ကိုကောင်းကောင်းဆောက်ထားနိုင်မှ စိတ်လက်ချမ်းသာနေနိုင်မှာပါမေမေတို့ရေ…….

လမ်းဘေးစာတွေမစားပါနဲ့

မိုးရာသီမှာ အစားအသောက်တွေက သန့်ရှင်းမှုအားနည်းနိုင်ခြေများပါတယ်။ ဒါကြောင့် လမ်းဘေးမှာရောင်းချတဲ့ လက်လုပ်ချဉ်တွေနဲ့ သန့်ရှင်းမှုနည်းတဲ့ အစားအစာတွေ အမှည့်လွန်နေတဲံ အသီးတွေကို မစားပါနဲ့။ ပူပူနွေးနွေးနဲ့ သန့်သန့်ရှင်းရှင်းလုပ်ထားတဲ့ အစားအသောက်တွေကို ဂရုစိုက်စားပေးပါ။

ရေလုံလောက်အောင်သောက်ပါ

မိခင်ရော ကလေးပါကျန်းမာစေဖို့ ကိုယ်ဝန်ဆောင်မေမေတွေက ပုံမှန်ထက်ရေဓါတ်ပြည့်ဝနေဖို့ လိုပါမယ်။ ဒါကြောင့် ရာသီဥတုအေးနေပေမယ့်လည်းရေကို လုံလောက်အောင်သောက်ဖို့မမေ့ပါနဲ့။ ဒါမှ မအီမသာဖြစ်တာ၊ခေါင်းကိုက်တာ၊ မူးဝေတာတွေ ကင်းစေမှာပါ။ရေပဲသောက်မနေချင်ဘူးဆိုရင် အုန်းစိမ်းရည်သောက်ပေးလို့ရပါတယ်။

ချော်မလဲစေဖို့ သတိထားပါ

မိုးရာသီရဲ့ စိုစွတ်မှု၊ရေညှိတွေပေါက်ဖွားမှုကြောင့် မတော်တဆချော်လဲတာမျိုးဖြစ်နိုင်ပါတယ်။ ဒါကြောင့် မိုးတွင်းမှာ တစ်ယောက်တည်း မသွားပါနဲ့။ချော်နိုင်တဲ့နေရာတွေကို တတ်နိုင်သမျှရှောင်ပေးပါ။ မိုးတွင်းစီးဖိနပ်ကောင်းကောင်းလေးစီးပေးပါ။

မိုးမမိပါစေနဲ့

မိုးမိတဲ့အခါဆေးသောက်ဖို့ မလွယ်ပါဘူး။ ဒီတော့ မိုးမိတာကြောင့်ဖြစ်လာမယ့် ရောဂါတွေကို ကာကွယ်ဖို့အတွက် အစောကတည်းက မိုးမမိအောင်ကာကွယ်ဖို့လိုပါမယ်။ ကိုယ်ဝန်ဆောင်မေမေတွေကဆေးသောက်တဲ့အခါဘေဘီလေးကိုထိခိုက်တာမျိုးဖြစ်လာနိုင်တာကြောင့် မိုးမမိအောင် ဂရုစိုက်ပေးပါ။

ရေပုံမှန်ချိုးပါ

မိုးရွာတာမှန်ပေမယ့် တစ်ကိုယ်ရေသန့်ရှင်းရေးကိုလည်း ဂရုမစိုက်လို့ မဖြစ်ပြန်ပါဘူး။ ဒီတော့ တစ်ကိုယ်ရေသန့်ရှင်းရေးအတွက် အရေးကြီးတဲ့အချက်တစ်ခုဖြစ်တဲ့ရေချိုးတာကိုမေ့မထားပါနဲ့။ တစ်နေ့ကိုတစ်ကြိမ်တော့ရေချိုးသန့်စင်ပေးပါ။

အဝတ်အစား သက်တောင့်သက်သာရှိပါစေ

အဝတ်အစားကလည်း အရေးကြီးပါတယ်။ မိုးရွာတာကြောင့် အပူချိန်လျော့သွားတာမှန်ပေမယ့် စိုထိုင်းဆမျာေးနတဲ့ အနေအထားက သင့်ကိုချွေးပြန်စေမှာ အသေအချာပါ။ ဒါကြောင့် အရမ်းထူတဲ့အဝတ်အစားမျိုးတွေကို မဝတ်ပါနဲ့။ချောင်ချောင်ချိချိနဲ့ သက်တောင့် သက်သာရှိတာမျိုးကို ဝတ်ဆင်ပေးပါ။ချွေးမစုပ်တဲ့အဝတ်အစားတွေက အရေပြားပြဿနာတွေဖြစ်စေနိုင်တာကြောင့် သတိထားစေချင်ပါတယ်။

နေအိမ်ကို သန့်ရှင်းအောင်ထားပါ

နေအိမ်မှာ မှိုနဲ့ ဘက်တီးရီးယားတွေပေါက်ဖွားနေနိုင်တာကြောင့် အရေပြားပြဿနာတွေဖြစ်နိုင်သလို အအေးမိတုပ်ကွေး တွေ နှာစေးနှာပိတ်တာတွေဖြစ်နိုင်ပါတယ်။ ဒါကြောင့် မိုးတွင်းမှာမေမေလောင်းတွေအနေနဲ့နေရာထိုင်ခင်းကို သန့်ရှင်းအောင်ထားဖို့ မမေ့သင့်ပါဘူး။

ခြင်အန္တရာယ်သတိထားပါ

ရာသီတိုင်းမှာ သတိထားရမှာဆိုပေမယ့် မိုးကျလာရင်ခြင်တွေကို ပိုသတိထားရတာက အမြဲလိုလိုပါ။ ဒါကြောင့်ခြင်ကိုက်မခံရအောင် အဝတ်အစားကို လုံလုံခြုံခြုံဝတ်ဆင်ပေးပြီးခြင်ကင်းစင်တဲ့ ပတ်ဝန်းကျင် ဖန်တီးဖို့လည်း မမေ့ဖို့ပြောပါရစေ။

အခုမိုးရာသီမှာ ဒီအချက်လေးတွေကို ဂရုစိုက်လို့ဆေးသောက်ဖို့ခက်တဲ့လေဒီမေမေတို့ ကိုယ့်ကျန်းမာရေးကို ကိုယ်ဂရုစိုက်ကြပါလို့ အကြံပြုရင်း………….

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

နေပူထဲ အချိန်အကြာကြီးရပ်နေမိလို့ Eye Sunburn မဖြစ်ရလေအောင်

Eye Sunburn နေပူရှိန်ပြင်းပြင်းထဲ အချိန်အကြာကြီး ရပ်နေမိရင် မျက်လုံးတွေ ပြာဝေပြီး မူးသလိုလို မော်သလိုလို ဖြစ်လာတာကို Eye Sunburn လို့ ခေါ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စိုးရိမ်ပူပန်စိတ် ကြောင့် အိပ်ရေးပျက်ညတွေ များနေရင် ဒီနည်းလေးတွေ သုံးကြည့်ပါ

ခုရက်ပိုင်း လူအတော်များများ အိပ်ရေးတွေပျက်တာတွေ စိုးရိမ်ပူပန်စရာတွေ မကြာခန ကြုံနေရကြရတယ်။ စိုးရိမ်ပူပန်စိတ် ကြောင့် အိပ်ရေးပျက်ညတွေများလာနေတဲ့ သဘောမျိုးပေါ့

ရေးသားသူ Ye Zon Aung

သွေးတိုးသမားတွေ စားပေးရမယ့် အထူးအစားအစာများ

သွေးတိုးသမားဆိုတာ ဟိုဟာမတည့် ဒီဟာမတည့်နဲ့ဆိုတော့ စားရေးသောက်တာမှာ အင်မတန်ခက်ခဲတယ်။ ဒီလို သွေးတိုးသမားတွေ စားပေးရမယ့် အထူးအစားအစာလေးတွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read