အရင်လို ဘာပစ္စည်းပဲ ဖြစ်ဖြစ် တွေ့တာနဲ့ ဆတ်ခနဲကောက် မ ဖို့ စိတ်မကူးပါနဲ့။ ကိုယ်ဝန်ရင့်လာတာနဲ့အမျှ ကလေးက ပိုကြီးလာပြီး ဝိတ်ပိုတက်လာမယ်။ ခါးက အနောက်ကို ပိုကော့လာပါတယ်။ ဒါကြောင့် ကိုယ်ဝန်ကြီးသက်သက်နဲ့ကို ခါးမှာ ဒဏ်ဖြစ်ပြီးသားပါ။ ဒါကို အလေးအပင်တွေ မ နေမယ်ဆိုရင် ပိုဆိုးမှာပါ။ တချို့အမျိုးသမီးတွေမှာဆိုရင် အလေးအပင် မ ပြီးမှ ဗိုက်ထဲမှာ ဆစ်ခနဲနာလာတာမျိုးတွေတောင် ဖြစ်နိုင်ပါတယ်။
- လိုက်ကာလဲတာ၊ နံရံကပ် ပန်ကာတွေ သန့်ရှင်းတာမျိုး မလုပ်ပါနဲ့။
ဒီအလုပ်တွေက သာမန်လူတွေတောင် သတိကြီးကြီးထားပြီး လုပ်ရတဲ့ အလုပ်ပါ။ ခုံပေါ်က ပြုတ်ကျမှာ၊ ဟန်ချက်မထိန်းနိုင်ဘဲ ပြုတ်ကျမှာ စတဲ့ ပြဿနာတွေ ရှိပါတယ်။ တစ်နေ့ တခြား ဖောင်းလာတဲ့ ဗိုက်နဲ့ နာနေတဲ့ ခါးကြောင့် ကိုယ့်ကိုယ်ကိုထိန်းဖို့ဆိုတာ တော်တော်ခက်ပါတယ်။ ဒါကြောင့် ဒီအလုပ်က လုပ်မယ့်သူမရှိဘူးဆိုရင်တောင် ပစ်ထားလိုက်ရမယ့်အလုပ်ပါ။
ဒါတွေကတော့ ကိုယ်ဝန်ဆောင် အမျိုးသမီးတွေအနေနဲ့ ရှောင်ရမယ့် အိမ်အလုပ်တွေပါ။ ကိုယ်ဝန်ဆောင်တွေက အိမ်အလုပ်တွေ မလုပ်ဘဲ နေရမှာ မဟုတ်ပါဘူး။ တတ်နိုင်တဲ့၊ အန္တရာယ်မရှိတဲ့ ပေါ့ပေါ့ပါးပါး အလုပ်တွေဆိုရင် လုပ်လို့ရပါတယ်။ ဒါပေမယ့် ခုပြောခဲ့တာတွေကတော့ အန္တရာယ်များလွန်းတာကြောင့် ရှောင်ဖို့ အကြံပေးလိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။