သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

null

လမစေ့မီ ကလေးမွေးခြင်း

    လမစေ့မီ ကလေးမွေးခြင်း

    လမစေ့မီ ကလေးမွေးခြင်းဆိုတာ ဘာလဲ။

    လမစေ့မီ ကလေးမွေးခြင်းသည် ကိုယ်ဝန် ၃၇ ပတ်မပြည့်မီတွင် မွေးဖွားခြင်းကို ခေါ်ပါသည်။ ပုံမှန်အားဖြင့် ကိုယ်ဝန်သည် အပတ်၄၀ ခန့်မျှ လစေ့သညါဟုခေါ်ပါသည်။ လမစေ့မီမွေးသော ကလေးများသည် မိခင်၏ဝမ်းဗိုက်ထဲတွင် ကြီးထွားချိန် တိုတောင်းသည့်အတွက် မွေးပြီး ချိန်တွင်လည်း နောက်ဆက်တွဲဆိုးကျိုးများ ပိုများပါသည်။

    စောမွေးသည့် အချိန်ကာလအပေါ်မူတည်ပြီး ထိုကလေးငယ်ကို အောက်ပါအတိုင်း အမျိုးအစားခွဲခြားထားသည်။

    • ၃၄ ပတ်မှ ၃၆ ပတ်အတွင်းမွေးသော ကလေးများကို အနှောင်းပိုင်းကာလ လမစေ့ခြင်း ဟုခေါ်သည်။
    • ၃၂ ပတ်မှ ၃၆ ပတ်အတွင်းမွေးသော ကလေးများကို အသင့်အတင့် အနှောင်းပိုင်းကာလ လမစေ့ခြင်း ဟုခေါ်သည်။
    • ၃၂ ပတ်အောက် မွေးသောသူများကို လွန်စွာ အနှောင်းပိုင်းကာလ လမစေ့ခြင်း ဟုခေါ်သည်။
    • ၂၅ ပတ်နှင့် အောက် မွေးသောသူများကို အလွန့်အလွန်အနှောင်းပိုင်းကာလ လမစေ့ခြင်း ဟုခေါ်သည်။

    အများစုသော လမစေ့သည့် ကလေးများသည် ၃၄ ပတ်မှ ၃၆ ပတ်အတွင်းမွေးသော ကလေးများဖြစ်သည်။

    လမစေ့မီ ကလေးမွေးခြင်းသည် အဖြစ်များပါသလား။

    လမစေ့မီ ကလေးမွေးခြင်းသည် လူမည်းအမျိုးသမီးများတွင် ပို အဖြစ်များပါသည်။

    သို့သော် လူတိုင်းဖြစ်နိုင်ပါသည် ဖြစ်နိုင်ချေရှိသော အကြာင်းရင်းများစွာရှိသော်လည်း အကြောင်းမဲ့လည်းဖြစ်နိုင်ပါသည်။

    သို့သော် ထိုဖြစ်စဉ်ကို ဖြစ်စေနိုင်သော အချက်များကို လျှော့ချခြင်းများပြုလုပ်နိုင်သော်လည်း တိကျသော သတင်းအချက်အလက်များရရှိရန် ဆရာဝန်နှင့် တိုင်ပင်သင့်ပါသည်။

    လမစေ့မီ ကလေးမွေးခြင်း၏လက္ခဏာများက ဘာလဲ။

    လမစေ့မီ ကလေးမွေးခြင်းဖြင့် ကလေးသည် ပြင်ပလောကနှင့် သဟဇာတမဖြစ်မီ မိခင် ဝမ်းကြာတိုက်ထဲတွင် နေရသော အချိန်တိုတောင်းသွားခြင်းဖြစ်သည်။

    လမစေ့သော ကလေးများတွင် တွေ့ရများသောလက္ခဏာများမှာ

    • ကလေးသည် ခေါင်းနှင့် ကိုယ်နှိုင်းစားသော် ကိုယ်သေးနေခြင်း
    • ကလေးသည် ခန္ဓာကိုယ်တွင် အဆီတစ်သျူးများ ဖွံ့ဖြိုးမှုနည်းခြင်းကြောင့် စုပ်ချွန်းချွန်းဖြစ်နေခြင်း
    • တကိုယ်လုံးတွင် ငယ်မွေးများကျန်နေသေးခြင်း
    • ကလေးသည် ခန္ဓာကိုယ်တွင် အဆီတစ်သျူးများ ဖွံ့ဖြိုးမှုနည်းခြင်းကြောင့် ကိုယ်အပူချိန်ကျဆင်းခြင်း
    • အသက်ရှုမဝခြင်း
    • စုပ်ခြင်း၊ မြိုခြင်း စသည့်တုန့်ပြန်မှုများ အားနည်းသေးခြင်းကြောင့် နို့တိုက်ရခက်ခြင်း တို့ဖြစ်သည်။

    ဘယ်အချိန်မှာ ဆရာဝန်နှင့် ပြသင့်သလဲ။

    စောစီးစွာသိရပြီး ကုသနိုင်ပါကပိုမဆိုးလာစေရန် နှင့် အရေးပေါ်ကျန်းမာရေးပြသနာများ မကြုံလာစေရန် ကူညီပေးပါသည်။ ထို့ကြောင့် နှောင့်နှေးမနေဘဲ ဆရာဝန်နှင့် တိုင်ပင်သင့်ပါသည်။

    အထက်တွင်ဖော်ပြထားသော လက္ခဏာများအပြင် ပိုသိလိုသော် ဆရာဝန်နှင့်တိုင်ပင်သင့်သည်။

    လူတယောက်နှင့် တယောက် ရောဂါ၏တုံပြန်ပုံခြင်းမတူညီသည့်အတွက် မိမိ၏အခြေအနေကို သိရှိကာထိရောက်စွာကုသနိုင်ရန် ဆရာဝန်နှင့်တိုင်ပင်သင့်သည်။

    လမစေ့မီ ကလေးမွေးခြင်းကို ဖြစ်စေသော အကြောင်းများ

    လမစေ့မီ ကလေးမွေးခြင်းကို ဖြစ်စေသော အကြောင်းများစွာရှိသော်လည်း အများစုသည် အကြောင်းရင်းမရှိဘဲ အလိုလို ဖြစ်လာခြင်းဖြစ်သည်။

    သို့သော် အချို့မှာ ကလေးမွေးအောင်ဆေးသွင်းခြင်း၊ မိခင်၏ကျန်းမာရေးပြသနာနှင့် အခြားကိစ္စများကြောင့် ခွဲမွေးခြင်းတို့ကြောင့်ဖြစ်နိုင်ပါသည်။

    အဖြစ်များစေသော အကြောင်းများမှာ ကိုယ်ဝန်ဆောင်သော အကြိမ်အရေအတွက်များခြင်း၊ ကူးစက်ရောဂါပိုးဝင်ခြင်း၊ သွေးတိုး၊ ဆီးချို စသည့်

    နာတာရှည်ရောဂါများဖြစ်ခြင်းတို့ဖြစ်ပါသည်။ ထို့ပြင် မျိုးရိုးဗီဇကြောင့်လည်း ဖြစ်နိုင်ပါသည်။

    လမစေ့မီ ကလေးမွေးခြင်းကို ဖြစ်နိုင်ချေများစေသော အကြောင်းများ

    လမစေ့မီ ကလေးမွေးခြင်းကို ဖြစ်နိုင်ချေများစေသော အကြောင်းများစွာမှာ အောက်ပါတို့ဖြစ်သည်။

    • ယခင်က လမစေ့ဘဲမွေးဖူးခြင်း
    • အမွှာကိုယ်ဝန်ဆောင်ဖူးခြင်း
    • ကိုယ်ဝန်တယောက်နှင့် တယောက်ကြားတွင် ၆ လအောက်သာခြားပြီး ကိုယ်ဝန်ဆောင်ခြင်း
    • သားအိမ်ပြင်ပတွင် မျိုးအောင်ပြီး ရသော ကိုယ်ဝန်
    • မိခင်၏ သားအိမ်၊ သားအိမ်ခေါင်းနှင့် အချင်းတို့တွင် ချို့ယွင်းချက်ရှိခြင်း
    • ဆေးလိပ်သောက်ခြင်း၊ တရားမဝင်ဆေးများ သုံးစွဲခြင်း
    • အစာအာဟာရ ချို့တဲ့ခြင်း
    • ကိုယ်ဝန်ဆောင်ချိန်တွင် လရင့်လာသော်လည်း ကိုယ်အလေးချိန်မတက်လာခြင်း
    • ရေမြွှာရည်နှင့် မိခင်၏မွေးလမ်းကြောင်းတွင် ကူးစက်ရောဂါများဝင်ခြင်း
    • သွေးတိုး၊ ဆီးချို စသည့် နာတာရှည်ရောဂါများဖြစ်ခြင်း
    • ကိုယ်ဝန်ဆောင်မိခင်သည် အဝလွန်ခြင်း၊ ပိန်လွန်းခြင်း
    • မိမိချစ်သောမိသားစုဝင်တယောက်သေဆုံးခြင်း၊ အိမ်တွင်းရေးအရှုပ်အရှင်းများဖြစ်ခြင်း စသည်တို့ကြောင့် စိတ်သောကများခြင်း
    • ကိုယ်ဝန်ပျက်ကျခြင်း အကြိမ်ကြိမ်ဖြစ်ဖူးခြင်း
    • ကိုယ်ဝန်ဆောင်ချိန်တွင် ထိခိုက်ဒဏ်ရာရခြင်း

    ရောဂါ ရှာဖွေခြင်းနှင့် ကုသခြင်း

    { ယေဘူယျအသိပေးချက်ယခုဖော်ပြပါအချက်အလက်များသည် ဆေးပညာရပ်ဆိုင်ရာအကြံပြုချက်များနေရာတွင်အစားထိုးရန်မဟုတ်ပါ။ ပိုမိုတိကျစွာသိလိုသော် ဆရာဝန်နှင့် အမြဲဆွေးနွေးတိုင်ပင်ပါ။}

    လမစေ့မီ ကလေးမွေးခြင်းကို ဘယ်လိုသိနိုင်မလဲ။

    သင့်တွင် လမစေ့မီ ကလေးမွေးခြင်းဖြစ်တော့မည်ဟု သံသယရှိပါက

    ပထမဦးစွာ သင့်ဆရာဝန်က သင့်ကို ကစစ်ဆေးမှုပြုလုပ်ပါလိမ့်မည်။ ထို့နောက် လမစေ့ဘဲမွေးလာသော ကလေးကို တိကျသော ကုသမှုလုပ်ရန် သိသင့်သည်များကို စစ်ဆေးပါလိမ့်မည်။ ပုံမှန်အားဖြင့် ပြုလုပ်သော စစ်ဆေးမှုများမှာ

    အသက်ရှုခြင်း နှင့် နှလုံးခုန်ခြင်းကို စမ်းသပ်ခြင်း

    သင့်ကလေး၏ အသက်ရှုခြင်း နှင့် နှလုံးခုန်ခြင်းနှင့် သွေးပေါင်ချိန်များကို စက်များတပ်ဆင်ပြီး အဆက်မပြတ်စောင့်ကြည့်ခြင်းဖြစ်သည်။

    သွေးစစ်ခြင်း

    သွေးနမူနာယူပြီး သွေးအားနည်းရောဂါရှိမရှိသိရန် သွေးနီဥများကို စစ်ဆေးခြင်းဖြစ်သည်။

    နှလုံးဓါတ်မှန်ရိုက်ခြင်း

    သင့်ကလေး၏ နှလုံး လုပ်ဆောင်ရည်ကို သိရန် အသံလှိုင်းဓါတ်မှန်ရိုက်ခြင်းဖြစ်သည်။

    အသံလှိုင်းဓါတ်မှန်ရိုက်ခြင်း

    အသံလှိုင်းဓါတ်မှန်ရိုက်ခြင်းဖြင့် သင့်ကလေး၏ ဦးနှောက်ထဲတွင် သွေးယိုခြင်း၊ အရည်များအိုင်နေခြင်း ကိုသိနိုင်ပြီး အစာအိမ်လမ်းကြောင်း၊ အသည်းနှင့် ကျောက်ကပ်ပြသနာများကို လည်းသိနိုင်သည်။

    မျက်လုံးကို စစ်ဆေးခြင်း

    မျက်စိဆရာဝန်သည် ကလေးတွင် လမစေ့ခြင်းကြောင့် အမြင်လွှာထိခိုက်ခြင်း လက္ခဏာများ ရှိမရှိစစ်ဆေးခြင်း တို့ကိုပြုလုပ်ပါလိမ့်မည်။

    လမစေ့မီ ကလေးမွေးခြင်းကို ဘယ်လို ကုသမလဲ။

    ကလေးငယ်၏ အဆုတ်၊ နှလုံးနှင့် သွေးလည်ပတ်မှုတို့ပုံမှန်အတိုင်းပြန်ဖြစ်စေရန် ဆေးပေးပြီး ကုသရပါသည်။ ကလေး၏ အခြေအနေအပေါ်မူတည်ပြီး ဆေးများကွာခြားပါသည်။

    • အဆုတ်တွန်းကန်အားမျှစေမည့် ဆေးရည်တမျိုးကို ထိုးသွင်းခြင်း
    • အသက်ရှုခြင်းနှင့် နှလုံးခုန်ခြင်းကို အားပေးသည့် ဆေးရည်းများကို အကြောထဲထိုးခြင်း
    • ရောဂါပိုးများကူးစက်နိုင်ချေရှိလျှင် ပိုးသတ်ဆေးများပေးခြင်း
    • သွေးလည်ပတ်မှု နှင့် အဆုတ်ကို အထောက်အကူပြုစေရန် ဆီးဆေးများပေးခြင်း တို့ကို လုပ်ဆောင်နိုင်ပါသည်။
    • လမစေ့ဘဲမွေးသော ကလေးများတွင်ဖြစ်တတ်သည့် မျက်လုံးအမြင်လွှာချို့ယွင်းခြင်းကို ကာကွယ်ရန် မျက်စဉ်းဆေးများပေးခြင်း တို့ကို လုပ်ဆောင်နိုင်ပါသည်။
    • ထို့ပြင် နောက်ဆက်တွဲဆိုးကျိုးများဖြစ်လာလျှင် အောက်ပါ လုပ်ဆောင်မှုများနှင့် ခွဲစိတ်မှုများကို လိုအပ်သလို လုပ်ဆောင်နိုင်ပါသည်။
    • အစာကျွေးရခက်လျှင် သွေးပြန်ကြောများမှ တဆင့် ပိုက်ထဲ့ပြီး သွင်းခြင်း
    • အူပုပ်ခြင်းတို့ဖြစ်လျှင် ခွဲစိတ်ဖြတ်ထုတ်ခြင်း
    • မွေးရာပါနှလုံးသွေးကြောဆိုင်ရာပြသနာများကို ခွဲစိတ်ပြူပြင်ခြင်း
    • အမြင်လွှာချို့ယွင်းမှုများဖြစ်ပါက မူမမှန်သွေးကြောများ ဖွံ့ဖြိုးမှုကို လေတာရောင်ခြည်ဖြင့် တားခြင်း၊ အမြင်အာရုံချို့ယွင်းမှုများဖြစ်မလာအောင် ကုသခြင်း
    • ဦးခေါင်းခွံတွင်းရေများအိုင်ခြင်းကြောင့် ခေါင်းကြီးနေသော ကလေးများကို ဦးနှောက်ပိုင်းဆိုင်ရာခွဲစိတ်ကာ ရေလွှဲပေါက်ပြုလုပ်ခြင်း စသည့်
    • ခွဲစိတ်မှုများဖြစ်ပါသည်။

    နေထိုင်မှုပုံစံပြောင်းလဲခြင်းနှင့် အိမ်တွင်းကုထုံးများကိုပြုလုပ်ခြင်းဖြင့် လမစေ့မီ ကလေးမွေးသူများအတွက် ဘယ်လိုသက်ရောက်မှုရှိနိုင်သလဲ။

    အောက်ပါနေထိုင်မှုပုံစံပြောင်းလဲခြင်းနှင့် အိမ်တွင်းကုထုံးများသည် သင့်အတွက်အကူအညီဖြစ်နိုင်ပါသည်။

    သင့် ကလေးကို ပြုစုစောင့်ရှေက်ရမည့်နည်းများကို သိနားလည်သင့်သည်။

    ဆေးရုံမဆင်းမီ တွင် အရေးပေါ်အသက်ကယ်သင်တန်းများတက်ပါ။ ထို့နောက်ကျန်းမာရေးအဖွဲ့အစည်းများကို သိလိုသည်များမေးပြီး မှတ်သားထားပါ။

    သင့် ကလေးကို စောင့်ရှောက်ရာတွင်သင်သည် အားလုံးကို သိထားသင့်သည်။

    အထူးသဖြင့် တိုက်ရမည့်ဆေးများကို သေချာစွာ သိထားရမည်။

    အိမ်တွင် ကလေးကို သေသေချာချာ စောင့် အနီးကပ်စောင့်ရှောက်ခြင်း၊ အောက်ဆီဂျင်များ စနစ်တကျပေးခြင်း တို့ကို ပြုလုပ်ရန် လိုအပ်သည်။

    သင့် ကလေး၏ကျန်းမာရေးကို ကာကွယ်ပါ။

    လမစေ့သော ကလေးများသည် အခြားကလေးများထက်ရောဂါကူးစက်နိုင်ချေပိုများသောကြောင့် သူတို့ကို လူနေထူထပ်သောနေရာများသို့ခေါ်သွားခြင်း ကိုရှောင်ကျဉ်ပါ။ ထို့ပြင် လက်ကို ဆပ်ပြာနှင့် စင်ကြယ်အောင်ဆေးပြီးမှ ကလေးကိုထိပါ။ ချီပါ။

    သင်သိလိုသည်များရှိသော် ဆရာဝန်နှင့်တိုင်ပင်ကာ ပိုမိုကောင်းမွန်သော အကြံဉာဏ်များရယူနိုင်ပါသည်။

    health-tool-icon

    ကိုယ်ဝန်ဆောင်ချိန် ကိုယ်အလေးချိန်တွက်ချက်ခြင်း

    ဤကိရိယာသည် အမျိုးသမီးများအတွက် ကိုယ်ဝန်မဆောင်ခင်က ရှိသည့် ကိုယ်အလေးချိန်ပေါ် မူတည်၍ ကိုယ်ဝန်ဆောင်ချိန်တွင် ကိုယ်အလေးချိန် မည်မျှရှိသင့်သည်ကို တွက်ချက်ပေးခြင်း ဖြစ်ပါသည်။

    28

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ
    စာရေးသူ ဓာတ်ပုံbadge
    Dr. K Zin Thwe မှ ရေးသားသည်။ 25/05/2022 တွင် ပြန်လည်ပြင်ဆင်ခဲ့သည်။
    Dr. Kaung Thar မှ အချက်အလက် စစ်ဆေးထားပါသည်။