ပဲအမျိုးမျိုး
ပဲအမျိုးမျိုးက ပရိုတင်းရရှိစေနိုင်တဲ့ အစားအစာ တစ်မျိုးပါ။ အသားမစားတဲ့ ကလေးတွေအတွက်တော့ ပရိုတင်း အရင်းအမြစ်က ပဲအမျိုးမျိုးပါ။ ဒါကြောင့် ကလေးကို ပဲဟင်းချိုလေး ချက်ကျွေးတာ၊ ပဲပြုတ်ထမင်း ဆီဆမ်းလေး တွေ ပြင်ဆင်ပေးတာက နည်းလမ်းကောင်းပါ။
ဥအမျိုးမျိုး
ကြက်ဥပေါင်း၊ ငုံးဥပြုတ်တွေက ဗီတာမင် D နဲ့ ပရိုတင်းကို ရရှိစေပြီး သားသားမီးမီးတို့ကို ကိုယ်ခံအား ဖြည့်ပေးနိုင်မှာ ဖြစ်သလို သားသားမီးမီးတို့ကိုလည်း အကြိုက်တွေ့စေမှာပါ။ ဒါကြောင့် ကလေးကို ကိုယ်ခံအား ကောင်းစေချင်ရင် နေ့စဉ် စားသုံးမှုမှာ ဥအမျိုးမျိုး ပါဝင်အောင် ပြင်ဆင်ပေးပါ။
သားသားမီးမီးတို့အတွက် သီးသန့်ထုတ်လုပ်ထားတဲ့ ဖော်မြူလာနို့
ကလေးကို ကိုယ်ခံအားကောင်းစေဖို့ဖြစ်ဖြစ် ကျန်းမာပျော်ရွှင်စွာ ကြီးပြင်းလာစေဖို့ဆိုရင် နေ့စဉ် စားသုံးမှုမှာ ကလေးတစ်ယောက် ကြီးထွားဖွံ့ဖြိုးမှုအတွက် အရေးပါတဲ့ ပရိုတင်း၊ ကယ်လ်စီယမ်၊ ဗီတာမင်အေ၊ ဗီတာမင်ဒီ၊ အမျှင်ဓာတ် စတဲ့ အာဟာရဓာတ်တွေ ပါဝင်နေတဲ့ ဖော်မြူလာနို့ကို ပြင်ဆင်ပေးတာက နည်းလမ်းကောင်းပါ။ အဆိုပါ Growing Up Milk လို့ခေါ်တဲ့ ဖွံ့ဖြိုးစကလေးဖော်စပ်စာ ဖော်မြူလာနို့တွေဟာ ကလေးအသက်အရွယ်အလိုက် အာဟာရလိုအပ်ချက်ပေါ်မူတည်ပြီး သိပ္ပံနည်းကျ ဖော်စပ်ထုတ်လုပ်ထားတာကြောင့် ကိုယ့်ကလေးအသက်အလိုက် တိုက်ကျွေးပေးဖို့ အကြံပြုချင်ပါတယ်။
ဒါ့ပြင် အစားအစာတွေကို ပူပူလောလော ချက်ပြုတ်ပြင်ဆင်ပေးတာ၊ လတ်လတ်ဆတ်ဆတ် သန့်သန့်ရှင်းရှင်း ပြင်ဆင်ပေးတာကလည်း ဆောင်းတွင်းမှာ ကလေးတွေ ဖျားနာမှု ကင်းစေဖို့ရော ကလေးကို ကျန်းမာပျော်ရွှင်စွာ ကြီးပြင်းစေဖို့ပါ အကောင်းဆုံး ထောက်ပံ့ပေးနိုင်မှာပါ။
ဆောင်းရာသီကို စိုးရိမ်မှု ကင်းစွာနဲ့ ဖြတ်သန်းဖို့ အသင့်ပဲလား မေမေတို့ရေ ………
# အမှာစကား
ကလေးရဲ့ နေ့စဉ်စားသုံးမှုမှာ ထမင်း၊ အသား၊ ငါး၊ အသီးအရွက်၊ ပဲအမျိုးမျိုး၊ ဥအမျိုးမျိုး၊ ဖော်မြူလာနို့၊ နို့နဲ့နို့ထွက် ပစ္စည်းတွေကို သင့်တင့်မျှတစွာ ပြင်ဆင်ပေးပြီး ကလေးကို တစ်ကိုယ်ရေသန့်ရှင်းရေးကိုလည်း ဂရုစိုက်မယ်။ အိပ်ရေးဝဝ အိပ်စေပြီး ကိုယ်လက်လှုပ်ရှားမှုလေးလည်း လုပ်စေမယ်ဆိုရင် ကိုယ်ခံအားကောင်းလို့ ဖျားနာမှုကင်းပြီး ကျန်းမာပျော်ရွှင်စွာ ကြီးပြင်းစေနိုင်မှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။