ကလေးတွေ ဦးနှောက်ဖွံ့ဖြိုး ဖို့ မရှိမဖြစ်လိုအပ်တဲ့ အာဟာရဓာတ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇန်နဝါရီ 19, 2021 . 2 mins read
Share now

ဦးနှောက်ဖွံ့ဖြိုး မှုဆိုတာ ကလေးတိုင်းအတွက် အရေးပါပါတယ်။ ဦးနှောက်ကောင်းကောင်း ဖွံ့ဖြိုးမှ ငယ်စဉ်မှာ အထိုင်အထ နောက်မကျမှာ ဖြစ်သလို ကြီးလာလို့ စာသင်ကြားတဲ့အခါမှာလည်း စာတွေလိုက်နိုင်ပြီး ထက်မြက်တဲ့ ကလေးဖြစ်လာမှာပါ။ မေမေတို့ ဖြစ်စေချင်တာလည်း ဒါပဲဟုတ်။ ဒီလို ဖြစ်ဖို့ ကလေးတွေရဲ့ အစားအစာတွေထဲမှာ အာဟာရဓာတ်တစ်မျိုး ဖြည့်စွက်ပေးဖို့ လိုတယ်ဆိုတာ မေမေတို့ သိပြီးပြီလား။

ကလေးတွေ ဦးနှောက်ဖွံ့ဖြိုး ဖို့လိုအပ်တဲ့ DHA ဆိုတာက

DHA ရဲ့ အဓိပ္ပာယ်အပြည့်အစုံကDocosahexaenoic acid လို့ခေါ်ပါတယ်။ DHA က ကလေးတွေရဲ့ ဦးနှောက်ဖွံ့ဖြိုး မှုအတွက်အရေးပါသလို အရွယ်ရောက်ပြီးသူတွေရဲ့ ဦးနှောက်ပုံမှန်အလုပ်လုပ်နိုင်ဖို့အတွက်လည်း DHA ကိုလိုအပ်ပါတယ်။ ကလေးတွေစားသုံးမယ့်အစားအသောက်တွေထဲမှာ DHA မျှတစွာပါဝင်မယ်ဆိုရင် သင်ယူမှုစွမ်းရည်ကို တိုးတက်စေနိုင်ပြီး အပြန်အလှန်အားဖြင့် DHA ချို့တဲ့နေမယ်ဆိုရင် ကလေးတွေ သင်ယူနိုင်စွမ်းအားနည်းနိုင်ပါတယ်။

DHA က ခန္ဓာကိုယ်အတွက် မရှိမဖြစ်လိုအပ်တဲ့ omega-3 fatty acids တစ်မျိုးဖြစ်ပြီး ကလေးတွေရဲ့ ဦးနှောက်နဲ့ မျက်လုံးတွေဖွံ့ဖြိုးစေဖို့အတွက် အဓိကဇာတ်ကောင်ပါ။ ဉာဏ်ရည်ထက်မြက်တဲ့ ကလေးတွေအဖြစ်ကြီးထွားဖို့ဆိုရင် ကလေးတွေရဲ့ စားသောက်မယ့်အစားအစာတွေထဲမှာ DHA မဖြစ်မနေပါဝင်ဖို့လိုပါမယ်။

ကလေးတွေ ဦးနှောက်ဖွံ့ဖြိုး ဖို့အတွက် မရှိမဖြစ်လိုအပ်တဲ့ အာဟာရဓာတ်တစ်မျိုး

အခုနောက်ပိုင်းမှာ ကလေးအတွက် အထူးစီမံထုတ်လုပ်ထားတဲ့ နို့မှုန့်တွေနဲ့ အာဟာရဖြည့်စွက်စာတွေထဲမှာ DHA ပါဝင်ပါတယ်။ လွန်ခဲ့တဲ့ နှစ် ၅၀လောက်ကတော့ ကလေးတွေကိုကျွေးမွေးတဲ့ အာဟာရတွေထဲမှာ DHA က မပါဝင်သလောက်ကိုနည်းပါတယ်။ DHA တင်မကပါဘူး။ ကလေးတွေအတွက် လိုအပ်တဲ့ အခြား omega-3 fatty acidတွေလည်း မပါဝင်ပါဘူး။

အခုဆိုရင်တော့ ဈေးကွက်ထဲမှာ DHA နဲ့ ကလေးတွေ ဖွံ့ဖြိုးကြီးထွားဖို့အတွက် လိုအပ်တဲ့ ဓာတ်တွေ ပါဝင်နေတဲ့ အာဟာရနို့မှုန့်တွေကို အလွယ်တကူဝယ်ယူလို့ရနေပြီဖြစ်ပြီး ကလေးတွေကလည်း အရင်တုန်းက ကလေးတွေထက် ပိုပြီး ဉာဏ်ကောင်းလာသလို ပိုပြီးလည်းထက်မြက်လာကြတယ်ဆိုတာကို မြင်တွေ့နိုင်ပါလိမ့်မယ်။

DHA ချို့တဲ့ တဲ့အခါ

DHA ချို့တဲ့တဲ့အခါ ကလေးမှာ အရက်ကြောင့်ဖြစ်တတ်တဲ့ သန္ဓေသားရောဂါ (foetal alcohol syndrome) လို့ခေါ်တဲ့ ဉာဏ်ရည်ဉာဏ်သွေးကို ထိခိုက်စေနိုင်တဲ့ အလားတူရောဂါတွေ ဖြစ်နိုင်သလို ADHD(ကလေးများတွင် ဖြစ်သော အာရုံမစူးစိုက်နိုင်သောရောဂါ) ၊ phenylketonuria (သွေးထဲမှာphenylalanine များတာ)၊ စိတ်ကျရောဂါတွေ ဖြစ်နိုင်ပါတယ်။

လူကြီးတွေမှာဆိုရင်လည်း ဦးနှောက်ထဲမှာ DHA နည်းလာတဲ့အခါ မှတ်ဉာဏ်အားနည်းလာပြီး Alzheimerရောဂါတွေ ခံစားရနိုင်ပါတယ်။ ဒါတင်မကသေးပါဘူး။ DHA ချို့တဲ့တာက နှလုံးသွေးကြောဆိုင်ရာရောဂါတွေကိုလည်း ဖြစ်စေနိုင်ပါသေးတယ်။ DHA က ဦးနှောက်ဆိုင်ရာဖွံ့ဖြိုးမှုအပြင် နာကျင်ရောင်ရမ်းမှုတွေကို လျော့ပါးသက်သာစေနိုင်သလို နာတာရှည်ရောဂါတွေကိုလည်း သက်သာစေနိုင်ပါတယ်။

DHA ကို ဘယ်အချိန်ကတည်းက လိုအပ်တာလဲ

DHA ကို သန္ဓေသားဘဝကတည်းက လိုအပ်ပါတယ်။ ကိုယ်ဝန်ဆောင်မိခင်တွေ အနေနဲ့  စားသုံးတဲ့ အစားအသောက်တွေထဲမှာ DHA ပါဝင်အောင်စားသုံးဖို့လိုပါတယ်။ DHA ကို ရရှိဖို့ဆိုရင် မေမေတို့အနေနဲ့ ကိုယ်ဝန်လွယ်ထားရပြီဆိုကတည်းက ငါးစားပေးတာ ၊ ဥအမျိုးမျိုးကို စားပေးတာမျိုး လုပ်ပေးဖို့လိုပါမယ်။ ငါးကြီးဆီ သောက်သုံးပေးလို့လည်း ရပါတယ်။

နို့တိုက်ချိန်မှာလည်း ကလေးအတွက်လိုအပ်တဲ့ DHA ရရှိအောင် မိခင်တွေအနေနဲ့ အထက်ပါအတိုင်း ဂရုစိုက်စားသုံးပေးရမှာပါ။ နို့တိုက်မိခင်က DHA ရရှိနိုင်တဲ့အစားအသောက်တွေကို စားတာလျော့နည်းမယ်ဆိုရင် ကလေးမှာ DHA ချို့တဲ့နိုင်ပါတယ်။

ကလေးတွေ ဦးနှောက်ဖွံ့ဖြိုး ဖို့အတွက် မရှိမဖြစ်လိုအပ်တဲ့ အာဟာရဓာတ်တစ်မျိုး

ကလေးကို နို့မှုန့်တိုက်တယ်ဆိုရင်တော့ ကလေးရဲ့ ဦးနှောက်ဖွံ့ဖြိုး မှုနဲ့ မျက်လုံးကြီးထွားဖွံဖြိုးမှုအတွက် လိုအပ်တဲ့ ဓာတ်တွေပါတဲ့ နို့မှုန့်နဲ့ အာဟာရဖြည့်စွက်စာတွေကို ရွေးချယ်ဝယ်ယူမိဖို့ လိုပါလိမ့်မယ်။ ကလေးကို လိုအပ်တဲ့ DHA အာဟာရကို ပြည့်ဝအောင်ကျွေးမွေးမယ်ဆိုရင် ကလေးရဲ့ အမြင်အာရုံနဲ့ မှတ်ဉာဏ်စွမ်းရည်ကိုကောင်းမွန်စေမှာပါ။

ကလေးမှာ DHA မပြည့်ဝခြင်းက ဉာဏ်ရည်ဉာဏ်သွေးနဲ့ အမြင်အာရုံဆိုင်ရာ ပြဿနာတွေအများကြီးဖြစ်လာနိုင်ပါတယ်။ မိမိကလေးတွေကို ဉာဏ်ရည်မြင့်မားတဲ့ ကလေးအဖြစ် ကြီးပြင်းလာစေချင်တယ်ဆိုရင် ကိုယ့်ကလေးရဲ့ ဖြည့်စွက်စာထဲမှာ DHA ပါဝင်အောင် အမြဲဂရုစိုက်သင့်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အမြင်အာရုံ မှာ ဒီလိုတွေ ဖြစ်လာပြီဆိုရင် သတိထားပါ။

အမြင်အာရုံ နဲ့ ပတ်သက်ပြီး ဘာလက္ခဏာတွေ ခံစားရနိုင်သလဲ။ ဘာရောဂါတွေ ဖြစ်နိုင်သလဲ။ ဘယ်လိုအခြေအနေမျိုးဆိုရင် ဆရာဝန်နဲ့ ပြသဖို့ လိုအပ်မလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
Uncategorized ဖေ‌ဖော်ဝါရီ 2, 2021 . 3 mins read

ကလေးရဲ့အနာဂတ် လှပစေဖို့အတွက် အာဟာရဇယားကို ဖတ်ပါ…..

အာဟာရဇယားကို ဖတ်တာက သားသားမီးမီးတို့ အနာဂတ် လှပအောင် ပုံဖော်ဖို့ မေမေတို့ မပျက်မကွက် လုပ်ဆောင်ရမယ့် အချက်လေး တစ်ခုပါ။ မေမေရော..........

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သားသားမီးမီးတွေ ဉာဏ်ရည်ပိုထက်မြက်လာစေမယ့် အစားအစာနှင့် လေ့ကျင့်ခန်းများ

ကလေးတွေရဲ့ ဦးနှောက်ကောင်းမွန်စွာ ဖွံ့ဖြိုးစေဖို့ဆိုရင် မှန်ကန်တဲ့အစားအသောက်တွေကို မှီဝဲစေဖို့ က ပထမလိုအပ်ချက်ပါ။ နောက်တစ်ခုကတော့..............

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ထက်ထက်မြက်မြက် မျိုးဆက်သစ်များ ဖြစ်လာစေဖို့အတွက်

အရိပ်တကြည့်ကြည့်နဲ့ စောင့်ကြည့်ခဲ့ရတဲ့ သားသားမီးမီးတို့ ကျန်းမာထက်မြက်စွာ ကြီးပြင်းလာမှုက ဘာနဲ့မှ မလဲနိုင်တဲ့ မေမေတို့အတွက် တန်ဖိုးအကြီးဆုံး ဆုလာဘ်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

နေပူထဲ အချိန်အကြာကြီးရပ်နေမိလို့ Eye Sunburn မဖြစ်ရလေအောင်

နေပူထဲ အချိန်အကြာကြီးရပ်နေမိလို့ Eye Sunburn မဖြစ်ရလေအောင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
blurry-vision-causes အမြင်မကြည်

အမြင်မကြည် ရသည့် အကြောင်းတရားများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
အသက်အရွယ် ကြီးရင့်လာတဲ့အခါ ကြုံတွေ့ရနိုင်မယ့် ပြောင်းလဲမှုများ

အသက်အရွယ် ကြီးရင့်လာတဲ့အခါ ကြုံတွေ့ရနိုင်မယ့် ပြောင်းလဲမှုများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
ကျောင်းနေအရွယ် ကလေးတစ်ယောက် ဖွံ့ဖြိုးမှု

ကျောင်းနေအရွယ် ကလေးတစ်ယောက် ဖွံ့ဖြိုးမှု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 3 mins read