ကလေးတွေကို သွားပိုးစားစေတဲ့ အစားအသောက်များ ။ ။

သွားပိုးစားတယ်၊ သွားကျင်တယ်၊ သွားမှာ အပေါက်တွေဖြစ်နေတယ်ဆိုတာ ကလေးတွေမှာ အရမ်းအဖြစ်များတဲ့ အရာတစ်ခုပါ။ ကလေးတွေဆိုတာလည်း အချိုဆိုသိပ်ကြိုက်ပြီး အစားအသောက်တွေစားပြီးတိုင်းလည်း ပလုတ်ကျင်းလေ့မရှိတဲ့အပြင် ညည အိပ်ရာဝင်ခါနီးသွားတိုက်ဖို့လည်း ပျင်းကြတယ်လေ။ ဒီလိုနဲ့ သွားပိုးစား၊ သွားကိုက်တာတွေ သူတို့မှာဖြစ်ကုန်ရော။ ဒီသွားနဲ့ခံတွင်းဆိုတာကလည်း အစာခြေစနစ်ရဲ့ ထိပ်ဆုံး အပိုင်းတွေဖြစ်တာကြောင့် သူတို့မကျန်းမာရင် ကလေးလည်း အစာမစားနိုင်လို့ အာဟာရချို့တဲ့မှုတွေဖြစ်၊ သွားကိုက်ပြီး ဂျီကျလို့ မိဘတွေလည်း အလုပ်ရှုပ နဲ့ တော်တော်ကြီးကို ဗျာများရပါတယ်။

ဒီလိုမျိုး ကိုယ့်ကလေးခံစားနေရတာကို မကြည့်ရက်ရင်၊ ဘယ်လို အစားအသောက်တွေက ကလေးသွားပိုးစားခြင်းကိုဖြစ်စေလဲ ဆိုတာ သိထားဖို့နဲ့ နည်းလမ်းမှန် သွားတိုက်တဲ့ ပုံစံအကြောင်း ကလေးကို သင်ပေးထားဖို့တော့လိုပါလိမ့်မယ်။ ဒါတွေကို ဘယ်လိုသိမှာလဲဆိုပြီး ခေါင်းမစားလိုက်ပါနဲ့။ ဒီဆောင်းပါးလေးထဲမှာ ကလေးသွားပိုးစားခြင်းကို ဖြစ်စေတဲ့ အစားအသောက်တွေက ဘာတွေလဲဆိုတာ ပြောပြပေးတော့မှာပါ။ ဆက်ကြည့်ရအောင် ။ ။

ပြောရမယ်ဆိုရင် ကလေးအကြိုက်ဖြစ်အောင် ထုတ်ထားတဲ့ အချိုကဲတဲ့ သရေစာတွေအားလုံးဟာ သွားပိုးစားခြင်းကိုဖြစ်စေတယ်လို့ ပြောလို့ရပါတယ်။ ဒါတွေကို ကလေးတွေက မစားဘဲလည်း မနေနိုင်ကြဘူးဆိုတော့ သူတို့လေးတွေကို သွားပိုးမစားအောင် ဘယ်လိုလုပ်ပေးကြမလဲ ။ ။

သွားတိုက်ခြင်းကသာ သွားပိုးစားခြင်းကို အဓိက ကာကွယ်ပေးတဲ့ အရာပါ။ ဒါကြောင့် ကလေးကို နည်းလမ်းမှန်တဲ့ သွားတိုက်နည်းပုံစံနဲ့ တိုက်တတ်အောင် မိဘတွေဘက် က သင်ပေးရမယ့်အပြင် သွားတိုက်ဖို့ မပျင်းအောင်လည်း စည်းကမ်းတွေချထားပြီး တင်းကြပ်ပေးမှရမှာပါ။ ကြိုတင်ကာကွယ်ခြင်းက ကုသခြင်းထက် ထိရောက်တယ်မလား ။ ။