ကလေးကြီးလာတာနဲ့အမျှ နို့စို့တဲ့အခါ များများထွက်ပါတယ်။ မြန်မြန်စို့ပါတယ်။ ဒီတော့ မြန်မြန်ဗိုက်ပြည့်သွားပါတယ်။ မေမေ့စိတ်ထဲမှာတော့ ကလေးက ခဏလေးပဲ စို့ရသေးတယ်။ ဗိုက်မဝဘူးလို့ ထင်သွားတာပါ။
ကလေးလေး ကြီးလာလေလေ သဘာဝအရ မေမေလည်း နို့ထွက်နည်းလာပါတယ်။ မေမေနို့မထွက်ရင်လည်း ကလေးက နို့ဆက်စို့မှာ မဟုတ်တော့ပါဘူး။
သွားပေါက်စအရွယ်မှာ သွားဖုံးတွေ နာတာ၊ ပါးစပ်ထဲမှာ မှက္ခရုတွေ ပေါက်နေတဲ့အခါ ကလေးက နို့စို့တိုင်း ပါးစပ်နာပါတယ်။ ဒါ့ပြင် လေနာနေရင်လည်း ငြိမ်ငြိမ်လေး နို့စို့နိုင်မှာ မဟုတ်ပါဘူး။
အမေက ရာသီပြန်လာတာ၊ တားဆေးတွေ သုံးတာက ဟော်မုန်းအပြောင်းအလဲတွေ ဖြစ်ပြီး နို့အရသာ ပြောင်းတတ်ပါတယ်။ ဆေးလိပ်သောက်တာ၊ တချို့ အစားအစာတွေကလည်း နို့ရဲ့ အရသာကို ပြောင်းစေပါတယ်။ ဒီတော့ ကလေးက သူသောက်နေကျနဲ့ မတူလို့ဆိုပြီး မသောက်တော့ပါဘူး။
ကလေး နို့စို့အောင် ဘယ်လိုလုပ်ကြမလဲ။
အမေနို့ရဲ့ သဘောတရားက စို့လေ ထွက်လေပါ။ ကလေးနို့မစို့လို့ မတိုက်ရင် နို့ထွက်မှာ မဟုတ်တော့ပါဘူး။ ဒါဆိုရင် တိုက်ရ ပိုခက်သွားပါလိမ့်မယ်။ သတိထားရမှာက ကလေးကို အတင်းအကျပ် မလုပ်ပါနဲ့။ ကလေးက နို့စို့ရမှာကို ကြောက်စရာလို့ ထင်သွားရင် နောက်ထပ်စို့မှာ မဟုတ်တော့ပါဘူး။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။