အရိုးတွေက ခန္ဓါကိုယ်ကိုကောင်းကောင်းရပ်တည်နိုင်အောင်ထောက်မထားတဲ့ အရာတွေပေါ့။ အရိုးတွေကောင်းနေလို့ကောင်းကောင်းသွာလာနိုင်နေတာပါ။ ဒီတော့အရိုးတွေကျန်းမာရေးနဲ့ပတ်သက်ပြီး ဘာတွေသိထားပြီလဲ။ ကယ်လ်ဆီယမ် နဲ့ ဗီတာမင် D တို့က အရိုးအတွက်ကောင်းတယ်ဆိုတာကို ကျန်းမာရေးဆောင်းပါးတွေ၊ ကြော်ငြာတွေထဲမှာ ဖန်တရာတေအောင်သိထား၊ ကြားထားပြီးဖြစ်မှာပါ။ ဒါဆို ပရိုတင်းကရော အရိုးအတွက်ဘာတွေသက်ရောက်မှုရှိစေလဲဆိုတာကို သိချင်တယ်ဆိုရင် ဒီဆောင်းပါးလေးဖတ်ရင်း ဆန်းစစ်ကြည့်ပါ။
Hello Sayarwon မှ ထွက်မည်။
ထွက်မှာ သေချာပြီလား။
ပရိုတင်း နဲ့ အရိုးကျန်းမာရေး
ပရိုတင်း နဲ့ အရိုးကျန်းမာရေး
ခန္ဓါကိုယ်ကြံ့ခိုင်သန်စွမ်းစေဖို့၊ ခန္ဓါကိုယ်က ကယ်လ်ဆီယမ်ကို စုပ်ယူနိုင်စေဖို့အတွက် ပရိုတင်းကအထောက်အပံ့ပေးပါတယ်။ ဒါပေမယ့် အရိုးကျန်းမာရေးအပေါ် ပရိုတင်းက ဘယ်လိုမျိုးသက်ရောက်မှုရှိနေလဲဆိုတာကို သိတဲ့သူက ရှားပါတယ်။ ပရိုတင်းက ခန္ဓါကိုယ်ကျန်းမာသန်စွမ်းဖို့ လိုအပ်တယ်ဆိုပေမယ့် ပရိုတင်းအရမ်းများတဲ့ အစားအစာတွေက အရိုးတွေအတွက် ဘယ်လိုအထောက်အကူပေးလဲဆိုတာကိုတော့ သိပ်မသိကြပါဘူး။
ပရိုတင်းက ကြွက်သားတွြေဖစ်ပေါ်သန်စွမ်းစေသလို အနာကျက်အောင်လုပ်ဆောင်ပေးပါတယ်။ လူတော်တော်များများလက်ခံထားတာကလည်း ပရိုတင်းက ခန္ဓါကိုယ်အတွက်ကောင်းကျိုးပြုတဲ့ဓါတ်တစ်ခုအနေနဲ့ပေါ့။ ဒါဆို ပရိုတင်းပါဝင်တဲ့ အစားအစာတွေက အရိုးတွေကို ထိခိုက်စေနိုင်တာလား ဒါမှမဟုတ် အရိုးတွေကို အထောက်အကူပြုပေးတာလား။
ကျန်းမာရေးကောင်းတဲ့လူတစ်ယောက်အနေနဲ့ တစ်နေ့တာမှာ ပရိုတင်းပမာဏ ၄၀ ဂရမ် ကနေ ၆၀ ဂရမ်အထိရရှိရင်လုံလောက်ပါတယ်။ ကယ်လ်ဆီယမ်ဓါတ်ကိုလည်း တစ်နေ့တာကို ၁၂၀၀ မီလီဂရမ်လောက်ရရှိရင်ကို လုံလောက်ပါတယ်။ ဒီပမာဏတွေပြည့်မီဖို့ရင် တစ်နေ့ကို အဆီထုတ်နို့ တစ်ခွက်စာ၊ ဒိန်ချဉ် တစ်ခွက်စာ နဲ့ ချိစ် တစ်ချပ်စာလောက် စားပေးရင်ကိုလုံလောက်နေပါပြီ။
အားကစားသမားတွေအနေနဲ့ သာမန်လူတွေထက် ပိုပြီး ပရိုတင်းပိုမိုစားသုံးကြပါတယ်။ ဒါမှလည်း သူတို့ခန္ဓါကိုယ်အတွက် အထောက်အပံ့ဖြစ်မယ်လို့ လက်ခံယူဆထားကြတာပါ။ ဒါကြောင့် သာမန်လူတွေက တစ်နေ့ကို ပရိုတင်းဓါတ် ဝ.၈ ကီလိုဂရမ်စားသုံးနေရချိန်မျာ အားကစားသမားတွေက ပရိုတင်းကို ၁.၂ ကီလိုဂရမ်ကနေ ၂.၂ ကီလိုဂရမ်အထိစားသုံးကြရပါတယ်။ ဒီလိုစားသုံးရမှုနဲ့အတူတော်တော်များများလက်ခံထားတဲ့ အယူအဆတစ်ခုက တိရစ္ဆာန်ကနေရတဲ့ ပရိုတင်းတွေအက်ဆစ်ပါဝင်မှုများတာကြောင့် ခန္ဓါကိုယ်ရဲ့ pH ပမာဏကိုထိခိုက်စေတယ်ဆိုတဲ့အချက်ပါ။ ခန္ဓါကိုယ်ရဲ့ ဆဲလ်တွေကာင်းမွန်စွာလုပ်ဆောင်နိုင်စေဖို့အတွက် pH ပမာဏမျှတနေဖို့ကအရေးကြီးပါတယ်။ ခန္ဓါကိုယ်မှာ ပရိုတင်းများလာတဲ့အခါ pH ပမာဏကညီမျှမှုမရှိဘဲရေရှည်မှာ အရိုးအတွက်လိုအပ်တဲ့ သတ္တုဓါတ်တွေကိုပြည့်ပြည့်ဝဝမစုပ်ယူနိုင်တော့ဘဲ အရိုးထိခိုက်တာတွေရှိလာနိုင်တယ်၊လို့ယူဆထားကြပါတယ်။
အမှန်တကယ်ကတော့ ပရိုတင်းဓါတ်များတာက ခန္ဓါကိုယ်က အရိုးတွေကိုသန်မာစေဖို့အတွက် ကယ်လ်ဆီယမ်ကို ပိုမိုစုပ်ယူနိုင်စေဖို့ အထောက်အပံ့ပေးပါတယ်။ တကယ်တော့ ပရိုတင်းဓါတ်က အရိုးတွေကျန်းမာသန်စွမ်းစေဖို့အတွက် အထောက်အပံ့ပေးတဲ့ အာဟာရဓါတ်တစ်ခုပါ။ အသားတွေကနေရရတဲ့ ပရိုတင်းထက် အသီးအရွက်တွေ နဲ့ ပဲအမျိုးမျိုးကနေရရှိတဲ့ ပရိုတင်းတွေက ခန္ဓါကိုယ်က အရိုးတွေအတွက် အကောင်းဆုံးထောက်ပံ့ပေးပါတယ်။
ကျန်းမာရေးနဲ့ ညီညွတ်တဲ့ ပရိုတင်းတွေကို စားသုံးပေးမှုက ကြွက်သားတွေကို ဖွံ့ဖြိုးစေနိုင်သလို အရိုးတွေကိုလည်း အရိုးပါးတာ၊ ပွတာမျိုးမဖြစ်အောင်ကာကွယ်ပေးပါတယ်.။ အရိုးနဲ့ကြွက်သားတွေကျန်းမာသန်စွမ်းဖို့အတွက်နေ့စဉ်ဆိုသလို ပရီုတင်း၊ ဗီတာမင် D နဲ့ ကယ်လ်ဆီယမ်တို့လိုမျိုးဓါတ်တွေကိုပြည့်ဝလုံလောက်စွာစားသုံးပေးပါ။
လေ့လမှုတွေအရလည်း ပရိုတင်းက အရိုးတွေကို ထိခိုက်စေတာမျိုးမရှိဘဲ အရိုးကျန်းမာကြံ့ခိုင်ဖို့လိုအပ်တဲ့ ဓါတ်တွေကို အကောင်းဆုံးစုပ်ယူနိုင်စေတာြော့င့် အားကစားသမားတွေရော၊ သာမန်လူတွေအတွက်ပါ စားသုံးပေးဖို့သင့်တော်တဲ့ ဓါတ်တစ်ခုပါ။ အရိုးပွ၊အရိုးပါးရောဂါတွမခံစားရစေဖို့ ပရိုတင်းကလိုအပ်တဲ့ဓါတ်တစ်ခုလို့ပြောပါရစေ။ အသက်အရွယ်ကြောင့် အရိုးဆုံးရှုံးမှုမဖြစ်စေဖို့ဆိုရင်တော့ ပရိုတင်းကိုနေ့စဉ်လုံလောက်စွာ စားသုံးပေးကြဖို့ပြောပါရစေ။
Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ရင်းမြစ်များ
Role of Protein in Bone Healthhttps://www.dairynutrition.ca/scientific-evidence/bone-health-and-osteoporosis/role-of-protein-in-bone-health Accessed Date 21 January 2019
High-Protein Diet Could Repair Bone Losshttps://www.webmd.com/osteoporosis/news/20020325/high-protein-diet-could-repair-bone-loss Accessed Date 21 January 2019
Protein and Bone Healthhttps://www.dairynutrition.ca/nutrients-in-milk-products/protein/protein-and-bone-health Accessd Date 21 January 2019
Protein intake and bone healthhttps://www.ncbi.nlm.nih.gov/pubmed/22139564 Accessed Date 21 January 2019
Protein: A harmful or beneficial nutrient for bone?http://www.mysportscience.com/single-post/2018/11/20/Protein-A-harmful-or-beneficial-nutrient-for-bone Accessed Date 21 January 2019