သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

သွားဖုံးရောင်ခြင်းအတွက် အိမ်တွင်းကုထုံးအချို့

သွားဖုံးရောင်ခြင်းအတွက် အိမ်တွင်းကုထုံးအချို့

သွားဖုံးတွေရောင်နေလို့ ဘာမှမစားနိုင်ဘူး။ ခံရတော်တော်ခက်နေတယ်ဆိုတဲ့သူလေးတွေများရှိလား။ ဒါဆိုရင်တော့ ဒီဆောင်းပါးလေးက သင့်အတွက်ပါနော်။

သွားဖုံး ဘာကြောင့်ရောင်

သွားဖုံးရောင်ရတဲ့အကြောင်းအရင်းက တစ်ချက်မကရှိပါတယ်။ ဒီထဲမှာမှ ကိုယ်သွားဖုံးရောင်ရတာက ဘာကြောင့်ဖြစ်မလဲဆိုတာကိုတော့ ကိုယ်တိုင်အဖြေရှာကြည့်လိုက်နော်။

ခံတွင်းသန့်ရှင်းမှုအားနည်းတာ – ပုံမှန် ခံတွင်းသန့်ရှင်းမှုမရှိတာ။

သွားချေးတွေစုပုံပြီး ပိုးပေါက်ဖွားတာကြောင့်ဖြစ်တာ – သွားပုံမှန်မတိုက်တာ၊ သွားကိုသေချာမတိုက်တာကြောင့် သွားချေးတွေမှာပိုးတွေပေါက်ဖွားမှုကြောင့် သွားဖုံးရောင်တာဖြစ်စေနိုင်ပါတယ်။

ဟော်မုန်းပြောင်းလဲတာ – ကိုယ်တွင်းမှာဟော်မုန်းပြောင်းလဲတာတွေဖြစ်စေတဲ့ အပျိုဖော်ဝင်တာ၊ သွေးဆုံးတာ၊ ကိုယ်ဝန်ဆောင်တာလိုမျိုး ဟော်မုန်းအပြောင်းအလဲတွေကြောင့်လည်း သွားဖုံးရောင်နိုင်ပါတယ်။

ရောဂါအခြေအနေတွေကြောင့် – ကင်ဆာဆီးချိုနဲ့ ခုခံအားကျဆင်းမှုကူးစက်ရောဂါတွေခံစားနေရတာကြောင့်လည်း သွားဖုံးရောင်နိုင်ပါတယ်။

သောက်သုံးနေတဲ့ဆေးဝါးတွေ​ကြောင့် – အချို့သောဆေးဝါးတွေက သွားဖုံးကတစ်ရှုးတွေကိုထိခိုက်စေပြီး သွားဖုံးရောင်တာကိုဖြစ်စေနိုင်ပါတယ်။

ဆေးလိပ်သောက်တာကြောင့် – ဆေးလိပ်သောက်သုံးမှုက သွားနဲ့ခံတွင်းကျန်းမာရေးကိုထိခိုက်စေပြီး သွားဖုံးရောင်တာကိုဖြစ်စေနိုင်ပါတယ်။

အသက်အရွယ်ကြောင့် – အသက်အရွယ်ကြီးရင့်လာမှုကလည်း သင့်ကို သွားဖုံးရောင်ဝေဒနာခံစားရစေနိုင်တဲ့ အချက်တွေထဲက တစ်ခုပါ။

အာဟာရပြည့်ဝအောင်မစားတာကြောင့် – စားသုံးတဲ့အစားအစာတွေထဲမှာ ဗီတာမင် C ပါဝင်မှုနည်းနေတာကလည်း သွားဖုံးတွေကိုရောင်ရမ်းစေနိုင်ပါတယ်။

မျိုးရိုးလိုက်တာ – မျိုးရိုးလိုက်တာကြောင့်လည်း သွားဖုံးရောင်နာကိုခံစားရနိုင်ပါတယ်။ ဖေဖေမေမေ၊ ဖိုးဖိုးဖွားဖွားတွေက သွားဖုံးရောင်ရောဂါခံစားဖူးတယ်ဆိုရင်တော့ သင် သွားဖုံးရောင်တာက အဆန်းတကြယ်တော့မဟုတ်ဘူးပေါ့။

သွားဖုံးရောင်တာကို သက်သာစေနိုင်မယ့် အိမ်တွင်းကုထုံးတွေက ဘာတွေများလဲ…………

သွားဖုံးရောင်တာကို သက်သာစေဖို့ဆိုရင်တော့ ဒီနည်းလမ်းလေးတွေက အဆင်ပြေစေမှာပါ။

ဆားရည်နဲ့ အာလုတ်ကျင်းပါ

ဒီလိုလုပ်တာက အနာကျက်စေနိုင်ပြိး ဘက်တီးရီးယားတွေကို အကောင်းဆုံးတိုက်ဖျက်ပေးနိုင်ပါတယ်။ ဒါကြောင့် သွားဖုံးရောင်ခဲ့ရင် ဖန်ခွက်တစ်လုံးထဲကို ရေနွေးတဝက်လောက်ဖြည့်ပေးပါ။ ပြီးရင်ရေနွေးထဲကို ဆားလက်ဖက်ရည်ဇွန်း တဝက်စာလောက်ထည့်ပါ။ ဆားတွေပျော်အောင်မွှေလိုက်ပါ။ ခပ်နွေးနွေးလေးမှာ အာလုတ်ကျင်းပြီး တစ်နေ့ကို ၃ ကြိမ်လောက်လုပ်ပေးပါ။

စပါးလင်ဆီနဲ့ အာလုတ်ကျင်းပါ

စပါးလင်ဆီက သွားချေးတွေကိုလျော့ပါးစေပြီး သွားဖုံးရောင်တာကို သိသိသာသာသက်သာစေနိုင်ပါတယ်။ စပါးလင်ဆီနဲ့ အာလုတ်ကျင်းတော့မယ်ဆိုရင် ရေနွေးပူပူထဲကို စပါးလင်ဆီ ၂ စက် ၃ စက်လောက်ထည့်ပေးပါ။ ပြီးရင်နှံအောင်မွှေပြီး ခပ်နွေးနွေးလေးမှာ အာလုတ်ကျင်းပေးပါ။ တစ်နေ့ကို ၃ ကြိမ်လောက်ထိလုပ်ပေးပါ။

ရှားစောင်းလက်ပပ်အနှစ်နဲ့ အာလုတ်ကျင်းပေးပါ

ရှားစောင်းလက်ပပ်အနှစ်ကလည်း သွားနဲ့ခံတွင်းကို ကျန်းမာစေနိုင်ပါတယ်။ ဒါကြောင့် သွားဖုံးတွေရောင်ပြီးနာတဲ့အခါ ရှားစောင်းလက်ပပ်ကိုအလယ်က ဂျယ်လီသားလေးတွေကို လွှာပါ။ ပြီးရင်အရည်ဖြစ်လာအောင်ခေါက်ပြီး ရလာတဲ့အနှစ်ကို ရေနွေးနွေးလေးနဲ့ ရောစပ်လိုက်ပါ။ ပြီးရင်တော့ အာလုတ်ကျင်းပေးပါ။ တစ်နေ့ကို ၃ ကြိမ်လောက်အထိလုပ်ပေးလို့ရပါတယ်။

Tea tree oil နဲ့ အာလုတ်ကျင်းပေးပါ

Tea tree oil နဲ့အာလုတ်ကျင်းပေးတာက သွားဖုံးသွေးယိုတာကို သက်သာစေပြီး သွားဖုံးရောင်တာကို သိသိသာသာသက်သာစေနိုင်မှာပါ။ ဘယ်လိုလုပ်ရမလဲဆိုရင်တော့ ရေနွေးနွေးထဲကို Tea tree oil ၃ စက်လောက်ထည့်ပြီး မွှေလိုက်ပါ။ ပြီးရင် အာလုတ်ကျင်းပေးရုံပါ။ တစ်နေ့ကို ၃ ကြိမ်လောက်အထိ အာလုပ်ကျင်းပေးလို့ရပါတယ်။

ပင်စိမ်းရေနွေးနဲ့ အာလုတ်ကျင်းပေးပါ

ပင်စိမ်းရွက်ကိုရေစင်အောင်ဆေးပြီး ရေနွေးဆူဆူထဲကို ပင်စိမ်းရွက် နည်းနည်းထည့်ပြီး ၁၀ မိနစ်လောက်စိမ်ထားပေးပါ။ ပြီးရင်အအေးခံပြီး အာလုတ်ကျင်းပေးပါ။ တစ်နေ့ကို ၃ ကြိမ်လောက်အထိလုပ်ပေးလို့ရပါတယ်။

မာလကာရွက်နဲ့ အာလုတ်ကျင်းပေးပါ

မာလကာရွက် ၆ ရွက်လောက်ကိုရေစင်အောင်ဆေးလို့ ကြိတ်ခြေပြီး ရေနွေးဆူဆူထဲထည့်လိုက်ပါ။ ပြီးရင် ၁၅ မိနစ်လောက်စိမ်ထားပါ။ ခပ်နွေးနွေးလေးဖြစ်နေချိန်မှာ အာလုတ်ကျင်းပေးပါ။ ဆားနည်းနည်းထည့်ပေးလို့ရပါတယ်။

ကဲ…သွားဖုံးရောင်လို့ စိတ်ညစ်မနေနဲ့တော့နော်။ အခုပြောခဲ့တဲ့နည်းလေးတွေကိုသုံးပြီး သွားဖုံးရောင်တာကို သက်သာအောင်လုပ်လို့ရပါတယ်။

health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

10 Home Remedies for Gingivitis https://www.healthline.com/health/dental-and-oral-health/gingivitis-home-remedy Accessed Date 9 December 2019

Four effective gingivitis home remedies https://www.medicalnewstoday.com/articles/319268.php Accessed Date 9 December 2019

Causes and treatment of gingivitis https://www.medicalnewstoday.com/articles/241721.php Accessed Date 9 December 2019

စာရေးသူ ဓာတ်ပုံbadge
Aye Thi Mon မှ ရေးသားသည်။ 06/07/2022 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။