အပူလျှပ် အန္တရာယ်ဒီလိုကာကွယ်ကြမယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဖေ‌ဖော်ဝါရီ 12, 2021 . 3 mins read
Share now

လူတွေရဲ့ မဆင်မခြင်လုပ်ဆောင်မှုတွေကြောင့် ကမ္ဘာကြီးဟာ တစ်နှစ်ထက်တစ်နှစ် အပူချိန်တွေတိုးလို့ ရေခဲမြစ်တွေ အရည်ပျော်ကျနေပါပြီ။ ပူပြင်းလာတဲ့ အပူချိန်ကြောင့် နွေတာရှည်လာပြီး ဆောင်းနဲ့ မိုးကာလတွေက တိုတောင်းလာနေပါတယ်။ ဒီအချိန်မှာ အပူချိန်ကို မဖြစ်မနေအံတုဖို့ ပြင်ဆင်ထားရုံကလွဲလို့ ဘာမှမတ်သာတော့ပါဘူး။ ပူပြင်းတဲ့ နွေရာသီမှာ ခြောက်သွေ့မှုနဲ့အတူ ရောဂါတွေကလည်း အစုံအလင်ကို ပါလာတတ်တာပါ။ ဒီရောဂါတွေထဲမှာ အဖြစ်အများဆုံးက အပူလျှပ် တာပါ။ ကဲ HELLO ဆရာဝန်ပရိသတ်ကြီးရော အပူလျှပ်တာကို ဘယ်လိုများကာကွယ်မလဲ။ ဒီဆောင်းပါးလေးဖတ်ရင်း အပူလျှပ်တာကို တူတူ ကာကွယ်ကြရအောင်လေနော်။

အပူလျှပ် ခြင်း

အပူလျှပ်တယ်ဆိုတာက ခန္ဓာကိုယ် အပူချိန် အရမ်းမြင့်တက်လာတာကြောင့်ပါ။ အပူဒဏ်ကို အချိန်ကြာမြင့်စွာ ထိတွေ့တာ၊ ပူပြင်းတဲ့အခြေအနေမှာ လှုပ်ရှားမှုတွေ ပြင်းပြင်းထန်ထန်လုပ်ဆောင်မှုကြောင့် ခန္ဓာကိုယ်အပူချိန် မြင့်တက်တဲ့အခါမျိုးမှာ တွေကြုံရတဲ့ အခြေအနေတစ်ရပ်ပါ။ ခန္ဓာကိုယ်အပူချိန် ၁၀၄ ဒီဂရီ ဖာရင်ဟိုက် ဒါမှမဟုတ် ဒီအပူချိန်ထက်မြင့်တက်နေတာမျိုးဖြစ်နိုင်ပါတယ်။ နွေရာသီရဲ့လတွေမှာ အများဆုံးဖြစ်လေ့ဖြစ်ထရှိတဲ့ ကျန်းမာရေးအခြေအနေတစ်ရပ်ပါ။

အပူလျှပ်တဲ့အခါမှာ အရေးပေါ်ပြုစုကုသမှု လုပ်ဆောင်ပေးဖို့ လိုအပ်ပါတယ်။ မကုသဘဲ သတိလက်လွတ်ထားလိုက်မယဆိုရင် အပူလျှပ်တာကြောင့် ဦးနှောက်၊ နှလုံး၊ကျောက်ကပ်နဲ့ ကြွက်သားတို့ဟာ အချိန်တိုအတွင်းမှာ ထိခိုက်ပျက်စီးသွားနိုင်ပါတယ်။ ဒါတွေတင် မကသေးပါဘူး။ ပြင်းထန်တဲ့ နောက်ဆက်တွဲဝေဒနာတွေနဲ့ အသက်သေဆုံးတာမျိုး အထိဖြစ်နိုင်ပါတယ်။

အပူလျှပ်ရင် ဒီလိုလက္ခဏာတွေတွေ့ရနိုင်ပါတယ်

အခုလိုလက္ခဏာတွေတွေ့ရပြီဆိုရင်တော့ အပူလျှပ်တာကို ခံစားနေရတာပါ။

  • ခန္ဓာကိုယ်အပူချိန် များနေမယ် – ခန္ဓာကိုယ်အပူချိန်က ၁၀၄ ဒီဂရီဖာရင်ဟိုက် ( ၄၀ ဒီဂရိ စင်တီဂရိတ်) ဒါမှမဟုတ် ဒီအပူချိန်ထက် ပိုမြင့်နေတာမျိုး ဖြစ်နေမယ်ဆိုရင်တော့ အပူလျှပ်နေပြီဆိုတာကို မြင်သာတဲ့ လက္ခဏာတစ်ခုပါ။
  • စိတ်အခြေအနေနဲ့ အပြုအမူပြောင်းလဲလာမယ် – အာရုံတွေ ရှုပ်ထွေးမယ်၊ စိတ်တွေ အရမ်းလှုပ်ရှားနေမယ်၊ စကားတွေလုံးနေမယ်၊ ခြေကုန်လက်ပမ်းကျနေမယ်၊ စိတ်ဂနာမငြိမ်ဖြစ်မယ်၊ တက်မယ်။
  • မအီမသာဖြစ်ပြီး အော့အန်နေမယ် – ဗိုက်ထဲမှာ နေလို့မကောင်းဖြစ်ပြီး အော့အန်ချင်သလိုလို ဖြစ်နေမယ်။
  • အရေပြားတွေ ပူစပ်ပူလောင်ဖြစ်မယ် – ခန္ဓာကိုယ်အပူချိန် မြင့်တက်လာမှုနဲ့အတူ အရေပြားတွေ ပူစပ်ပူလောင်ဖြစ်လာနိုင်ပါတယ်။
  • အသက်ရှူ မြန်လာမယ် – အသက်ရှူမဝသလိုလိုဖြစ်ပြီး အသက်ရှူနှုန်း အရမ်းမြန်လာနိုင်ပါတယ်။
  • နှလုံးခုန်မြန်လာမယ် – အပူချိန်မြင့်တက်မှုကြောင့် နှလုံးက ခန္ဓာကိုယ်အပူချိန်လျှော့သွားအောင် ကြိုးစားလုပ်ဆောင်ချိန်မှာ နှလုံးခုန်နှုန်းက အရမ်းမြန်လာနိုင်ပါတယ်။
  • ခေါင်းကိုက်လာမယ် – အပူချိန်မြင့်တက်မှုနဲ့အတူ ခေါင်းကိုက်ဝေဒနာကို ခံစားရနိုင်ပါတယ်။

ပူပြင်းတဲ့ နွေရာသီမှာ ခြောက်သွေ့မှုနဲ့အတူ ရောဂါတွေကလည်း အစုံအလင်ကို ပါလာတတ်တာပါ။ ဒီရောဂါတွေထဲမှာ အဖြစ်အများဆုံးက အပူလျှပ် တာပါ။

နောက်ဆက်တွဲဖြစ်လာနိုင်တဲ့အခြေအနေတွေ

အပူလျှပ်တဲ့အခါ ခန္ဓာကိုယ်မှာ အပူချိန်ဘယ်လောက်ထိမြင့်တက်လဲဆိုတာနဲ့ အချိန်ဘယ်လောက်ကြာကြာအထိ မြင့်တက်ခဲ့လဲဆိုတဲ့အပေါ်မှာ မူတည်ပြီး နောက်ဆက်တွဲအခြေအနေတွေက ဆိုးရွားပြင်းထန်နိုင်ပါတယ်။

ခန္ဓာကိုယ်အစိတ်အပိုင်းတွေ ထိခိုက်ပျက်စီးမယ် – အပူလျှပ်တဲ့အချိန်မှာ ခန္ဓာကိုယ် အပူချိန်ကို မြန်မြန်ကျအောင် မလုပ်ဆောင်နိုင်ဘူးဆိုရင် အပူလျှပ်တာရဲ့ နောက်ဆက်တွဲအနေနဲ့ ဦးနှောက်နဲ့ အခြားအရေးပါတဲ့ အစိတ်အပိုင်းတွေ ရောင်ရမ်းပြီး လုံးဝထိခိုက်ပျက်စီးသွားတာမျိုး ကြုံရနိုင်ပါတယ်။

သေဆုံးမယ် – ချက်ချင်းကုသမှု မရရင်ဖြစ်ဖြစ်၊ လုံလောက်တဲ့ ကုသမှုမရရင် ဖြစ်ဖြစ် အပူလျှပ်တာကြောင့်သေဆုံးနိုင်ပါတယ်။

အပူလျှပ် တာကို ဘယ်လိုကာကွယ်မလဲ

အပူလျှပ်တာက ကာကွယ်လို့ရတဲ့ အခြေအနေတစ်ခုပါ။ ပူပြင်းတဲ့ ရာသီဥတုအခြေအနေကြောင့် အပူလျှပ်တာမျိုး မဖြစ်စေဖို့ ဒီနည်းလမ်းလေးတွေသုံးပြီး ကြိုတင်ကာကွယ်သင့်ပါတယ်။

အင်္ကျီအရောင်ဖျော့ဖျော့၊ ပွပွချောင်ချောင်တွေ ဝတ်ပါ – အင်္ကျီတွေကို ခပ်ကျပ်ကျပ်ဝတ်ဆင်တာက ခန္ဓာကိုယ်အပူချိန်ကို တိုးစေနိုင်ပါတယ်။

နေလောင်ဒဏ်ကနေ ကာကွယ်ပါ -နေလောင်တာကလည်း ခန္ဓာကိုယ်အပူချိန်ကို တိုးစေနိုင်ပါတယ်။ ဒါကြောင့် နွေရာသီမှာ အပြင်ထွက်တော့မယ်ဆိုရင် ထီးတို့၊ ဦးထုပ်တို့ ယူသွားတာမျိုးလုပ်ပေးပါ။ နေလောင်ကာခရင်မ်လူးပေးပါ။ ချည်သားအဝတ်ပွပွတွေ ဝတ်ဆင်ပေးပါ။ နေကာမျက်မှန်ဝတ်ဆင်ပေးပါ။

အရည်များများသောက်ပါရေဓာတ်ပြည့်ဝနေမှုက ခန္ဓာကိုယ်အပူချိန်ကို ထိန်းညှိပေးနိုင်ပါတယ်။ ဒါကြောင့် နွေပူပူမှာ အရည်များများသောက်ပေးပါ။

ဆေးဝါးသောက်သုံးတဲ့အခါ သတိထားပါ -ဆေးဝါးတွေ သောက်သုံးနေရသူတွေအနေနဲ့လည်း ရေများများသောက်တာ၊ အပူရှောင်တာမျိုးတွေ လုပ်ပေးသင့်ပါတယ်။ နောက်တစ်ချက်က သတိထားရမယ့် အချက်တွေရှိ၊မရှိကို ဆရာဝန်နဲ့မေးမြန်းရမှာပါ။

လေ့ကျင့်ခန်း ပြင်းပြင်းထန်ထန်မလုပ်ပါနဲ့ -နွေပူတဲ့အခါ အလုပ်တွေကို ပင်ပင်ပန်းပန်းမလုပ်သင့်သလို လေ့ကျင့်ခန်း ပြင်းပြင်းထန်ထန်လုပ်တာမျိုးကိုလည်း ရှောင်ကြဉ်သင့်ပါတယ်။ ဒီလိုလုပ်တာက ခန္ဓာကိုယ်အပူချိန်ကို တိုးစေပြီး အပူလျှပ်တာ ဖြစ်နိုင်ခြေ တိုးစေနိုင်ပါတယ်။

ပူပြင်းတဲ့ နွေရာသီမှာ ခြောက်သွေ့မှုနဲ့အတူ ရောဂါတွေကလည်း အစုံအလင်ကို ပါလာတတ်တာပါ။ ဒီရောဂါတွေထဲမှာ အဖြစ်အများဆုံးက အပူလျှပ် တာပါ။

နေပူနေချိန်မှာ အပြင်မထွက်ပါနဲ့ – အပူချိန် အမြင့်ဆုံးအချိန်တွေဖြစ်တဲ့ နေ့ခင်း ၁၁ နာရီ ကနေ ၃ နာရီအတွင်းမှာ အပြင်မထွက်ပါနဲ့။ အပူချိန်မြင့်တဲ့အချိန်မှာ အပြင်ထွက်တာက အပူလျှပ်နိုင်ခြေပိုများစေတာကြောင့်ပါ။

အရက်တွေ အလွန်အကျွံမသောက်ပါနဲ့ – အရက်သောက်သုံးမှုကလည်း ခန္ဓာကိုယ်အပူချိန်ကို တိုးစေနိုင်တာကြောင့် နွေပူပူမှာ အရက်အပါအဝင် အယ်လ်ကိုဟောပါတဲ့ သောက်စရာတွေကို တတ်နိုင်သမျှ လျှော့သောက်ပါ။

လေဝင်လေထွက်ကောင်းတဲ့နေရာမှာ နေပါ -လေဝင်လေထွက်ကောင်းတဲ့နေရာမှာ နေပေးပါ။ ပိတ်လှောင်နေတဲ့အခန်းတွေ၊ လူထူထပ်တဲ့နေရာတွေ၊ အပူချိန်မြင့်တဲ့နေရာတွေကို တတ်နိုင်သမျှရှောင်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုဗစ်ကြောင့် ကျဆင်းလာတဲ့ ဦးနှောက်စွမ်းဆောင်ရည် ကို ပြန်လည် မြှင့်တင်ရအောင်

ကျဆင်းလာတဲ့ ဦးနှောက်စွမ်းဆောင်ရည် ကို ပြန်လည် မြှင့်တင်ရအောင် ဘာတွေကို လိုက်နာလုပ်ဆောင်ရမလဲဆိုတာကို ဆောင်းပါးလေးထဲဖတ်ရအောင်လား..............

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

အင်ဆူလင် နှင့် အလွဲများ

အင်ဆူလင် နှင့် အလွဲများ ............................ သင်ရော ဘာတွေ မှားသိထားသေးလဲ ဆန်းစစ်ကြည့်ရအောင်လား...........

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

ဒေါသတွေ တအားထွက်လာတဲ့အခါ

ဒေါသ တွေ တအားထွက်လာတဲ့အခါ ပြဿနာ ကြီးကြီးမားမား မဖြစ်ခင်မှာ ဒေါသကို သေချာလေး ထိန်းချုပ် ဖြေရှင်းဖို့ လိုပါမယ်။

ရေးသားသူ Aye Thi Mon

ဘီးစပ်ရွက် က အခုလို ဆေးဖက်ဝင်ပါတယ်။

ဘီးစပ်ရွက် က အခုလို ဆေးဖက်ဝင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

သင့်အတွက် ရွေးချယ်ထားသည်

ကျန်းမာစေမယ့် ကိုယ်လက်လှုပ်ရှားမှု များအကြောင်း

ကျန်းမာစေမယ့် ကိုယ်လက်လှုပ်ရှားမှု များအကြောင်း

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 22, 2021 . 2 mins read
ဘေဘီလေးကို ဘယ်အချိန်မှာ ဖရဲသီး စကျွေးမလဲ ......

ဘေဘီလေးကို ဘယ်အချိန်မှာ ဖရဲသီး စကျွေးမလဲ ……

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 13, 2021 . 2 mins read
နှလုံးကျန်းမာစေဖို့ လိုက်နာသင့်တဲ့ အလေ့အထများ

နှလုံးကျန်းမာစေဖို့ လိုက်နာသင့်တဲ့ အလေ့အထများ

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 10, 2021 . 2 mins read
မနက်ခင်းကို သီချင်းလေးတွေ နဲ့ နိုးထပါ

မနက်ခင်းကို သီချင်းလေးတွေ နဲ့ နိုးထပါ

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 3, 2021 . 2 mins read