လိင်ဆက်ဆံပြီးတိုင်း လုပ်ရမှာလေးတွေ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020
Share now

ယောကျားလေးနဲ့ မိန်းကလေးအတူလိင်ဆက်ဆံပြီးတဲ့အချိန်မှာ ကျန်းမာရေးအတွက် ဘာတွေလုပ်သင့်လဲ ဆိုတာသိပါသလား။ စိတ်ဆန္ဒ ပြင်းပြလို့အတူနေပြီးရင် နောက်ဆက်တွဲဂရုစိုက်ရမယ့် အချက်လေးတွေကို ပြောပြပေးသွားမှာမို့ လေ့လာကြည့်ပါအုံး။

၁. ဆီးသွားလိုက်ပါ

လိင်ဆက်ဆံချိန်မှာ ဘက်တီးရီးယားပိုးတွေက ဆီးလမ်းကြောင်းထဲဝင်ရောက်သွားနိုင်ပါတယ်။ ဆီးမသွားဘဲ ထားလိုက်မယ်ဆို ပိုးတွေပိုပွှားလာပြီး ဆီးလမ်းကြောင်းထဲအထိ ပိုးဝင်သွားနိုင်တဲ့အတွက် ဆန္ဒပြီးမြောက်သွားရင် ဆီးသွားသင့်ပါတယ်။ ဆီးသွားလိုက်တာကြောင့် ဆီးလမ်းကြောင်းထဲက ပိုးတွေကို စွန့်ထုတ်ပစ်လိုက်သလို ဖြစ်သွားစေမှာပါ။ မိန်းကလေးတွေဆိုရင်တော့ ဆီးသွားပြီးရေပြန်သုတ်ရင် အရှေ့(မိန်းမကိုယ်) ကနေ အနောက်ဖက် (စအို) ကိုသုတ်ပါ။ ဒါမှ ပိုးတွေမပျံ့မှာဖြစ်ပါတယ်။

၂. ရေသေချာဆေးပါ

လိင်ဆက်ဆံပြီးတာနဲ့ရေတန်းချိုးဖို့ ပြောတာမဟုတ်ပါဘူး။ ဒါပေမဲ့ လိင်အင်္ဂါတွေကိုတော့ ဆက်ဆံပြီးတိုင်း သေချာဆေးကြောပေးရပါမယ်။ ဒီလိုဆေးပေးခြင်းက ဆီးလမ်းကြောင်းပိုးဝင်ခြင်းကိုလည်း ကာကွယ်ပေးတာ ကြောင့် ဆီးသွားပြီးတာနဲ့ ကိုယ့်ရဲ့လိင်အင်္ဂါကိုတဆက်တည်း ဆေးကြောစေချင်ပါတယ်။ ဆေးတဲ့အခါမှာလည်း ရေနွေးနွေးလေးနဲ့ နှံ့စပ်အောင်ပွတ်တိုက်ဆေးကြောပေးရင် လုံလောက်ပါတယ်။

အမွှေးဆီတွေ၊ ဆပ်ပြာအဆီ တွေသုံးဖို့မလိုပါဘူး။ မိန်းကလေးတွေလည်း လိင်ဆက်ဆံပြီးမိန်းမကိုယ်ထဲအထိ နှိုက်ပြီးဆပ်ပြာဆီနဲ့ ဆေးကြောတာမျိုးမလုပ်သင့်ပါဘူး။ ဒီလိုဆေးကြောခြင်းက မိန်းမကိုယ်ထဲမှာ ပုံမှန်အတိုင်းရှိနေသင့်တဲ့ ပိုးတွေကိုပါဖယ်ရှားလိုက်သလိုဖြစ်သွားစေလို့ပါ။

လိင်တံထိပ်အရေပြားမဖြတ်ထားတဲ့ ယောင်္ကျားလေးတွေဆိုရင်တော့ လိင်တံထိပ်အရေပြားကိုနောက်ဖက်ကို ညင်ညင်သာသာလေးဆွဲပြီး လိင်တံထိပ်နဲ့ အရေပြားကြားကိုသေချာဆေးကြောပေးပါ။

၃. ရေများများသောက်ပေးပါ

တစ်ကြိမ်ဆီးသွားရုံနဲ့ ပိုးမွှားတွေဖယ်ရှားပစ်ဖို့ မလုံလောက်နိုင်ပါဘူး။ ဒါ့ကြောင့် ကိုယ်လက်သန့်စင်ပြီးရင်ရေ တစ်ခွက်ထပ်သောက်လိုက်ပါ။ ဆီးခဏခဏသွားရလေ ပိုးမွှားတွေပိုသန့်စင်လေဖြစ်သလို ရေဓာတ်ပြည့်ဝဖို့ လည်းအထောက်အပံ့ဖြစ်စေပါတယ်။

၄. ချောင်ချောင်ချိချိ အဝတ်အစားတွေဝတ်ပေးပါ

Body fit ဖြစ်တဲ့အဝတ်အစားဝတ်ရင် ချွေးပိုထွက်ပါတယ်။ ချွေးအောင်းပြီးစိုစွတ်နေတဲ့အရေပြားပေါ်မှာ ဘက်တီးရီးယားပိုးတွေနဲ့ မှိုမျိုးစုံပေါက်ပွားနိုင်တာမို့ ကိုယ်လက်သန့်စင်ပြီးရင် ချောင်ချောင်ချိချိ အဝတ်အစား တွေဝတ်ပြီးနေလိုက်တာအကောင်းဆုံးဖြစ်ပါတယ်။ အတွင်းခံကိုဖြစ်နိုင်ရင် ချည်သားအတွင်းခံပဲဝတ်ပေးပါ၊ ဒါမှမဟုတ် အတွင်းခံလုံးဝမ၀တ်ဘဲ အိပ်ယာဝင်လိုက်လည်းရပါတယ်။

၅. လက်သေချာဆေးပါ

လိင်ဆက်ဆံတာပဲဖြစ်ဖြစ် လက်နဲ့ဆန္ဒပြီးမြောက်အောင်လုပ်တာပဲဖြစ်ဖြစ် မလုပ်ခင်နဲ့ လုပ်ပြီးချိန်မှာတော့ လက်ကိုဆပ်ပြာနဲ့ သေချာဆေးကြောရပါမယ်။ လက်ဆိုတာ ပစ္စည်းတွေအကုန်ကိုင်တွယ်အသုံးပြုရတာမို့ ပိုးမွှားမျိုးစုံလည်းကပ်တွယ်နေမှာပါ။ ဒါ့ကြောင့် ကိုယ့်အဖော်ရဲ့လိင်အင်္ဂါကို မထိတွေ့ခင် ရေနဲ့ဆပ်ပြာသုံးပြီး သေချာဆေးဖို့ မမေ့နဲ့နော်။

၆. အသုံးပြုတဲ့ Sex Toy တွေကိုသေချာပြန်သန့်စင်ပါ

စာရေးသူတို့နိုင်ငံမှာတော့ Sex toy တွေအသုံးပြုတာ သိပ်ခေတ်မစားသေးပေမဲ့ ကျန်းမာရေးအရ သိထားသင့်တာမို့ ပြောပြချင်ပါတယ်။ လိင်ဆက်ဆံတဲ့အချိန် အသုံးပြုလိုက်တဲ့ Sex toy တွေမှာလည်း ဘက်တီးရီးယားတွေ၊ ဗိုင်းရပ်စ်တွေ၊ မှိုရောဂါတွေ ကပ်ညှိသွားနိုင်တာမို့ သုံးပြီးတာနဲ့ တစ်ခါတည်းဆေးကြောပေးရပါမယ်။ မဆေးကြောဘဲ ထပ်ခါ ထပ်ခါသုံးစွဲတာ၊ တခြားသူတစ်ယောက်နဲ့မျှဝေသုံးစွဲတာမျိုး လုံးဝ(လုံးဝ) မလုပ်ရပါဘူး။ ဆေးကြောသန့်စင်နည်းကတော့ ထုတ်လုပ်တဲ့ကုမ္ပဏီအလိုက်ကွဲပြားတတ်ပါတယ်။

၇. သွေးမှန်မှန်စစ်ပါ

အကယ်၍ ကိုယ်ကလိင်အပျော်အပါးလိုက်စားတတ်တဲ့သူဖြစ်မယ်ဆိုရင် ကူးစက်ရောဂါပိုးတွေရှိမရှိ သွေးမှန်မှန် စစ်ဆေးဖို့အကြံပေးချင်ပါတယ်။ ဘာ့ကြောင့်လဲဆိုရင် ဒီလိုလိင်မှတစ်ဆင့်ကူးစက်တဲ့ရောဂါအများစုက ရောဂါရှိ နေရင်တောင် ဘာလက္ခဏာမှသိပ်မပြတတ်လို့ပါ။ ဒါ့ကြောင့် သွေးစစ်ဆေးခြင်းကပဲ သေချာသိနိုင်တဲ့ နည်းလမ်း အဖြစ်ရှိနေပါသေးတယ်။ ဒါပေမဲ့ လိင်အင်္ဂါမှာပုံမှန်မဟုတ်တဲ့ လက္ခဏာတစ်ခုခုပြလာရင် (ဥပမာ – အနာပေါက် လာတာ၊ အဖုထွက်လာတာ၊ နာကျင်လာတာ၊ အရည်ထွက်တာ) တော့ ဆရာဝန်နဲ့ ချက်ချင်းပြသပါ။

ရေးသားသူ – Dr.Htoo Tint

Hello Health Group သည် ဆေးပညာ အကြံပြုချက်များ ၊ ရောဂါရှာဖွေ အတည်ပြုချက်များ နှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ဆီးလမ်းကြောင်းတွင် ကျောက်တည်ခြင်းအန္တရာယ် နှင့် ရေနွေးကြမ်း

ဆီးလမ်းကြောင်း ကျောက်တည်ခြင်း ရေနွေး သံပုရာရည် ရေနွေးကြမ်း သဘာဝပစ္စည်း နာကျင်မှုဝေဒနာ ကျောက်ကပ် အသည်း green tea ရေဆာရင် နွေရာသီ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

တွဲနေတဲ့ရင်သားတွေ ပြန်လည်ဦးမော့လာစေဖို့

ရင်သားတစ်စုံ လိင်ဆွဲဆောင်မှု အမျိုးသမီး ပက်လက်လှန်အိပ် နှိပ်နယ်ပေးပါ ရေဓာတ်ဖြည့်ခရမ် အတွင်းခံ သွေးလည်ပတ်မှု နို့တိုက်မိခင်တွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Seinn Moe Satt

ထိပ်အရေပြားမဖြတ်တဲ့ အမျိုးသားတွေနဲ့ ကျန်းမာရေးပြဿနာများ

ထိပ်အရေပြား အမျိုးသား လိင်တံ လိင်အင်္ဂါ တစ်ကိုယ်ရေသန့်ရှင်းမှု ကျန်းမာရေး အရေပြား အနံ့ဆိုး ပွန်းပဲ့ထိခိုက် ရေချိုး မှိုစွဲ ယားယံ အတွင်းခံ ရောင်နေခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သောက်ရေ ကပေးတဲ့ အသားအရေလှပမှု

စိတ်ရောကိုယ်ပါ အသားအရေ ရေဓာတ်ပြည့်ဝလုံလောက်အောင် သောက်ရေ ခန္ဓာကိုယ် အဆိပ်အတောက်တွေ ဆဲလ်တွေ ရေပမာဏ ဝမ်းမှန် အောက်ဆီဂျင် ဝက်ခြံတွေ အရေပြားပြဿနာ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

စအိုကွဲခြင်း (Anal Fissure) အကြောင်း သိထားသင့်သမျှ

စအိုကွဲခြင်း (Anal Fissure) အကြောင်း သိထားသင့်သမျှ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် မေ 23, 2020
မိန်းမကိုယ် က လေလည်တတ်သလား

မိန်းမကိုယ် က လေလည်တတ်သလား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် မေ 21, 2020
အသက်ကြီးမှ ကလေးယူမယ်ဆိုရင်

အသက်ကြီးမှ ကလေးယူမယ်ဆိုရင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မေ 13, 2020
ဝက်ခြံက ပိုးဝင်နေတာလား………………

ဝက်ခြံက ပိုးဝင်နေတာလား………………

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 12, 2020