လက်ကိုဆပ်ပြာနဲ့ဆေးတာနဲ့ ရေမလိုလက်သန့်ဆေးရည်သုံးတာ ဘယ်ဟာပိုကောင်းလဲ ။ ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 30, 2020 . 2 mins read
Share now

တစ်ကိုယ်ရည်သန့်ရှင်းရေးတစ်ခုမှာ အရေးအကြီးဆုံးက ဘယ်ဟာလို့ထင်ပါသလဲ။  တစ်နေ့မစားရင် မနေနိုင်ကြတဲ့အတွက် အစားစားတဲ့နေရာမှာ အဓိက အရေးပါတဲ့ လက်သန့်ရှင်းရေးက အရေးအကြီးဆုံးပါ။ သန်ကောင်တွေရန်ကလည်း ကြောက်ရတယ်မလား။
လက်ကိုသန့်စင်တဲ့နေရာမှာ ရေနဲ့ဆပ်ပြာသုံးပြီး သန့်စင်နိုင်သလို ခုနောက်ပိုင်း ရေမရနိုင်တဲ့နေရာတွေမှာပါ သုံးလို့ရတဲ့ ရေမလို လက်သန့်ဆေးရည်တွေ ထွက်လာပါပြီ။
ရေမလိုလက်သန့်ဆေးရည်တွေက နေရာတိုင်းမှာ အလွယ်တကူ ဝယ်လို့ရနိုင်တဲ့အပြင် သုံးရတာလည်း လွယ်ကူတယ်မလား။ တစ်ချို့ဆို ရေနဲ့ဆပ်ပြာနဲ့တောင် မသုံးတော့ဘဲ ရေမလိုလက်သန့်ဆေးရည်တွေကိုပဲ လွယ်လွယ်သုံးလိုက်ကြတာတွေရှိပါတယ်။

ဒီတော့ ဒီနေရာမှာပြောစရာရှိတာက ရေနဲ့ဆပ်ပြာသုံးတာနဲ့ ရေမလိုလက်သန့်ဆေးရည်သုံးတာမှာ ဘယ်လိုကွာခြားချက် တွေရှိလဲ။ ဘယ်ဟာက ပိုကောင်းလဲ ။

ကွာခြားချက်တွေ အရင်မပြောခင် လက်သန့်ဆေးရည်နဲ့ ရေနဲ့ဆပ်ပြာသုံးပြီးလက်သန့်စင်တာ အကြောင်းလေးကို အရင်ပြောပြချင်ပါတယ်။
ရေနဲ့ဆပ်ပြာသုံးမယ်ဆိုရင် လက်ပေါ်မှာ ရှိတဲ့ ပိုးမွှားနဲ့ အညစ်အကြေးတွေ သန့်စင်ဖို့အတွက်
• တစ်ခါဆေးရင် စက္ကန့် ၂၀ လောက်ဆေးရမှာ ဖြစ်ပါတယ်။ ဒါမှ ပိုးမွှားတွေနဲ့ အညစ်အကြေးတွေက ဆပ်ပြာနဲ့ထိတွေကပျော်ဝင်ပြီး ရေဆေးချလိုက်တာအခါ ရေနဲ့အတူ ပါသွားမှာ ဖြစ်ပါတယ်။
• ဒီနေရာမှာ ရေအေးနဲ့ဆေးတာ ရေနွေးနဲ့ဆေးတာက အရေးမကြီးဘဲ ကိုယ်အချိန်ဘယ်လောက်ယူပြီးလက်ဆေးတယ်၊ လက်ရဲ့နေရာအနှံ့အပြားကိုရောက်မရောက်နဲ့ သုံးတဲ့ ဆပ်ပြာ အမျိုးအစားက စကားပြောသွားပါတယ်။

တကယ်လို့ ရေနဲ့ဆပ်ပြာ လွယ်လွယ်ကူကူ မရဘူးဆိုရင်တော့ ရေမလိုလက်သန့်ဆေးရည်တွေကသာ အကောင်းဆုံးဖြစ်မှာပါ။
• ကိုယ်သုံးတဲ့ ရေမလိုလက်သန့်ဆေးရည် hand sanitizer က ဂျယ်လ်ပုံစံဖြစ်ပြီး စေးကပ်ကပ်မကျန်ခဲ့ဖို့ အရေးကြီးပါတယ်။
• ပိုးသေစေဖို့ alcohol ၆၀ ရာခိုင်နှုန်းကနေ ၉၀ ရာခိုင်နှုန်းလောက်ပါဖို့ကလည်းအရေးကြီးပါသေးတယ်။
• ဆေးရည်လေးကို လက်ထဲထည့်ပြီး ပွတ်လိုက်ရုံပဲ ဖြစ်တာကြောင့် သုံးရတာလွယ်ကူတဲ့အပြင် ဘူးပုံစံနဲ့ ထုတ်ထားတော့ သွားလေရာနေရာကို ဆောင်သွားလို့ရတာပေါ့။ အချိန်မရွေးထုတ်သုံးလိုက်ရုံပဲလေ။

ဒီတော့ ရေမလိုလက်သန့်ဆေးရည်နဲ့ ရေနဲ့ဆပ်ပြာသုံးပြီး သန့်စင်တာနဲ့ ဘယ်ဟာက ပိုကောင်းလဲ ကြည့်လိုက်ရအောင်။ ။

လက်သန့်ဆေးရည်တွေ ဘယ်လောက်ပဲ ကောင်းတယ် သုံးရတာ အဆင်ပြေတယ်ဆိုပေမယ့် ပုံမှန်ရေနဲ့ဆပ်ပြာသုံးပြီး လက်ဆေးတာကို သူတို့က အစားမထိုးနိုင်ပါဘူး။
• အားလုံးသိကြပါတယ်။ ရေမလိုလက်သန့်ဆေးရည်တွေက ဘက်တီးရီးယားကို ၉၉ ရာခိုင်နှုန်းလောက်က သေစေတယ်ဆိုတာ။ ဒါပေမယ့် ၁ ရာခိုင်နှုန်းတော့ ကျန်ခဲ့ပါသေးတယ်။ အဲဒီ ၁ ရာခိုင်နှုန်းပိုးမွှားတွေ ကိုယ့်ထဲ ရောက်သွားတာမျိုးလည်း ဖြစ်နိုင်တာကြောင့် အရမ်းကြီးစိတ်ချရတယ်လို့ ပြောလို့မရပါဘူး။ ရေနဲ့ဆပ်ပြာသုံးပြီးဆေးတာကကျတော့ ဆပ်ပြာက ၉၉ ရာခိုင်နှုန်းပိုးမွှားတွေကို သေစေပြီး ကျန်တဲ့ ၁ ရာခိုင်နှုန်းက ရေဆေးချလိုက်ရင် ပါသွားမှာ ဖြစ်တာကြော့င့် ရေနဲ့ဆပ်ပြာသုံးပြီးဆေးတာက ပိုစိတ်ချရပါတယ်။
• လက်သန့်ဆေးရည်တွေထဲမှာပါတဲ့ alcohol တွေ အခြား ပိုးသတ်ဆေးဓာတုပစ္စည်းတွေက လက်ပေါ်မှာပဲ ကျန်ခဲ့တတ်တာကြောင့် ဗိုက်ထဲ ဝင်သွားတာမျိုး ဖြစ်တတ်ပါတယ်။. ရေနဲ့ဆပ်ပြာနဲ့ သုံးရင်ကျတော့ ရေဆေးလိုက်တာကြောင် ပိုးမွှားအညစ်အကြေးတွေရော ဆပ်ပြာမှာပါတဲ့ ဓာတုပစ္စည်းတွေ ရော အကုန်လုံးစင်သွားနိုင်ပါတယ်။

ရေမလိုလက်သန့်ဆေးရည်နဲ့ ရေနဲ့ဆပ်ပြာသုံးပြီး သန့်စင်ခြင်းကြားမှာ ကွာခြားချက်ဆိုလို့ ခုပြောပြခဲ့တဲ့ ၂ ချက်လောက်ပဲ ရှိပါတယ်။ သုံးရတာလွယ်တယ် ဘယ်နေရာဖြစ်ဖြစ် အသုံးပြုလို့ရတယ်ပြောပြာ ရေမလိုလက်သန့်ဆေးရည်တွေက ဘယ်လောက်ပဲ ကောင်းတယ်ပြောပြော ရေမလိုလက်သန့်ဆေးရည်တွေက ရေနဲ့ဆပ်ပြာကို အစားမထိုးနိုင်တာအမှန်ပါ။ ။

HelloHealth Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ဆယ်ကျော်သက်များတွင် အတွေ့ရများတဲ့ အရေပြားပြဿနာ များ

အရေပြားပြဿနာ ဆယ်ကျော်သက်အရွယ် ဟော်မုန်းအပြောင်းအလဲ တစ်ကိုယ်ရည်သန့်ရှင်းရေး ဝက်ခြံ စိတ်ဖိစီးမှု ဆားဝက်ခြံ ချွေးထွက်များ ကြွက်နို့ နှင်းခူရောဂါ နေလောင်ဒဏ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သန်ကောင် တွေရဲ့ အန္တရာယ်ကနေ ကင်းဝေးအောင် နေကြမယ်။

သန်ကောင် သန်လုံးကောင် သန်ပြားကောင် ဝမ်းပျက်ဝမ်းလျှော အရေပြားယားယံမှု သွေးအားနည်းခြင်း သန်ချဆေး အသားစိမ်း ရေကိုကျိုချက် ဖိနပ်စီး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

COVID_19 နှင့် အတူယှဉ်တွဲ နေထိုင်ခြင်း

ကမ္ဘာ့နိုင်ငံ ကိုဗစ် ကူးစက်မှု လုပ်ငန်းခွင် ကူးစက်မှုနှုန်း covid_19 တစ်ဦးတစ်ယောက်ချင်း ကာကွယ်ဆေး မြန်မာနိုင်ငံ Stay at Home Second wave ရောဂါ စကာကွယ်ပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

နေ့တစ်နေ့တာရဲ့ ဘယ်အချိန်ဟာ အတူတူနေလို့ အကောင်းဆုံးလဲ

အမျိုးသားတွေ အတူတူနေဖို့ အိမ်ထောင်သည်ဘဝ ကျားဟော်မုန်း ကိုယ်လက်လေ့ကျင့်ခန်း အိပ်ရာစောစောဝင်ပါ ဟော်မုန်း စက်ဝန်း တစ်ကိုယ်ရည်သန့်ရှင်းရေး ခန္ဓာကိုယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

သင့်အတွက် ရွေးချယ်ထားသည်

COVID-19 က လေထဲကတဆင့် ကူးစက်နေပြီလား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် ဇူလိုင် 9, 2020 . 2 mins read
အရေပြားအောက်က လှုပ်စိလှုပ်စိ သန်ကောင်များ

အရေပြားအောက်က လှုပ်စိလှုပ်စိ သန်ကောင်များ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇွန် 22, 2020 . 3 mins read

တုပ်ကွေးမမိအောင် ကာကွယ်ပေးမယ့် အလေ့အထများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် ဇွန် 17, 2020 . 2 mins read
တုပ်ကွေးအပေါ် တစ်ကိုယ်ရေသန့်ရှင်းရေးရဲ့ သက်ရောက်မှု

တုပ်ကွေးကာကွယ်ဖို့ ဒါလေးတွေလိုက်နာပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇွန် 8, 2020 . 2 mins read