Hand Foot Mouth ရောဂါ စိုးရိမ်ရလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

အခုတလော ဆေးခန်းမှာ ကလေး မိဘတွေ ဗျာများနေတဲ့ ရောဂါတခု ရှိပါတယ်။ ကလေး ခြေဖဝါး လက်ဖဝါးတွေ မှာ အရည်ကြည်ဖုလေးတွေ စထွက်လာမယ်။ ယားမယ်။ နာမယ်။ ပါးစပ်ထဲ မှာပါပေါက်မယ်။ ကလေး ဖျားမယ်။ အီမယ်။ နို့ကောင်းကောင်းမစို့တော့ဘူး။ ကလေးပါးစပ်က သွားရည်တွေ ကျနေမယ်။ ဘာဖြစ်တာလဲ မသိဘူးဆိုပြီး အစိုးရိမ်လွန်လို့ ဆေးခန်းကို အရေးတကြီး လာပြတတ်ကြပါတယ်။

Hand foot mouth disease ဆိုတာဘာလဲ။

HFMDလို့ အတိုကောက်ခေါ်တဲ့ ရောဂါ ဆိုတာ Coxsackie virus A16 အမျိုးအစားကြောင့်ဖြစ်ပွားတတ်တဲ့ ရောဂါမျိုးဖြစ်ပါတယ်။

ဘယ်သူတွေ မှာအဖြစ်များလဲ။

HFMD ရောဂါဟာ ကျောင်းနေအရွယ်မတိုင်မီ အသက် ၁၀ နှစ်အောက် ကလေး တွေ မှာအဖြစ်များပါတယ်။ အလွယ်တကူ ကူးစက် နိုင်ပြီး တချို့ဒေသတွေမှာ ကပ်ရောဂါအသွင်ဖြစ်ပွားတတ်ပါတယ်။

ဘယ်လိုဘယ်ပုံ ကူးစက်တတ်သလဲ။

HFMD ရောဂါဟာ ကလေးတစ်ဦးမှ တစ်ဦးကို တိုက်ရိုက် ထိတွေ့ခြင်းအားဖြင့် ကူးစက်ပါတယ်။

ရောဂါဖြစ်နေတဲ့ ကလေးရဲ့ နှာရည်၊ တံတွေး၊ မစင် နဲ့ အရည်ကြည်ဖုမှ ထွက်တဲ့ အရည်များ မှ ဆင့် ကူးစက်နိုင်ပါတယ်။

ရောဂါလက္ခဏာတွေက ဘာတွေလဲ။

ရောဂါ ကူးစက်ခံရပြီး ၃ရက်မှ ၆ရက်အတွင်း ကလေးဟာ

  • အဖျားတက်ခြင်း
  • လည်ချောင်းနာခြင်း
  • နုံးခွေခြင်း
  • လျှာ၊ သွားဖုံးနှင့် ပါးစောင်အတွင်း နာသော အရည်ကြည်ဖုကလေးများ ထွက်ခြင်း
  • လက်များ၊ ခြေထောက်များတွင် အရည်ကြည်ဖုကလေးများထွက်ခြင်း ( တခါတရံယားတတ်ပါတယ်)
  • ပါးစပ်နာသဖြင့် အစားမစားနိုင်ခြင်း
  • အီခြင်း အစရှိတဲ့ ရောဂါ လက္ခဏာများခံစားရပါတယ်။

အရည်ကြည်ဖုကလေးတွေဟာ တခါတလေ ကလေးရဲ့ တင်ပါးတဝိုက်မှာပါ တွေ့ရတတ်ပါတယ်။

HFMD ရောဂါက စိုးရိမ်ရလား။

HFMD ရောဂါ ဟာ ဗိုင်းရပ်စ်ပိုးကြောင့် ဖြစ်တဲ့ ရောဂါ အများစုလို ရက်ပိုင်းအနည်းငယ်အတွင်းမှာ ပျောက်ကင်းပါတယ်။

  • ကိုယ်ပူခြင်းအတွက် ကိုယ်ပူကျဆေးရည်(ဉပမာ ပါရာစီတမော) တိုက်နိုင်ပါတယ်။
  • ပါးစပ်အတွင်းနာကျင်ခြင်းအတွက် ထုံဆေးဂျယ် ( lignocaine ပါဝင်သောဂျယ် ) လိမ်းပေးနိုင်ပါတယ်။

နောက်ဆက်တွဲဆိုးကျိုးတွေ ဘာတွေ ရှိလဲ။

အဖြစ်အများဆုံးသော နောက်ဆက်တွဲဆိုးကျိုးကတော့ ရေဓါတ်ဆုံးရှုံးခြင်း ( Dehydration ) ပါ။ ကလေးဟာ ပါးစပ်နဲ့ လည်ချောင်း အတွင်းရှိ နာကျင်တဲ့အရည်ကြည်ဖုကလေးတွေ ကြောင့် အစာစားမရ၊ ရေသောက်မရ ဖြစ်ပြီး ရေဓါတ်ဆုံးရှုံးနိုင်ပါတယ်။

ဗိုင်းရပ်စ်ပိုးကြောင့် ဦးနှောက်အမြှေးရောင်ခြင်း နှင့် ဦးနှောက်ရောင်ခြင်းများဖြစ်ပွားပါက အသက်အန္တရာယ် ဆုံးရှုံးမှု ရှိနိုင်ပေမဲ့ အလွန့်အလွန်ဖြစ်ခဲပါတယ်။

ဘယ်အချိန်မှာ ဆေးရုံသွားပြမလဲ။

ကလေးအပူကြီးပြီး တက်ရင်၊ အစာလုံးဝ မဝင်တော့ရင်၊ မှိန်းလွန်းနေလျှင်၊ ကယောင်ကတမ်းပြောရင် နီးစပ်ရာဆေးရုံဆေးခန်းသို့ အမြန်ဆုံးပြသင့်ပါတယ်။

ဘယ်လိုကာကွယ်ရမလဲ။

  • အကောင်းဆုံးသော ကာကွယ်ခြင်းနည်းလမ်းကတော့ လက်ဆေးခြင်းပါပဲ။ အညစ်အကြေးများကိုင်တွယ်ပြီးတိုင်း လက်ဆေးဖို့ လိုပါတယ်။ Hand gel ( ရေမလို လက်သန့်ဆေးရည် ) သို့မဟုတ် Hand wipes ( လက်သန့်ဆေးရည်ပါဝင်သော တစ်ရှုးအစို ) ကို သုံးပြီးလည်း လက်သန့်စင်နိုင်ပါတယ်။
  • နေ့ကလေးထိန်းကျောင်းများ အနေနဲ့ ရောဂါဖြစ်ပွားနေသော ကလေးရဲ့ Diaper များ၊ အသုံးပြု ပြီးသော တစ်ရှုးများကို စနစ်တကျ စွန့်ပစ်ရပါမယ်။
  • ကလေးမိဘများ အနေဖြင့်လည်း ရောဂါပိုးကူးစက်ခံရသော ကလေးကို ကျောင်းမလွှတ်ခြင်းဖြင့် အခြားကလေး အမြောက်အမြားထံ ကူးစက်မှုကို ကာကွယ်နိုင်ပါတယ်။
  • ကလေးများကို တစ်ကိုယ်ရေသန့်ရှင်းရေး ပညာပေးခြင်းများ ပြုလုပ်သင့်ပါတယ်။

ကာကွယ်ဆေးရှိပါသလား။

HFMD ရောဂါအတွက် ကာကွယ်ဆေး မြန်မာနိုင်ငံတွင် မရှိသေးပါ။

အချုပ်ဆိုရရင် HFMD လို့ခေါ်တဲ့ ရောဂါဟာ အသက်အန္တရာယ်ရှိစေတဲ့ ရောဂါ မဟုတ်ပေမဲ့ ကလေးအမြောက်အမြားကို လွယ်လွယ်ကူကူ ကူးစက်တတ်လို့ မဖြစ်ခင်က ကြိုတင်ကာကွယ်ခြင်းဟာ အထိရောက်ဆုံး နည်းလမ်း ဖြစ်ပါတယ်။

ဒါကြောင့် တစ်ကိုယ်ရေ သန့်ရှင်းရေး ဂရုစိုက်ပြီး မကြာခဏ လက်ဆေးခြင်းအလေ့အကျင့်ကို မွေးမြူ ကြပါစို့။

ရေးသားသူ – Dr. May Thazin Oo

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

    ဒီဆောင်းပါးက သင့်အတွက် အသုံးဝင်ပါသလား။
    happy unhappy"

    သင်ဒါလည်း နှစ်သက်နိုင်ပါတယ်။

    တောင့်တင်းနေတဲ့ ပေါင်နဲ့ ခြေထောက် အကြောဘယ်လိုလျှော့ကြမလဲ

    ခြေထောက် အကြောအခြင် အကြောတက် အကြောတောင့်တင်း နာကျင်ကိုက်ခဲ လေ့ကျင့်ခန်း လှုပ်ရှားမှု အထိုင်များခြင်း ခြေဖဝါး ခြေဖနောင့် အကြောလျှော့

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Yun Sandi Nan Mon

    ဘူနီယွန် ကြောင့် ခြေမအဆစ်ရောင်ရမ်းကိုက်ခဲခြင်း သက်သာစေမယ့်နည်းလမ်း (၅) ခု

    ဘူနီယွန် ခြေမ အဆစ် အဆစ်နာ ရောင်ရမ်း နာကျင်ကိုက်ခဲခြင်း သက်သာစေမယ့်နည်းလမ်း ကုသမှု ခြေထောက် ခြေဖဝါး အရိုးအဆစ် ဖိနပ် ရေနွေး ရေခဲကပ်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Yun Sandi Nan Mon

    ရုရှားသိပ္ပံပညာရှင်တွေ ဖန်တီးနိုင်ခဲ့တဲ့ Covid-19 ကာကွယ်ဆေး

    ကပ်ဘေး၊ Covid-19၊ ရောဂါပိုး၊ သေဆုံးသူ၊ ကူးစက်လူနာ၊ ကုသပေးနိုင်တဲ့ဆေးဝါး၊ ရောဂါပျောက်ကင်းသူ၊ ကိုယ်ခံအားစနစ်၊ စမ်းသပ်ဆေးဝါး၊ ကုသဆေး၊ ကာကွယ်ဆေး

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Zon Aung

    ဘေဘီလေးတို့ အိပ်ပျော်စေဖို့

    ဘေဘီလေး အိပ်ပျော်စေမယ့်နည်းလမ်း မေမေ ဆည်းလည်းလေး အိပ်ရာဝင် အလေ့အထလေး အိပ်ရာဝင်ချိန် ခပ်ဖွဖွလေး နှိပ်ပေးပါ အုန်းဆီ မုန်ညှင်းဆီ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon

    သင့်အတွက် ရွေးချယ်ထားသည်

    ကမျဉ်းနီကောင် ကိုက်ခံရပြီးနောက်

    ကမျဉ်းနီကောင် ကိုက်ခံရပြီးနောက်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Htet Htet Zaw Win
    ရေးသား ထုတ်ဝေခဲ့သည် ဇူလိုင် 25, 2020 . 2 mins read
    အသည်းရောင်အသားဝါ စီပိုးကို ဘယ်လိုကုသလဲ

    အသည်းရောင်အသားဝါ စီပိုးကို ဘယ်လိုကုသလဲ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် ဇူလိုင် 24, 2020 . 2 mins read
    သွားမတိုက်ရင် ကင်ဆာဖြစ်မယ် သတိထား

    သွားမတိုက်ရင် ကင်ဆာဖြစ်မယ် သတိထား

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Zon Aung
    ရေးသား ထုတ်ဝေခဲ့သည် ဇူလိုင် 21, 2020 . 2 mins read
    ဝမ်းလျှောခြင်းအကြောင်း တစေ့တစောင်း

    ဝမ်းလျှောခြင်းအကြောင်း တစေ့တစောင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon
    ရေးသား ထုတ်ဝေခဲ့သည် ဇူလိုင် 21, 2020 . 2 mins read