နေ့ခင်းတစ်ရေးအိပ်ကြမယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ထမင်းစားပြီးသွေးလေးလိုက်တာ၊ အိပ်ချင်လာပြီလို့ ခံစားနေရတာကို တင်းခံနေမယ်လို့များတွေးနေလား။ တင်းခံမနေပါနဲ့။နေ့လယ်ခင်း အိပ်ချင်လာရင် အိပ်သာအိပ်လိုက်ပါ။ အိပ်စက်မှုက ကလေးတွေအတွက်ရော လူကြီးတွေအတွက်ပါ အကျိုးရှိစေတဲ့အရာပါ။နေ့ခင်းဘက်မှာ နာရီဝက် ၄၅ မိနစ်လောက် အိပ်စက်မှုက ဦးနှောက်အတွက်ရော၊ ကိုယ်ခန္ဓါအတွက်ပါအထောက်အကူပြုပေးနိုင်ပါတယ်။

နေ့လယ်ခင်းအိပ်စက်မှုက ဒီလိုမျိုးကောင်းကျိုးတွေရရှိနိုင်ပါတယ်

နေ့လယ်ခင်း တစ်ရေးတစ်မောအိပ်စက်မှုက

မှတ်ဉာဏ်တိုးစေနိုင်တယ်

လေ့လာမှုတွေအရနေ့ခင်းဘက်မှာ အိပ်စက်တာက မှတ်ဉာဏ်ကို ပိုမိုကောင်းမွန်စေနိုင်ပါတယ်။ သတိမေ့တာမျိုး၊ နှုတ်ဖျားလေးတင်မေ့နေတယ်ဆိုတာမျိုးမဖြစ်အောင်နေ့လယ်ခင်းအိပ်စက်ပေးပြီး ဦးနှောက် စွမ်းရည်ကိုမြှင့်တင်ပေးပါ။

ခွန်အားပြည့်စေနိုင်တယ်

နေ့ခင်းအိပ်စက်မှု ခန္ဓါကိုယ်ကို ခွန်အားပြည့်စေပြီး ခန္ဓါကိုယ် လှုပ်ရှားမှုကိုပိုကောင်းစေနိုင်ပါတယ်။ ဒါကြောင့်နေ့ခင်းပိုင်းမှာ တစ်နေ့ကို မိနစ် ၂၀ ခန့်အိပ်စက်ပေးပါ။ ပင်ပန်းနေတဲ့ ခန္ဓါကိုယ်ကို အားပြန်သွင်းပေးရာလည်းရောက်ပါတယ်။ ထမင်းစားပြီး ခဏလောက်တော့ အိပ်စက်အနားယူပေးပါ။

စိတ်ဖိစီးမှုကိုလျော့ပါးစေနိုင်တယ်

နေ့ခင်းပုံမှန်အိပ်စက်တဲ့သူတွေက စိတ်ဖိစီးမှုဒဏ်ကနေ ကင်းဝေးကြပါတယ်။နေ့ခင်း ၁ နာရီ ကနေ ၃ နာရီအတွင်းမှာ တစ်ရေးလောက်အိပ်တာက တစ်နေ့တာမှာ ကြုံတွေ့ရတဲ့ အခြေအနေတွေကြောင့်ဖြစ်ပေါ်လာတဲ့ စိတ်ဖိစီးမှုတွေကို သက်သာလျော့ပါးစေနိုင်ပါတယ်။နေ့ခင်းပိုင်းမှာ နာရီဝက်လောက် အိပ်စက်မှုက စိတ်ဖိစီးမှုကို သက်သာစေပြီး အာရုံစိုက်မှုကို ပိုကောင်းစေနိုင်မှာပါ။

ကိုယ်ခံအားေကာင်းစေနိုင်ပါတယ်

နေ့ခင်းဘက်မှာ တစ်ရေးလောက် အိပ်ရေးဝဝအိပ်တာက ကိုယ်ခံအားကောင်းစေဖို့ အထောက်အကူပြုပေးနိုင်ပါတယ်။ တစ်နေ့ကိုနေ့ခင်းပိုင်းမှာ မိနစ် ၃၀လောက်အိပ်စက်ပေးပါ။ ဖျားနာမှုကင်းဝေးပြီးပေါ့ပါးလန်းဆန်းနေမှာ အသေအချာပါပဲ။

စိတ်ခံစားမှုကောင်းစေနိုင်တယ်

ညဘက်အိပ်ရေးပျက်တဲ့အခါနောက်တစ်နေ့မှာ အလုပ်တွေကောင်းကောင်းမလုပ်နိုင်တာမျိုးဖြစ်နိုင်ပါတယ်။ စိတ်ထဲမှာ မကြည်သာတာမျိုးလည်းဖြစ်ဖူးမှာပါ။ ဒီလိုဖြစ်တဲ့အခါ အကောင်းဆုံးဖြေရှင်းနိုင်မယ့် နည်းလမ်းကတော့နေ့ခင်း တစ်မှေးလောက်အိပ်လိုက်တာပါပဲ။ ကဖင်းပါတဲ့ အရာတစ်ခုခုကိုသောက်တာထက်နေ့ခင်းတစ်မှေးအိပ်လိုက်တာက စိတ်ခံစားမှုကောင်းမွန်စေဖို့ ပိုပြီးအထောက်အကူပြုနိုင်မှာပါ။ ကုန်ခမ်းသွားတဲ့ အားအင်တွေကိုပြန်လည်ဖြည့်တင်းရာလည်းရောက်ပါတယ်။

နှလုံးကျန်းမာစေနိုင်တယ်

နေ့စဉ်နေ့ခင်းပိုင်းမှာ ၄၅ မိနစ် ၁ နာရီခန့်အိပ်စက်သူတွေဟာသွေးဖိအားအခြေအနေကောင်းမွန်ကြပြီး နှလုံးကျန်းမာကြတယ်၊လို့လေ့လာမှုတစ်ရပ်မှာဖော်ပြပါရှိပါတယ်။ ဒါကြောင့် နှလုံးကျန်းမာချင်ရင်တော့နေ့ခင်းပိုင်း ၁ နာရီ ကနေ ၃ နာရီအတွင်း ၄၅ မိနစ်လောက် သက်တောင့်သက်သာလေးအိပ်စက်ပေးပါ။

ညဘက်ကောင်းကောင်းအိပ်ပျော်စေနိုင်တယ်

နေ့ခင်းဘက်အိပ်ရင် ညဘက်အိပ်ပျော်မှာ မဟုတ်ဘူးလို့ပြောကြလေ့ရှိပါတယ်။ ဒါက တကယ်တော့မဟုတ်ပါဘူး။နေ့ခင်းဘက်အိပ်စက်တာက ညဘက်ကောင်းကောင်းအိပ်ပျော်စေဖို့ အထောက်အကူပြုပေးပါတယ်။ ဒါကြောင့်နေ့ခင်းပိုင်းမှာ တစ်မှေးလောက်တော့မှေးလိုက်ပါ။ ရုပ်ပိုင်းဆိုင်ရာရော စိတ်ပိုင်းဆိုင်ရာပါကျန်းမာစေဖို့နေ့ခင်းတစ်မှေးလောက်တော့မှေးလိုက်ပါ။

တီထွင်ဖန်တီးမှုစွမ်းရည်ကောင်းမွန်စေနိုင်တယ်

နေ့လယ်ခင်းမှာ နှစ်နှစ်ခြိုက်ခြိုက်အိပ်စက်မှုက တီထွင်ဖန်တီးနိုင်စွမ်းကောင်းမွန်စေနိုင်ပါတယ်။ အိပ်စက်မှုက ဦးနှောက်ကို ကျန်းမာစေပြီး တီထွင်ဆန်းသစ်မှုတွေကို အကောင်းဆုံးလုပ်ဆောင်နိုင်စေမှာပါ။

ဒီတော့နေ့ခင်းဘက် အိပ်မလား၊ မအိပ်ဘူးလားဆိုတာကို ကိုယ်တိုင်ပဲ ဆုံးဖြတ်လိုက်ပါနော်။ Hello ဆရာဝန်ပရိသတ်ကြီးရေ……..

Hello Health Groupသည် ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ဘာတွေကများ ဆေးယဉ်ပါးမှုကို ဖြစ်စေတာလဲ………

ကြောက်စရာကောင်းတဲ့ ကျန်းမာရေးပြဿနာထဲမှာ ဆေးယဉ်ပါးတာကလည်း တစ်ခု အပါအဝင်ပေါ့။ ယဉ်ပါးမှုက ကေင်းပေမယ့် ဆေးယဉ်ပါးတာက အသက်အန္တရာယ်ရှိစေနိုင်တဲ့ ကိစ္စတစ်ရပ်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဘေဘီလေးကို အစေ့အဆန် ကျွေးသင့်ရဲ့လား။

အစေ့အဆန်တွေက အဟာရကြွယ်ဝပြီး ဘေဘီလေးတွေကို ကျွေးပေးသင့်တဲ့ အစားအစာပါ။ အစေ့အဆန်တွေက ဓာတ်မတည့်မှုဖြစ်စေနိုင်တယ်ဆိုပေမယ့် ကလေးတိုင်း မဖြစ်နိုင်ပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဘေဘီလေးကို သီဟိုဠ်စေ့ ကျွေးတဲ့အခါ

သီဟိုဠ်စေ့မှာ အရိုးနဲ့သွေးကြောတွေကို ကျန်းမာစေတဲ့ copper၊ မဂ္ဂနီဆီယမ်လိုမျိုး အာဟာရဓာတ် ကြွယ်ဝတဲ့ သီဟိုဠ်စေ့ကို ဘေဘီလေးကို ကျွေးလို့ ရမလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆီးချိုအနာများ အကျက်မြန်စေရန်

ဆီးချိုရောဂါဟာ သွေးတွင်းသကြားဓာတ်ကို မထိန်းချုပ်နိုင်တဲ့ခါ ဖြစ်ပွားပြီး အာရုံကြောများ၊ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကိုဗစ်ကုသရေးမှာအရေးပါလာတဲ့ သွေးတွင်းအောက်ဆီဂျင်ပမာဏတိုင်းတာခြင်း

ကိုဗစ်ကုသရေးမှာအရေးပါလာတဲ့ သွေးတွင်းအောက်ဆီဂျင်ပမာဏတိုင်းတာခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 27, 2020 . 2 mins read
သရက်သီးကပေးတဲ့ ကျန်းမာရေးအကျိုးကျေးဇူးတွေ

သရက်သီးကပေးတဲ့ ကျန်းမာရေးအကျိုးကျေးဇူးတွေ

ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
ပိုမိုကောင်းမွန်တဲ့ ရလဒ်နဲ့အတူ အောင်မြင်မှုလမ်းကြောင်းပေါ်ရောက်ရှိလာတဲ့ အမေရိကန်ရဲ့ ကိုဗစ်ကာကွယ်ဆေး

ပိုမိုကောင်းမွန်တဲ့ ရလဒ်နဲ့အတူ အောင်မြင်မှုလမ်းကြောင်းပေါ်ရောက်ရှိလာတဲ့ အမေရိကန်ရဲ့ ကိုဗစ်ကာကွယ်ဆေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
အမျိုးသမီးများ နှင့် တစ်ကိုယ်ရေ အာသာဖြေခြင်း

အမျိုးသမီးများ နှင့် တစ်ကိုယ်ရေ အာသာဖြေခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read