သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

အိပ်စက်မှုပုံစံနဲ့ ကျန်းမာရေး

အိပ်စက်မှုပုံစံနဲ့ ကျန်းမာရေး

လူတိုင်းမှာ သူတို့နှစ်သက်တဲ့ အိပ်စက်မှုပုံစံတွေရှိကြပါတယ်။ ကိုယ်အိပ်နေကျအိပ်စက်မှုပုံစံမဟုတ်ရင် အိပ်မပျော်တဲ့သူတွေတောင်ရှိတတ်ကြပါသေးတယ်။ တစ်နေ့တာလုံးပင်ပန်းလာသမျှကိုပြေလျော့စေဖို့ အိပ်စက်တဲ့အခါပြည့်ပြည့်ဝဝလေးဖြစ်ဖို့က မဖြစ်မနေလိုအပ်ပါတယ်။ အိပ်ရာကနိုးလာတော့ ခြေလက်တွေနာနေတယ်၊ တစ်ကိုယ်လုံးတောင့်တင်းနေတာပဲ၊ ဇက်ကြောကြီးကတင်းနေတယ်လို့ ကြုံဖူးမှာပေါ့။ ဒါက အိပ်စက်မှုပုံစံကြောင့်ဖြစ်ရတာပါ။

အိပ်စက်မှုပုံစံကလည်း ကျန်းမာရေးအပေါ်သက်ရောက်မှုလေးတွေရှိနေပါတယ်နော်။ ဒီတစ်ခေါက်တော့ အိပ်စက်မှုပုံစံက ကျန်းမာရေးအပေါ်ဘယ်လိုများသက်ရောက်နေသလဲဆိုတာကိုပြောပြပေးမယ်နော်။ တစ်နေ့တာလုံးမှာ အကောင်းဆုံးစွမ်းဆောင်ရည်တွေကို ရရှိစေဖို့အတွက် တစ်ညတာမှာ အိပ်စက်ချိန် ၇ နာရီ ကနေ ၈ နာရီရှိဖို့လိုပါမယ်နော်။ ဒီလိုအပ်စက်တဲ့အချိန်မှာလည်း အိပ်စက်မှုပုံစံမှန်မှန်လေးအိပ်စက်ပါမှ ခန္ဓာကိုယ်ကပြန်အားပြည့်လာမှာပါ။ အိပ်စက်မှုပုံစံမမှန်တဲ့အခါကျောနဲ့လည်ပင်းကနာကျင်တာ၊ ဗိုက်ထဲက မအီမသာဖြစ်တာ နဲ့ အရွယ်မတိုင်ခင် မျက်နှာမှာအရေးအကြောင်းပေါ်တာမျိုးတွေဖြစ်နိုင်ပါတယ်။

အိပ်စက်မှုပုံစံ ကကျန်းမာရေးအပေါ် ဘယ်လိုသက်ရောက်နေတာလဲ

ပက်လက်အိပ်စက်မှုပုံစံ

  • သင်ဟာ ပက်လက်အိပ်တယ်၊ လက်နှစ်ဘက်ကိုဘေးတစ်ဖက်စီမှာ ဆန့်ဆန့်လေးထားပြီး အိပ်တတ်တာဆိုရင်တော့ကောင်းမွန်တဲ့ အိပ်စက်မှုပုံစံလို့ဆိုရပါမယ်။ ဒီအိပ်စက်မှုပုံစံကကျောရိုးနဲ့လည်ပင်းအရိုးတွေကို ကျန်းမာစေနိုင်ပါတယ်။
  • အခြားသူတွေထက်တော့ ပိုဟောက်နိုင်ပါတယ်နော်။

Starfish အိပ်စက်မှုပုံစံ

  • ဒီအိပ်စက်မှုပုံစံကတော့ ပက်လက်အနေအထားအိပ်တာဆိုပေမယ့် လက်နှစ်ဖက်ကို အပေါ်မြှောက်ထားတတ်ပါတယ်။ မျက်နှာပေါ်မှာ အရေးအကြောင်းတွေမဖြစ်အောင်ကာကွယ်ပေးနိုင်သလို အရေပြားတွေထိခိုက်တာမျိုးမဖြစ်အောင်ကာကွယ်နိုင်ပါတယ်။
  • လက်တွေကိုအပေါ်မြှောက်ထားတဲ့အတွက် ပခုံးကိုဝန်ပိစေနိုင်တာကြောင့် ပခုံးကြောတွေနာကျင်တောင့်တင်းတာမျိုးဖြစ်နိုင်ပါတယ်။ အိပ်နေစဉ်ဟောက်တာနဲ့ စားချဉ့်ရည်ပြန်ဆန်တက်တာမျိုးခံစားရနိုင်ပါတယ်။

မှောက်လျက် အိပ်စက်မှုပုံစံ

  • မှောက်လျက်အနေအထား အိပ်စက်မှုက အစာကြေစေဖို့ အထောက်အပံ့ဖြစ်စေနိုင်ပါတယ်။ ဗိုက်ချပ်စေနိုင်ပါတယ်။ အိပ်နေစဉ်ဟောက်တာမျိုးမဖြစ်နိုင်ပါဘူး။ မျက်နှာပြည့်စေနိုင်ပါတယ်။
  • အသက်ရှုကြပ်နိုင်ပါတယ်။ ကျောရိုးကို ကွေးထားသလိုဖြစ်နိုင်တာကြောင့် ခါးနာတာ၊နောက်ကျောအောင့်တာမျိုးဖြစ်နိုင်ပါတယ်။ အခန့်မသင့်ရင် ဇက်ကြောနာနိုင်ပါတယ်။

သန္ဓေသားပုံစံအိပ်စက်မှုပုံစံ

  • ကွေးကွေးလေးအိပ်တဲ့ပုံစံပေါ့။ ဒူးခေါင်းကို ရင်ဘတ်နားထိကွေးထားပြီး တံတောင်ဆစ်ကိုပါ ကွေးတဲ့ပုံစံနဲ့အိပ်စက်တာပါ။ အိပ်စက်ရတာတော်တော်လေးသက်တောင့်သက်သာရှိစေတဲ့ အိပ်စက်မှုပုံစံပေါ့။ အိပ်နေစဉ်မှာဟောက်တာမျိုး မဖြစ်နိုင်သလို ကိုယ်ဝန်ဆောင်ချိန်မှာ စိတ်အချရဆုံးသော အိပ်စက်မှုပုံစံလို့ပြောလို့ရပါတယ်။
  • ဇက်ကြောနဲ့ ခါးကြောတွေ တောင့်တင်းစေနိုင်ပါတယ်။ အသက်ရှုရတာ နည်းနည်းအခက်တွေ့စေနိုင်တယ်။ မျက်နှာမှာ အရေးအကြောင်းတွေဖြစ်စေနိုင်တယ်။

ဘယ်ဘက်စောင်းအိပ်စက်မှုပုံစံ

ခန္ဓာကိုယ်ကို ဘယ်ဘက်ကိုစောင်းအိပ်တယ်၊ လက်နှစ်ဘက်ကို ခန္ဓာကိုယ်နဲ့ ကပ်လျက်အနေအထားနဲ့ ဆန့်ထားပြီး အိပ်စက်မှုပုံစံပါ။ကျောရိုးကိုအကောင်းဆုံး အထောက်အပံ့ပေးနိုင်တဲ့ အိပ်စက်မှုပုံစံပေါ့။ ဇက်ကြော၊ခါးနဲ့ နောက်ကျောနာတာတွေ မဖြစ်အောင် ကာကွယ်ပေးနိုင်ပါတယ်။ အိပ်နေစဉ်အသက်ရှုရပ်တာမျိုး မဖြစ်အောင်ကာကွယ်ပေးနိုင်ပါတယ်။ စားချဉ့်ရည်ပြန်ဆန်တက်တာမျိုး မဖြစ်အောင်ကာကွယ်ပေးနိုင်ပါတယ်။

အသားအရေကို အိုမင်းရင့်ရော်စေနိုင်ပါတယ်။ ရင်သားတွေကိုလျော့ရဲစေနိုင်တယ်။

ဘယ်ဘက်စောင်းပြီး လက်တွေကိုဆန့်ထုတ်အိပ်စက်မှုပုံစံ

  • ခန္ဓာကိုယ်ကို ဘယ်ဘက်ကိုစောင်းအိပ်တယ်၊ လက်နှစ်ဘက်ကို ခန္ဓာကိုယ်ရဲ့ အရှေ့ဘက်ကို ဆန့်ထားပြီးအိပ်စက်တဲ့ အိပ်စက်မှုပုံစံပါ။ ကျောရိုးကိုအကောင်းဆုံး အထောက်အပံ့ပေးနိုင်တဲ့ အိပ်စက်မှုပုံစံပေါ့။ ဇက်ကြော၊ ခါးနဲ့ နောက်ကျောနာတာတွေ မဖြစ်အောင်ကာကွယ်ပေးနိုင်ပါတယ်။ အိပ်နေစဉ် အသက်ရှုရပ်တာမျိုးမဖြစ်အောင် ကာကွယ်ပေးနိုင်ပါတယ်။ စားချဉ့်ရည်ပြန်ဆန်တက်တာမျိုးမဖြစ်အောင်ကာကွယ်ပေးနိုင်ပါတယ်။
  • ကိုယ်ဝန်ဆောင်တွေအနေနဲ့ကတော့ ဘယ်ဘက်စောင်းအိပ်တာက သန္ဓေသားဆီသွေးစီးဆင်းရောက်ရှိမှုကောင်းမွန်စေပါတယ်။
  • လက်မောင်းနဲ့ ပခုံးတွေက အာရုံကြောတွေဆီ သွေးစီးဆင်းရောက်ရှိမှုကို အဟန့်အတားဖြစ်စေနိုင်တာကြောင့် လက်မောင်းနဲ့ ပခုံးတောင့်တာမျိုးတော့ ခံစားရနိုင်ပါတယ်။

ညာဘက်စောင်းအိပ်စက်မှုပုံစံ

  • ညာဘက်စောင်းအိပ်တာက ကျောရိုးကို ဆန့်ဆန့်လေးဖြစ်နေစေပြီး ဇက်ကြော၊ ခါးနဲ့ နောက်ကျောနာတာတွေ မဖြစ်အောင် ကာကွယ်ပေးနိုင်ပါတယ်။ အိပ်နေစဉ် အသက်ရှုရပ်တာမျိုး မဖြစ်အောင် ကာကွယ်ပေးနိုင်ပါတယ်။
  • ဒီအိပ်စက်မှုပုံစံက ရင်ပူတာကိုပိုဆိုးစေနိုင်သလို အသည်းအဆုတ်နဲ့ အစာအိမ်တို့လိုမျိုး ကိုယ်တွင်းအင်္ဂါတွေကိုဝန်ပိစေနိုင်ပါတယ်။

ကဲ စာဖတ်ပရိသတ်ကြီးကရော ဘယ်လိုအိပ်စက်မှုပုံစံကိုပိုင်ဆိုင်ထားသူလဲ……..

health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

8 Sleeping Positions And Their Effects On Your Healthhttps://www.ttsh.com.sg/articles/sleep_positions/ Accessed Date 26 December 2018

How Your Sleep Position Affects Your Healthhttps://www.webmd.com/sleep-disorders/ss/slideshow-sleep-positions Accessed Date 26 December 2018

စာရေးသူ ဓာတ်ပုံbadge
Aye Thi Mon မှ ရေးသားသည်။ 2 ရက် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။