ခန္ဓါဆီမီးချုပ်ငြိမ်းပြီးနောက် ကိုယ်ခန္ဓါမှာ ဘာတွေဆက်ဖြစ်သေးလဲ ။ ။

သေခြင်းတရားဆိုတာ ရှောင်လွဲလို့မရတဲ့ လောကနိယာမ တစ်ခုဆိုတာ လူတိုင်းလက်ခံထားကြတဲ့အရာတစ်ခုပါ။ လူတစ်ယောက် မွေးဖွားလာပြီဆိုကတည်းက တစ်နေ့ကျရင်သေရမယ့်လူချည်းပါပဲ။ မွေးဖွားပြီး နောက်ပိုင်း ကြီးထွားလာမှု အဆင့်ဆင့်ကိုသာ လူတွေသိကြပေမယ့် သေသွားပြီး နောက်ပိုင်း ၁၂ နာရီအတွင်း ကိုယ်ခန္ဓါမှာ ဘာပြောင်းလဲမှုတွေ ဖြစ်သလဲဆိုတာ သေသွားတဲ့သူကိုယ်တိုင်လည်း မသိနိုင်တဲ့အပြင် ကျန်ရစ်ခဲ့တဲ့ မိသားစုလည်း ဘယ်သူမှ အတွင်းကျကျ မသိကြပါဘူး။ စာဖတ် ပရိသတ်ကြီးရောသိချင်ကြလား။ ။

သေပြီးနောက် ၁၂ နာရီအတွင်း ဆက်ဖြစ်နေတဲ့ ရုပ်ပိုင်းဆိုင်ရာ ပြောင်းလဲမှုများ။ ။

ခန္ဓါဆီမီးချုပ်ငြိမ်းပြီးနောက် အသက်ဝိညာဉ်မရှိတော့လို့ ကျန်ခဲ့တဲ့ ရုပ်အကြွင်းကြီးလည်း ချက်ချင်း သူလုပ်နေတဲ့ အလုပ်တွေကို ရပ်လိုက်တယ်လို့ မထင်လိုက်ပါနဲ့။ ။

သေအံ့ဆဲဆဲ အခိုက်အတန့်။ ။

ခုန်နေကျ ဘယ်ဘက်တစ်ခြမ်းက နှလုံးလေးလည်းမခုန်တော့ဘူး၊ နှာသီးဖျားလေးက လေဝင်လေထွက်လည်း မရှိတော့တဲ့ အချိန်ဆို အသက်မရှိတော့ဘူးလို့ အားလုံးက သတ်မှတ်ထားကြပါတယ်။ သေသွားတဲ့အချိန် နှလုံးတို့၊ အဆုတ်တို့သာ ချက်ချင်းရပ်သွားပေမယ့် အလုပ်ဆက်လုပ်နေရတဲ့သူတွေ အများကြီးရှိပါသေးတယ်။ သူတို့ထဲကမှ နာမည်ကြီးကို ပြောရမယ်ဆိုရင် ဦးနှောက်ေပါ့။ ဦးနှောက်တစ်ခု ဆက်ပြီး အလုပ်လုပ်နေသေးတဲ့သူကို ရုပ်ပိုင်းဆိုင်ရာအရ သေသွားပြီလို့ ပြောလို့မရသေးပါဘူး။ ဒါဆို ဘယ်အချိန်မှ ဦးနှောက်က အလုပ်လုပ်တာရပ်မှာလဲ ။ ။

• ဆေးရုံမှာ နှလုံးခုန်ရပ်ပြီး အသက်မရှူတော့တဲ့သူတစ်ယောက်ရဲ့ မျက်လုံးကိုဆရာဝန်တွေ ဓါတ်မီးနဲ့ ကြည့်တာ မြင်ဖူးပါသလား။ ဒါဟာ အလင်းရောင်ကို ဦးနှောက်က တုန့်ပြန်မှု ရှိမရှိနဲ့၊ ဦးနှောက်ဆက်အလုပ်လုပ်နေသေးလားဆိုတာကို သိချင်တာကြောင့်ဖြစ်ပါတယ်။ မီးရောင်ကို ပြန်တုန့်ပြန်တဲ့အနေနဲ့ မျက်လုံး သားငယ်အိမ် ကျုံ့မသွားဘူးဆိုရင် အဲ့ဒီလူက တကယ်ကို ဘဝပြောင်းသွားပါပြီ။ ။

သေပြီးနောက် ၁ နာရီ။ ။

လူတစ်ယောက်သေသွားပြီဆိုရင် လက်ကလေး ပျော့ပြီး ပြုတ်ကျသွားတာမျိုး ရုပ်ရှင်တွေထဲမှ ပြလေ့ရှိတယ်မလား။

• လူတစ်ယောက် အသက် မရှိတော့ဘူးဆိုတာနဲ့ နောက်အချိန် ၁နာရီအတွင်းမှာ ကိုယ်ခန္ဓါကကြွက်သားတွေအားလုံး ပျော့ကုန်ပါတယ်။ ဒါကို primary flaccidity ပထမအကြိမ်ကြွက်သားပျော့ခြင်းလို့ခေါ်ပါတယ်။
• ဒီ ၁နာရီ အတွင်းမှာ အသားအရေတွေကလည်း လျော့ရဲလာမယ်။
• နှလုံးဆီကလည်း သွေးတွေ ဆက်မပို့်တော့တဲ့အတွက် အရင် ပန်းရောင်သန်းတဲ့ ကိုယ်ခန္ဓါက ဖြူလျော်လာမယ်။
• အသားကိုကိုင်ကြည့်လိုက်ရင်လည်း အေးစက်နေပါတယ်။ ။

သေပြီးနောက် ၂ နာရီမှ ၆ နာရီအတွင်း။ ။

သေပြီးနောက် ၇ နာရီကနေ ၁၂ နာရီ။ ။

• ခြေတွေလက်တွေက တောင့်လာတဲ့အတွက် နေရာရွေ့ရတာ၊ ပြန်ဖြောင့်ပေးရတာ မလွယ်တော့ပါဘူး။
• ဒူးခေါင်းတို့ တံတောင်ဆစ်တို့က အနည်းငယ် ကွေးလို့ဆန့်လို့ရသေးပေမယ့် ခြေချောင်းလက်ချောင်းတွေက စတင်ကောက်ကွေးလာပါပြီ။

၁၂ နာရီနောက်ပိုင်း ။ ။

အချုပ်ပြောရမယ်ဆိုရင် သေပြီးပြီးချင်း ကိုယ်ခန္ဓါကအလုပ်တွေ အားလုံး ရပ်တန့်သွားတာမဟုတ်ပါဘူး။ သေပြီး ၃ နာရီဝန်းကျင်လောက်မှာ ကြွက်သားတွေ စတောင့်လာမယ်။ ကြွက်သားတောင့်တာက ၁၂ နာရီလောက်အထိပဲ ရှိနေတတ်ပါတယ်။၁၂ နာရီနောက်ပိုင်းကျရင်တော့ ကြွက်သားတွေ တစ်ဖန် ပျော့သွားဦးမှာပါ ။

ခန္ဓါဆီမီးချုပ်ငြိမ်းပြီးနောက် ဘာတွေဆက်ဖြစ်သေးလဲ ဆိုတာကို သေသွားတဲ့ သူကလည်း မပြောနိုင်၊ ကျန်ရစ်တဲ့သူတွေကလည်း မသိနဲ့ မရှင်းမရှင်းဖြစ်နေသူများအတွက် ရည်ရွယ်ပါတယ်။ ။

Dr. Thin Yadanar