သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

null

အသားစားလို့ သန်ထတာလား

    အသားစားလို့ သန်ထတာလား

    အသားတွေမစားနဲ့ သန်ထမယ်။ သန်ထနေတယ် အသားစားလို့ဖြစ်ပါ့မလားဆိုပြီး စိတ်ပူနေတဲ့ Hello ဆရာဝန်ပရိသတ်ကြီးများရှိလား။ ဒါဆိုရင်တော့ ဒီအယူအဆမှန်လားဆိုတာကို သိရဖို့ ဒီဆောင်းပါးလေးကိုဖတ်ကြည့်လိုက်ပါ။

    သန်ကောင်တွေရဲ့ခြေကုပ်

    သန်ကောင်တွေက လူသားတွေရဲ့ အစာခြေစနစ်ထဲမှာနေပြီး စားလိုက်တဲ့ အစာအာဟာရတွေကိုခေါင်းပုံဖြတ်နေကြတာပါ။ ကိုယ်ကစားရင်း သူကထွားရင်းပါ။ အရွယ်ရောက်ပြီးသူတွေမှာသိပ်မသိသာပေမယ့် ဖွံ့ဖြိုးဖို့အရှိန်ယူနေတဲ့ဘေဘီလေးတို့မှာတော့ ကြီးထွားဖွံ့ဖြိုးမှုကို ထိခိုက်စေနိုင်ပါတယ်။ အခန့်မသင့်ရင် အန္တရာယ်ရှိတဲ့အနေအထားတွေဖြစ်စေနိုင်ပါတယ်။ ဥအခြေအနေနဲ့ ကိုယ်တွင်းကိုဝင်ရောက်သွားပြီး ကိုယ်တွင်းထဲရောက်မှာ အကောင်အဖြစ်ရှင်သန်ပေါက်ဖွားကြတာပါ။

    သန်ကောင်တွေရှိနေတယ်ဆိုတဲ့ လက္ခဏာတွေက

    ခန္ဓါကိုယ်ထဲမှာ သန်ကောင်တွေရှိနေတဲ့အခါ

    • ဗိုက်ထဲကအောင့်မယ်
    • ဝမ်းသွားမယ်
    • ဝမ်းပျက်မယ်
    • အော့အန်မယ်
    • လေပွမယ်
    • ခြေကုန်လက်ပမ်းကျမယ်
    • အကြောင်းအရင်းမရှိဘဲ ကိုယ်အလေးချိန်ကျလာမယ်
    • ဗိုက်ထဲကစူးခနဲအောင့်မယ်
    • ဗီတာမင်ချို့တဲ့မယ် စတဲ့လက္ခဏာတွေခံစားရနိုင်ပါတယ်။

    ဘေဘီလေးတွေမှာဆိုရင်တော့

    • ဝမ်းပျက်တာ
    • ဝမ်းအရည်တွေသွားတာ၊
    • ဝမ်းကအရမ်းနံတာ၊
    • ဝမ်းခဏခဏသွားတာ
    • လေပွပြီး ဗိုက်အောင့်တာ၊
    • ဗိုက်ထဲက စူးစူးနဲ့အောင့်တာ
    • အစားတွေအရမ်းစားပြီး ဝမလာတာ၊
    • တံထွေးတွေ တစ်ချိန်လုံးထွက်နေတာ
    • အစားလုံးဝကျွေးမရတာ၊
    • စအိုတဝိုက်ယားယံနေတာတွေဖြစ်နိုင်ပါတယ်။

    တစ်ခါတလေဗိုက်ထဲမှာ သန်ကောင်တွေရှိနေတာကို နှစ်တော်တော်ကြာတဲ့အထိသတိမထားမိတာမျိုးဖြစ်နိုင်ပါတယ်။

    အသားစားလို့ သန်ထတာလား…….

    အသားစားလို့ သန်ထတာမဟုတ်ပါဘူး။သေချာကျက်အောင်ချက်ပြုတ်ထားတဲ့ အသားတွေက သန်ကောင်ဖြစ်စေတာမျိုးမရှိဘဲ ခန္ဓါကိုယ်အတွက် လိုအပ်တဲ့ ပရိုတင်းပမာဏကိုပြည့်ဝစွာပေးစွမ်းနိုင်ပါတယ်။ သန်ကောင်ကူဒစက်ရတာကသေချာချက်မထားတဲ့ အသားတွေကို စားသုံးတာ၊ အသားစိမ်းငါးစိမ်းတွေကို စားတာ၊ သန့်ရှင်းမှုအားနည်းတဲ့ အသား၊ငါးတွေကို စားသုံးတာကြောင့်ဖြစ်ရတာပါ။ ပုစွန်ခြောက်၊ ငါးခြောက်၊ ငါးချဉ်တို့မျိုးအစားအစာတွေကြောင့်တော့ သန်ကောင်တွေကူးစက်ခံရနိုင်ပါတယ်။ ဒါ့ကြောင့်သေချာကျက်အောင်ချက်ထားတဲ့ အသား၊ ငါးတွေက အာဟာရဖြစ်စေဖို့ အားဖြည့်ပေးပြီး သန်ထတာမျိုး မဖြစ်စေနိုင်ပါဘူး။

    ဘယ်လိုနည်းနဲ့ သန်ကောင်တွေကူးစက်တာလဲ

    မြေကြီးတွေထဲမှာ သန်ကောင်ဥတွေရှိနေတတ်ပြီး စားရင်းကနေတဆင့် လက်တွေ၊ လက်သည်းတွေထဲမှာ ကပ်ပါလာရာက ခန္ဓါကိုယ်ထဲကို ကူးစက်နိုင်ပါတယ်။

    • ညစ်ပေတဲ့လက်တွေနဲ့ အစားစားတာ၊
    • သန့်ရှင်းမှုနည်းတဲ့ စားတွေစားမိတာ၊
    • မသန့်တဲ့ရေတွေသောက်မိတာ၊
    • တစ်ကိုယ်ရေသန့်ရှင်းရေးအားနည်းတာ၊
    • သေချာချက်ပြုတ်မထားတဲ့ အသားတွေကို စားသုံးတာ
    • တိရစ္ဆာန်တွေနဲ့ လက်ပွန်းတတီးနေတာ
    • လူသားတွေနဲ့တိရစ္တာန်တွေရဲ့ အညစ်အကြေးတွေ
    • အိမ်သာ၊ အိမ်သာတံခါးလက်ကိုင်တွေမှာလည်း သန်ကောင်ဥတွေကရှိနေနိုင်ပါတယ်။

    ဘယ်လိုကာကွယ်မလဲ

    သန်ကောင်တွေကို ခန္ဓါကိုယ်ထဲမရောက်အောင် ကာကွယ်ဖို့အတွက် ဒီနည်းလမ်းလေးတွေက အသုံးတည့်မှာပါ။

    • အလွယ်ကူဆုံးနည်းလမ်းက လက်သန့်ရှင်းရေးကိုဂရုစိုက်တာပါ။
    • အိမ်သာအဆင်း၊ အစာမစားခင်၊ ညစ်ပေတာတွေကို ကိုင်တွယ်ပြီးတိုင်း လက်ကို သန့်စင်အောင်ဆေးကြောပေးပါ။ အပြင်ကနေ အိမ်ပြန်ရောက်ချိန်မျာလည်း လက်ကိုဆေးကြောပေးပါ။
    • သစ်သီးတွေ ဟင်းသီးဟင်းရွက်တွေကိုသေချာသန့်စင်အောင်ဆေးကြောပေးပါ။
    • ပြင်ဆင်ချက်ပြုတ်တဲ့အခါ သန့်သန့်ရှင်းရှင်းလုပ်ပါ။
    • သန့်ရှင်းမှုအားနည်းတဲ့ အစားအစာတွေမစားပါနဲ့။
    • အစားအစာတွေကို ကျက်အောင်ချက်ပါ။
    • သောက်သုံးရေ သန့်ရှင်းမှုကို ဂရုပြုပါ။
    • ၆ လတစ်ကြိမ် ပုံမှန်သန်ချပါ။
    • ကလေးကိုတွေ့ကရာပါးစပ်ထဲကောက်ထည့်တာမျိုးမလုပ်အောင် ဂရုစိုက်ပါ။
    • အိမ်မွေးတိရစ္ဆာန်လေးတွေကိုလည်း ၆ လတစ်ကြိမ် သန်ချပါ။
    • အောက်ကျသွားတဲ့ အစားအစာတွေကိုကောက်မစားပါနဲ့။
    • အသားစိမ်း၊ငါးစိမ်းတွေမစားပါနဲ့။

    Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Tapeworms in Humanshttps://www.webmd.com/digestive-disorders/tapeworms-in-humans#1 Accessed Date 8 August 2019

    What Are Intestinal Worms?https://www.healthline.com/health/intestinal-worms#complicationsAccessed Date 8 August 2019

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 08/07/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။