သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ပြားချပ်ချပ် တင်ပါးလေးကို ဘယ်လိုပုံပြန်သွင်းမလဲ

ပြားချပ်ချပ် တင်ပါးလေးကို ဘယ်လိုပုံပြန်သွင်းမလဲ

တင်ပါးဆိုတာ မိန်းကလေးတွေအတွက်ပဲ အရေးကြီးတယ်ထင်ရင်တော့ မှားသွားပါလိမ့်မယ်။ ကျား၊ မ၊ အသက်အရွယ် တင်ပါးလေးလုံးပြီး ကြွက်သားနဲ့ တင်းတင်းရင်းရင်းနဲ့ ဖြစ်နေမှ အဲ့လူတစ်ယောက်က တော်တော်လေးကို ကြည့်ကောင်းမှာပါ။ တင်ပါးက ပြားချပ်ပြီး ပေါက်သွားတဲ့ ဘီးလို လေရှုံ့နေရင်တော့ အဆင်မပြေဘူးပေါ့။ ဒီလို တင်ပါးပြားချပ်တဲ့ ပြဿနာက ကျန်းမာရေးကြောင့်မဟုတ်ဘဲ ကိုယ့်ရဲ့ နေထိုင်မှုပုံစံ၊ အသက်အရွယ်နဲ့ အများကြီးသက်ဆိုင်မှုရှိပါတယ်။ ဒီနေ့ဆောင်းပါးမှာ တင်ပါးလှခြင်းရဲ့ ကောင်းကျိုးတွေနဲ့ လုံးဝန်းတဲ့ တင်သားတစ်စုံရစေဖို့ ဘာတွေလုပ်သင့်လဲဆိုတာ ပြောပြပေးသွားမှာဖြစ်ပါတယ်။

တင်ပါးလှခြင်းရဲ့ အားသာချက်တွေ

ကျန်းမာသွက်လက်တဲ့ လူတစ်ယောက်ရဲ့ ခန္ဓါကိုယ်အစိတ်အပိုင်းတွေထဲမှာ လုံးဝန်းလှပတဲ့ တင်ပါးကောက်ကောက်လေးတွေလည်း ရှိနေဖို့လိုပါတယ်။ ကြွက်သားတွေနဲ့ အဆီပိုမရှိတဲ့ တင်ပါးက လူတစ်ယောက်ရဲ့ ကိုယ်နေဟန်ထားကို ဟန်ချက်ညီစေတယ်။ ခါးကို မတ်မတ်ရပ်ဖို့ အနောက်ကနေ ထောက်မပေးတယ်။ လေ့ကျင့်ခန်းလုပ်တဲ့အခါမှာလည်း ပိုပြီး အားစိုက်ထုတ်နိုင်ဖို့ ကြွက်သားအဖြစ် ကူညီပေးတယ်။ လမ်းလျှောက်တာ ပိုသွက်လက်လာတယ်။ တင်ပါးဆုံရိုးကို မထိခိုက်စေဖို့ အပြင်ကနေ ကာကွယ်ပေးနိုင်ပါတယ်။

ဘာကြောင့် တင်ပါးလေးတွေ ပြားချပ်ချပ်ဖြစ်လာတာလဲ

အဓိကပြဿနာကတော့ အထိုင်များြပီး လှုပ်ရှားမှုနည်းလွန်းတာကြောင့်ပါပဲ။ နေ့တိုင်းလိုလို တစ်နေရာထဲမှာပဲ စွဲစွဲမြဲမြဲ မလှုပ်မယှက် ထိုင်နေမယ်။ လေ့ကျင့်ခန်းကလည်း မလုပ်ဘူး။ လှုပ်ရှားမှုတွေ နည်းသွားတဲ့အခါ တင်ပါးကြွက်သားတွေက လျော့ရဲသွားပါတယ်။ ကြာလာတာနဲ့အမျှ တင်ပါးကြွက်သားတွေ ပျော့ခွေနေပြီး အားမရှိသလို ဖြစ်နေမယ်။ နည်းနည်းလေး လူကလှုပ်ရှားလိုက်တာနဲ့ ကြွက်သားအရိုးအဆစ်တွေ နာကျင်ကိုက်ခဲပြီး ညောင်းလာမယ်။ ထိခိုက်ဒဏ်ရာဖြစ်တဲ့အခါမှာလည်း အရိုးကိုပါ ထိခိုက်နိုင်ဖို့ ပိုလွယ်ကူနိုင်ပါတယ်။

ဒါဆိုရင် တင်ပါးကြွက်သားတက်ဖို့ ဘယ်လိုပြုမူနေထိုင်သင့်လဲ။

၁။ ကျန်းမာရေးပြဿနာ တစ်စုံတစ်ရာကြောင့်မဟုတ်ဘဲ ကိုယ့်ရဲ့ နေပုံထိုင်ပုံနဲ့သာ သက်ဆိုင်တာကြောင့် ဒါကို အဓိကပြင်လိုက်မယ်ဆိုရင်တော့ အဆင်ပြေသွားမှာပါ။ အဓိက အစားအသောက်အနေနဲ့ အဆီနည်းပြီး အသားတက်စေမယ့် ပရိုတင်းဓါတ်ကြွယ်ဝတဲ့ အသား၊ ငါး၊ နို့ထွက်ပစ္စည်းတွေ၊ ပဲအမျိုးမျိုး အဓိကစားပေးပါ။ တစ်နေ့တာအတွက် ကုန်ဆုံးသွားတဲ့ ခွန်အားတွေကို ဖြည့်စွက်ပေးဖို့ ကစီဓါတ်ပါဝင်တဲ့ ကန်စွန်းဥ၊ အာလူးတွေကိုလည်း စားပေးသင့်ပါတယ်။ အစာစားချိန်မှာ အစာစားပါ။ ညအိပ်ချိန်ကိုလည်း တစ်နေ့ ၇နာရီ အနည်းဆုံးရှိစေဖို့ ဂရုစိုက်ပေးပါ။

၂။ နောက်ထပ်တစ်ချက်ကတော့ လေ့ကျင့်ခန်းနဲ့ အားကစားပါပဲ။ တင်ပါးပြားချပ်နေတဲ့သူတော်တော်များများကို ကြည့်လိုက်ရင် ငြိမ်ငြိမ်လေးထိုင်နေတတ်ပြီး လေ့ကျင့်ခန်းလည်းမလုပ်၊ အားကစားလည်း မလိုက်စားကြတာ ပိုများပါတယ်။ ဒါကြောင့် အစာလည်း စားမယ်၊ လေ့ကျင့်ခန်းလည်း ပုံမှန်လုပ်မယ်၊ မနက်ပိုင်းမှာ လမ်းလျှောက်မယ်၊ ပြေးမယ်ဆိုရင် တော်တော်လေး အဆင်ပြေမှာပါ။ ဒါကြောင့် မနက်အိပ်ရာနိုးပြီဆိုရင် ရေမချိုးခင် အိပ်ထ မတင်၊ ထိုင် ထ လေ့ကျင့်ခန်း ပုံမှန်လုပ်ပေးပါ။ အချိန်ရမယ်ဆိုရင် မနက်တိုင်း လမ်းလျှောက်ပါ။ နာရီဝက်ခန့် ချွေးထွက်အောင် လမ်းလျှောက်ပြီးသွားရင် ၁၀မိနစ်လောက် အပြေးလေ့ကျင့်ပါ။ အားကစားအနေနဲ့ ကိုယ်အဆင်ပြေတဲ့ အချိန်လေးမှာ ရေကူးလေ့ကျင့်ပေးပါ။ သက်လုံကောင်းစေပြီး ကိုယ်ခန္ဓါတစ်ခုလုံးမှာ ရှိတဲ့ကြွက်သားတွေကို ပုံသွင်းပေးတဲ့အတွက် ကြွက်သားတက်လိုသူတွေ၊ အရပ်ရှည်လိုသူတွေအတွက် အကောင်းဆုံးပါပဲ။

၃။ ကိုယ်က တတ်နိုင်လို့ Gym မှာ စနစ်တကျ ဆော့မယ်ဆိုရင်တော့ နည်းပြဆရာနဲ့ သေချာလေ့ကျင့်တာ ပိုကောင်းပါတယ်။ အောက်ပိုင်းထိုင်ရမယ့် ရက်တွေမှာ နာမှာကြောက်တာနဲ့ မပျက်လိုက်ပါနဲ့။ ကိုယ်နိုင်သလောက် အလေးကနေ ဖြည်းဖြည်းချင်း မပြီး နောက်ပိုင်း ကိုယ့်အတွက် နေသားကျသွားပြီဆိုရင် အလေးတိုးပါ။ အလေးမ အားကစား၊ အလေးတုံးဖြင့် ထိုင်ထလုပ်တာ၊ တင်ပါးကို နောက်ကော့တဲ့ လေ့ကျင့်ခန်း၊ ဒူးခေါင်းတစ်ဖက်ကို ရှေ့သို့ကွေးပြီး တွန်းပို့တဲ့ လေ့ကျင့်ခန်း၊ ခြေတစ်ဖက်ကို ဒူးထောက်ထားပြီး ကျန်တစ်ဖက်နဲ့ အနောက်ကို ဆန့်တန်းတာ အစရှိတဲ့ တင်ပါးနဲ့ အောက်ပိုင်းခြေသလုံးကြွက်သားအစုံကို လေ့ကျင့်ပေးလို့ ရပါတယ်။ အစပိုင်းမှာတော့ မခံမရပ်နိုင်အောင် နာကျင်ကိုက်ခဲနေမှာပါ။ တစ်လလောက် ပုံမှန်လေး ကစားပေးလိုက်ရင် ဒီနာကျင်မှုဟာ ပုံမှန်ဖြစ်သွားမှာပါ။ တကယ်က နာကျင်တယ်ဆိုတာလည်း လေ့ကျင့်ခန်းကို ကိုယ်က မှန်မှန်ကန်ကန် လုပ်နေပြီး ကိုယ့်ရဲ့ ကြွက်သားကို ပုံသွင်းပေးနေတာပါပဲ။

အပေါ်မှာ ပြောခဲ့သလိုပါပဲ။ တင်ပါးဆိုတာ လူ့ခန္ဓါကိုယ်ကို ထိန်းမပေးတဲ့ အစိတ်အပိုင်းတစ်ခုဖြစ်တာကြောင့် ဒီနေရာကိုလည်း သေချာလေ့ကျင့်ပေးဖို့ မမေ့သင့်ပါဘူး။ အထူးသဖြင့် လိင်မှုကိစ္စမှာလည်း အမျိုးသမီးတွေအတွက်သာမက အမျိုးသားတွေအတွက်ပါ ပိုပြီး အားစိုက်ထုတ်နိုင်စေဖို့ ကူညီပေးတယ်ဆိုတော့ ခုပဲ တင်ပါးကြွက်သားလှအောင် လေ့ကျင့်လိုက်ကြရအောင်လား။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Causes Of Flat Butt –https://www.healthline.com/health/flat-butt#1 (May 29, 2019)

How To Get Wider Hips –https://www.healthline.com/health/fitness-exercise/how-to-get-wider-hips (May 29, 2019)

 

စာရေးသူ ဓာတ်ပုံbadge
Ye Myo Myat မှ ရေးသားသည်။ 28/10/2021 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။