လေ့ကျင့်ခန်းလိုက်စားခြင်းဖြင့် လူ့ဘဝသက်တမ်းကို မြှင့်တင်ကြမယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 13, 2020 . 2 mins read
Share now

လေ့ကျင့်ခန်းဟာ ခန္ဓာကိုယ် အလှအပအတွက်သာမက ရုပ်ပိုင်းဆိုင်ရာ၊ စိတ်ပိုင်းဆိုင်ရာ ကျန်းမာရေးအတွက်ပါ အကျိုးကျေးဇူးများစွာ ပေးစွမ်းနိုင်တယ်ဆိုတာ သိပြီးသားဖြစ်မှာပါ။ ကလေးဘဝက စလို့ လူကြီးဖြစ်လာတဲ့အထိ လေ့ကျင့်ခန်းကို ပုံမှန်လုပ်ပေးခြင်းဖြင့် အရွယ်တင်နုပျို ကျန်းမာစေသလို ရုတ်တရက်သေဆုံးနိုင်ခြေကိုလည်း ၃၀ ရာခိုင်နှုန်းထိ လျှော့ချပေးနိုင်ပါတယ်။

ရုပ်ပိုင်းဆိုင်ရာ ကျန်းမာရေးအတွက် အကျိုးပြုပုံ

အားကစား လုပ်ခြင်းဖြင့် အဆုတ်၊ နှလုံးကို အားကောင်းလာစေတယ်။ အသက်ကို ဝဝလင်လင် ရှူရှိုက်ရတဲ့အပြင် သွေးလည်ပတ်မှုနှုန်း မြန်ဆန်လာခြင်းကြောင့် နှလုံးကို ကျန်းမာစေတယ်။ အဆီနဲ့ ကယ်လိုရီတွေကို လောင်ကျွမ်းစေလို့ အဝလွန်ခြင်းကို ကာကွယ်ပေးပြီး ကျန်းမာတဲ့ ကိုယ်အလေးချိန်တစ်ခု ဖြစ်အောင် ထိန်းညှိပေးနိုင်ပါတယ်။

ဒါ့အပြင် လေ့ကျင့်ခန်း လုပ်ခြင်းဟာ လူတစ်ယောက်ရဲ့ အစာစားချင်စိတ်ကို မြှင့်တင်ပေးသလို ကျန်းမာစွာ စားသောက်နေထိုင်ခြင်းကို လိုက်နာစေဖို့ အားပေးအားမြှောက်ပြုပေးတယ်။ အလုပ်ခွင်မှာ ပင်ပန်းညောင်းကိုက်နေသမျှ ဒဏ်တွေကို အားကစားလုပ်ခြင်းဖြင့် သက်သာလန်းဆန်းသွားစေသလို ညဘက်မှာ ကောင်းစွာ အိပ်ပျော်နိုင်ဖို့အတွက်လည်း ကူညီပေးနိုင်ပါတယ်။

စိတ်ပိုင်းဆိုင်ရာကို ဘယ်လိုအကျိုးပြုပေးလဲ။

စိတ်နဲ့ ခန္ဓာသည် အပြန်အလှန် မှီခိုဆက်စပ်နေတာ သဘာဝပါ။ ရုပ်ခန္ဓာက ကျန်းမာလာတဲ့အခါ စိတ်ဖိစီးမှုတွေ၊ စိတ်ညစ်စရာတွေနဲ့ ကြုံလာရရင်တောင် လူတွေက ပိုပြီး ခံနိုင်ရည်ရှိသွားတယ်။ လောကကြီးနဲ့ လူတွေအပေါ် အကောင်းမြင်စိတ်တွေ ထားတတ်လာမယ်။ လန်းလန်းဆန်းဆန်း ဖြစ်လာပြီး တစ်နေ့တာကို ပျော်ရွှင်စွာနဲ့ ဖြတ်ကျော်သွားနိုင်မယ်။ ခန္ဓာကိုယ်ကပါ အရင်ကလို မဟုတ်ဘဲ ပြောင်းလဲလှပလာတဲ့အတွက် ကိုယ့်ကိုယ်ကိုယ် ယုံကြည်မှုလည်း တိုးလာစေနိုင်ပါတယ်။

တစ်နေ့တာနေထိုင်မှုပုံစံကို ပြောင်းလဲဖို့ ယနေ့က စတင်လိုက်ပါ။

၁။ ကလေးတွေအတွက် အပြင်ထွက်ပြီး အချိန်နဲ့ ဆော့ကစားခွင့်ပေးလိုက်ပါ။ အားလပ်ရက်တွေမှာ မိသားစုလိုက် လေ့ကျင့်ခန်းလုပ်တာ၊ ရေကူးသင်ပေးတာမျိုး၊ လုပ်ပေးပါ။ မိဘတွေပါ သားသမီးတွေနဲ့ အတူ လေ့ကျင့်ခန်း လိုက်စားတာက ပိုပျော်ဖို့ကောင်းသလို ကလေးတွေအတွက်လည်း လေ့ကျင့်ခန်း လုပ်ချင်စိတ် ပိုဖြစ်မိမှာပါ။

၂။ လူငယ်ပိုင်းတွေအနေနဲ့ အမြဲတမ်း ငြိမ်ငြိမ်လေး ထိုင်တာမျိုး မလုပ်ပါနဲ့။ တစ်နေ့ကို အနည်းဆုံး မိနစ် ၂၀၊ နာရီဝက်ခန့် လမ်းလျှောက်တာ၊ ပြေးတာမျိုး လုပ်ပေးပါ။ အချိန်ပေးနိုင်ရင်တော့ Gym မှာ နည်းပြဆရာနဲ့ အတူ စနစ်တကျ လေ့ကျင့်ခန်းလုပ်၊ အလေးမတာမျိုး လုပ်ပေးပါ။

၃။ လူကြီးပိုင်းတွေအနေနဲ့ အပြင်းအထန် လေ့ကျင့်ခန်း လုပ်တာမျိုးထက်စာရင် ပေါ့ပေါ့ပါးပါးနဲ့ အားစိုက်ထုတ်စရာ မလိုတဲ့ လေ့ကျင့်ခန်းမျိုးတွေကို ဦးစားပေးပါ။ လမ်းလျှောက်တာ၊ ယောဂကျင့်တာ၊ အေရိုးဗစ် ကိုယ်ကာယ လေ့ကျင့်ခန်းမျိုးဆိုရင် အဆင်ပြေပါတယ်။

၄။ လေ့ကျင့်ခန်းကို လုံးဝမလုပ်တာထက် တစ်ပတ် တစ်ကြိမ်လောက်ပဲ လုပ်ပေးနိုင်ရင်တောင် အကျိုးထူးရှိပါတယ်။ နေ့စဉ် လုပ်ပေးနိုင်ရင်တော့ စိတ်နဲ့ ခန္ဓာ ကျန်းမာရေးအတွက် အကောင်းဆုံး ဖြစ်မှာပါ။

၅။ လေ့ကျင့်ခန်းကို အလှအပ တစ်ခုတည်းအတွက် မဟုတ်ဘဲ ကျန်းမာရေးရှုထောင့်ကနေပါ လိုက်စားပေးဖို့တော့ လိုပါတယ်။ လေ့ကျင့်ခန်းအပြင် အစာအာဟာရကို ဂရုစိုက် စားသုံးခြင်း၊ အိပ်ချိန်ကို ပြည့်ဝစွာ အိပ်စက်အနားယူခြင်း၊ ကျန်းမာရေးကို ထိခိုက်စေမယ့် အပြုအမူတွေကို ရှောင်ရှားခြင်းဖြင့်လည်း လူ့ဘဝသက်တမ်းကို မြှင့်တင်ပေးနိုင်ပါတယ်။

Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာ ကောင်းတဲ့ ဘဝနေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ရေဓာတ်ခန်းခြောက် ခြင်းက လူတိုင်းအတွက် မကောင်းပေမယ့် ဆီးချို နဲ့ ရောဂါအခံရှိသူတွေအတွက် ထိခိုက်မှုက ပိုများပါတယ်။ သေချာလေး ဂရုစိုက်ဖို့လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မုယော ရဲ့ကျန်းမာရေး အာနိသင်

မုယော (malt) လို့ ပြောလိုက်ရင် အရင်ဆုံး ပြေးမြင်တာ ဘာလဲ။ malted milk လား။ မုယော အားဖြည့်အချိုရည်တွေလား .......................................

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး တွေက ဘာတွေများ ဖြစ်မလဲ။ မျက်လုံး ဓာတ်မတည့်မှုကို မြန်မြန် သက်သာစေနိုင်ဖို့အတွက် ......

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ ကော်လာဂျင်က ကျန်းမာရေးအတွက် အကျိုးကျေးဇူးတွေ များပေမယ့်  ကော်လာဂျင်ကို အသားအရေအတွက် အဓိက သောက်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အရက်

အရက်ကို တစ်စက်မှ သောက်လို့မဖြစ်တဲ့ အခိုက်အတန့်များ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် မေ 30, 2021 . 2 mins read
လူကြီးတွေမှာ အစာစားချင်စိတ်ပျောက်

ဘိုးဘိုးဘွားဘွားတွေ အစာစားချင်စိတ်ပျောက်ဆုံး နေခဲ့ရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် မေ 21, 2021 . 2 mins read
လေ့ကျင့်ခန်းလုပ်တဲ့အခါ ထိခိုက်ဒဏ်ရာ နည်းအောင် ဘယ်လို ဂရုစိုက်ကြမလဲ။

လေ့ကျင့်ခန်းလုပ်တဲ့အခါ ထိခိုက်ဒဏ်ရာ နည်းအောင် ဘယ်လို ဂရုစိုက်ကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် မေ 21, 2021 . 2 mins read
ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read