backup og meta
ကျန်းမာစေမည့် ကိုယ်လက်လှုပ်ရှားမှုများ
အခြားလေ့ကျင့်ခန်းများ

အထိုင်များသူတို့အတွက် လေ့ကျင့်ခန်း

အထိုင်များသူတို့အတွက် လေ့ကျင့်ခန်း

တစ်နေ့တာမှာ လုပ်ဆောင်ရတဲ့ အလုပ်တွေက ထိုင်ရာကမထတမ်း လုပ်နေရတာလား ….. တစ်နေ့တာရဲ့ အချိန်တော်တော်များများကို ထိုင်နေရပြီဆိုရင်တော့ ဒီအကျင့်ကိုပြင်ဖို့ လိုနေပါပြီ။ ဒီလို အထိုင်များတာက တိုးတက်လာတဲ့ လူနေမှုပုံစံရဲ့ တစ်စိတ်တစ်ပိုင်းဆိုပေမယ့် စိတ်ရောကိုယ်ပါ ကျန်းမာမှုကို ထိခိုက်စေနိုင်ပါတယ်။ ဒီတစ်ခေါက်တော့ အထိုင်များသူတို့အတွက် လေ့ကျင့်ခန်း တွေက ဘာတွေဖြစ်မလဲဆိုတာကို ပြောပြပေးချင်ပါတယ်။ အထိုင်များတာကြောင့် ကျန်းမာရေး မထိခိုက်စေဖို့အတွက် အတူတူ ဖတ်ကြည့်လိုက်ရအောင်လား။

အထိုင်များတာက ကျန်းမာရေးကို ထိခိုက်စေနိုင်ပါတယ်

အထိုင်များလေလေ အသက်တိုနိုင်လေလေပါ။ တစ်နေ့တာမှာ မတ်တတ်ရပ်ရချိန်၊ လှုပ်ရှားသွားလာရချိန် များတာက အသက်ရှည်စေဖို့ ထောက်ကူပေးနိုင်ပါတယ်။ တစ်နေ့ကို ၄ နာရီနဲ့အထက် ဆက်တိုက်ထိုင်ရမယ်ဆိုရင်တော့ အထိုင်များနေပါပြီ။

ဒီလို အထိုင်များတာက ကျန်းမာရေးကို အခုလို ထိခိုက်စေနိုင်ပါတယ်။

အထိုင်များသူတို့အတွက် လေ့ကျင့်ခန်း

အထိုင်များသူတို့အတွက် လေ့ကျင့်ခန်း

အထိုင်များတာကြောင့် ကျန်းမာရေး မထိခိုက်စေဖို့ဆိုရင် လေ့ကျင့်ခန်း လုပ်ပေးလို့ ရပါတယ်။ အချိန်ကုန် သက်သာစေပြီး စိတ်ရောကိုယ်ပါ ကျန်းမာလို့ အထိုင်များတာကြောင့် ကျန်းမာရေး မထိခိုက်စေမယ့် လေ့ကျင့်ခန်းတွေက ဘာတွေလဲဆိုတာကို အတူတူ ဆက်ကြည့်လိုက်ရအောင်နော်။

လမ်းလျှောက်ပါ

လမ်းလျှောက်တာက စိတ်ရောကိုယ်ပါ ကျန်းမာစေမယ့် အလွယ်ကူဆုံး လေ့ကျင့်ခန်းပါ။ အထိုင်များသူတွေအတွက် အတော်လေး သင့်တော်ပါတယ်။ တစ်နေ့ကို မိနစ် ၃၀ ကနေ ၆၀ လောက်အထိ လမ်းလျှောက်ပေးပါ။ လမ်းလျှောက်ပေးတာက ခန္ဓာကိုယ်မှာ သွေးစီးဆင်းရောက်ရှိမှု ကောင်းစေပြီး ကြွက်သားတွေ ပြေလျော့စေဖို့လည်း ထောက်ကူပေးနိုင်ပါတယ်။

သီးသန့်အချိန်မပေးနိုင်ရင်‌တောင် ထိုင်ရာကနေ မကြာခဏထပြီး အနီးအနားကို သွားတာဖြစ်ဖြစ်၊ အိမ်သာသွားတာဖြစ်ဖြစ် လမ်းထလျှောက်ပေးပါ။

Plank ထောက်ပါ

Plank ထောက်တာက တစ်နေကုန် အထိုင်များတဲ့သူတွေအတွက် အတော်လေး သင့်တော်တဲ့ လေ့ကျင့်ခန်း တစ်ရပ်ပါ။ ခန္ဓာကိုယ် အပေါ်ပိုင်းကိုရော အောက်ပိုင်းကိုပါ ကြံ့ခိုင်သန်မာစေပါတယ်။
ဒါ့ပြင် အထိုင်များတာကြောင့် ခါးနာတာကိုလည်း သက်သာစေနိုင်ပါတယ်။ စက္ကန့် ၃၀ လောက်က စပြီး တစ်နေ့ကို နည်းနည်းချင်း အချိန်ရော အကြိမ်ရေပါ တိုးပြီး လုပ်သွားပေးပါ။ ဒီလိုလုပ်ပေးတာက ကျန်းမာစေသလို ကြွက်သားတွေကိုလည်း သန်မာစေမှာပါ။

Chest opener

ဒီလေ့ကျင့်ခန်းက နောက်ကျော နဲ့ ပခုံးက ကြွက်သားတွေကို ပြေလျော့စေနိုင်ပါတယ်။ အရင်ဆုံး ခါးကို မတ်မတ်လေးထားပြီး ထိုင်ပါ။ ပြီးရင် ပခုံးကို တင်ပါးအကျယ်အတိုင်း ဆန့်ဆန့်လေးနေပါ။

ပြီးရင် လက်တစ်ဖက်ကို ခေါင်းပေါ်ကနေ ကျော်ပြီး ကျောနောက်ဖက်ကို ကပ်ပါ။ လက်ဖဝါးနဲ့ နောက်ကျောကို ထိထားပြီး ကပ်ပါ။ ပြီးရင် နောက်လက်တစ်ဖက်နဲ့ ကျောနောက်ဘက်ကို ကပ်ထားတဲ့လက်ရဲ့ တံတောင်ဆစ်ကို ဆွဲယူပါ။ ပုခုံးကြောလေးတွေတင်းလာတဲ့အထိ ဆွဲပါ။ တစ်ဖက်ကို ၁၅ စက္ကန့်စီလောက် တစ်ဖက်ပြီး တစ်ဖက် လုပ်ပါ။

Bird dog

ဒီလေ့ကျင့်ခန်းက ဝမ်းဗိုက်ကြွက်သား၊ ခါးကြွက်သား၊ တင်ပါးကြွက်သားတွေကို လှုပ်ရှားမှု ဖြစ်စေပါတယ်။ ကြွက်သားတွေဆီ သွေးစီးဆင်းရောက်ရှိမှု ကောင်းစေပြီး အထိုင်များတာကြောင့် ဗိုက်အဆီတက်တာမျိုး မဖြစ်စေဖို့ ထောက်ကူပေးပါတယ်။

အခင်းပြား တစ်ချပ်ပေါ်မှာ လေးဖက်ထောက် အနေအထားနေပြီး ဘယ်ခြေညာလက်ကို ဆန့်ထုတ်ပါ။ တစ်ဖက်ဆီကို တစ်လှည့်စီ လုပ်ပေးပါ။ ၁၀ ကြိမ် ကနေ ၁၂ ကြိမ်စီလောက် လုပ်ပေးပါ။

ဒီလေ့ကျင့်ခန်းတွေအပြင်

  • Gym ဆော့တာ
  • ပြေးတာ
  • စက်ဘီးစီးတာ
  • Zumba ကတာတွေလည်း လုပ်ပေးလို့ ရပါတယ်။

အထိုင်များတာ ကျန်းမာရေး ထိခိုက်စေတယ်

လူက အထိုင်များပြီး လှုပ်ရှားမှုမရှိတဲ့အခါ ခန္ဓာကိုယ်က သွေးတွင်း သကြားဓာတ်ကို မထိန်းချုပ်နိုင်တော့ဘူး၊ သွေးဖိအားကိုလည်း ပုံမှန်မလည်ပတ်စေနိုင်တော့ဘူး။ အဆီနဲ့ ကိုလက်စထရောတွေကိုလည်း ကောင်းကောင်းမချေဖျက်နိုင်တော့ဘူး။ ဒီအခါမှာ ကျန်းမာရေးပြဿနာ ဖြစ်လာနိုင်ခြေ မြင့်တက်လာပါတယ်။

[embed-health-tool-bmi]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

14 Exercises to Offset Sitting All Day https://www.livestrong.com/slideshow/1011457-15minute-workout-save-desk/ Accessed Date 30 June 2020

The dangers of sitting: why sitting is the new smoking https://www.betterhealth.vic.gov.au/health/healthyliving/the-dangers-of-sitting Accessed Date 30 June 2020

The best exercises to do if you sit down all-day https://www.tomsguide.com/how-to/the-best-exercises-to-do-if-you-sit-down-all-day Accessed Date 30 June 2020

Why Is Sitting so Bad for Us? https://www.yalemedicine.org/news/sitting-health-risks Accessed Date 30 June 2020

The dangers of sitting https://www.health.harvard.edu/pain/the-dangers-of-sitting Accessed Date 30 June 2020

ယခုပုံစံ

20/12/2023

Aye Thi Mon မှ ရေးသားသည်။

မှ အချက်အလက် စစ်ဆေးထားပါသည်။ Aye Thi Mon

Aye Thi Mon မှ ပြင်ဆင်ခဲ့ပါသည်။

ဆက်စပ် အကြောင်းအရာများ

အထိုင်များခြင်းကြောင့် ဖြစ်လာနိုင်သော ပြဿနာများ

အထိုင်များတာကြောင့် ရှင်သန်မှုလက္ခဏာ နှလုံးလေးကို ထိခိုက်စေနိုင်ပါသတဲ့

မှ အချက်အလက် စစ်ဆေးထားပါသည်။

Aye Thi Mon

Aye Thi Mon မှ ရေးသားသည်။ · 20/12/2023 တွင် အသစ်ဖြည့်စွက်ခဲ့သည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement