ကွန်ပျူတာကို ကြည့်ဖို့ လူကရှေ့ကိုကိုင်းပြီး အလုပ်လုပ်ခြင်းဟာ လည်ပင်း (အထူးသဖြင့် လည်ပင်း ကျောရိုး) ပေါ်ကို ကြီးမာတဲ့ ဖိအားသက်ရောက်စေပါတယ်။ ကိုယ်နေဟန် မမှန်ခြင်းဟာ သင့်ရဲ့ ခါးနဲ့ ပုခုံး ကြွက်သားတွေကို ပျက်စီးစေပြီးတော့ ကီးဘုတ် ရှေ့ကို အချိန်အကြာကြီး ကုန်းကြည့်နေတဲ့အတွက် ကြွက်သားတွေ လိုတာထက် ပိုဆန့်ခြင်းကို ဖြစ်ပေါ်စေပါတယ်။
ခါးပြဿနာများ
ကိုယ်နေဟန် မမှန်ခြင်းကြောင့် ဖြစ်ပွားနိုင်တဲ့ အဓိက ပြဿနာ တစ်ခုကတော့ ခါးနာခြင်းပဲဖြစ်ပါတယ်။ လှုပ်ရှားမှုဟာ ကျောရိုးမထဲက ကျောရိုးဆစ်တွေကြားက ပျော့ပြောင်းတဲ့ အဆစ်ပြားတွေကို ကျုံ့ခြင်း ဆန့်ခြင်းတွေ ဖြစ်ပေါ်စေပြီးတော့ သွေးနဲ့ အာဟာရတွေကို ဖြည့်တင်းပေးပါတယ်။ အကြာကြီး ထိုင်နေမယ်ဆိုရင် ဒီ အဆစ်ပြား တွေဟာ မညီမျှပဲ သိပ်သည်းလာပြီးတော့ ကော်လာဂျင် တွေကို အရွတ်တွေကြားမှာ ဖြစ်လာစေပါတယ်။
ဒီလိုပဲ ခါးရိုးဆစ် တွေ ကျွံကျခြင်းဟာ ကွန်ပျူတာရှေ့မှာ အချိန်အကြာကြီးနေတတ်တဲ့ လူတွေမှာ အဖြစ်များပါတယ်။
ကြွက်သား ယိုယွင်းလာခြင်း
ထိုင်နေခြင်းဟာ သင့်ကြွက်သားတွေ အသုံးပြုဖို့ မလိုအပ်တာကြောင့် မသုံးပဲ အကြာကြီး ထားမယ်ဆိုရင် ဒါဟာ သင့်ကို Swayback လို့ခေါ်တဲ့ ကြောရိုးမရဲ့ သဘာဝအတိုင်း ကိုင်းညွတ်မှုကို လိုတာထက်ပိုပြီး ဆန့်စေခြင်း ဖြစ်ပေါ်စေပါတယ်။ ဒါ့ပြင် အချိန်အကြာကြီး ထိုင်ခြင်းဟာ အထူးသဖြင့် တင်ပဆုံနဲ့ ခါးတို့ရဲ့ ယေဘုယျ ပျော့ပြောင်းမှုကို လျော့ကျစေပါတယ်။ ပျော့ပြောင်းတဲ့ တင်ပဆုံးနဲ့ ခါးတွေဟာ ကိုယ်ခန္ဓါ ညီမျှမှုကို ထိန်းသိမ်းပေးပြီး အချိန်အကြာကြီး ထိုင်ခြင်းကတော့ တင်ပဆုံ ကွေးတဲ့ ကြွက်သားတွေကို တိုစေပြီး တောင့်တင်းစေပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။