အရက်ကြောင့် နှလုံးကြွက်သားအားနည်းခြင်း (Alcoholic Cardiomyopathy)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 29, 2020 . 2 mins read
Share now

အရက်ကြောင့် နှလုံးကြွက်သားအားနည်းခြင်းဆိုတာဟာ အရက်ကို ကာလရှည်ကြာ စွဲသောက်ခြင်းကြောင့် နှလုံးကြွက်သားများကို ထိခိုက်ပျက်စီးလာစေတဲ့ အခြေအနေပဲ ဖြစ်ပါတယ်။ အရက်ကို အလွန်အကျွံသောက်ပါများတဲ့အခါ နှလုံးကြွက်သားများဟာ ပါးလွှာပြီး အားနည်းလာပါတယ်။

အဆိုပါအခြေအနေမှာ သွေးများကို ထိရောက်စွာ ညှစ်ထုတ်နိုင်ခြင်း မရှိတော့ပါဘူး။ သွေးများကို နှလုံးထဲကနေ မညှစ်ထုတ်နိုင်တဲ့အခါ ကိုယ်ခန္ဓာရဲ့ အရေးကြီးနေရာတွေကို သွေးမရောက်တော့တာကြောင့် အသက်အန္တရာယ်ထိခိုက်နိုင်လောက်တဲ့ အခြေအနေ ဖြစ်လာနိုင်ပါတယ်။

အရက်ကြောင့် နှလုံးကြွက်သားအားနည်းခြင်းဟာ အမျိုးသားတွေမှာဖြစ်တာများပြီး အသက် ၃၅ ကနေ ၅၀ ကြား အရွယ်တွေမှာ တွေ့ရများတယ်လို့ စစ်တမ်းတစောင်မှာ ဖော်ပြထားပါတယ်။ အမျိုးသမီးတွေမှာလည်း ဖြစ်တတ်ပါတယ်။ အရက်ကို ၅နှစ်ကနေ ၁၅နှစ်လောက်အထိ စွဲမြဲလွန်ကျူးစွာ သောက်သုံးလာသူတွေမှာ တွေ့ရတတ်ပါတယ်။

အရက်ကို တစ်နေ့တာ သောက်သုံးသင့်တဲ့ ပမာဏနဲ့ ပတ်သက်ပြီး အမျိုးသားများအနေနဲ့ တစ်ရက်ကို ၄ခွက် ဒါမှမဟုတ် တစ်ပတ်ကို ၁၄ခွက်၊ အမျိုးသမီးများအနေနဲ့ တစ်ရက်ကို ၃ခွက် ဒါမှမဟုတ် တစ်ပတ်ကို ၇ ခွက် စသဖြင့် သတ်မှတ်ထားပါတယ်။ အဆိုပါပမာဏထက် ပိုသောက်ရင် အလွန်အကျွံ သောက်တယ်လို့ သတ်မှတ်နိုင်ပါတယ်။

အရက်ကြောင့် နှလုံးကြွက်သားအားနည်းခြင်းဟာ အမြဲတစေ လက္ခဏာမပြတတ်ပါဘူး။ ပြခဲ့ရင်လည်း နှလုံးပျက်စီးခြင်း (heart failure) ရဲ့ လက္ခဏာတွေ ဖြစ်နေနိုင်ပါတယ်။ မောပန်းခြင်း၊ အသက်ရှူမဝခြင်း၊ ခြေကျင်းဝတ် ခြေထောက်များ ဖောရောင်ခြင်း စတဲ့လက္ခဏာမျိုးတွေ ဖြစ်နေနိုင်ပါတယ်။

လက္ခဏာတွေက ဘာတွေလဲ

အရက်ကြောင့် နှလုံးကြွက်သားအားနည်းခြင်းလက္ခဏာတွေကတော့

– အသက်ရှူမဝခြင်း

– ခြေထောက်၊ ခြေဖမိုး၊ ခြေကျင်းဝတ်များ ဖောရောင်ခြင်း

– မောပန်းအားနည်းခြင်း

– မူးဝေခြင်း၊ သတိလစ်ချင်သလိုဖြစ်ခြင်း

– အစားပျက်ခြင်း

– အာရုံစူးစိုက်ရန်ခက်ခဲခြင်း

သွေးခုန်နှုန်း မမှန်ခြင်း၊ မြန်ခြင်း

– ချောင်းဆိုးချွဲထခြင်း

– ဆီးသွားသည့်ပမာဏပြောင်းလဲခြင်း

စတာတွေ ဖြစ်ပါတယ်။

ဘာကြောင့်ဖြစ်သလဲ

အရက်ကို လွန်ကဲစွာသောက်သုံးတာ ကြာလာရင် ကိုယ်ခန္ဓာရဲ့ အရေးကြီး အင်္ဂါအစိတ်အပိုင်းတွေပေါ် အဆိပ်အတောက်ဓာတ်တွေ ဖြစ်လာနိုင်ပါတယ်။ အရက်ရဲ့ အဆိပ်အတောက်ဓာတ်တွေဟာ နှလုံးကိုထိခိုက်စေပြီး ကြွက်သားတွေကို အားလျော့လာစေပါတယ်။

အားနည်းလာတဲ့ နှလုံးကြွက်သားတွေဟာ သွေးများကို ထိရောက်စွာ ညှစ်ထုတ်နိုင်ခြင်း မရှိတော့ပါဘူး။ နှလုံးထဲမှာရှိတဲ့ သွေးပမာဏဟာလည်း ပိုမိုများပြားလာပါတယ်။ နှလုံးနံရံများလည်း ပါးလာပြီး နှလုံးအရွယ်အစားလည်း ကြီးမားလာပါတယ်။

ဘယ်လိုကုသမလဲ

ပထမအဆင့်ကတော့ အရက်ဖြတ်ဖို့ပါပဲ။ အရက်ဖြတ်ချိန်မှာ အရက်စွဲတဲ့လက္ခဏာတွေပေါ်လာရင် ဆရာဝန်နဲ့ တိုင်ပင်ပြိး ကုသမှု ခံယူသင့်ပါတယ်။ နေထိုင်စားသောက်ပုံလည်း ပြောင်းလဲပေးဖို့ လိုပါတယ်။ ဆားပါဝင်မှုနည်းပါးတဲ့ အစားအစာတွေကို စားသောက်ရပါမယ်။ ကိုယ်ခန္ဓာထဲမှာ ပိုလျှံနေတဲ့ ရေနဲ့ဆားတွေကို ဖယ်ထုတ်နိုင်ဖို့ ဆီးဆေးတွေ သောက်ဖို့ လိုအပ်နိုင်ပါတယ်။

ဆီးဆေးများကိုတော့ ဆရာဝန်ညွှန်ကြားချက်နဲ့ပဲ သောက်သုံးသင့်ပါတယ်။ အရည်သောက်တဲ့ပမာဏကို ထိန်းချုပ်ဖို့ လိုပါတယ်။ ဒါမှသာ အရည်များစုဝေးပြီး နှလုံးကို ဝန်မပိရအောင် ကာကွယ်နိုင်မှာ ဖြစ်ပါတယ်။

နှလုံးကို ဘယ်လောက်ထိ ထိခိုက်နေသလဲဆိုတာကတော့ ဆရာဝန်နဲ့ တိုင်ပင်ပြီး စစ်ဆေးကြည့်ရပါမယ်။ ဆရာဝန်ညွှန်ကြားချက်အတိုင်း လိုက်နာတာ အကောင်းဆုံးပါပဲ။

အရက်ဟာ နှလုံးကြွက်သားကိုပဲ ထိခိုက်စေနိုင်တာမဟုတ်ဘဲ တခြားသော ကိုယ်ခန္ဓာအစိတ်အပိုင်းများ၊ စနစ်များကိုလည်း ထိခိုက်နိုင်တာကြောင့် အလွန်အကျွံ မသောက်မိအောင် ရှောင်ကြဉ်သင့်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကျဆင်းလာတဲ့ ကိုယ်ခံအားစနစ်ကို ဘယ်လိုပြန်မြှင့်တင်မလဲ

အသက်အရွယ် ကြီးလာတာနဲ့အမျှ ငယ်စဉ်ကလောက် ကိုယ်ခံအားစနစ်ဟာ အလုပ်မလုပ်နိုင်တော့ဘဲ အားလျော့သွားတဲ့အတွက် ရောဂါဖြစ်ဖို့ ပိုပြီးလွယ်ကူနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ဒါတွေကြောင့် အူမကြီးကင်ဆာ ဖြစ်တတ်ပါတယ်။

အူမကြီးကင်ဆာ အဖြစ်များတဲ့ကင်ဆာ ဆီးချိုရောဂါ အရက် ဆေးလိပ် အနီရောင်အသား အဝလွန် အူမကြီးအသားပို အူမကြီးရောင်ရမ်းတဲ့ရောဂါ ကင်ဆာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
အူမကြီးကင်ဆာ, ကျန်းမာရေးစင်တာ အောက်တိုဘာ 1, 2020 . 2 mins read

ပိုတက်ဆီယမ်၏ အကျိုးကျေးဇူးများ

ပိုတက်ဆီယမ်ဟာ ကိုယ်ခန္ဓာအတွက် အရေးကြီးတဲ့ သတ္တုဓာတ်တမျိုးဖြစ်ပါတယ်။ ကိုယ်ခန္ဓာထဲမှာရှိတဲ့ ပိုတက်ဆီယမ်ဓာတ် စုစုပေါင်းရဲ့ ၈၀ ရာခိုင်နှုန်းက ကြွက်သားတွေမှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ဆီလီနီယံချို့တဲ့ခြင်းအကြောင်း

ဆီလီနီယံဟာ ကိုယ်ခန္ဓာအတွက် အရေးကြီးတဲ့ သတ္တုဓာတ်တမျိုးဖြစ်ပြီး ဒီအန်အေဖွဲ့စည်းခြင်း ရောဂါပိုးကူးစက်ခြင်းမှ ကာကွယ်ခြင်း စတာတွေအတွက် အရေးပါပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

သင့်အတွက် ရွေးချယ်ထားသည်

အစာရေမျိုကင်ဆာ ဒီလိုကာကွယ်ပါ

အစာရေမျိုကင်ဆာ ဒီလိုကာကွယ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 13, 2020 . 2 mins read
အဆုတ်ကင်ဆာ ကာကွယ်ပါ

အဆုတ်ကင်ဆာ ကာကွယ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 6, 2020 . 2 mins read
အဆုတ်ကင်ဆာ

အဆုတ်ကင်ဆာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 5, 2020 . 2 mins read
အန်ဖက်တမင်း အလွဲသုံးခြင်းဆိုသည်မှာ

အန်ဖက်တမင်း အလွဲသုံးခြင်းဆိုသည်မှာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 2, 2020 . 2 mins read