နား၊ နှာခေါင်း၊ လည်ချောင်း ဆရာဝန်တွေသုံးတဲ့ မှန်ပြောင်းလေးများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဒီဇင်ဘာ 4, 2020 . 2 mins read
Share now

နား၊ နှာခေါင်း၊ လည်ချောင်းဆရာဝန်ဆီ သွားရင်လေ မှန်ပြောင်းလေးတွေ၊ မီးလေးတွေ ထိုးကြည့်တာ မြင်ဖူးကြမှာပါ။ နားတို့၊ နှာခေါင်းတို့၊ လည်ချောင်းဆိုတာက လှိုဏ်ခေါင်းလိုပဲ အပြင်ကနေ အထဲကို ဝင်သွားတဲ့ အစိတ်အပိုင်းတွေမို့လို့ အသေးစိတ်မြင်ချင်တယ်ဆိုရင် ရိုးရိုးကြည့်လို့ မရပါဘူး။ မှန်ပြောင်းလေးတွေ၊ ဓာတ်မီးလေးတွေနဲ့ ထိုးကြည့်မှ သေသေချာချာ မြင်ရတာပါ။

လူနာအနေနဲ့ကတော့ ဆရာဝန်ဆိုရင် နားကြပ်နဲ့ စမ်းတာလောက်ကိုပဲ ရင်းနှီးတာကြောင့် ဒီပစ္စည်းလေးတွေ ဘယ်လိုသုံးတာလဲ။ ဒါလေးတွေနဲ့ဆို ဘာတွေများ ပိုကောင်းသွားမှာလဲ။ ဒါတွေနဲ့ စမ်းသပ်ရင် နာမှာလား စတဲ့အကြောင်းလေးတွေကို ပြောပြပေးပါ့မယ်။

နား၊ နှာခေါင်း၊ လည်ချောင်း စမ်းသပ်ရာမှာ သုံးတဲ့ မှန်ပြောင်းလေးများ

နားစမ်းကိရိယာ (Otoscope)

နားရဲ့ အတွင်းဆုံးအထိ သေသေချာချာ မြင်ရချင်တယ်ဆိုရင် ဒီကိရိယာလေးနဲ့မှ အဆင်ပြေမှာပါ။ ပုံစံကတော့ သံရိုက်တူလို ပုံစံမျိုးလေးပါ။ ထိပ်မှာ မီးလေး ပါပါတယ်။ စမ်းမယ်ဆိုရင် လူနာနားနာနေသလား အရင်မေးရပါတယ်။ ကောင်းတဲ့ဘက်ကို အရင်စမ်းရပါတယ်။ ဒါမှ မကောင်းတဲ့ဘက်နဲ့ နှိုင်းယှဉ်လို့ရမှာပါ။ ပိုးသတ်ထားတဲ့ ကိရိယာကို သုံးပါတယ်။

နားပေါက်ကနေ ထည့်ပြီး အထဲကို ကြည့်လိုက်မယ်ဆိုရင် သိနိုင်တာတွေက

  • နားအပြင်ပိုင်း ပြွန်မှာ

နားဖာချေးတွေ ပိတ်နေလား

-နီရဲ ရောင်ကိုင်းနေတာတွေ ရှိလား

ပြည်တွေ ထွက်နေလား

ပြင်ပက ပစ္စည်း တစ်ခုခု (ဥပမာ ဂွမ်း၊ ပိုးကောင်) ရှိနေလား

  • နားစည်မှာ

-အရောင်

-ပုံစံ

-အလင်းကောင်းကောင်း ပြန်ရဲ့လား

နားစည်ပေါက်တာရှိသလား

-အမာရွတ်ရှိသလား ဒါတွေကို သိနိုင်ပါတယ်။

တစ်ဖက်စီစမ်းတိုင်းမှာ ဒါတွေကို စစ်ကြည့်မှာပါ။ တစ်ဖက်မျာ နားပြည်ယိုတာ ရှိနေခဲ့ရင် နောက်တစ်ဖက်ကို စမ်းတဲ့အခါ ပိုးသတ်ထားတဲ့ ကိရိယာအသစ်နဲ့ ထပ်စမ်းမှာပါ။ မဟုတ်ရင် ပိုးက ဟိုဘက်နားက ဒီဘက်နားကို ကူးနိုင်လို့ပါ။ ဒီကိရိယာလေးနဲ့ စမ်းသပ်တာက နားထဲကို နားကျပ်တံလေးတဲ့ လှည့်သလိုပါပဲ။ နာကျင်မှု မရှိသလို ထိခိုက်မှုဆိုတာကလည်း မဖြစ်သလောက်ပါပဲ။

နှာခေါင်းစမ်း ကိရိယာ (Rhinoscope)

နှာခေါင်းစမ်းကိရိယာလေးကတော့ ခပ်ပျော့ပျော့ပိုက်လေး ဖြစ်ပြီးတော့ ထိပ်မှာ ကင်မရာလေး ပါပါတယ်။ ဒါကြောင့် နှာခေါင်းထဲက အခြေအနေကို screenပေါ်မှာ ရှင်းရှင်းလင်းလင်း ကြည့်လို့ရပါတယ်။ နှာခေါင်းတင်မကပါဘူး။ လည်ချောင်းထဲထိ ကြည့်လို့ရပါတယ်။ နှာခေါင်းက နားလောက် အပေါက်မကျယ်တဲ့အတွက် ပိုက်ထည့်တဲ့အခါ ကသိကအောက် ဖြစ်တတ်ပါတယ်။ ဒါကြောင့် လူနာခံနိုင်ရည် ရှိအောင် ထုံဆေးလေး ဖြန်းပေးပါတယ်။ ပိုးသတ်ထားတဲ့ ကိရိယာကိုပဲ သုံးပါတယ်။

ဘယ်လိုအခါမှာ သုံးသလဲဆိုတော့

နှာခေါင်းထဲမှာ တစ်ခုခုပိတ်နေတာ

ထိပ်ကပ်နာ

နှာခေါင်းသွေးလျှံတာ

အနံ့ပျောက်တာ

-ဉီးခေါင်းနဲ့ လည်ပင်းကင်ဆာတွေ စတဲ့ရောဂါတွေမှာ ဖြစ်ရတဲ့အကြောင်းရင်းကို ရှာဖွေဖို့အတွက် သုံးပါတယ်။ တစ်ခါစမ်းရင် ၂မိနစ်သာသာလောက်ပဲ ကြာတဲ့အတွက် လူနာအများစုက ခံနိုင်ရည်ရှိပါတယ်။

လည်ချောင်းကြည့် ကိရိယာ (Laryngoscope)

လည်ချောင်းထဲနဲ့ အနောက်က အသံအိုးတွေ၊ အသံကြိုးတွေကြည့်ဖို့ သုံးပါတယ်။ လည်ပင်းထဲကို မှန်ပြောင်းလေးထည့်ရတာမို့လို့ ဒီတိုင်းကြည့်ရင် ကြောက်စရာလို့ ထင်ရပေမယ့် ဒီနည်းလမ်းက နာကျင်မှု မရှိပါဘူး။

လည်ချောင်းကြည့် ကိရိယာကို

  •  အဆက်မပြတ်ချောင်းဆိုးနေတယ်၊ လည်ပင်းနာနေတယ်၊ သွေးထွက်တယ်၊ အသံအက်တက်တက်ဖြစ်နေတယ်၊ ခံတွင်းနံ့မကောင်းဘူး စတဲ့ အခြေအနေတွေမှာ ဘာကြောင့်လဲ သိရဖို့
  • လည်ချောင်းထဲမှာ နာနေတဲ့၊ ရောင်နေတဲ့ အကြောင်းရင်းကို သိရဖို့
  • လည်ပင်းထဲမှာ တစ်ခုခု တစ်နေတဲ့အခါ အကြောင်းရင်းရှာဖို့
  • မတော်တဆ ပြင်ပပစ္စည်းတွေကို မျိုချမိတဲ့အခါ ဖယ်ထုတ်ဖို့
  • လည်ပင်းနဲ့ အသံကြိုးက တစ်ရှူးတွေကို ကြည့်ဖို့၊ အသားစယူဖို့
  • အစာမျိုရခက်တဲ့ ပြဿနာကို ရှာဖို့
  • အသံအိုးပြဿနာတွေကို စစ်ဆေးဖို့ သုံးနိုင်ပါတယ်။

ရိုးရိုး ကြည့်ရုံကြည့်တာပဲဆိုရင် ၅မိနစ်၊ ၁၀မိနစ်လောက်ပဲ ကြာပါတယ်။ ဒါပေမယ့် နင်နေတဲ့ ပစ္စည်းဖယ်ဖို့တို့၊ အသားစယူဖို့အတွက်ဆိုရင်တော့ ဒီထက်ကြာနိုင်ပါတယ်။ လူနာ ခံနိုင်ရည်ရှိအောင် ထုံဆေးသုံးရနိုင်ပါတယ်။

Takeaways

ဒီကိရိယာလေးတွေက နား၊ နှာခေါင်း၊ လည်ချောင်း ရောဂါတိုင်းအတွက် လိုချင်မှ လိုမှာပါ။ လိုလာခဲ့ရင်လည်း သက်သောင့်သက်သာနဲ့ နာကျင်မှု မရှိအောင် လုပ်ပေးမှာမို့လို့ သိပ်မစိုးရိမ်ပါနဲ့။ သာမန်မျက်စိနဲ့ ကောင်းကောင်း မမြင်ရတဲ့ နေရာမှာ ဒီကိရိယာလေးတွေနဲ့ စမ်းသပ်လိုက်မယ်ဆိုရင် ရောဂါရှာဖွေတဲ့နေရာမှာရော၊ ကုသတဲ့နေရာမှာပါ အများကြီး အထောက်အကူ ဖြစ်နိုင်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အဖြစ်များတဲ့ နားပြဿနာ များ

နားပြဿနာ တွေက အဖြစ်များပေမယ့် အများစုက သိပ်တော့ မစိုးရိမ်ရပါဘူး။ လက္ခဏာတွေကို သိထားမယ်ဆိုရင် စောစောစီးစီး ကုသဖို့ အထောက်အကူဖြစ်နိုင်ပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

နှာခေါင်း မှာ အဖြစ်များတဲ့ ရောဂါတွေက ဘာတွေလဲ။

နှာခေါင်း မှာလည်း ရောဂါပေါင်းစုံဖြစ်နိုင်ပြီး လက္ခဏာတွေက ဆင်တူလေးတွေပါ။ လက္ခဏာတစ်ခုခုကို အချိန်ကြာကြာခံစားနေရရင် ဆရာဝန်နဲ့ ပြသပြီး ရောဂါရှာဖွေ ကုသသင့်ပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

လည်ချောင်း မှာ အဖြစ်များတဲ့ ရောဂါများ

လည်ချောင်း မှာဖြစ်တဲ့ ရောဂါတွေက သာမန်ရောဂါတွေကနေ ပြင်းထန်တဲ့ရောဂါတွေအထိ  မျိုးစုံဖြစ်နိုင်ပါတယ်။ ရောဂါအမျိုးအစားကလည်း စုံပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အဖြစ်များတဲ့ အသက်ရှူလမ်းကြောင်း ပိုးဝင်ခြင်း

အသက်ရှူလမ်းကြောင်း ပိုးဝင်ခြင်း က မြန်မာနိုင်ငံမှာ အဖြစ်များပါတယ်။ အသက်အရွယ်မရွေး ဖြစ်နိုင်ပါတယ်။ ကာကွယ်နိုင်မယ့် နည်းးလမ်းတွေကို သိထားသင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ear-drum-perforation-and-deafness နားစည်ပေါက်

နားစည်ပေါက် တိုင်း နားကန်းသလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
ဆောင်းတွင်းမှာ နှာခေါင်းသွေးထွက် တာ လျော့နည်းအောင်

ဆောင်းတွင်းမှာ နှာခေါင်းသွေးထွက် တာ လျော့နည်းအောင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
shouting out loud

အော်ရင်းဟစ်ရင်း အသံဝင် သွားခဲ့သည်ရှိသော်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
မျက်ရည်ယိုဗုံး ထိခဲ့ရင် အမြန်သက်သာစေမယ့် နည်းလမ်းများ

မျက်ရည်ယိုဗုံး ထိခဲ့ရင် အမြန်သက်သာစေမယ့် နည်းလမ်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read