နှာခေါင်းသွေးလျှံ ခဲ့ရင် ဘာလုပ်ကြမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 2, 2020 . 2 mins read
Share now

လူတော်တော်များများက ဘဝမှ တစ်ခါလောက်တော့ နှာခေါင်းသွေးလျှံ ဖူးကြမှာပါ။ ကိုရီးယားကားထဲကလို စာတွေ အသည်းအသန်ကျက်မှ နှာခေါင်းသွေးလျှံတာမဟုတ်ပါဘူး။ နှာခေါင်းသွေးလျှံ ရတဲ့ အကြောင်းရင်းတွေ အများကြီးရှိပါတယ်။ ကံကောင်းတာက အများစုက မစိုးရိမ်ရပါဘူး။ အိမ်မှာတင် သွေးတိတ်အောင်လုပ်လို့ရပါတယ်။ ဒါပေမယ့် ဘယ်သူမဆို ကိုယ့်နှာခေါင်းထဲကနေ သွေးထွက်လာရင် လန့်တတ်ကြပါတယ်။ ဒါကြောင့် နှာခေါင်းသွေးလျှံ တာဘာကြောင့်လဲ။ ရုတ်တရက်ဖြစ်လာခဲ့ရင် ဘာလုပ်ကြမလဲဆိုတာ ဆက်ကြည့်ရအောင်။

နှာခေါင်းသွေးလျှံ တာက ၂မျိုးရှိပါတယ်။ Anterior nosebleedနဲ့ Posterior nosebleedပါ။

  • Anterior nosebleed (နှာခေါင်းအရှေ့ဘက်က သွေးယိုခြင်း)- ဒါကနှာခေါင်းသွေးလျှံတာနဲ့ အဓိကအကြောင်းရင်းပါပဲ။ နှာနုရိုးရဲ့ အခြေနားမှာရှိတဲ့ သွေးကြောလေးတွေကနေ သွေးထွက်တာပါ။ သိပ်မပြင်းထန်တဲ့အတွက် အိမ်မှာတင်ကုလို့ရပါတယ်။
  • Posterior nosebleed (နှာခေါင်းအနောက်ဘက်ကသွေးထွက်ခြင်း)- သူက Anterior nosebleedနောက် အဖြစ်မများပါဘူး။ အသက်ကြီးတဲ့သူတွေမှာ ပိုတွေ့ရပါတယ်။ နှာခေါင်းရဲ့အနောက်ဘက်မှာရှိတဲ့ သွေးကြောကနေသွေးထွက်တာပါ။ သူကပိုဆိုးတဲ့အတွက် ဆေးရုံတက်ပြီး ကုသမှုခံယူရတာ၊ နား၊ နှာခေါင်း၊လည်ချောင်းအထူးကုနဲ့ ပြသရတာမျိုးရှိတတ်ပါတယ်။

နှာခေါင်းသွေးလျှံတာက ဆောင်းတွင်းနဲ့ အေးမြခြောက်သွေ့တဲ့ ရာသီဥတုမှာ အဖြစ်များပါတယ်။ အသက်အရွယ်မရွေးဖြစ်ပွားနိုင်ပေမယ့် ၂နှစ်ကနေ ၁၀နှစ်ကြားကလေးနဲ့ ၅၀ကနေ ၈၀ကြား လူကြီးတွေမှာ အဖြစ်များပါတယ်။ ဘာကြောင့်လည်းတော့မသိပေမယ့် မနက်ပိုင်းမှာ နှာခေါင်းသွေးပိုလျှံတတ်ပါတယ်။

ဘာကြောင့် နှာခေါင်းသွေးလျှံ ရတာလဲ။

နှာခေါင်းသွေးလျှံ တာ တော်တော်များများက အကြာင်းရင်းရှာမရပါဘူး။ အဖြစ်အများဆုံးကတော့ နှာခေါင်းကို ထိခိုက်ဒဏ်ရာရတာပါပဲ။ တစ်ခုခုနဲ့ ဆောင့်မိတာ၊ ချော်လဲတာကြောင့် နှာခေါင်းသွေးလျှံတာများပါတယ်။ တခြားအကြောင်းရင်းတွေကတော့

  • ခြောက်သွေ့ပြီး ပူနွေးတဲ့နေရာမှာ အကြာကြီးနေတာ
  • နှာခေါင်းထဲ ရောဂါပိုးဝင်တာ၊ ထိပ်ကပ်နာဖြစ်တာ
  • နှာခေါင်းခဏခဏကလော်တာ
  • ဓာတ်မတည့် နှာစေးတာ
  • နှာခေါင်းထဲ ပစ္စည်းတစ်ခုခုဝင်နေတာ
  • ပြင်းပြင်းထန်ထန်နှာချေတာ
  • နှာခေါင်းခွဲစိတ်မှုလုပ်တာ
  • နှာနုရိုးစောင်းနေတာ
  • ကိုကင်းသုံးတာ စတာတွေပဲဖြစ်ပါတယ်။

တခြားအဖြစ်နည်းတဲ့အကြောင်းတွေကတော့

ကုသနည်းများ

ရုတ်တရက်နှာခေါင်းသွေးလျှံရင် ခြေမကိုင်မိ လက်မကိုင်မိဖြစ်တတ်ပါတယ်။ ကိုယ်ကိုယ်တိုင်ဖြစ်ဖြစ် သူများဖြစ်ဖြစ် နှာခေါင်းသွေးလျှံရင် အောက်က လွယ်ကူတဲ့ အိမ်တွင်းကုထုံးလေးနဲ့ သက်သာအောင် လုပ်လို့ရပါတယ်။

  • အရင်ဆုံးစိတ်လျှော့ပါ။ မကြောက်ပါနဲ့။
  • ကိုယ်ကိုမတ်မတ်ထားပါ။ ခေါင်းကို ရှေ့နည်းနည်းငိုက်ထားပါ။  ဒါမှ သွေးတွေမျိုချမိပြီး ပျို့အန်တာ၊ ဝမ်းလျှောတာမျိုးမဖြစ်မှာပါ။ လှဲအိပ်တာ၊ ရှေ့ကို အတင်းကုန်းနေတာမျိုးမလုပ်ပါနဲ့။
  • ပါးစပ်ကနေ အသက်ရှူပါ။
  • တစ်ရှူးနဲ့ဖြစ်ဖြစ်၊ အဝတ်စိုနဲ့ဖြစ်ဖြစ် ထွက်လာတဲ့သွေးကို ခံပါ။
  • လက်မနဲ့ လက်ညိုးကိုသုံးပြီး နှာနုရိုးနဲ့ နှာခေါင်းရိုးဆုံရာကို ၅မိနစ်လောက်ညှပ်ထားပါ။
  • သွေးဆက်ထွက်သေးရင် နောက်ထပ်၁၀မိနစ်ထပ်ဖိပါ။
  • ရေခဲကပ်ချင်လည်းကပ်နိုင်ပါတယ်။
  • သွေးတိတ်သွားရင်တော့ ရှေ့ကိုကုန်းတာ၊ ဝမ်းညှစ်တာ၊ ပစ္စည်းအလေးတွေမတာ၊ ပြင်းပြင်းထန်ထန်နှာချေတာတွေကို ရက်အနည်းငယ်လောက်ရှောင်ပါ။

ဘယ်တော့ဆေးရုံသွားရမလဲ။

  • အပါ်ကအတိုင်းလုပ်တာ ၁၅မိနစ်၊ မိနစ်၂၀လောက်မှမသက်သာရင်
  • သွေးထွက်မြန်ရင် ဒါမှမဟုတ် များရင် (လက်ဖက်ရည်ခွက် တစ်ခွက်စာလောက်ထွက်ရင်)
  • အသက်ရှူရခက်ရင်
  • သွေးတွေအများကြီးမျိုချမိလို့ အန်ထွက်ရင်
  • တစ်ခုခုနဲ့ မျက်နှာကိုထိခိုက်မိလို့ နှာခေါင်းသွေးထွက်တာဆိုရင်တော့ ဆေးရုံကိုသွားတာအကောင်းဆုံးပါ။

ဒါ့ပြင်

  • မကြာမကြာနှာခေါင်းသွေးလျှံတတ်ရင်
  • သွေးအားနည်းတဲ့ လက္ခဏာတွေရှိရင် (နုံးတာ၊ မောတာ၊ ဖြူဖျော့တာ၊ မူးတာ)
  • သွေးကျဲဆေးတွေသောက်နေတာ ဒါမှမဟုတ် သွေးရောဂါတစ်ခုခုရှိနေပြီး သွေးမတိတ်တာ
  • ၂နှစ်အောက်ကလေး နှာခေါင်းသွေးလျှံတာ
  • ဆေးတစ်မျိုးစသောက်ပြီးမှ နှာခေါင်းသွေးလျှံတာ
  • နှာခေါင်းသွေးလျှံတာအပြင် ကိုယ်မှာ အညိုအမည်းကွက်တွေ ထွက်လာတာ (ဒါက သွေးရောဂါတစ်ခုခုရှိလို့ဖြစ်နိုင်ပါတယ်။)

နှာခေါင်းသွေးလျှံတယ်ဆိုတာ လူတိုင်းဖြစ်နိုင်ပါတယ်။ ဖြစ်လာရင်လည်း သိပ်မပြင်းထန်တာများတဲ့အတွက် အိမ်တွင်းကုထုံးနဲ့တင် အဆင်ပြေနိုင်ပါတယ်။  မတော်တဆများကြုံလာခဲ့ရင် ကြောက်မနေဘဲနဲ့ ဒီအတိုင်းလိုက်လုပ်ကြည့်နိုင်ပါတယ်နော်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မွေးကင်းစကလေးတွေမှာ အတွေ့များတဲ့ ကျန်းမာရေးပြဿနာတွေ

မွေးကင်းစ ကလေး ကျန်းမာရေး မိဘ မိခင် အသက်ရှူ မွေးလမ်းကြောင်း ဦးရေပြား အသားဝါ သွေးအားနည်း လေထိုးလေအောင့် နို့အန် မိခင်နို့ အဖျားတက် အအေးမိတုပ်ကွေး သေးခံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

လူတွေ ဘာကြောင့် ဆေးစွဲကြတာလဲ။

လူတွေ မူးယစ်ဆေးစွဲတာ ဒါမှမဟုတ် ဆေးဝါးတစ်ခုခုကို အလွန်အကျွံ သုံးစွဲကြတာမျိုး မြင်ဖူးကြမှာပေါ့။ ဒီအခြအနေကို ဆေးစွဲတယ်လို့ သတ်မှတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုဗစ်ကြောင့် အနံ့ပျောက် တာလား၊ တခြားအကြောင်းရင်းကြောင့်လား။

အနံ့ပျောက် ကိုဗစ်ရောဂါပိုး ACE-2 receptor TMPRSS2 နှာခေါင်း အာရုံကြောထိခိုက် ရာသီတုပ်ကွေး ထိပ်ကပ်နာ နှာခေါင်းအသားပို ဓာတ်မတည့် နှာစေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အရေပြား ယားယံတာ သက်သာစေဖို့ ဘာတွေ စားရမလဲ။

အရေပြား ယားတာက တော်တော်လေး ခံရခက်တဲ့ ကိစ္စပါ။ အရေပြားက ယားတယ်။ ဆေးလည်း မသောက်ချင်ဘူး။ ဆေးလည်း မလူးချင်ဘူးဆိုရင်တော့ အရေပြားယားတာ သက်သာစေဖို့ ဘာတွေစားရမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အမျိုးသားတွေမှာ ဖြစ်တဲ့ ရင်သားကင်ဆာ

အမျိုးသားတွေမှာ ဖြစ်တဲ့ ရင်သားကင်ဆာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 19, 2020 . 4 mins read
သွေးနီဥအရွယ်အစား သေးငယ်ပြီး သွေးအားနည်းခြင်း (Microcytic Anaemia)

သွေးနီဥအရွယ်အစား သေးငယ်ပြီး သွေးအားနည်းခြင်း (Microcytic Anaemia)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 12, 2020 . 2 mins read
သွေးနီဥဆဲလ်များကြီးမားပြီး သွေးအားနည်းခြင်း (Macrocytic Anemia)

သွေးနီဥဆဲလ်များ ကြီးမားပြီး သွေးအားနည်းခြင်း (Macrocytic Anemia)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 12, 2020 . 2 mins read
နှလုံးအဆို့ရှင် အစားထိုးခွဲစိတ်ခြင်းအကြောင်း

နှလုံးအဆို့ရှင် အစားထိုးခွဲစိတ်ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 5, 2020 . 2 mins read