ဘာကြောင့် ချောင်းဆိုးမပျောက်သေးတာလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020
Share now

ခုလို အအေးဓာတ်ကဲတဲ့ ရာသီမျိုးတွေမှာ လူအတော်များများ ချောင်းဆိုးတဲ့ ဝေဒနာကို ခံစားကြရလေ့ရှိပါတယ်။ အအေးမိလို့ပဲဖြစ်စေ၊ အဆုတ်အားနည်းလို့ပဲဖြစ်စေ၊ တခြားကျန်းမာရေးအခြေအနေတွေကြောင့်ပဲဖြစ်စေ ချောင်းဆိုးတာ၊ ချွဲကြပ်တာမျိုးက ဖြစ်လေ့ဖြစ်ထရှိတဲ့ ကျန်းမာရေးအခြေအနေတစ်ရပ်ဖြစ်ပါတယ်။

တစ်ခါတစ်လေမှာ နေလည်းကောင်းနေပြီ၊ အအေးမိဖျားနာဝေဒနာလည်း ပျောက်ကင်းနေပြီ၊ မိမိမှာလည်း TB ရောဂါ တစ်စုံတစ်ရာ မရှိပါပဲနဲ့ ချောင်းဆက်ပြီး ဆိုးနေသေးတာမျိုးတွေနဲ့ ကြုံရလေ့ရှိပါတယ်။ လက်လှမ်းမှီရာ ချောင်းဆိုးပျောက်ဆေးတွေနဲ့ ကုသကြည့်ပေမယ့်လည်း တိတိပပ ပျောက်ကင်းသွားတာမျိုးမရှိပဲ ချောင်းဆက်ဆိုးနေတတ်တာမျိုးပါ။ ဒီလို ဘာကြောင့်ဖြစ်နေရတာပါလဲ? အောက်ပါ အချက် ၈ ချက်ကြောင့်ဖြစ်နိုင်ပါတယ်။

  • အသက်ရှုလမ်းကြောင်းထဲမှာ ပြဿနာရှိနေတာကြောင့်

    – များသောအားဖြင့် တုပ်ကွေး၊ ဖျားနာအပါအဝင် တခြားသော ကူးစက်နိုင်တဲ့ရောဂါတွေ ဖြစ်ပြီးတဲ့အခါမျိုးမှာ ချောင်းဆိုးနေတာလေးတော့ ကျန်ခဲ့လေ့ရှိပါတယ်။ ဖျားတာနာတာတွေ ပျောက်ကင်းသွားပေမယ့် ခုလို ချောင်းဆိုးတဲ့ အခြေအနေကျန်ခဲ့ရတဲ့ အဓိက အကြောင်းအရင်းကတော့ အသက်ရှုလမ်းကြောင်းထဲမှာ ပိုးကပေးတဲ့ ဝေဒနာတွေကျန်နေသေးလို့ ဖြစ်ပါတယ်။ ရောဂါပိုးတွေ မရှိတော့ပေမယ့် ပိုးတွေကြောင့် အသက်ရှုလမ်းကြောင်းထဲမှာ ဖူးယောင်တာ၊ oversensitive ဖြစ်တာတွေ ဖြစ်ကျန်ခဲ့တာကြောင့်ဖြစ်ပါတယ်။ ဒါကြောင့် တခါတစ်ရံမှာ နေကောင်းကျန်းမာလာပေမယ့် ရက်သတ္တပတ်အနည်းငယ်လောက်အထိ ချောင်းဆက်ဆိုးနေတတ်ပါတယ်။

  • ဖုံးကွယ်နေတဲ့ ကျန်းမာရေးပြဿနာများကြောင့်

    – ရင်ပူတာ၊ ဓာတ်မတည့်တာနဲ့ ပန်းနာရောဂါအခံရှိနေတာတွေကြောင့်လည်း ချောင်းဆိုးပျောက်ခဲတာမျိုးဖြစ်နိုင် ပါတယ်။ အအေးမိတဲ့အခါတိုင်း ပန်းနာရောဂါထတာက ဖြစ်နိုင်ချေများတဲ့ ကိစ္စဖြစ်ပါတယ်။ အေးတဲ့ရာသီဥတုတွေနဲ့ အခြေအနေမျိုးတွေမှာ ပန်းနာရောဂါအခံရှိသူတွေဟာ ချောင်းဆိုးတာ ရင်ကြပ်တာတွေ မကြာခနဖြစ်ပွားတတ်ပါတယ်။ အိပ်ပျော်နေစဉ် မကြာခန အသက်ရှုရပ်တတ်တဲ့ရောဂါအခံရှိသူတွေမှာလည်း ချောင်းဆိုးဖြစ်ရင် တော်တော်နဲ့ မပျောက်ကင်းတတ်ပါဘူး။ ဒါပေမယ့် ဒီရောဂါလက္ခဏာတွေအားလုံးဟာ အလွယ်တကူကုသလို့ရနိုင်ပါတယ်။

  • စိတ်ဖိစီးမှုကြောင့်

    စိတ်ဖိစီးမှုကြောင့်လည်း ချောင်းအဆက်မပြတ်ဆိုးတာမျိုးတွေ ဆက်ဖြစ်နိုင်ပါတယ်။ ဖျားနာနေချိန်မှာ စိတ်ဖိစီးမှုများနေမှာဖြစ်တာမို့ ဒီအချက်ကလည်း ချောင်းဆိုးမှုကို အလျဉ်မပြတ်အောင် ထောက်ကူလေ့ရှိပါတယ်။ ဒါကို လျော့ချဖို့ဆိုရင်တော့ ကောင်းမွန်စွာအနားယူတာက အကောင်းဆုံးပါပဲ။

  • ရေဓာတ် လုံလုံလောက်လောက် မဖြည့်တင်းပေးတာကြောင့်

    – ဖျားနာနေချိန်မှာ ရေ၊ ရေနွေး၊ သစ်သီးဖျော်ရည်၊ စွပ်ပြုတ်စတဲ့ ရေဓာတ်ရနိုင်တဲ့ သောက်သုံးဖွယ်ရာတွေကို လုံလုံလောက်လောက် သောက်သုံးပေးဖို့ လိုအပ်ပါတယ်။ အရည်များများသောက်ပေးခြင်းဟာ အသက်ရှုလမ်းကြောင်းကို ရှင်းလင်းစေပြီးတော့ ချွဲသလိပ်တွေကို လျှော့ချပေးနိုင်ပါတယ်။ တစ်ခု သတိထားရမှာက အယ်လ်ကိုဟောလ်နဲ့ ကဖင်းဓာတ်ပါဝင်တဲ့ ကော်ဖီလို အရည်မျိုးတွေက အသက်ရှုလမ်းကြောင်းကို အကျိုးမဖြစ်ထွန်းစေနိုင်တဲ့အပြင် ရေဓာတ်ခန်းခြောက်စေတဲ့ ဆိုးကျိုးကိုပါ ဖြစ်စေနိုင်တယ်ဆိုတာပါပဲ။

  • Nasal Decongestant Spray ကို အလွန်အကျွံအသုံးပြုတာကြောင့်

    – အအေးမိဖျားနာတဲ့အခါမျိုးတွေမှာ Nasal Spray ဗူးလေးတွေ ဆောင်ထားကြလေ့ရှိပါတယ်။ ရင်ကြပ်တာ၊ နှာစေးတာ၊ အသက်ရှုမဝဖြစ်ချိန်တွေမှာ အဆိုပါ စပရေးဗူးတွေကို အသုံးပြုကြပါတယ်။ ဒါပေမယ့်လည်း အဆိုပါ စပရေးတွေကို အလွန်အကျွံအသုံးပြုတာကလည်း အသက်ရှုလမ်းကြောင်းထဲက အမှေးတွေကို ယောင်ယမ်းစေနိုင်တာမို့ ချောင်းဆိုးတဲ့အခါ တော်ရုံနဲ့ မသက်သာစေတဲ့ ဝေဒနာမျိုးကို ရင်ဆိုင်ရစေပါတယ်။

  • ပတ်ဝန်းကျင် လေထုကြောင့်

    – ပတ်ဝန်းကျင် လေထု ခြောက်သွေ့လွန်းရင် ဒါမှမဟုတ် စိုထိုင်းလွန်းရင်လည်း ချောင်းဆိုးတာရှည်တတ်ပါတယ်။ များသောအားဖြင့် ဆောင်းတွင်းတွေမှာ လေထုဟာ ခြောက်သွေ့တတ်ပြီး မိုးရာသီတွေမှာတော့ စိုထိုင်းစ မြင့်မားတတ်ပါတယ်။ ဒီလို ပတ်ဝန်းကျင်အခြေအနေတွေကလည်း သင်ချောင်းဆိုးနေတာကို တော်တော်ရဲ့ မသက်သာအောင် တွန်းအားပေးနေနိုင်ပါတယ်။

  • ဘက်တီးရီးယားပိုး ကူးစက်တာကြောင့်

    – တစ်ခါတစ်ရံမှာ အအေးမိဖျားနာလိုရောဂါမျိုးတွေ ဖြစ်ပြီးတဲ့အခါမျိုးတွေမှာ မလိုလားအပ်တဲ့ ဘေးထွက်ဆိုးကျိုးတချို့ ကျန်ရစ်ခဲ့ပါတယ်။ ဒီလိုအချိန်မျိုးတွေမှာ အသက်ရှုလမ်းကြောင်းဟာ မူလအခြေအနေအနေကို ပြန်မရောက်သေးတာမို့ ရောဂါပိုးမွှားတွေ အလွယ်တကူ ကပ်ငြိဝင်ရောက်နိုင်နေတာကြောင့်ဖြစ်ပါတယ်။ ဒါကြောင့် ချောင်းဆိုးတာနဲ့ လည်ချောင်းနာတာတွေ ဆက်ပြီး ကျန်ရစ်နေနိုင်ပါတယ်။ ဒီလိုအခြေအနေမျိုးမှာတော့ သက်ဆိုင်ရာ ကျန်းမာရေးပညာရှင်တွေနဲ့ တွေ့ဆုံပြီး Antibiotic အသုံးပြုဖို့ လိုမလိုတိုင်ပင်သင့်ပါတယ်။

  • သွေးတိုးဆေးတွေကြောင့်

    – သင့်မှာ သွေးတိုးရောဂါ အခံရှိနေပြီး ဆေးလည်း သောက်နေရတယ်ဆိုရင်တော့ အဆိုပါ ဆေးတွေကြောင့်လည်း ချောင်းဆိုးမသက်သာတာဖြစ်နိုင်ပါတယ်။ ဒီအချက်က သွေးတိုးရှိတဲ့ လူတိုင်းမှာ ဖြစ်တာတော့မဟုတ်ပါဘူး။ ၅ ဦးမှာ ၁ ဦးနှုန်းလောက်တော့ ဖြစ်နိုင်ချေရှိပါတယ်။

အကောင်းဆုံး အကြံပြုချင်တာကတော့ တစ်ပတ်ထက်ပိုပြီး ချောင်းဆိုးဆက်မပြတ်ဖြစ်နေမယ်ဆိုရင် နီးစပ်ရာ ဆရာဝန်နဲ့ ပြသတိုင်ပင်သင့်ပါတယ်။ တစ်ခါတစ်ရံမှာ ချောင်းဆိုးမပျောက်တာဟာ TB နဲ့ တခြားသော အဆုတ်နဲ့ သက်ဆိုင်တဲ့ ရောဂါကြီးကြီးမားမားတွေကြောင့်လည်းဖြစ်နိုင်တာမို့ပါ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

သာမာန် စိတ်ဓာတ်ကျ ခြင်းနှင့် စိတ်ကျရောဂါ ဝေဒနာ

စိတ်ဓာတ်ကျ စိတ်ကျရောဂါ လေ့ကျင့်ခန်း သတ်သေချင်တဲ့စိတ် မကောင်းမြင်စိတ် အာရုံမစိုက်နိုင် အပြစ်ရှိတဲ့စိတ် မျှော်လင့်ချက်မရှိ အရက်စွဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

စိတ်ဓာတ်ကျနေသူကို ဘယ်လိုအားပေးမလဲ

စိတ်ဓာတ်ကျချိန် မျှော်လင့်ချက်မဲ့ခြင်း စိတ်ကျခြင်း အစားအစာ စိတ်ဖိစီးမှု စိတ်ကျန်းမာရေးဆရာဝန် ကိုယ်ချင်းစာစိတ် လေ့ကျင့်ခန်း အိပ်စက်ပုံ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

လုပ်ငန်းခွင်မှာ အထိုင်များခြင်းနဲ့ စိတ်ကျဝေဒနာ

လုပ်ငန်းခွင်၊ ပြိုင်ဆိုင်မှု၊ တွန်းအား၊ လုပ်ငန်းခွင်ဖိအား၊ ပင်ပန်းမှုဒဏ်၊ ဝန်ထမ်း၊ စိတ်ဖိစီးမှု၊ စိတ်ဓာတ်ကျတာ၊ စိတ်ကျန်းမာရေး၊ အထိုင်များ၊ ကိုယ်လက်လှုပ်ရှား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

ဘေဘီလေးကို ဘယ်အချိန်မှာ ချောကလက် စကျွေးမလဲ။

ဘေဘီလေး မေမေ့နို့ အစာစစား ပန်းဂေါ်ဖီစိမ်း အစာမာ ရေ မေမေဖေဖေ ချောကလက် ကဖင်းဓာတ် သွေးပေါင်ချိန် နှလုံးခုန်နှုန်း အာရုံကြောစနစ် label

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

သားသားမီးမီးတို့ကို လေ့ကျင့်ခန်း လုပ်ခိုင်းပါ

သားသားမီးမီးတို့ကို လေ့ကျင့်ခန်း လုပ်ခိုင်းပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 28, 2020
ပန်းသစ်ခွ နဲ့ ကျန်းမာရေး

ပန်းသစ်ခွ နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 28, 2020
သင့်ကလေးကို စာကြည့်စားပွဲမှာ တစ်ချိန်လုံးထိုင်ကာ စာကြည့်ခိုင်းတော့မှာလား။ အန္တရာယ်များလှပါတယ်နော်

သင့်ကလေးကို စာကြည့်စားပွဲမှာ တစ်ချိန်လုံးထိုင်ကာ စာကြည့်ခိုင်းတော့မှာလား။ အန္တရာယ်များလှပါတယ်နော်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မေ 27, 2020
Skin care တိုင်း ဝက်ခြံကင်းသလား........

Skin care တိုင်း ဝက်ခြံကင်းသလား……..

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 27, 2020