Bronchial adenoma (လေပြွန်အကျိတ်ဖြစ်ခြင်း)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဒီဇင်ဘာ 4, 2019 . 3 mins read
Share now

အဓိပ္ပါယ်ဖွင့်ဆိုချက်

Bronchial adenoma (လေပြွန်အကျိတ်ဖြစ်ခြင်း) ကဘာလဲ။

လေပြွန်အကျိတ်ဖြစ်ခြင်းသည် လေပြွန်နှင့် အဆုတ်တွင်းရှိ လေပြွန်အခွဲများတွင် ဖြစ်သောအကျိတ်ဖြစ်ပြီး အများအားဖြင့် အသက်ရှူလမ်းကြောင်းကို ပိတ်ဆို့စေတတ်သည်။ ယခင်က ထိုရောဂါကို ကင်ဆာမဟုတ်သော အကျိတ်အဖြစ်ရည်ညွှန်းခေါ်ဆိုခဲ့သော်လည်း ယခုမူ အချွဲဂလင်းအကျိတ်များမှ လွဲပြီး ကျန်အကျိတ်များသည် ခန္ဓါကိုယ်အခြားနေရာများသို့ ပြန့်နှံ့တတ်ကြောင်း သိရှိပြီးဖြစ်သည်။

Bronchial adenoma (လေပြွန်အကျိတ်ဖြစ်ခြင်း) က ဘယ်လောက်အဖြစ်များသလဲ

ဒီရောဂါဟာ ရှားပါးသောကင်ဆာတစ်မျိုးဖြစ်ပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။

လက္ခဏာများ

Bronchial adenoma (လေပြွန်အကျိတ်ဖြစ်ခြင်း) ရဲ့လက္ခဏာတွေကဘာတွေလဲ

လေပြွန်အကျိတ်ဖြစ်ခြင်း ရဲ့ အဖြစ်အများဆုံးရောဂါလက္ခဏာတွေကတော့

  • သလိပ်ထဲသွေးပါခြင်း
  • ချောင်းဆိုးခြင်း
  • အသက်ရှူလျှင် တရွှီရွှီမြည်ခြင်း
  • အဆုတ်ရောင်နမိုးနီးယား ခဏခဏဖြစ်ခြင်း
  • အဆုတ်တစ်စိတ်တစ်ပိုင်း ပြားကပ်သွားခြင်း
  • ရက်သတ္တပါတ်၆ပတ်ထက်ပိုပြီး ချောင်းဆိုးနေခြင်း တို့ဖြစ်ပါတယ်။

အခြားဖြစ်တောင့်ဖြစ်ခဲလက္ခဏာတွေကတော့ အရေပြားနီမြန်းခြင်း ဖြစ်ပါတယ်။

အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာရောဂါလက္ခဏာတစ်ခုခုများရှိနေမလားဆိုပြီးစိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

သင့်ဆီမှာအထက်ဖော်ပြပါ ရောဂါလက္ခဏာတွေထဲကတစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာမတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကိုသင့်ဆရာဝန်နဲ့ တိုင်ပင်တာကအကောင်းဆုံးပါပဲ။

အကြောင်းရင်းများ

Bronchial adenoma (လေပြွန်အကျိတ်ဖြစ်ခြင်း) ကိုဘာတွေကဖြစ်စေသလဲ

ဆရာဝန်များလည်း အကြောင်းအရင်း အတိအကျကို မသိပါ။ အချို့ ကင်ဆာများမှာ မျိုးရိုးကြောင့် ဖြစ်နိုင်ခြေရှိပါတယ်။

ဖြစ်နိုင်ခြေများ

ငါ့ဆီမှာ Bronchial adenoma (လေပြွန်အကျိတ်ဖြစ်ခြင်း) ဖြစ်နိုင်ခြေကိုဘာ်တွေက မြင့်တက်စေသလဲ

လေပြွန်အကျိတ်ဖြစ်ခြင်း ဖြစ်ပွားနိုင်ချေကိုမြင့်စေတဲ့အကြောင်းရင်းတွေ အများကြီးရှိပါတယ်။ ဥပမာအားဖြင့်

  • မျိုးရိုးဗီဇ
  • ဟော်မုန်းနှင့်ပတ်သတ်သည့် ကင်ဆာရောဂါစု ရှိခြင်း
  • ဦးခေါင်းနှင့် လည်ပင်းသို့ ဓါတ်ရောင်ခြည်ကုသမှုခံယူထားခြင်း

အထက်ပါဖြစ်ပွားနိုင်ချေများမရှိခြင်းကြောင့် သင့်မှာ လေပြွန်အကျိတ်ဖြစ်ခြင်း မဖြစ်ဘူးလို့ ပြောလို့မရနိုင်ပါဘူး။ ဒီအချက်လက်များဟာမှီငြမ်းကြည့်ရှုဖို့အတွက်ပဲဖြစ်ပါတယ်။ အသေးစိတ်သိရှိလိုပါက ဆရာဝန်နှင့် တိုင်ပင် ဆွေးနွေးဖို့ လိုအပ်ပါတယ်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Bronchial adenoma (လေပြွန်အကျိတ်ဖြစ်ခြင်း) ကို ဘယ်လိုအတည်ပြုပါသလဲ

လေပြွန်အကျိတ်ဖြစ်ကြောင်းသိဖို့ ဆရာဝန်က အောက်ပါစစ်ဆေးမှုများ ပြုလုပ်ပါမည်။

  • အသားစယူခြင်းဖြင့် ကင်ဆာဟုတ်မဟုတ် မိုက်ခရိုစကုပ်အောက်မှာ စစ်ဆေးကြည့်ပါမည်။
  • ဓါတ်မှန် ရိုက်ခြင်းဖြင့် ကိုယ်တွင်းအင်္ဂါများကို ပုံရိပ်ဖော်ကြည့်ခြင်း။ ရင်ဘတ်ဓါတ်မှန်ရိုက်ခြင်းဖြင့် အဆုတ်ထဲရှိ အကျိတ်ကို ရှာဖွေကြည့်နိုင်မည်။
  • သံလိုက်ဓါတ်မှန်ရိုက်ခြင်းဖြင့် အစွမ်းထက်ရေဒီယို သံလိုက်လှိုင်းများကို သုံးပြီး ကိုယ်တွင်းအင်္ဂါများကို ပုံရိပ်ဖော်ကြည့်ခြင်း။ အကျိတ်၏အရွယ်အစားကို သိနိုင်သည်။ မရိုက်မီ အရည်တစ်မျိုးကိုသောက်ခြင်း သို့မဟုတ် အကြောထဲမှသွင်းခြင်း ပြုလုပ်ရမည်။ ထိုဆိုးဆေးကို သုံးမှသာ ပိုမို ရှင်းလင်းသောပုံရိပ်ကို မြင်ရမည်။

ဆရာဝန်က အကျိတ်ကို ရှာဖွေရန်နှင့် အခြားနေရာပြန့်မပြန့် ကြည့်ရန် အခြားစစ်ဆေးမှုများလည်း လုပ်နိုင်သည်။

Bronchial adenoma (လေပြွန်အကျိတ်ဖြစ်ခြင်း) ကို ဘယ်လိုကုသပါသလဲ

ကုသမှုသည် သင့် ကင်ဆာအမျိုးအစားနှင့် အဆင့်၊ အသက်၊ ကျန်းမာရေးအခြေအနေနှင့် ရွေးချယ်မှုအပေါ်လည်း မူတည်သည်။

ရွေးစရာနည်းလမ်းများမှာ

  • ခွဲစိတ်ခြင်း။ အဓိကကုသမှုဖြစ်သည်။ ကင်ဆာအကျိတ်နှင့် အနီးအနားရှိ တစ်သျှူးများကို ခွဲစိတ်ဆရာဝန်က ဖြတ်ထုတ်သည်။ ရောဂါပြန့်နှံ့မှု ရပ်တန့်စေရန် အနီးတဝိုက်ရှိ ပြန်ရည်ကျိတ်များကိုလည်း ခွဲထုတ်ရသည်။
  • ဓါတ်ရောင်ခြည်ပြခြင်း။ ကင်ဆာဆဲလ်များကို သတ်ရန် စွမ်းအားမြင့် X-ray ကို သုံးသည်။ ထိုနည်းဖြင့် ရောဂါခံစားရ သက်သာစေသည်။ ခွဲစိတ်ပြီးမှ လက်ကျန်ကင်ဆာဆဲလ်များကို ရှင်းရန်လည်း သုံးနိုင်သည်။ အများအားဖြင့် ခန္ဓါကိုယ်ပြင်ပရှိ စက်တစ်ခုက ဓါတ်ရောင်ခြည်ပေးခြင်း ဖြစ်သည်။ အခြားတစ်နည်းမှာ အကျိတ်အနားတွင် ရေဒီယိုသတ္တိကြွဆေးတောင့်လေးတစ်ခု မြှုပ်နှံထားခြင်းဖြစ်သည်။ ရက်အနည်းငယ်ကြာလျှင် ဆရာဝန်က ပြန်ထုတ်ပေးလိမ့်မည်။ ဓါတ်ရောင်ခြည်ကြောင့် ရနိုင်သော ဘေးထွက်ဆိုးကျိုးများမှာ
  • ပင်ပန်းနွမ်းနယ်ခြင်း
  • ဓါတ်ရောင်ခြည်ထိထားသော နေရာတွင် နီမြန်းခြင်း
  • လည်ပင်းနှင့် ပါးစပ်နာခြင်း
  • ချောင်းဆိုးခြင်း
  • အသက်ရှူမဝခြင်း တို့ဖြစ်သည်။

ဓါတ်ရောင်ခြည်နှင့် ကုသမှုပြီးသည်နှင့် ထိုပြဿနာများ ရှိတော့မည်မဟုတ်ပါ။

  • ကင်ဆာဆေးသွင်းကုသခြင်း။ တစ်ကိုယ်လုံးရှိ ကင်ဆာဆဲလ်များကို သတ်ရန်သုံးသောဆေးဖြစ်သည်။ အကြောဆေးသို့မဟုတ် သောက်ဆေးအနေဖြင့် ပေးသည်။ ကင်ဆာပြန့်နေပြီးဖြစ်ပါက အခြားကုသမှုများနှင့်တွဲပေးနိုင်သည်။ ခွဲစိတ်ပြီးမှ လက်ကျန်ကင်ဆာဆဲလ်များကို ရှင်းရန်လည်း သုံးနိုင်သည်။ ကင်ဆာဆေးသွင်းကုသခြင်းကြောင့် ရနိုင်သော ဘေးထွက်ဆိုးကျိုးများမှာ
  • ပင်ပန်းနွမ်းနယ်ခြင်း
  • ပျို့အန်ခြင်း
  • ဆံပင်ကျွတ်ခြင်း
  • အစားအသောက်ပျက်ခြင်း
  • ဝမ်းလျှောခြင်း
  • ရောဂါပိုးဝင်လွယ်ခြင်း တို့ဖြစ်သည်။
  • ကိုယ်ခံအားစနစ်ကိုကုသခြင်း။ ကင်ဆာကို ရှာဖွေတိုက်ထုတ်နိုင်သည့် ခန္ဓါကိုယ်ခုခံအားစနစ်ကို အားဖြည့်ပေးသော ဆေးများဖြစ်သည်။ ကင်ဆာအကျိတ်ကို သေးငယ်သွားစေပြီး ကြီးထွားမှုရပ်တန့်စေသည်။
  • ပစ်မှတ်ထားကုထုံး။ သင့်ကင်ဆာအမျိုးအစားအတွက် သီးသန့်ဖြစ်သော ကြီးထွားစေသည့်ပရိုတင်း သို့မဟုတ် မျိုးဗီဇကို ကင်ဆာမပြန့်နှံ့စေရန် ပစ်မှတ်ထား တိုက်ခိုက်သည်။

လူနေမှုပုံစံပြောင်းလဲခြင်းနှင့် အိမ်သုံးကုထုံးများ။

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက လေပြွန်အကျိတ်ဖြစ်ခြင်း ကိုကုသရာမှာဘယ်လိုအထောက်အကူပြုနိုင်မလဲ။

အောက်ဖော်ပြပါ လူနေမှုပုံစံများနဲ့ အိမ်သုံးကုထုံးများကသင့်အနေဖြင့် လေပြွန်အကျိတ်ဖြစ်ခြင်း ကိုကုသတဲ့နေရာမှာနဲ့ လိုက်လျောညီထွေဖြစ်အောင်နေတဲ့နေရာတွေမှာအကူအညီပေးနိုင်ပါတယ်။

လေပြွန်အကျိတ်ကို ကုသမှုခံယူရာမှာ ဖိစီးမှုများနိုင်ပါတယ်။ သင့်ခံစားချက်များကို ဆရာဝန်၊ သူနာပြုများနှင့် ကုသရေးအဖွဲ့ဝင်များကို ပွင့်ပွင့်လင်းလင်း ပြောပြပါ။ ကုထုံးဆရာ/စိတ်ရောဂါပညာရှင်/နှစ်သိမ့်ဆွေးနွေးပေးသူ တို့ကလည်း သင့်သောကများ၊ ခံစားချက်များကို သက်သာစေဖို့ ကူညီနိုင်ပါတယ်။

ရောဂါတူသူတွေ ဖွဲ့စည်းထားတဲ့ ကူညီရေးအဖွဲ့ကိုလည်း ရှာဖွေနိုင်ပါတယ်။ သင်ခံစားနေရတဲ့အတိုင်း ကြုံတွေ့ဖူးကြတဲ့၊ သင်ဘယ်လိုခံစားနေရတယ်ဆိုတာ သိတဲ့သူတွေနဲ့ စကားပြောခြင်းဟာ အကူအညီ ဖြစ်စေပါလိမ့်မယ်။

အကယ်၍သင့်မှာမေးခွန်းတွေရှိမယ်ဆိုရင် သင့်အတွက်သင့တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ပုံမှန်မဟုတ်တဲ့ စိုးရိမ်ပူပန်လွန်ကဲခြင်း လက္ခဏာများ

    လူအများစုရဲ့ ဘဝမှာ တစ်ခါလောက်တော့ စိုးရိမ်ပူပန်တာမျိုး ဖြစ်တတ်ကြပါတယ်။ ကျွန်တော်တို့နေ့စဉ်ဘဝမှာ ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    ဝှေးစေ့ကင်ဆာအကြောင်း တစေ့တစောင်း

    လိင်ကျန်းမာရေး အမျိုးသားရောဂါ ကင်ဆာကုထုံး ရောဂါလက္ခဏာများ ဝှေးစေ့ကင်ဆာ ဘယ်သူတွေမှာ အဖြစ်များလဲ ရောဂါရှိမရှိ ဘယ်လိုစစ်ဆေးမလဲ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    ဆီးလမ်းကြောင်းပိုးဝင်ခြင်းရဲ့ ရောဂါလက္ခဏာများ

    When invisible germs enter the urinary tract for a variety of reasons, they begin to show symptoms of urinary tract infection. bacteria , Fungal infections; In very rare cases, it can be caused by a virus. Studies ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    လည်ချောင်းခြောက်ပြီး ယားနေတာ ဒါတွေကြောင့် ဖြစ်နိုင်တယ်နော်

    အအေးမိဖျားနာ ဓါတ်မတည့်ခြင်း ခံတွင်းခြောက်ခြင်း ရောဂါလက္ခဏာများ ရာသီအကူးအပြောင်းကာလ အိပ်နေစဉ်အသက်ရှုရပ်တန့်ခြင်း ပျောက်ကင်းသက်သာအောင်ဘယ်လိုလုပ်မလဲ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    သင့်အတွက် ရွေးချယ်ထားသည်

    နှလုံးရောဂါ အကြောင်း

    နှလုံးရောဂါ အကြောင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Ye Zon Aung
    ရေးသား ထုတ်ဝေခဲ့သည် အောက်တိုဘာ 20, 2020 . 5 mins read
    ကြက်ညှာချောင်းဆိုးရောဂါ အချိန်မှီကာကွယ်ပါ

    ကြက်ညှာချောင်းဆိုးရောဂါ အချိန်မှီကာကွယ်ပါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် ဇူလိုင် 3, 2020 . 2 mins read
    မိုးရာသီရဲ့နတ်ဆိုး (သို့မဟုတ်) သွေးလွန်တုပ်ကွေးရောဂါ

    မိုးရာသီရဲ့နတ်ဆိုး (သို့မဟုတ်) သွေးလွန်တုပ်ကွေးရောဂါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် ဇွန် 8, 2020 . 3 mins read

    ကလေးများတွင်ဖြစ်သော မျက်လုံးတိမ်စွဲခြင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Zon Aung
    ရေးသား ထုတ်ဝေခဲ့သည် ဇန်နဝါရီ 20, 2020 . 2 mins read