အစာအိမ်နှင့်အူလမ်းကြောင်း ကျန်းမာရေး

“အစာခြေစနစ်ဆိုတာ အစာအိမ်နဲ့ အူလမ်းကြောင်းအပြင် အသည်း၊ ပန်ကရိယနဲ့ သည်းခြေအိတ် စတာတွေနဲ့ ဖွဲ့စည်းထားတာပဲ ဖြစ်ပါတယ်။ အစာခြေစနစ်ဆိုတာ ပါးစပ်ကနေ စအိုအထိ တိုးလျိုးပေါက် ပြွန်တွေနဲ့ ဆက်ထားတာ ဖြစ်ပါတယ်။ ခံတွင်း၊ အစာရေမျိုပြွန်၊ အစာအိမ်၊ အူသိမ်၊ အူမ၊ စအိုစတာတွေက နှစ်ဖက်ပွင့် အင်္ဂဂါရပ်တွေပဲ ဖြစ်ပါတယ်။ အသည်း၊ ပန်ကရိယနဲ့ သည်းခြေအိတ်တို့ကသာ အစိုင်အခဲ ဖြစ်ပါတယ်။”

“အစာခြေစနစ်က ခန္ဓာကိုယ်တစ်ခုလုံးကို အာဟာရတွေ ပို့ပေးပြီး ကျန်းမာစေဖို့ အရေးကြီးပါတယ်။ အစာခြေစနစ်သာ မကောင်းဘူးဆိုရင် နေမကောင်းတဲ့ လက္ခဏာတွေ ဖြစ်တဲ့ ဗိုက်အောင့်တာ၊ လေပွတာ၊ အစာမကြေတာ စတဲ့ ဝေဒနာတွေကို ခံစားရမှာပါ။ ဒါ့ပြင် စားသမျှကနေ အာဟာရလည်း လုံလုံလောက်လောက် မရတဲ့အတွက် အာဟာရချို့တဲ့ လာမှာပါ။ ဒါကြောင့် အစာခြေစနစ်က အရေးပါပါတယ်။”

“အဖြစ်များတဲ့ အစာခြေစနစ်ပြဿနာတွေက
-စားချဉ့်ရည်ပြန်တဲ့ရောဂါ (GERD)
-အူလှုပ်ရှားမှု ပုံမှန်မဟုတ်တဲ့ရောဂါ (IBS)
-အစာအိမ်နဲ့ အူအနာ
-Diverticular ရောဂါ
-သည်းခြေကျောက်တည်တာ
-Celiac ရောဂါ
-ဝမ်းချုပ်တာ
-ဝမ်းလျှောတာ စတာတွေပဲ ဖြစ်ပါတယ်။”

“အက်စစ်ဓာတ်များတယ်ဆိုတာ အစာအိမ်အက်စစ်တွေ ရှိသင့်တာထက် များနေတာဖြစ်ပြီး ဗိုက်အောင့်တာ၊ ခံတွင်းချဉ်တာ၊ ရင်ပူတာ စတဲ့ လက္ခဏာတွေ ခံစားရတတ်ပါတယ်။ အက်စစ်ဓာတ်များရတဲ့ အကြောင်းရင်းကတော့ အစာအိမ်ထဲမှာ အစာအိမ်အနာနဲ့ ရောင်ရမ်းတာကို ဖြစ်စေတဲ့ H.pylori လို့ ခေါ်တဲ့ ဘက်တီးရီးယား ရှိနေတာကြောင့်ပဲ ဖြစ်ပါတယ်။”