အမျိုးသားတွေက သူ့ကိုယ်ကိုယ် သန်မာတယ်လို့ ထင်တတ်ကြပါတယ်။ ဒါက သဘာဝပါပဲ။ ခွန်အားကြီးမားတယ်၊ သန်မာတယ်လို့ ယူဆတဲ့အတွက် နေတာထိုင်တာလည်း သိပ်ဂရုမစိုက်ပါဘူး။ တုံးတိုက်တိုက်၊ ကျားကိုက်ကိုက်ပေါ့။
ခုခံအားကျစေနိုင်တဲ့ အမူအကျင့်တွေ ဖြစ်တဲ့ ဆေးလိပ်သောက်တာ၊ အရက်သောက်တာတွေကို အမျိုးသားတွေက ပိုလုပ်တတ်ကြတာကြောင့် တကယ်တမ်း ပိုးဝင်လာခဲ့ရင် ပြန်ပြီးနာလန်ထဖို့ ခက်ခဲပါတယ်။ အဝလွန်တာကလည်း သူတို့က ပိုများတာကြောင့် ပိုပြီးတော့လည်း ခံရပါတယ်။
လူနေမှု အဆင့်အတန်းအရလည်း အိမ်ထောင်ဦးစီးတွေ၊ မိသားစုဝင်ငွေရှာသူတွေ ဖြစ်နေတာကြောင့် တကယ်တမ်း ထွက်ပြီး ပိုက်ဆံရှာဟေ့ဆိုလည်း သူတို့ပဲ လူကြား သူကြားထဲ သွားရတာပါ။ ဒါကလည်း ကူးစက်မှုများစေတဲ့ အကြောင်းတွေထဲက တစ်ချက်ပါပဲ။
ခုနကလို ပြောခဲ့တဲ့ အမူအကျင့်တွေ (ဆေးလိပ်သောက်တာ၊ အရက်သောက်တာ)က ခုခံအားကျစေတာအပြင် နောက်ဆက်တွဲ နာတာရှည်ရောဂါတွေကို ဖြစ်စေနိုင်ပါတယ်။ ဥပမာ ဆေးလိပ်သောက်တာကြောင့် အဆုတ်ရောဂါ၊ နှလုံးသွေးကြောကျဉ်းရောဂါ၊ အရက်သောက်တာကြောင့် အသည်းရောဂါ။ ဒီရောဂါအခံတွေ ရှိနေရင် ပိုးဝင်ကူးစက်ခံရရင် ပိုခံစားရသလို နာလန်ပြန်ထူလာရင်တောင်မှ အရင်လို ပြန်ဖြစ်ဖို့ ခက်ခဲနိုင်ပါတယ်။
COVID-19က အမျိုးသားတွေမှာ နောက်ဆက်တွဲ ဘာတွေဆက်ခံစားရမှာလဲ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။