Covid-19 ကူးစက်ခံရသူမှာ ရောဂါလက္ခဏာလုံးဝမပြတာရော ဖြစ်နိုင်လား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 23, 2020 . 2 mins read
Share now

Covid-19 ကပ်ဘေးဟာ မြန်မာနိုင်ငံကို ရောက်လာတာ အခုဆိုရင် ၆လတောင် ရှိနေပါပြီ။ လက်ရှိ Second Wave မှာဆိုရင် ကူးစက်သူဦးရေလည်း ထောင်ကျော်လာသလို သေဆုံးသူအရေအတွက်ဟာလည်း ပိုမိုများပြားလာပါပြီ။ ပုံမှန်အားဖြင့် Covid-19 ဗိုင်းရပ်စ် ကူးစက်ခံရပြီး ၂ ရက်မှ ၁၄ ရက်အတွင်း ချောင်းခြောက်ဆိုးခြင်း၊ ဖျားနာခြင်း၊ အသက်ရှူကြပ်ခြင်း၊ အနံ့ အရသာခံမရခြင်း စတဲ့ လက္ခဏာတွေ တွေ့ရတတ်ပါတယ်။

Covid-19 နဲ့ ဆင်တူလက္ခဏာများကို တွေ့ရပြီဆိုတာနဲ့ မိမိအနေနဲ့ ကိုယ့်မှာ ရောဂါပိုးရှိမရှိကို Swab Test ဖြင့် စစ်ဆေးမှု ပြုဖို့ လိုအပ်ပါတယ်။ ရောဂါပိုးရှိတယ်ဆိုရင် ဆေးရုံတက်ရမှာ ဖြစ်ပြီး ရောဂါပိုးမရှိဘူးဆိုရင်တော့ သေချာအောင် စစ်ဆေးဖို့ ကွာရန်တင်းဝင်ရမှာပဲ ဖြစ်ပါတယ်။

ဒါဆို Covid-19 ကူးခံရပြီး ဘာရောဂါလက္ခဏာမှ မပြတာမျိုးရော မရှိဘူးလားလို့ မေးစရာပေါ်လာပါတယ်။ ဒီမေးခွန်းအတွက် အဖြေအတိအကျမရှိသေးပေမဲ့ ရှိနိုင်တယ်လို့ပဲ ဖြေရမှာပါ။ ဘာကြောင့်လဲဆိုတော့ ကိုယ်ခံအားကောင်းနေသူ၊ ကိုယ်တွင်းအင်္ဂါတွေ အထူးသဖြင့် အဆုတ်၊ နှလုံး အားကောင်းနေသူတွေမှာ ရောဂါလက္ခဏာ ပြတာမျိုးလည်း ရှိသလို လုံးဝမပြတာမျိုးလည်း ဖြစ်နိုင်ပါတယ်။

ဒီလူတွေဟာ အန္တရာယ်များလား။

ယခုလက်ရှိအခြေအနေအရ သုံးသပ်ရမယ်ဆိုရင်တော့ ကာယကံရှင်အနေနဲ့ရော၊ ထိုသူနဲ့ ထိစပ်နေတဲ့ မိသားစုဝင်တွေအတွက်ပါ တော်တော်လေးကို အန္တရာယ်များပါတယ်။ ဘာကြောင့် ဒီလိုပြောရတာလဲဆိုတော့

၁။ ပိုးကူးစက်ခံရပေမယ့် လက္ခဏာ လုံးဝမပြသူတွေဟာ အချိန်တော်တော်ကြာမှ လက္ခဏာပြတတ်ပြီး ရောဂါအခြေအနေ ဆိုးရွားလာတာမျိုးလည်း ရှိနိုင်တယ်။ ရှိလို့ရှိမှန်း လုံးဝမသိ၊ ကုသမှုလည်း မခံယူဘဲ သူ့ဘာသာပျောက်သွားတာမျိုးလည်း ရှိနိုင်ပါတယ်။

၂။ ရောဂါလက္ခဏာ မခံစားရတဲ့တိုင်အောင် ထိုသူရဲ့ ကိုယ်ခန္ဓာမှာ ရောဂါပိုးရှိတဲ့အတွက် တခြားသူတွေကိုပါ လည်ချောင်း၊ နှာခေါင်းကနေတစ်ဆင့် ထွက်တဲ့ တံတွေးအမှုန်အမွှားကနေ ကူးစက်ခံရနိုင်ပါတယ်။

၃။ ကာယကံရှင်က ကံကောင်းပြီး ရောဂါလက္ခဏာမပြဘူး၊ ဘာဝေဒနာမှလည်း မခံစားရဘူးဆိုရင်တောင် တစ်အိမ်တည်း အတူနေသူတွေအတွက် ဒီလိုဖြစ်ချင်မှ ဖြစ်မှာပါ။ အထူးသဖြင့် အသက်ကြီးပိုင်းတွေ၊ အဆုတ်၊ နှလုံးမကောင်းသူတွေမှာ ကျန်းမာရေးအခြေအနေ ဆိုးရွားလာနိုင်ပါတယ်။

၄။ မိမိကိုယ်ကို ရောဂါကင်းစင်တယ်အထင်နဲ့ မိသားစုဝင်တွေအပြင် တခြားသူစိမ်းတွေနဲ့ ထိတွေ့ဆက်ဆံတဲ့အခါမှာလည်း ကူးစက်နှုန်းကို မြင့်တက်စေပါတယ်။

ဒါဆို ဘယ်လိုလုပ်ကြမလဲ။

အမြဲတမ်း မှာခဲ့သလိုပါပဲ။ ဘယ်သူဘယ်ဝါမှာ ရောဂါပိုးရှိတယ်၊ မရှိဘူးဆိုတာ Swab Test နမူနာဖြင့် စစ်ဆေးမှုမပြုဘဲ မသိနိုင်တဲ့အတွက် ကိုယ့်ဘက်က ကာကွယ်မှုအမြဲ ယူထားဖို့ လိုအပ်ပါတယ်။

မဖြစ်မနေ လုပ်ပေးရမှာက

  • အပြင်သွားတိုင်း Mask တပ်ပေးပါ
  • လက်ကို အမြဲဆေးကြောပါ
  • အပြင်ကို အရေးတကြီး ကိစ္စမရှိဘဲ လုံးဝမထွက်ပါနဲ့
  • မိသားစုဝင်အပါအဝင် တခြားသူတွေနဲ့ စကားပြောတဲ့အခါ ခပ်ခွာခွာပြောပါ
  • တခြားသူရဲ့ အသုံးအဆောင်တွေကို မျှဝေသုံးစွဲတာမျိုး မလုပ်ပါနဲ့
  • သူစိမ်းတွေနဲ့ စုဆုံတွေ့တာမျိုး မလုပ်ပါနဲ့
  • ကပ်ရောဂါကို ပေါ့သေးသေး မမှတ်ပါနဲ့

Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာကောင်းတဲ့ ဘဝနေ့ရက်များကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

COVID-19 Outbreak updates
Country: Myanmar
Data

49,072

Confirmed

28,636

Recovered

1,172

Death
Distribution Map

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စာသင်ကျောင်းတွေ ပြန်ဖွင့်ဖို့ စောနေသေးလား…

စာသင်ကျောင်း ကိုဗစ် ကပ်ဘေးကာလ ရောဂါပိုး မြန်မာနိုင်ငံ ကူးစက် ကာကွယ် ဒုတိယလှိုင်း Mask ကွမ်းတံတွေး ချောင်းဆိုး နှာချေ လက်ဆေး ကလေး လူကြီး ပိုးကူးစက်သူ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 25, 2020 . 2 mins read

ကိုယ့်ရဲ့ နေအိမ်ဝန်းကျင် သန့်ရှင်းသပ်ရပ်နေတဲ့အခါ…

နေအိမ် အိမ်သန့်ရှင်းရေး အမှိုက် ဖုန်တက် လေ့ကျင့်ခန်း အိပ်ရာ မီးဖိုချောင် အိမ်သာ ရေချိုးခန်း ရောဂါပိုးမွှား ကိုဗစ် ကပ်ဘေး ဖျားနာ စိတ်ဖိစီး ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

အဝတ်အထည်၊ ပိုက်ဆံနဲ့ အိမ်မွေးတိရစ္ဆာန်တွေပေါ်မှာ ကိုရိုနာဗိုင်းရပ်စ် ဘယ်လောက်ကြာကြာ အသက်ရှင်နိုင်သလဲ

ကိုရိုနာဗိုင်းရပ်စ် ဟာ အဝတ်အထည်၊ စက္ကူ၊ ပိုက်ဆံတွေနဲ့ အိမ်မွေးတိရစ္ဆာန်လေးတွေရဲ့ အမွေးတွေမျာ ကပ်ငြိနေနိုင်ပါတယ်။ ဒါကြောင့် ကိုင်တွယ်ပြီးတိုင်း လက်ဆေးပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

Stay at Home မှာ ဝိတ်တက်လာသူတွေအတွက် ပေါ့ပေါ့ပါးပါး လေ့ကျင့်ခန်းလေးများ

ကိုဗစ်ကြောက်လို့ အိမ်တွင်းအောင်းနေရတာနဲ့ အပျင်းပြေ မုန့်တွေစားရင်း အထိုင်များရင်း စိတ်ဖိစီးရင်း ဝိတ်တွေ တက်လာလို့ စိတ်ညစ်နေပြီလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 23, 2020 . 2 mins read

သင့်အတွက် ရွေးချယ်ထားသည်

လူကြီး ပန်းနာရင်ကြပ် အကြောင်း

လူကြီး ပန်းနာရင်ကြပ် အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 27, 2020 . 3 mins read
ကိုဗစ်ကာလမှာ လူတိုင်းသိချင်နေမယ့် ပုံမှန်အောက်ဆီဂျင်ပမာဏဆိုတာ ဘာလဲ

ကိုဗစ်ကာလမှာ လူတိုင်းသိချင်နေမယ့် ပုံမှန်အောက်ဆီဂျင်ပမာဏဆိုတာ ဘာလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 27, 2020 . 2 mins read
သွေးတွင်း အောက်ဆီဂျင်နည်းနေပြီဆိုတာသိသာစေမယ့် လက္ခဏာများ

သွေးတွင်း အောက်ဆီဂျင်နည်းနေပြီဆိုတာသိသာစေမယ့် လက္ခဏာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 27, 2020 . 2 mins read
COVID-19 ရန် ကာကွယ်ဖို့ အချိန်ဘယ်လောက်ပေးပြီး လေ့ကျင့်ခန်းလုပ်ရမလဲ

COVID-19 ရန် ကာကွယ်ဖို့ အချိန်ဘယ်လောက်ပေးပြီး လေ့ကျင့်ခန်းလုပ်ရမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 25, 2020 . 2 mins read