ကျွမ်းကျင်သူတွေကတော့ SARS-CoV-2 လို့ခေါ်တဲ့ ကိုဗစ်ပိုးဟာ ဆံပင်မှာတွယ်ငြိနိုင်ပါတယ်တဲ့။ ဒါပေမယ့် ဒီလိုတွယ်ငြိရုံနဲ့ ဒီပိုးကြောင့် ကိုယ်မကျန်းမမာဖြစ်မယ်လို့တော့ တစ်ထစ်ချယုံကြည်ဖို့မလိုဘူးလို့ ဆိုကြပါတယ်။ အကြောင်းကတော့ ကိုဗစ်ပိုးရဲ့ အားနည်းချက်ဟာ လူ့ခန္ဓာကိုယ်ရဲ့အပြင်ဘက်မှာ အကြာကြီးမနေနိုင်တာကြောင့်လို့ ဆိုပါတယ်။
ပိုးက ဆံပင်မှာကပ်ငြိနေရင်တောင်မှ ခန္ဓာကိုယ်အတွင်းကို ဝင်ဖို့နည်းလမ်းရှာတွေ့ဖို့လိုအပ်တာကြောင့် အလွယ်တကူဖျားနာဖို့၊ ရောဂါကူးဖို့ ခက်ခဲပါတယ်။ ဒါပေမယ့် လုံးဝမဖြစ်နိုင်တာတော့ မဟုတ်ပါဘူး။ ဒါကြောင့် စိတ်မသန့်ရင် သေချာခေါင်းလျှော်ပေးဖို့ အကြံပြုကြပါတယ်။
တချို့ကတော့ မေးချင်မေးနိုင်ပါတယ်။ ဆံပင်ပေါ်တွယ်ငြိနေမှတော့ ဦးရေပြားကနေတဆင့် မကူးနိုင်ဘူးလားလို့ပေါ့။ တကယ်တော့ ဦးရေပြားပေါ်မှာ အကာအကွယ်အဖြစ်တည်ရှိနေတဲ့ အဆီလွှာတစ်ထပ်ရှိပါတယ်။ ဒါကြောင့် ပိုးတွေကူးစက်ဖို့ ခက်ခဲတာပါ။ ဒီအဆီမှာပါရှိတဲ့ antimicrobial effect ကြောင့် ရောဂါပိုးတွေလည်း လျင်လျင်မြန်မြန်သေစေနိုင်ပါသေးတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။