ကိုယ်ဝန်ဆောင်ချိန်မှာ ဆီးစပ်ကိုက်တာက ဖြစ်တတ်ပါတယ်။ အများစုကတော့ အန္တရာယ်မရှိပါဘူး။ ဥပမာ
−ကလေးမွေးရမှာမို့လို့ ဆီးခုံရိုးလေး အနည်းငယ်ဟလာတာ
−ကိုယ်ဝန်နဲ့ ကလေးရဲ့ ဝိတ်က ဆီးခုံမှာလာပိတာ
−ကလေးကန်တာ
−အရွတ်တွေတင်းတာ
−ဆီးအိမ်တင်းတာ
−ဝမ်းချုပ်တာ စတာတွေကြောင့်ပါ။
ဒီလိုမဟုတ်ဘဲ အန္တရာယ်ရှိတဲ့ အခြေအနေတွေဖြစ်တဲ့
−ကိုယ်ဝန်ပျက်တာ
−စောမွေးချင်တာ
−နေရာမှားပြီး သန္ဓေတည်တာ
−အချင်းကွာတာ စတာတွေမှာလည်း ဆီးစပ်ကိုက်တတ်ပါတယ်။
ဒီတော့ မေမေတို့ ဆီးစပ်ကိုက်ရင်ဘာကြောင့်လဲဆိုတာခွဲဖို့ မလွယ်ပါဘူး။ ဒီတော့ ဒီလက္ခဏာတွေ ခံစားရရင် ဆရာဝန်နဲ့ ပြန်ပြပါ။
-လမ်းမလျှောက်နိုင်လောက်အောင် နာရင်
−ဖျားနာ၊ သွေးဆင်း၊ ခေါင်းမူးနေရင်
−ရုတ်တရက် ခြေလက်တွေ ဖောလာရင်
−ကလေးအလှုပ်နည်းသွားရင်
−မိန်းမကိုယ်ကနေ ပုံမှန်မဟုတ်တဲ့ အဖြူတွေ ဆင်းလာရင်ပဲ ဖြစ်ပါတယ်။
ဒါတွေ မရှိပေမယ့် တစ်ခုခုကို စိုးရိမ်တယ်ဆိုရင်လည်း ဆရာဝန်နဲ့ ပြသင့်ပါတယ်။